Thriller రుద్రం భజే! ( POWER OF YODHA )

[SivaSai]

రుద్రం భజే! ఎపిసోడ్ 32

నోయిడాలో ఉన్నా గోడౌన్స్ దగ్గరికి వచ్చి అక్కడ ఉన్న తన మనుషులకి భూపాల్ సింగ్, యంగ్ ఫోటోలు చూపించి ఎంతమంది చనిపోయిన పర్వాలేదు వీళ్ళిద్దరూ ప్రాణాలతో కావాలి అని నాలుగు బ్యాచులుగా విడిపోయి నాలుగు వైపుల నుంచి లోపలికి వెళ్లడానికి రెడీ చేసాడు బషీర్.

***********

ఫ్యాక్టరీ ఫ్రంట్ గేట్స్ పగలగొట్టి "బషీర్ భాయ్ చూపించిన ఫోటోలు చూశారు కదా! వాళ్లు తప్పితే ఎవరు కనిపించిన చంపేయండి." అని ఆవేశంగా చెప్పాడు రజాక్.

ఫ్రెంట్ గేట్లో నుంచి లోపలికి వస్తున్న వాళ్ళని చూసి "సుహా! నీ బోని బాగుంటుంది షూట్ చెయ్!" అని చెప్పాడు యోధ.

ఆ మాట విని "చంపడంలో కూడా మంచి చెడు ఉంటుందా..?" అని కంప్యూటర్లో చూస్తూ "ఫస్ట్ బుల్లెట్ తగిలి కింద పడేవాడు ఆ గడ్డం వాడు వంద నా పందెం!" అని చెప్పాడు గబ్బర్ సింగ్.

"కాదు" ఆ తలపాగా కట్టుకున్నవాడు ఫస్ట్ బుల్లెట్ తగిలి కింద పడతాడు." అని పందెం కలిపేడు క్యూబ్.

లోపలికి వస్తున్న వాళ్ళని చూసి రెండు చేతుల్లోకి గన్స్ తీసుకుని ముందు వచ్చిన ఇద్దరినీ షూట్ చేసింది సుహా.

కంప్యూటర్లో చూస్తూ "ఇద్దరు చచ్చారు ఎవరి డబ్బులు వాళ్ళు తీసుకోండి." అని నవ్వుతూ చెప్పింది పూజా.

ట్యాంక్ మీద కూర్చుని చూస్తున్న యమధర్మరాజు దగ్గరికి వెళ్లి "ప్రభు! ఇంక మీ పాశనికి పని చెప్పండి ఈ యుద్ధం పూర్తయ్య లోపులో మీ భుజం వాసిపోయేటట్లు ఉంది నేను వెళ్లి జండుబాంబ్ తీసుకొస్తాను." అని చెప్పాడు చిత్రగుప్తుడు.

"సరే!" అని చనిపోయిన ఇద్దరికి వైపు తన చేతిలో ఉన్న కర్రని చూపించి ఆత్మలను లాక్కున్నాడు యమధర్మరాజు.

లోపలికి వస్తున్న వాళ్ళని చూసి మరొక ఇద్దరినీ షూట్ చేశారు దీప్తి, నీతులు.

అది చూసి "గుడ్ షాట్! బుల్లెట్స్ వేస్ట్ అవ్వకుండా బానే షూట్ చేస్తున్నారు." అని చెప్పాడు యోధ.

అంతలో రైట్ సైడ్ నుంచి కొంతమంది గోడ దుకడంతోనే ల్యాండ్ మైన్స్ మీద కాలు వేయగానే బ్లాస్ట్ అయ్యి ముక్కలు ముక్కలు  అవ్వడం చూసి "వీళ్ళు చాలా ప్లాన్డ్ గా ఉన్నారు జాగ్రత్తగా ఉండండి." అని తన వాళ్ళ వైపు చూస్తూ చెప్పాడు షారుఖ్.

బ్లాస్ట్ అవ్వడం చూసి "ఎవరు గోడ దూకకండి ల్యాండ్ మైన్స్ పెట్టినట్లు ఉన్నారు, అందరూ ముందు వైపు నుంచి వెళ్దాము పదండి." అని తనతో పాటు ఉన్న వాళ్లకి చెప్పాడు ఖాసీం.

కంప్యూటర్లో చూస్తూ "వాళ్ళు గోడ దూకరు అక్కడి నుంచి వెళ్లి ఫ్రంట్ గేట్ నుంచి వస్తారు నా పందెం వెయ్యి రూపాయలు!" అని చెప్పాడు గబ్బర్ సింగ్.

"అవునా? వాళ్ళు ఇటువైపే వస్తారు చస్తారు." అని చెప్పి నంద వైపు చూశాడు క్యూబ్.

ఆ మాట విని నవ్వుతూ అక్కడ నుంచి మాయం అయ్యి  ఎడమవైపు గోడ బయటకు వెళ్లి నంది రూపంలోకి మారి వేగంగా రంకే వేస్తూ అక్కడ ఉన్న వాళ్ళని తన తలతో ఒక్క కుమ్ము కుమ్మి మాయమై మళ్ళీ భూషణ్ పక్కకు వచ్చి కూర్చున్నాడు నంద.

