శ్రావణి ,లలిత(పేజీ 2)

[Tik]

 

**రాజసభ తర్వాత, రాజ మహల్‌లో...**

సాయంత్రం సమయం. రాజు విక్రమాదిత్య తన మహల్‌లో విశ్రాంతి తీసుకుంటున్నాడు. శ్రావణి అక్కడికి వచ్చి, ఆయన పక్కన కూర్చుంది.

“రాజు గారు...” అంటూ మెల్లగా మొదలుపెట్టింది శ్రావణి, “సరిహద్దు ప్రాంతాల్లో పరిస్థితి ఎలా ఉంది? యవనుల కదలికలు ఏమైనా ఉన్నాయా .”

విక్రమాదిత్య తన గిన్నెలో ఉన్న మధ్యాన్ని కొద్దిగా తాగి, సాధారణంగా అన్నాడు,

“అన్నీ బాగానే ఉన్నాయి శ్రావణి. మన సైనికులు బలంగా ఉన్నారు. సరిహద్దుల్లో ఎలాంటి అనుమానాస్పద కదలికలు లేవు. నువ్వు ఎందుకు ఆందోళన పడుతున్నావు?”

శ్రావణి ఆయన ముఖం చూసి మెల్లగా నవ్వింది. కానీ ఆమె మనసులో మాత్రం ఒక భారం పెరిగింది.

“అలాగేనా... అయితే సరే” అంది ఆమె.

విక్రమాదిత్య మరిన్ని విషయాలు మాట్లాడి, తన పనుల్లో మునిగిపోయాడు. కానీ శ్రావణి మాత్రం ఆ రాత్రి నిద్రపోలేదు.

రంగడు చెప్పిన మాటలు, బాలు గురించి తెలిసిన విషయాలు, కారాగారంలో జరిగిన సంఘటనలు — అన్నీ ఆమె మనసులో తిరుగుతున్నాయి.

**“అన్నీ బాగానే ఉన్నాయి”** అని రాజు చెప్పిన మాటలు ఆమెకు ఏమాత్రం నమ్మకం కలిగించలేదు. బదులుగా ఆమె అనుమానం మరింత పెరిగింది.

‘రాజు గారికి నిజంగా ఏమీ తెలియదా... లేదా తెలిసి కూడా దాచేస్తున్నారా?’ అని ఆమె మనసులో ప్రశ్నలు తిరుగుతున్నాయి.

ఆమె కిటికీ దగ్గరకు వెళ్లి బయట చీకటిని చూస్తూ ఒక పెద్ద నిట్టూర్పు విడిచింది. ఆమె ఒంటరిగా ఏదో ఒక పెద్ద ఆటలోకి అడుగుపెట్టినట్టు ఆమెకు అనిపించింది.


‎**కొన్ని రోజుల తర్వాత...**
‎
‎ఉదయం సమయం. రాజధాని వీధులు సాధారణంగా కనిపించాయి. రంగడు కొందరు దొంగల ద్వారా తెలిసిన కొన్ని ముఖ్యమైన విషయాలతో రాజధానికి వచ్చాడు. అతని మనసులో ఒకే ఆలోచన — ఆ అందమైన అమ్మాయి (శ్రావణి)ని ఎలాగైనా కలవాలి.
‎
‎అతను రాజప్రాసాదం చుట్టూ తిరుగుతూ, ఆమెను గురించి వెతికాడు. కానీ ఎవరూ సరైన సమాచారం ఇవ్వలేదు.
‎
‎ఆ సమయంలో మల్లిక అంతఃపురం నుంచి బయటకు వచ్చింది. రంగడు ఆమెను చూసి గుర్తించాడు — ఆ రోజు శ్రావణితో కలిసి ఉద్యానవనంలో వచ్చిన సేవకురాలు.
‎
‎మల్లిక కూడా అతన్ని చూసి ఆశ్చర్యపోయింది. ఆమె వెంటనే తిరిగి అంతఃపురంలోకి వెళ్లి శ్రావణి దగ్గరకు వచ్చింది.
‎
‎“రాణి గారు... ఆ రంగడు రాజధానికి వచ్చాడు. ప్రాసాదం వెనక వైపు తిరుగుతున్నాడు. మిమ్మల్ని వెతుకుతున్నట్టు ఉన్నాడు” అంది తక్కువ స్వరంలో.
‎
‎
‎
‎కొద్ది సేపటికి శ్రావణి మామూలు చీర, రవికలో అంతఃపురం వెనక వైపుకు వచ్చింది. ఆమె రంగడిని అప్పుడే చూసినట్టు నటించి, ఆశ్చర్యపోయినట్టు అడిగింది,
‎
‎“రంగడు... మీరు ఇక్కడికి ఎందుకు వచ్చారు?”
‎
‎రంగడు ఆమెను చూసి ముఖం వెలిగిపోయింది. “అమ్మా... నీకు చెప్పాల్సిన కొన్ని విషయాలు ఉన్నాయి. బాలు గురించి కొత్త సమాచారం వచ్చింది.”
‎
‎శ్రావణి చుట్టూ ఒకసారి చూసుకుని, అతన్ని అంతఃపురం వెనక ద్వారం గుండా లోపలికి తీసుకెళ్లింది. ఆ ద్వారం ద్వారా చాలా తక్కువ మందికే ప్రవేశం ఉండేది.
‎
‎లోపలికి తీసుకెళ్లాక శ్రావణి తక్కువ స్వరంలో అంది,
‎
‎“ఇక్కడ ఎవరూ చూడకూడదు. మీరు చెప్పాల్సిన విషయం ఏమిటో చెప్పండి"
‎