Thriller రుద్రం భజే! ( POWER OF YODHA )

[SivaSai]

రుద్రం భజే! ఎపిసోడ్ 51

గుహలో పెయింటింగ్స్ చూసి జరగబోయేది ఎలా ఉంటుందో తెలుసుకుని నారదుడి తో కలిసి ల్యాబ్ దగ్గరికి బయలుదేరారు యోధ వాళ్ళు

గబ్బర్ సింగ్ కి పవర్ లేదు అని తెలియడంతో తీసుకువెళ్లి సోల్జర్స్ ఉన్న రూమ్లో బంధించాడు సయ్యద్.

***********

చీకటి గదిలో ఏడుస్తూ ఉండగా "గబ్బర్ బాధ పడుతున్నావా..?" అని మాట వినిపించి "మహారాజా వచ్చారా..! నా పరిస్థితి చూడండి." అని చుట్టూ చూస్తూ చెప్పాడు గబ్బర్.

"చీకటి గదిలో పది నిమిషాలు ఉన్నందుకే ఇంత బాధపడుతున్నావు ఆ సోల్జర్స్ ఎన్ని రోజులుగా ఉంటున్నారు వాళ్ల గురించి ఆలోచించవా..?" అని అడిగాడు భూషణ్.

"మహారాజా నా పరిస్థితే బాలేదు నేను ఆ సోల్జర్స్ ని ఎలా కాపాడగలను,అయ్యినా ఈ చీకటి గదిలో ఏమి కనబడడం లేదు, మీరు కూడా నాకు కనబడడం లేదు." అని చెప్పాడు గబ్బర్.

"ఎదుటివాళ్లకి మంచి చేయాలి అని నీ మనసులో అనుకో చీకటిని చీల్చుకుని వెలుతురు వస్తుంది." అని చెప్పాడు భూషణ్.

"సరే మహారాజా!" అని చెప్పి తలుపు మధ్యలో నుంచి వెలుతురు పడడం చూసి అక్కడి నుంచి బయటికి చూసి యోధ కత్తి పట్టుకుని ఉండడం కనిపించి "మా సార్ వచ్చేసారు ఇంకా అందరూ పని అయిపోయింది." అని సంతోషం గా తలుపు మీద మ్యూజిక్ వాయిస్తూ ఉన్నాడు గబ్బర్.

"ఆగు ఆగు కంగారు పడకు నువ్వు ఒక్కడివే ప్రాణాలతో ఇక్కడి నుంచి వెళితే సరిపోతుందా..?" అని అడిగాడు భూషణ్.

"నాతో పాటు సోల్జర్స్ ని కూడా తీసుకువెళతాను మహారాజ!' అని అక్కడ ఉన్న వాళ్ళ కట్లు విప్పుతూ ఉన్నాడు గబ్బర్.

*************

అంతలో నారదుడి తో పాటు అక్కడికి వచ్చి ల్యాబ్ కనిపించడంతో "స్వామి! మీరు చెప్పిన రాక్షసులందరూ ఇక్కడే ఉంటారు కదా!" అని అడిగాడు యోధ.

"అవును" ఒక్కరు కూడా పొల్లు పోకుండా ఇక్కడే ఉంటారు. " అని చెప్పాడు యోధ.

అక్కడినుంచి బైనో క్లోర్ లో చూస్తూ "యోధ! ముష్రుని చంపడానికి ఎవరో వెంటపడుతున్నారు, మనవాళ్లు దొరికిపోయినట్లున్నారు." అని చెప్పింది సుహా.

"ఈ ల్యాబ్ దగ్గర్నుంచి బయటకు వెళ్లే వరకు రూల్స్ మర్చిపోండి." అని చెప్పి అక్కడి నుంచి ముందుకి దూకాడు యోధ.

తన వెనకాల పడుతున్న కళింగ తయారు చేసిన మనుషుల్ని తప్పించుకుంటూ వచ్చి ఈ యోధ కి తగిలి ఆగి "సార్! ప్లీజ్ హెల్ప్ మీ వీళ్ళు మనుషులు కాదు రాక్షసులు!" అని భయంగా చూస్తూ చెప్పాడు ముష్రు.

తన మీదకి వస్తున్న వాడని చేతిలో గన్ తీసి తల మీద షూట్ చేసి చావకుండా ముందుకు రావడం చూసి "గాయ్స్! వీళ్ళకి బుల్లెట్స్ తో పనిలేదు." అని తన వెనకాల ఉన్న కత్తిని తీసి గాలిలో తిప్పుతూ దగ్గరికి వస్తున్న వాడి తల నరికాడు యోధ.

