పాణిగ్రహణం

[SivaSai]

Part - 148

ప్రేమ ఒక చూపులో మొదలవుతుంది…
కానీ ఒక జీవితమంతా నిలబడుతుంది…
స్నేహం ఒక మాటతో మొదలవుతుంది…
కానీ నిశ్శబ్దంలో కూడా అర్థమవుతుంది…
బంధం రక్తంతో మాత్రమే కాదు…
మనసులు కలిసిన చోటే పుడుతుంది…
పెళ్లి ఒక వేడుక కాదు…
రెండు కలలకి ఒకే దారి చూపే ప్రతిజ్ఞ…
చేతిలో చెయ్యి వేసుకున్న ఆ క్షణం నుంచి
నేను అనే మాట నెమ్మదిగా మనము అవుతుంది…
సంతోషాల్లో నవ్వులు పంచుకుంటూ…
బాధల్లో భుజం అవుతూ…
రోజులు గడవవు…
జ్ఞాపకాలు తయారవుతాయి…
పిల్లలు పుడితే
ప్రేమకు కొత్త రూపం వస్తుంది…
మన కళ్లలో కనిపించే భవిష్యత్తు
వాళ్ల చిరునవ్వులో నివసిస్తుంది…
తల్లిదండ్రులు ఆశీర్వాదమై నిలుస్తారు…
పెద్దలు నీడలై కాపాడుతారు…
ఇంటి గోడలు ఇటుకలతో కాదు…
అనురాగంతో నిలుస్తాయి…
కాలం మారినా…
తరాలు మారినా…
ప్రేమ మారదు…
విలువలు తగ్గవు…
ఒకప్పుడు చేతులు పట్టుకుని నడిచిన వాళ్లు…
ఇప్పుడు పిల్లల పెళ్లిళ్లు చేసి
మనవల్ని ఎత్తుకుని
తృప్తిగా నవ్వుతారు…
మన వల్ల వెలిగిన దీపాలు
ఇంకా ఎన్నో ఇళ్లను వెలిగిస్తాయి…
ఇదే జీవితం…
ఇదే సంసారం…
ఇదే ప్రేమ గాధ…
ముగింపు కాదు ఇది…
కొత్త తరానికి అందించిన
ఒక అందమైన ఆరంభం…
ఒక మాట…
ఒక చిన్న చిరునవ్వు…
అక్కడే మొదలైంది ఈ ప్రయాణం…
స్నేహంగా దగ్గరై…
ఆప్యాయంగా మారి…
ప్రేమగా వికసించి…
బంధంగా నిలిచింది…
పెళ్లి మంత్రాల మధ్య కట్టిన మూడు ముళ్లు
మూడు జన్మల కథలు కాదు…
ఒక హృదయం… రెండు శ్వాసలుగా మారిన క్షణం…
చేతిలో చేతి వేడి ఉన్నంత వరకూ
ప్రపంచం ఎంత పెద్దదైనా భయం ఉండదు…
కన్నీళ్లు వచ్చినా
భుజం ఉంటే బాధలు భారంగా అనిపించవు…
కాలం తన వేగంలో పరుగెత్తింది…
జుట్టులో వెండి రేఖలు పూశాయి…
కానీ ప్రేమ మాత్రం
మొదటి రోజు చూపులానే మెరిసింది…
పిల్లలు పుట్టినప్పుడు
మన హృదయం బయటికి వచ్చి నవ్వినట్టు అనిపించింది…
వాళ్ల మొదటి అడుగులో
మన జీవితానికి అర్థం కనిపించింది…
తల్లిదండ్రుల ఆశీర్వాదం
మన అడుగులకు దారిగా నిలిచింది…
పెద్దల నీడ
మన ఇంటిని ఆలయంగా మార్చింది…
ఒక రోజు…
మన చేతుల మీదుగా
మన పిల్లల పెళ్లిళ్లు జరిపాం…
వాళ్లు కూడా “మనము” అయ్యారు…
అప్పుడు తెలిసింది —
ప్రేమ ఒక జంటకే కాదు…
ఒక కుటుంబానికి పుట్టిన వెలుగు…
ఇప్పుడా వెలుగు
మనవల నవ్వుల్లో మెరుస్తోంది…
మన కథలు
వాళ్ల భవిష్యత్తులో జీవిస్తున్నాయి…
ఇది ముగింపు కాదు…
ఒక తరం నుంచి మరో తరానికి
అందించిన అనురాగ వారసత్వం…
మన చేతులు వణికినా
మన హృదయం గర్వంగా చెబుతుంది —
మన ప్రేమ వృథా కాలేదు…
మన బంధాలు నిలిచాయి…
మన కుటుంబం…
మన కల…
ఇప్పటికీ సజీవంగా ఉంది…

మా సీరియల్ ని ఇంత బాగా ఆదరించినందుకు విక్రమ్,  అవని కృతజ్ఞతలు తెలుపుతున్నారు. జై సింహా ఫ్యామిలీ మొత్తం ప్రతి ప్రేక్షకులకి కృతజ్ఞత తెలుపుతుంది.

సమాప్తం ???

- Uma Kondreddi