மீறாதே மீரா

[imstpd]

-3-

“ஐ.. ஸ்வீட்..” மீராவின் குரலில் மகிழ்ச்சி தெரிந்த்தது..
"உனக்காகத்தான் வாங்கினேன்" அவன் குரலில் சுரத்தில்லை.
மீரா டப்பாவைத் திறந்து ஒரு மைசூர்பாகை எடுத்தாள்.. இரண்டாகப் பிய்த்து, பாதியை அவனுக்கு ஊட்டினாள்.. பிறகு அவன் உதடுகளைத் விரல்களால் லேசாகக் கிள்ளி எடுத்து தன் கைக்கு முத்தம் கொடுத்துக்கொண்டாள்..

“ஸோ ஸ்வீட் கிரிஷ்…”

“காலைல நான் கோவிச்சுகிட்டேன்னு தான இப்ப ஸ்வீட் வாங்கிட்டு வந்திங்க…” மீதி ஸ்வீட்டை வாய்க்குள் போட்டபடியே சொன்னாள்.

“மல்லிகைப்பூ கூடத்தான் வாங்கினேன்..” அவன் குரலில் லேசான வருத்தம்..

“நீங்களும் வாங்கினிங்களா, எங்கே…” வருத்தத்தை அவள் கவனிக்கவில்லை போல…

“வண்டியிலேயே இருக்குது..”

“சீக்கிரம் எடுத்துட்டு வாங்க, வாடிடப்போகுது..”

அவனை விரட்டிவிட்டு, பொருட்களை எடுத்து பிரிட்ஜில் வைக்கச்சென்றாள்..
அவன் உள்ளக்குமுறல்களை அறியாமல் இல்லத்தரசி பாத்திரத்திற்கு எளிதாக மாறிவிட்டாள்..

-----x------------x------------x------------x------------x------------x------------x------------x------------x-------

மீரா மல்லிகையைச் சுற்றியிருந்த இலையை லேசாக விலக்கிப்பார்த்தாள்.. "நல்ல மொட்டா இருக்குது .நெருக்கமாக வேற.. சூப்பரா இருக்குது.. நாளைக்கு ஆபீஸ்க்கு போகும்போது வச்சுக்கறேன்.."
“நான் வாங்கினதை விட நல்லாவே இருக்கு..”
"காலைல நான் கோவிச்சுகிட்டேன்.. ஆனா நீங்க எனக்கு ஸ்பெசலா பார்த்து செய்யறிங்க கிரிஷ்.. ஐ அம் லக்கி…"

அவன் உடை மாற்ற படுக்கையறைக்குள் நுழைந்திருந்தான்..

அவள் தான் மல்லிகை வாங்கியிருக்கிறாள்.. அந்த பைக் பெண் மீரா தானா? மீராவாக இருந்தாலும் பூ அவளே தான் வாங்கியிருக்கிறாள்.. இப்போது எதுவும் கேட்க வேண்டாம்.. சந்தேகப்படுவது அவளுக்குத் தெரிய வேண்டாம்.. அவளாகச் சொன்னால் பார்க்கலாம்..

அவள் சமையலறையை சுத்தம் செய்ய ஆரம்பித்தாள்..