తల ఈ ఎగిరి వెళ్లి చింగ్ యా కాళ్ళ ముందు పడడంతో ఉలిక్కిపడి చూసి "ఇండియన్ మిలిటరీ వచ్చేసింది." అని కంగారుగా చెప్పాడు.

ఆ మాట విని లోపల ఉన్న రెండు బటన్స్ ప్రెస్ చేశాడు కళింగ.

రాక్షసులు లాగా వికృత రూపాలతో పరిగెత్తుకుంటూ వస్తున్న మనుషుల్ని చూసి "వీళ్ళని ఎలా చంపాలో పెయింటింగ్స్ లో చూశాం కదా! ఒక్క దెబ్బకి తల రెండు ముక్కలు అవ్వాలి!' అని చెప్పి తమ దగ్గరికి వచ్చిన ఇద్దరి తలలని ఒకే దెబ్బకి నరికేడు యోధ.

అది చూసి ఏకవీర, పుష్కర్ లని పిలిచి "మనకి అంత బలం లేదు కాబట్టి ముగ్గురం కలిసి ఒక్కొక్కడిని చంపుదాము, మీరిద్దరూ వచ్చేవాడిని గట్టిగా పట్టుకోండి నేను తల నరుకుతాను." అని చెప్పింది పూజా.

"ఓకే మేడం!" అని మీదకు వస్తున్న ఒక రాక్షసుడిని గట్టిగా పట్టుకుని "మేడం! తల నరకండి." అని అరుస్తూ ఉన్నాడు పుష్కర్.

"ఒక్క నిమిషం!" అని తన దగ్గర ఉన్న కత్తి తీసుకెళ్లి మెడ దగ్గర బలంగా కొట్టి "వీడు ముదిరిపోయిన బెండకాయ లాగా ఉన్నాడు తల తెగడం లేదు, ఇప్పుడు ఏం చేయాలి!" అని కంగారుగా చూస్తూ ఉంది పూజా.

అంతలో ఫాస్ట్ గా అక్కడికి వచ్చి పుష్కర్ వాళ్ళ చేతిలో ఉన్న వాడి తల నరికి "బ్యాగ్ లో బ్యారల్ గన్స్ ఉన్నాయి  తీసుకుని గురి చూసి చూసి తల మీద కాల్చండి దెబ్బకి ముక్కలు ముక్కలు అవుతుంది." అని చెప్పింది సుహా.

"ఈ ఐడియా బాగుంది." అని కత్తి అక్కడ పడేసి బ్యాగ్ దగ్గరికి పరిగెత్తింది పూజా.

ల్యాబ్ లో నుంచి చూస్తూ యోధ వైపు చూపించి "కళింగ! ఆ పద్మం అతని దగ్గరే ఉంది ఎలాగైనా కైవసం చేసుకోవాలి నీ మనుషులందరినీ ఒకేసారి పంపించు!" అని చెప్పాడు రేపాలా.

"సరే!" అని కంప్యూటర్ దగ్గరికి వెళ్లి ఆర్డర్స్ ఇస్తూ సయ్యద్ వైపు చూసి "సోల్జర్స్ ని తీసుకురా మెడిసిన్ ఇద్దాము." అని చెప్పాడు కళింగ.

"సరే సైంటిస్ట్!" అని చెప్పి సోల్జర్స్ ఉన్న రూమ్ దగ్గరికి బయలుదేరాడు సయ్యద్.

అక్కడ ఉన్న రాక్షసుడు లాంటి మనుషులందరూ యోధ వైపుకు వెళ్లడం చూసి "ఆ పద్మం యోధ దగ్గర ఉందని వాళ్ళు కనిపెట్టినట్లు ఉన్నారు అందుకే అందరూ ఒకేసారి తన ఎటాక్ చేస్తున్నారు." అని చెప్పింది  దీప్తి.

అంతలో అక్కడికి వచ్చి "మీ దగ్గర ఉన్న మరో పద్మాన్ని  బయటకు తీయండి." అని చెప్పాడు భూషణ్.

ఆ మాట విని ఆశ్చర్యంగా చూస్తూ బ్యాగ్ ఓపెన్ చేసి లోపల ఉన్న పద్మాన్ని చూసి యోధ వైపుకు వెళుతున్న వాళ్లకి చూపించింది పూజా.

