Adultery పేజీ 2

[Tik]

జావే మాటలకు వేణు పెద్దగా ప్రాధాన్యత ఇవ్వకుండా, సైకిల్ ఎక్కి తన దారిన తాను వెళ్ళిపోయాడు. 


ఆ టౌన్ లోని పెద్ద పెద్ద దుకాణాలు, షాపుల దగ్గరికి వెళ్లి సాంబ్రాణి పొగ వేస్తూ, ధూపం చూపిస్తూ డబ్బులు అడుక్కునే కొందరు తిరుగుతుంటారు. 
మరోవైపు వేణు లాంటి వాళ్ళు కూడా దుకాణాలకి హారతి ఇస్తూ, అక్షింతలు వేస్తూ తిరుగుతుంటారు.
విచిత్రం ఏంటంటే, ఈ దుకాణాల్లో సాంబ్రాణి పొగ వేస్తూ తిరిగే వాళ్ళకి, వేణు లాంటి వాళ్ళకి ప్రతివారం ఏదో ఒక గొడవ జరుగుతూనే ఉంటుంది.
"ఇది మా ఏరియా... ఇటువైపు మీరు రాకూడదు" అంటూ ఆ రెండు గ్రూపులు రోడ్డు మీదే గొడవపడుతుంటారు. ఒకరు ముందే వస్తే, మరొకరు "మా టైమ్ లో మీరు ఎలా వస్తారు?" అని వాదించుకుంటారు.

కానీ, ఆ దుకాణాల యజమానులు మాత్రం వీళ్ళ గొడవలను అస్సలు పట్టించుకోరు. ఎవరు సాంబ్రాణి పొగ వేసినా, ఎవరు హారతి ఇచ్చినా... వాళ్ళు ఇచ్చే ఒకటి, రెండు రూపాయల బిళ్ళలు పడేసి వాళ్ళ పని వాళ్ళు చేసుకుంటారు. 

వీళ్ళ ఏరియా గొడవలతో ఆ దుకాణాల వాళ్ళకి ఎలాంటి సంబంధం ఉండదు. కానీ ఈ రెండు గ్రూపుల మధ్య మాత్రం ప్రతి వారం ఈ స్థలం గొడవ నడుస్తూనే ఉంది.

 టౌన్ కి వచ్చి నెల రోజులు పూర్తి కావడంతో, వాణికి ఒకసారి ఊరికి వెళ్లి అందరినీ చూసి రావాలనిపించింది. 
చలికాలపు ఉదయాలు, కొత్త సందు, రోజూ పాపను కాలేజ్లో దింపడం... ఇలా అంతా అలవాటవుతున్నా, పుట్టి పెరిగిన ఊరి మీద ధ్యాస మాత్రం పోలేదు. 

వేణుతో చెప్పి, ఒకరోజు ఉదయాన్నే పాపను తీసుకుని ఊరికి బస్సు ఎక్కింది.
ఊర్లోకి అడుగుపెట్టగానే వాణికి ఎక్కడలేని సంతోషం వేసింది. 

నెల రోజుల తర్వాత కూతురిని, మనవరాలిని చూసేసరికి ఆమె పేరెంట్స్ ఇల్లు ఆనందంతో నిండిపోయింది. 

అక్కడి నుంచి పక్క వీధిలోనే ఉన్న తన అత్తమామల ఇంటికి వెళ్ళింది. కోడలిని, చిన్న పాపను చూడగానే రామయ్య ముఖం వెలిగిపోయింది. అత్త, మామ ఇద్దరూ పాపను ఎత్తుకుని తెగ మురిసిపోయారు.
రామయ్య కోడలిని అడిగాడు, "ఎలా ఉందమ్మా టౌన్ లో? వేణు పూజలు బాగానే సాగుతున్నాయా? ఇబ్బంది ఏమీ లేదు కదా?" అని.

"అంతా బానే ఉందండి మావయ్యగారు. ఆయన రోజూ సైకిల్ వేసుకుని పూజలకి తిరుగుతున్నారు. పాపని కూడా రెండు వీధుల అవతల ఉన్న చిన్న స్కూ.ల్లో చేర్పించాం. రోజూ నేనే దింపి వస్తున్నాను" అని టౌన్ లో తమ దినచర్య అంతా అత్తమామలకి వివరంగా చెప్పింది వాణి.
తన కొడుకు, కోడలు అక్కడ నిలదొక్కుకుంటున్నారని తెలిసి రామయ్య ఎంతో ఊరట చెందాడు. ఊర్లో పేరెంట్స్ తో, అత్తమామలతో రెండు రోజులు ఎంతో ప్రశాంతంగా గడిపిన వాణి... ఇంటికి బయలుదేరింది..