Romance Veera

[Ranvijaysingh2]

ఈలోపు ఎవరో ఛానల్ చేంజ్ చేశారు..

వీర "రేయ్!!! ఎవడ్రా... అని అరిచాడు.. అందరు అదిరిపడ్డారు ఆ అరుపుకి....

దాబా ఓనర్ వచ్చి 'ఎందుకు అలా అరిచావ్??? అని అడిగాడు కంగారుగా..

కాళి 'బాబు... మీ టివి రిమోట్ ఏది??? అని అడిగాడు.. అతను తన చేతిలోని రిమోట్ చూపిస్తూ... ఏం??? అని అడిగాడు... 

వీర వెంటనే అది తీసుకుని బ్యాక్ ప్రెస్ చేశాడు.. ప్స్! ప్స్! ఇంకెదో న్యూస్ వస్తోంది... వీర కోపంగా ఆ రిమోట్ విరగొట్టాడు...

ఆ ఓనర్ 'ఇది ఏంటయ్యా!!! రిమోట్ అలా ఇరగొట్టావ్??? అంటూ అడిగాడు కోపం గా....

కాళీ " మరి చూస్తుంటే...ఛానెల్ ఎందుకు మార్చావ్??!! అని అడిగాడు..నవ్వు ఆపుకుంటూ

అతను " ఇది మరి బాగుంది..నా టీవీ ..నా రిమోట్ నా ఇష్టం..అన్నాడు..చిరాగ్గా

వీర ' టీవీ నీదే...రిమోట్ నీదే ... కానీ అందులో వచ్చిన పిల్ల నాది... అంటూ వెళ్ళిపోయాడు....

అతనికి ఏమి అర్ధం కాలేదు.. తల గోక్కుంటూ... కాళి తో 'ఏంటి అయ్యా!!! అతని కోపం??? అని అడిగాడు.. 

కాళి 'అదేదో నీకు ఎందుకు గాని... నీ రిమోట్ కి కలిపి తీసుకో... అంటూ బిల్ పే చేసి వెళ్ళిపోయాడు... 

దారిలో... వీర సీరియస్ గా డ్రైవ్ చేస్తుంటే... 

కాళి "వీరా!!! అని పిలిచాడు... 

మనోడు 'మ్.... 

కాళి 'నీకు కోపం రాదంటే... నేను కొన్ని విషయాలు అడగనా???

వీర ' హ్మ్మ్ 

కాళి 'అసలు ఆ అమ్మాయిని ఎక్కడ చూశావ్??

వీర ' బేకరీలో.. ఆరోజే..

కాళి 'అంటే... వాన పడుతున్నప్పుడు నేను వచ్చాను.. అప్పుడా???? 

వీర 'మ్.హూ.. లోపల నా మీద పడ్డప్పుడు....

కాళి కళ్ళు ఎగరేస్తూ 'అబ్బో... అనుకోని... నువ్వు ఏమి అనలేదా????

వీర 'సిగరెట్' వెలిగించి... పొగ వదుల్తూ....'కోపం వచ్చింది... కొట్టాలని అనుకున్నా... కాని కొట్టలేకపోయా....

కాళి 'ఓహో... అయితే ఆ అమ్మాయి నీకు నచ్చింది.. అందుకే బయట ఆ అమ్మాయినే చూస్తున్నావ్.....

వీర కోపం గా చూసేసరికి..

కాళీ 'అరే... అన్నింటికీ కోపం అయితే ఎలా వీరా???? నేను చెప్పేది కరెక్టో కాదో తెలియదు కానీ...'ఆ అమ్మాయిని చూడగానే ఇష్టపడ్డావ్!!! అందుకే... ఆ పోకిరి గాళ్ళని కొట్టావ్!!!! తనని కామెంట్ చేశాడనే గా.. అతన్ని బాగా తన్నావ్...

వీర 'ఏం మాట్లాడలేదు... సైలెంట్ గా డ్రైవ్ చేస్తున్నాడు..

కాళి 'సరే... రా!!! పాయింట్ కి వస్తా... ఆ అమ్మాయి అంటే నీకు ఎంత ఇష్టమో... ఇందాక ధాబాలోనే అర్ధం అయ్యింది...

ఆ అమ్మాయి ని చూస్తే బాగా చదువుకున్న అమ్మాయి.. ఫుల్ సౌండ్ పార్టీ పిల్లలా ఉంది....తనకి ఇబ్బంది కలిగించినా కూడా కోపం రాలేదు ఆ లఫంగి గాళ్ళు మీద.. దీని బట్టి చూస్తే... చాలా మంచి అమ్మాయి లా అనిపిస్తోంది...

