Adultery இந்த தளத்தில் உங்கள் மனம் கவர்ந்த எழுத்தாளர் யார்?

[Geneliarasigan]

என்னையும் குறிப்பிட்டு, "ரெண்டு பேர் ரொம்ப நல்லா எழுதுறீங்க" என்று சொன்னதற்கு மனதார நன்றி. உங்கள் பாராட்டு எங்களைப் போன்ற எழுத்தாளர்களுக்கு மிகப்பெரிய சந்தோஷம். ❤️

இங்கே எழுதும் ஒவ்வொரு ஆசிரியரும் தங்களுடைய குடும்பம், வேலை, பொறுப்புகள் என அனைத்திற்கும் நடுவில் நேரம் ஒதுக்கித்தான் கதைகளை எழுதுகிறார்கள். அதற்காக எங்களுக்கு எந்தவித பண வருமானமும் கிடைப்பதில்லை.

ஒரு YouTube வீடியோ போட்டால்கூட அதற்கு வருமானம் கிடைக்கிறது. ஆனால் இங்கே எழுதப்படும் கதைகள் சில நேரங்களில் திருடப்பட்டு, வேறு தளங்களில் பணம் சம்பாதிக்கப் பயன்படுத்தப்படும் வேதனையான சம்பவங்கள்கூட நடக்கின்றன.

அது எல்லாம் தெரிந்தும், பல எழுத்தாளர்கள் தொடர்ந்து எழுதுவதற்கான ஒரே காரணம்... உங்களைப் போன்ற வாசகர்களின் அன்புதான்.

நீங்கள் போடும் ஒரு Like, எழுதும் ஒரு Comment — அது வெறும் பட்டன் அழுத்துவதோ, இரண்டு வார்த்தைகள் எழுதுவதோ அல்ல. அந்தக் கதையை யாரோ படித்து ரசித்திருக்கிறார்கள், நம்முடைய உழைப்பை மதித்திருக்கிறார்கள் என்ற உணர்வை அது தருகிறது.

சில நேரங்களில் ஒரு சிறிய கருத்துதான், "இன்னும் எழுத வேண்டும்... இன்னும் சிறப்பாக எழுத வேண்டும்..." என்ற உத்வேகத்தை எங்களுக்குள் மீண்டும் உயிர்ப்பிக்கிறது.

அதனால், கதை பிடித்திருந்தால் ஒரு Like போடுங்கள். உங்கள் மனதில் தோன்றிய இரண்டு வார்த்தைகளையாவது Comment-ஆக எழுதுங்கள். அது எங்களைப் போன்ற எழுத்தாளர்களுக்கு கிடைக்கும் மிகப்பெரிய பரிசும், தொடர்ந்து எழுதுவதற்கான உற்சாக டானிக்கும் அதுவே.

எங்களின் எழுத்துப் பயணத்திற்கு என்றும் துணையாக இருக்கும் உங்கள் அன்பிற்கும் ஆதரவிற்கும் மனமார்ந்த நன்றி! ❤️
எனக்கு மிகவும் பிடித்த எழுத்தாளர் jakash