[mandothari]

அந்த அலமாரியில் நிறைய எலும்புக்கூடு பார்ட்ஸ் இருந்தது

ஒரு முழு நீள​ எலும்பு கூடு உருவமும் இருந்தது

அதை பார்த்து தான் பயந்து போனாள் பிடி டீச்சர்

ஆனால் அவள்​ தேடி வந்த தேன் பாட்டில் அந்த ஷெல்பில் தான் இருந்தது

அந்த எலும்பு கூட்டின் கால் கவட்டை நடுவில் அந்த தேன் பாட்டில் இருந்தது

நடுங்கும் கைகளுடன் அந்த தேன் பாட்டில் அருகில் தன் கைகளை கொண்டு போனாள்

சினிமாவில் வரும் பேய் படத்தில் வருவது போல தேன் பாட்டிலை எடுக்க போகும் சமயம் அந்த எலும்பு கூடு அவள் கையை கப் என்று பிடித்து விடுமோ என்று கூட ஒரு சின்ன கற்பனை பண்ணி பயந்தாள்

அந்த தனிமை அவளுக்கு அவ்ளோ பயத்தை கொடுத்து இருந்தது

பயந்து கொண்டே அந்த தேன் பாட்டிலில் கையை வைத்தாள்

நல்லவேளை அவள் நினைத்த எந்த அசம்பாவிதமும் நடக்கவில்லை

சும்மா எல்லாம் அவள் கற்பனை பயம் தான்

தேன் பாட்டிலை எடுத்தாள்

அப்படியே திரும்பி பார்க்காமல் வேகமாய் லேபை விட்டு வெளியே ஓடி வந்தாள்​

ஆடிட்டோரியம் வந்தடைந்தாள்

மேடைக்கு போனாள்

சார் நீங்க கேட்ட தேன் பாட்டில் என்று தனுசுகோடியிடம் நீட்டினாள்

என்னம்மா பிடி மிஸ் கிட்ட தேன் பாட்டில் எடுத்துட்டு வர்ற அனுப்பினா நீ கொண்டு வந்து குடுக்குறா ? என்று ​ஆச்சரியமாக கேட்டார் பிரின்சிபால்

சார் நான் பி டி மிஸ் தான் என்றாள்

நீ பி டி மிஸ்ஸா ? முதல்ல உன் மூஞ்சியை போய் கண்ணாடில பாரு என்று கோபமாக சொன்னார்

அவள் புரியாமல் ஸ்டாப் ரூமில் இருக்கும் ஒரு பெரிய நிலைக்கண்ணாடி முன்பு சென்று நின்று தன்னை பார்த்தாள்

கண்ணாடியில் அவள் பார்த்த உருவம் ஐயோ ! என்று அதிர்ச்சியில் அலறினாள்

தொடரும் 44