వీర 'ఆ పిల్ల కి వున్న లక్షణాల గురించి నాకు ఎందుకు చెప్తున్నావ్??? అందుకు పూర్తి భిన్నంగా వున్నా అని గుర్తు చేయడానికా??? అని అడిగాడు....

కాళి 'ఛా!! అదేం లేదు... కాకపోతే.. నువ్వు ముందు ఆ విషయంలో ఒక కరెక్ట్ ఒపినియన్ కి రా..!!

వీర 'అంటే???? అని అడిగాడు విసుగ్గా...

కాళి 'ఇలాంటి విసుగులు, చిరాకులు పక్కన పెట్టు... ఆ అమ్మాయి అంటే నీకు ఇష్టమా???ప్రేమా!?? తేల్చుకో..ఆ తరవాత నీ మనసులో విషయం ఆ అమ్మాయికి చెప్పు ..

వీర ' అదేరా..ఎలా చెప్పను!?

కాలి 'చూశావా??? నీకు ప్రేమ కాబట్టి.... ఎలా చెప్పాలి??? అనేదాకా వచ్చావ్!!!!!! సరే... వైజాగ్ నుంచి వచ్చాక.... తనని గట్టిగా వెతుకుదాము.... అప్పుడు ఆలోచిద్దాం... సరే నా????

వీర 'సరే... అంటూ కారు స్పీడ్ పెంచాడు...

వైజాగ్ వెళ్ళాక,.... ఆ డైమండ్స్ తీసుకొనే అతను... ప్లేస్ మార్చి లంబసింగి రమ్మన్నాడు.

(అతను ఎందుకు మార్చాడో... ఎవరు మార్చమన్నారో.... మీకేమైనా తెలుసా :))

అయితే... వీర కి కాల్ రావడంతో... కారులో తనకి సిగ్నెల్స్ రాక... కారు దిగి పక్కకి వెళ్ళి మాట్లాడుతుంటే..

ఆ టైం కే... ఆ కారుకి యాక్సిడెంట్ అయ్యింది.. వీర కాల్ మాట్లాడి... వాష్ రూమ్ కి వెళ్ళి... తీరిగ్గా వచ్చేసరికి..

కారు లోనే వున్న కాళికి దెబ్బలు తగిలాయి.. అయితే స్వప్న ముందుకు వచ్చి కాళి కి చున్ని కట్టడం చూశాడు.. సరే... చుద్దాం ఏం చేస్తారో??? అని అక్కడే ఆగాడు...

అటు తరువాత.. కాళి ని హాస్పిటల్ లో చేర్చాక... తను వెళ్ళేసరికే... స్వప్న.. రిసెప్షన్ లో ఎమోంట్ పే చేస్తోంది... తరువాత 'కాళి' కి ఆపరేషన్ జరుగుతుంటే... అక్కడే కూర్చుంది. వీర తన వెనుకే కూర్చోని తననే గమనిస్తూనే వున్నాడు.. కాళికి యాక్సిడెంట అవ్వటం వీర కొంచెం కూడా బాధ కలిగించలేదు°_°

ఈ పిల్ల... నేను అనుకున్న దానికంటే టింగరి పిల్లలా వున్నదే... ముక్కు మొహం తెలియని వాళ్ళు కోసం ముప్పై వేలు కట్టేసింది...

పావుగంట తర్వాత.. రిసనిస్ట్ "మిస్... స్వప్న అని పిలిచింది...

అటు తర్వాత... స్వప్న లోపలికి వెళ్ళి కాళి ని చూసి... రాగానే ఫిక్స్ అయ్యాడు... అప్పుడే ప్రపోజ్ చేయాలని.... అందుకే అక్కడే ప్రపోజ్ చేశాడు..

తను భయపడి వెళ్ళగానే... తను కొంచెం కూడా ఫీల్ అవ్వలేదు.... మళ్ళీ తన వెనుకే వెళ్ళి తననే చూస్తూ గడిపాడు.

అందుకే ఫోటోస్ లో కనిపించాడు...

తను కూడా ఫోటోలు తీశాడు...

అంతేకాదు... వాళ్ళని ఫాలో అయ్యి

నెక్స్ట్ డే.. అంతేకాదు ఆరోజు వాళ్ళని ఫాలో అయ్యి... వాళ్ళు వుండే గెస్ట్ హౌస్ చూశాడు... వాచ్మెన్ కి డబ్బులు ఇచ్చి... డీటేయిల్స్ అడిగాడు.. ముఖ్యంగా స్వప్న గురించి...

