పాణిగ్రహణం

[SivaSai]

Part - 144

సూర్య–విశిష్ట
వైభవ్–చందు
ఇంటి ముందు రంగవల్లులు, దీపాలు, పూలతో అలంకారం.
దివ్య ఇద్దరికీ ఆడపడుచుగా హారతి పట్టుకొని నిలబడుతుంది.

విశిష్ట, చందు ఇద్దరూ మేలు ముసుగులోనే నిలబడతారు.
ముందు జంటలు పేర్లు చెప్పుకొని అప్పుడు లోపలికి రావాలి అనగానే... సూర్య నవ్వుతూ సూర్యదేవాన్ష్ జై సింహ అనే నేను నా క్యూటీ అయిన నా భార్య విశిష్టతో కలిసి వచ్చాను అని చెబుతాడు.
విశి చిన్నగా సిగ్గుపడుతూ విశిష్ట అయిన నేను నా భర్త దేవా సార్ తో కలిసి వచ్చాను.  ఇప్పుడు కూడా నీకు దేవాసార్ నేనా.. అని చిన్నగా అడుగుతాడు.  అదే అలవాటు అయిపోయింది ఏం చేయమంటారు.

వైభవ్ నవ్వుతూ వైభవ్ జై సింహా అనే నేను మా పిల్ల రాక్షసి అయిన చంద్రికతో కలిసి వచ్చాను అని చెబుతాడు. ఆ మాటకి చందు మెల్లిగా చేయ్యి గిల్లుతుంది.

చెప్పానా.. ఇది పిల్ల రాక్షసి అని. అప్పుడే గిల్లడం మొదలు పెట్టింది. ఆ మాటకి సిగ్గుపడుతూ చంద్రిక అనే నేను నా కోతి బావ అయినా వైభవ్ తో కలిసి వచ్చాను అని చెబుతోంది.

నేను కోతినా అని అక్కడే అరుస్తూ ఉంటే.. పూజిత కర్ర కావాలా అని అడుగుతుంది. అమ్మ ఈ టైంలో కర్రలతో రాకూడదు అమ్మ అని బిక్క మొఖం వేస్తాడు.  అందరూ నవ్వులే నవ్వులు.

కుడి కాలు ముందుకు పెట్టాలి అమ్మా…  అత్తగారు సున్నితంగా చెబుతుంది. విశిష్ట మెల్లగా అడుగు వేస్తుంది.
సూర్య పక్కనే నిలబడి చూస్తాడు…
ఇంకా ముఖం చూడలేదు.
చందు లోపలికి అడుగు వేస్తుంటే
వైభవ్ మెల్లగా...  జాగ్రత్త… నేల జారి పోతుంది.
చందు నవ్వుతుంది...  నేను జారినా పట్టుకునే వాళ్లు ఉన్నారు కదా.
ఫ్యామిలీ నవ్వులు.

పాలలో ఉంగరం వేసి వెతకమంటారు.  విశిష్ట చేతి ముసుగు కింద నుంచి స్వల్పంగా కదులుతుంది.
సూర్య కూడా వెతుకుతాడు. ఇద్దరి వేళ్లు ఒకదానిని ఒకటి తాకిన క్షణం..  ఒక చిన్న షాక్ లాంటి ఫీల్.
ఎవరు గెలిచారు? అని అందరూ.
విశిష్ట ఉంగరం పట్టుకుంటుంది.
సూర్య నవ్వి...  ఇప్పటి నుంచే డామినేషన్ స్టార్ట్ అయింది.

శ్రీకర్ సౌమ్య గృహప్రవేశం..  శాంతమైన వాతావరణం.
నివి దీపం పట్టుకుని ముందుంటుంది. సౌమ్య ముసుగులో తలవంచి లోపలికి అడుగు వేస్తుంది. శ్రీకర్ కళ్లతో మాత్రమే ఆమెను చూసుకుంటాడు.

అక్కడ కూడా ఉంగరం ఆట. ఈసారి శ్రీకర్ గెలుస్తాడు.
సౌమ్య మెల్లగా   ఓకే… మొదటి రౌండ్ నీది.
ఇద్దరి మధ్య నిశ్శబ్దంలోనే సరదా.

సాంప్రదాయం ప్రకారం…వధువులు వేరే గదుల్లో విశ్రాంతి.
వరులు కూడా వేరే గదుల్లో.. ముసుగులు ఇంకా అలాగే.
సూర్య ఫోన్‌లో మెసేజ్... ఇంకా రెండు రోజులు.
విశిష్ట సమాధానం..
ఆత్రం పెంచడం కూడా సాంప్రదాయం అనుకుంటా.
వైభవ్  ఫోన్ తీసుకుంటాడు..  చందు, నువ్వు నవ్వుతుంటే ఎలా ఉంటావో ఊహించుకుంటున్నా.
చందు...  ఊహే కదా… ఇంకాస్త ఓపిక.
శ్రీకర్...  సౌమ్య, నీ కళ్లలో ఈ రోజు ప్రశాంతం కనిపించింది.
సౌమ్య...  నీ వల్లే.