పద్మం కనిపించడంతో అటువైపుకి పరిగెత్తుకుంటూ వస్తున్నా కళింగ మనుషుల తలలు నరుకుతూ ఉన్నారు రాఖీ వాళ్ళు.

పద్మాన్ని చూసి ఉరుకుతున్న కళింగ మనుషులని చూసి "పూజా! నీ చేతిలో ఉన్న పద్మాన్ని వాళ్లలో ఒకరి మీదకి గిరాటువేయ్!" అని చెప్పాడు యోధ.

"సరే!" అని తన చేతిలో ఉన్న పద్మాన్ని అక్కడ ఉన్న కళింగ మనిషి మీద విసిరింది పూజా.

తన ముందు పడ్డ పద్మం వైపు సంతోషంగా చూస్తూ తీసుకుని ల్యాబ్ లోపలికి పరుగెత్తాడు కళింగ మనిషి.

అది చూసి "సైంటిస్ట్! మనవాడు సాధించాడు పద్మం మన చేతికి వచ్చింది." అని సంతోషంగా చెప్పాడు చింగ్ యా.

ఆ పద్మాన్ని చూసి "నా కల నెరవేరే రోజు దగ్గర పడింది." అని తీసుకువెళ్లి  సూర్యకిరణాలు పడేటట్టు ఒక మిషన్ లో పెట్టి ఆన్ చేసాడు రేపాలా.

శాటిలైట్ ఫోన్ తీసి "సయ్యద్! త్వరగా సోల్జర్స్ ని తీసుకురా.. పద్మం మన చేతికి వచ్చింది." అని చెప్పాడు కళింగ.

ఆ మాట విని హడావిడిగా రూమ్ దగ్గరికి వెళ్లి తలుపు ఓపెన్ చేసి లోపల ఉన్న గబ్బర్ వైపు గన్ పెట్టి "పారిపోదాము అనుకుంటున్నావా..? నిన్ను ఒక కొత్త లోకానికి తీసుకు వెళ్తాను." అని నవ్వుతూ చెప్పాడు సయ్యద్.

అంతలో సయ్యద్ వెనకాలకు వచ్చి తల మీద చేతులు పెట్టి చూస్తూ "కొంచెం పక్కకి తప్పుకోండి సార్! నాకు కనపడదు మా తమ్ముడికి వినపడదు." అని చెప్పాడు లింగి.

ఆ మాట విని వెనక్కి తిరిగి అక్కడ ఉన్న ఇద్దరి వైపు చూసి "ఎవర్రా మీరు? ఇక్కడికి ఎలా వచ్చారు?" అని కోపంగా చూస్తూ అడిగాడు సయ్యద్.

ఆ మాటకి కర్రతో తడుముకుంటూ ముందుకు వచ్చి "ఏమో సార్ నాకు కనబడదు, మా తమ్ముడికి వినపడదు అలా నడుచుకుంటూ ఇక్కడికి వచ్చేసాము." అని చెప్పాడు లింగి.

ఇద్దరిని ఆశ్చర్యంగా చూస్తూ "ఒరేయ్! మీరు ఇక్కడికి ఎలా వచ్చారురా...!" అని నవ్వుతూ సయ్యద్ వైపు చూసి "నీకు కరెక్ట్ మొగుళ్ళు వీళ్ళిద్దరే! నువ్వు నిజంగా టెర్రరిస్టు వైతే వాళ్లని ఫేస్ చెయ్!" అని చెప్పాడు గబ్బర్.

ఆ మాట విని కోపంగా లింగు తల మీద గన్ పెట్టి "ఎవర్రా మీరు? ఇక్కడికి ఎవరు పంపించారు? చెప్పకపోతే కాల్చి పారదొబ్బుతాను." అని ఆవేశంగా అరుస్తూ చెప్పాడు సయ్యద్.

ఆ మాటకి తడుముకుంటూ సయ్యద్ చెయ్యి పట్టుకుని వెనక్కి తిప్పి గన్ తీసుకుని "మాట్లాడుతున్నను కదా సారు! అసలే నా తమ్ముడికి వినపడదు భయపడతాడు." అని చెప్పాడు లింగు.

చెయ్యి వెనక్కి విరవడంతో బాధతో అరుస్తూ "వాడికి వినపడదు కదరా మరి ఎలా భయపడతాడు?" అని అడిగాడు సయ్యద్.

"ఏమో సార్! నాకు కనపడదు." అని చెప్పాడు లింగి.

ఆ మాటకి కోపంతో అరుస్తూ "ఒరేయ్! ఇటు రండి వీళ్ళిద్దరిని చంపేయండి." అని చెయ్యి పట్టుకుని బాధగా అరుస్తూ చెప్పాడు  సయ్యద్.