ఆ వాచ్మెన్ అంతకన్నా... ఓవర్ చేస్తూ... నెక్స్ట్ డే... స్వప్న డాన్స్ చేస్తుంటే ఫోటోస్ తీశాడు...

ఎవరు గమనించలేదు... ఆరోజు ఈవెనింగ్ వీర మళ్ళి వస్తే అవి ఇచ్చాడు డబ్బులు ఇస్తాడేమో..... అని ఎక్స్ పెక్ట్ చేశాడు..

కాని వీర ఆ వాచ్మెన్ చెంప నగులకొట్టి... ఆ ఫోటోన్ తన ఫోన్ లోకి సెండ్ చేసుకొని... వాచ్మెన్ ఫోన్ లో డిలిట్ చేశాడు...

 ఆ తర్వాత... మళ్ళీ రెస్టారెంట్ కి వచ్చి స్వప్న తో మాట్లాడే ప్రయత్నం చేశాడు... కాని అప్పుడే డైమండ్స్ తీసుకున్న వ్యక్తి.. సెక్యూరిటీ ఆఫీసర్లకి దొరికాడు అనే మెసేజ్ వచ్చింది... అందుకే విశాల్ సెక్యూరిటీ ఆఫీసర్లకి ఫోన్ చేయగానే అక్కడ నుంచి వెళ్ళిపోయాడు....

అయితే.... కాళి ఒక ...ఒక వారం తరువాత డిశ్చార్జ్ అయ్యాక ఇద్దరూ హైదరాబాద్ వచ్చాక...

వీర అసలు సంగతి చెప్పాడు.... తనను సేవ్ చేసింది స్వప్న అని.. అంతే... కాళికి ' స్వప్న ' అంటే చెప్పలేని అభిమానం వచ్చేసింది... 

వీర తను స్వప్న కి ప్రపోజ్ చేసిన విషయం చెప్పాడు... అది విని కాళి, సుబ్బు, సింహా... ఆశ్చర్యంగా చూశారు ..

వీర 'ఏంటి??? ఆ చూపు అని అడిగాడు ముగ్గురిని సీరియస్ గాన సుబ్బు అంటే... నువ్వు ప్రపోజ్ చేశానని అనుకుంటున్నావా??? అని అడిగాడు...

వీర పై నుంచి కిందకి ఓ లుక్ ఇచ్చాడు.

కాళి 'అవునురా.... నువ్వు నీ ప్రేమ గురించి తనకి అలా చెప్పడం..నాకు నచ్చలేదు..అన్నాడు..

వీర 'ఓహో!!! అలాగా నాకు అలా చెప్పడమే వచ్చు.... అంటూ సీరియస్ గా చూశాడు... 

సుబ్బు, సింహా బయటకు వచ్చి నవ్వుకున్నారు..... 

సుబ్బు ' ఆ అమ్మాయి వీరా ని ఎప్పటికీ లవ్ చేయదు..... 

సింహా 'చూద్దాం... అన్నాడు... 

అటు తర్వాత.... రవి ఫోన్ నెంబర్ ఆధారంగా... రవి ఇంటి నుంచి కాలేజీకి వెళ్ళారు...

 ఒకరోజు.. వీర, కాళి, సింహ బయట వేయిట్ చేస్తుంటే.... సుబ్బు లోపలికి వెళ్ళి స్వప్న గురించి డీటేయిల్స్ తెలుసుకొచ్చాడు... అయితే... వైజాగ్ నుంచి వచ్చాక... స్వప్న 'వీర' గురించి ఆలోచించడం తగ్గించింది... 

ఇంక ఈవెనింగ్ కాలేజీ నుండి బయటకు వచ్చేసరికి.... తన కారు కి అడ్డంగా తన బైక్ ని ఆపాడు వీర.. స్వప్న కారు డ్రైవర్ సడెన్ బ్రేక్ వేశాడు... కోపంగా దిగి "ఎవడ్రా నువ్వు??? అంటూ వీర మీదకు వచ్చాడు.. 

సింహా ఆ డ్రైవర్ బాబు ని పక్కకి లాకెళ్ళాడు.. స్వప్న కారు దిగి 'వీర' ని చూసి షాకైయింది....

 వీర 'అదేంటి?
?? స్వప్న వైజాగ్ నుంచి వచ్చిన దగ్గర్నుంచి వెతుకున్నా... ఇప్పుడు కనపడ్డవ్' అని అడిగాడు.

ఇప్పుడు స్వప్న కోణంలో ఏం జరిగిందో చూద్దాం!