పెద్దవాళ్ల మధ్య సాంప్రదాయ క్రమం.
వధువులు ఇంకా ముసుగులోనే.
మంత్రాలు, ఆశీర్వాదాలు, పసుపు కుంకుమ.
ఇది ఓపిక పరీక్ష.
వరులు ఒక్కసారి కూడా పూర్తిగా చూడలేరు.


గదులు పూలతో అలంకరించబడ్డాయి.
దీపాల వెలుగు.
జాస్మిన్ వాసన.
ముసుగు ఇంకా అలాగే.
తలుపు మెల్లగా మూసుకుంటుంది.
ఆత్రం, గౌరవం, కొత్త బంధం.
దీపాల వెలుగు.
పూల సువాసన.
తలుపులు మెల్లగా మూసుకుపోతాయి.


విశిష్ట మంచం అంచున కూర్చుంది.
మేలు ముసుగు ముఖాన్ని కప్పి ఉంది.
సూర్య నెమ్మదిగా దగ్గరకు వచ్చి కూర్చుంటాడు.
కొద్దిసేపు మాటలు లేవు.
ఇంత రోజులు ఎదురు చూశాను…
అతని స్వరం మృదువుగా.
విశిష్ట చిన్నగా ... నువ్వు నమ్మకంగా ఉంటావని తెలుసు… అందుకే భయం లేదు.
సూర్య చేతులు ముందుకు సాగి
ముసుగును మెల్లగా పట్టుకుంటాయి.
ఇది తొలిసారి… నిన్ను పూర్తిగా చూడబోతున్నాను.
ముసుగు నెమ్మదిగా తొలగుతుంది.
విశిష్ట కళ్లలో స్వచ్ఛమైన నమ్మకం.
సూర్య ఒక క్షణం మాటలు రాక నిలబడిపోతాడు.
ఇదేనా నా జీవిత భాగస్వామి…అని చిరునవ్వు.


చందు కాస్త టెన్షన్‌గా నవ్వుకుంటోంది.  వైభవ్ లోపలికి వచ్చి తలుపు వేసి..ఇంకా నవ్వుతూనే ఉన్నావా?
నవ్వకపోతే భయం పెరుగుతుంది, అంటుంది చందు.
వైభవ్ కాస్త దూరంగా కూర్చుని... మన మధ్య ఎప్పటిలాగే ఫ్రెండ్‌షిప్ మొదట.  చందు తల ఊపుతుంది.
వైభవ్ ముసుగును మెల్లగా లేపుతాడు.
ఆమె ముఖం కనిపించే క్షణం   ఇదే నా పిచ్చి నవ్వు.
చందు సిగ్గుతో తలవంచుతుంది.
ఇద్దరి మధ్య నవ్వే బ్రిడ్జ్.


సౌమ్య ప్రశాంతంగా కూర్చుంది.
దీపాల వెలుగులో ఆమె ముసుగు స్వల్పంగా మెరుస్తోంది.
శ్రీకర్ నెమ్మదిగా వచ్చి ఆమె ముందే కూర్చుంటాడు.
నీ కళ్లే చాలాసార్లు చూసాను… ఈ రోజు ముఖం కూడా చూస్తాను.

సౌమ్య స్వల్పంగా శ్వాస తీసుకుంటుంది.
అతను ముసుగును మెల్లగా తొలగిస్తాడు.
ఆమె ముఖం వెలుగులో మెరిసే క్షణం..
శ్రీకర్ కళ్లలో గౌరవం.
నీ నవ్వు అలాగే ఉండాలి.  నేను చూసుకునే బాధ్యత నా మీద.
సౌమ్య చిరునవ్వు.

మూడు గదుల్లో మూడు వాతావరణాలు:
ఒకటి నమ్మకంతో నిండిన ప్రశాంత ప్రేమ.
ఒకటి నవ్వులతో మొదలైన స్నేహ ప్రేమ.
ఒకటి గౌరవంతో బలపడిన భాగస్వామ్యం.
ముసుగులు తొలగిపోయాయి.
కానీ పరస్పర గౌరవం మాత్రం అలాగే.
దీపాల వెలుగు మెల్లగా తగ్గుతుంది…
రాత్రి ఆ కొత్త బంధాలను ఆలింగనం చేసుకుంటుంది.........