ఆ మాట విని ఇద్దరు సయ్యద్ దగ్గరికి రావడంతో  "అన్నయ్య! వీళ్ళని చూస్తుంటే నాకు భయం వేస్తుంది." అని చెప్పి ఎగిరి ఒకడి భుజాల మీద కూర్చుని నెత్తి మీద మోచేత్తో ఒక్క దెబ్బ కొట్టాడు గుడ్డు.

తల పగిలి కింద పడి గిల గిల కొట్టుకుంటున్న వాడి వైపు ఆశ్చర్యంగా చూస్తూ "మా గుడ్డుకి భయమేస్తే అంతే!" అని నవ్వుతూ చెప్పాడు గబ్బర్.

అది చూసి భయంకరంగా అరుస్తూ గుడ్డు మీదికి వెళుతున్న ఇంకొకడి తల నరికేసి సయ్యద్ ముందుకు వచ్చి

"మేము ఎవరో తెలియాలి అంతే కదా! అభీర్ సేనా పేరు ఎప్పుడైనా విన్నావా? ఆ సేనలో ఒక సైనికుడిని!" అని చెప్పాడు లింగు.

"అభీర్ సేన!" అని ఆశ్చర్యంగా చూస్తున్న సయ్యద్ గుండెల్లో కత్తి దింపి "అవున్రా.. వాళ్ళ చేతిలో చచ్చే అదృష్టం నీకు ఇవ్వను.

నన్ను కొత్త లోకాలకు తీసుకువెళ్తావా.. ఇప్పుడు నిన్ను వేరే లోకానికి పంపిస్తున్నాను అక్కడ వెళ్లి ప్రశాంతంగా బతుకు!" అని చెప్పాడు గబ్బర్

"గబ్బర్ గారు! సోల్జర్స్ అందరికీ ఈ టాబ్లెట్స్ ఇవ్వండి శక్తి పుంజుకుని  యుద్ధ రంగలోకి దూకుతారు."  అని చెప్పాడు లింగు.

"సూపర్!" అని టాబ్లెట్స్ తీసుకుని సోల్జర్స్ కి ఇచ్చి "నేను కూడా ఒకటి వేసుకొనా..?" అని అడిగాడు గబ్బర్.

"మీ ఇష్టం! అది మింగితే ఎటువంటి వాడినైనా ఎత్తి గిరాటు వేస్తారు." అని చెప్పాడు గుడ్డు.

************

కలింగ మనుషుల తలలు తెగిపడడం చూసి "సైంటిస్ట్" తోడేళ్ళను వదులు మన వాళ్ళందరూ చచ్చిపోతున్నారు." అని చెప్పాడు చింగ్ యా.

ఆ మాట విని రెడ్ బటన్  ప్రెస్ చేసాడు కళింగ.

డోర్స్ ఓపెన్ అయ్యి తోడేళ్లు మొత్తం బయటికి రావడంతో వాటి వైపు భయంగా చూస్తూ "బాబోయ్! ఒక్కొక్కటి ఇంత ఉంది ఏమిటి!" అని కంగారు చెప్పింది పూజా.

తోడేళ్ళ వైపు చూస్తూ "యోధ! వీటిని మనం చంపగలమా..?" అని డౌట్ గా అడిగింది నీతూ.

అంతలో ఒక తోడేలు దూరంగా ఉన్న పుష్కర్ వాళ్ళ వైపు పరిగెత్తుకుంటూ వెళ్లి మీదకి దూకడంతో భయంతో గట్టిగా అరుస్తూ కళ్ళు మూసుకుని

"కుయ్ కుయ్!" మని సౌండ్ రావడంతో నెమ్మదిగా కళ్ళు తెరిచి రక్తం మడుగులో రెండు ముక్కలు అయ్యి ఉన్న తోడేలు చూసి "మనవాళ్ళు అందరూ అక్కడే ఉన్నారు మారి దీనిని చంపింది ఎవరు?" అని భయంగా అడిగాడు ఏకవీర.

తోడేలు రక్తంతో తడిసిన కత్తిని పట్టుకుని ఆవేశంగా చూస్తున్న మనిషిని చూపిస్తూ "నా స్నేహితుడు అభీర్ వచ్చాడు." అని చెప్పాడు యోధ.

" రుద్రం భజే! ఎపిసోడ్ 51 " రచనకు రేటింగ్ ఇవ్వండి