ఆ దెబ్బకి అక్కడ ఉన్న వాళ్ళందరూ గోడతో సహా వెళ్లి ల్యాండ్ మైన్స్ మీద పడడంతో బ్లాస్ట్ అవ్వడం చూసి షాక్ అయ్యి

"వెళ్ళిపోతున్నారు కదరా! మళ్ళి గోడ పగలకొట్టుకొని  లోపలికి ఎందుకు వచ్చి చచ్చారు, ఇప్పుడు నా వెయ్యి రూపాయలకి కాళ్లు వచ్చాయి." అని క్యూబ్ చేతిలో ఏడుస్తూ పెట్టాడు గబ్బర్ సింగ్.

"నంద వైపు చూసి ఎవర్ని చంపాను అని చెప్పావు!" అనుమానంగా చూస్తూ అడిగాడు ధర్మ.

"నేను వాళ్ళని చంపలేదు నా కొమ్ములతో ఒక్కసారి అదిలించను వాళ్లే వెళ్లి అక్కడ పడి చచ్చారు నాకు సంబంధం లేదు." అని చెప్పాడు నంద.

ఆ మాటకి నవ్వుతూ తన చేతిలో ఉన్న కర్ర ని గట్టిగా పట్టుకుని "ఇక్కడికి వచ్చిన వాళ్ళందరూ ఎన్ని పాపాలు చేశారో నా యమపాశం కూడా అలసిపోతుంది." అని చెప్పాడు ధర్మ.

మూడు వైపుల నుంచి అందరూ ఒకేసారి రావడం చూసి "ల్యాండ్ మైన్స్ కంప్లీట్ అయిపోయాయి ఇంకా మనం మొదలుపెట్టాలి." అని చెప్పాడు రాఖి.

గోడ పక్కన నుంచుని షూట్ చేస్తూ "వీళ్ళ దగ్గర కూడా న్యూ మోడల్ గన్సే ఉన్నాయి." అని చెప్పాడు వర్ధన్.

కాన్ఫరెన్స్ లో ఆ మాట విని "అందుకే కదా మాకు ఇన్ని తిప్పలు!" అని చెప్పింది నీతూ.

షూట్ చేస్తూ "ఇక్కడికి వచ్చిన వాళ్ళందరినీ చంపకుండా రాకెట్ లో ఎక్కించి స్పేస్ లోకి పంపిస్తే సరిపోతుంది అక్కడ హ్యాపీగా ఉంటారు." అని చెప్పింది దీప్తి.

కప్యూటర్ లో చూస్తూ "యోధ! వెనుక వైపు నుంచి చాలామంది వస్తున్నారు వాళ్లలో ముష్రు కూడా ఉన్నాడు." అని చెప్పింది పూజా.

"ఓకే!" అని చెప్పి ఐరన్ డోర్ ఒకటి చేత్తో పట్టుకుని వెనకవైపుకి వెళ్లి మీదకి వస్తున్న బుల్లెట్స్ కి డోర్ అడ్డంగా పెట్టి షూట్ చేస్తూ ఉన్నాడు యోధ.

అది చూసి ముష్రు చెయ్యి పట్టుకుని వెనక్కి లాగి "ఇది మిలిటరీ ట్రాప్ ఇక్కడ మనకి కావాల్సిన వాళ్ళు లేరు పద బయటికి వెళ్లి పోదాము." అని చెప్పాడు బషీర్.

"నో! ఆ వస్తువు సిగ్నల్ ఇక్కడే వస్తుంది నేను లోపలికి వెళ్లి ఎలాగైనా దానిని తీసుకోస్తాను." అని చెప్పాడు ముష్రు.

"సరే నీ కర్మ! మనం వాళ్ళని రౌండ్ అప్ చెయ్యడం కాదు మనల్ని లోపలికి రప్పించి మరి చంపుతున్నారు." అని అక్కడి నుంచి వెనక్కి పరుగెత్తుకుంటూ వెళ్ళాడు బషీర్.

లోపలికి పరుగెత్తుకుంటూ వస్తున్న ముష్రుని చూసి వేగంగా వెళ్లి చెయ్యి పట్టుకుని లాగి తన వెనక్కి తీసుకువచ్చి వెపన్ రూమ్ లో ఉన్న పుష్కర వైపు చూసి "రాకెట్ లాంచర్ తీసుకురా..!" అని చెప్పాడు  యోధ.

"సార్! బషీర్ కి విషయం అర్థమై వెన్నక్కి పారిపోయాడు." అని చెప్పాడు ముష్రు.

"అవునా?" అని కాన్ఫరెన్స్ లో మాట్లాడుతూ "వాళ్ళకి విషయం అర్థమైంది పారిపోవడానికి ట్రై చేస్తారు ఒక్కడు కూడా ప్రాణాలతో మీగలకూడదు." అని చెప్పి పుష్కర్ తెచ్చిన రాకెట్ లోంచి తీసుకుని అక్కడికి వస్తున్నా వాళ్ల మీదకి షూట్ చేశాడు యోధ.

"నువ్వు చెప్పింది కరెక్టే బషీర్ పరిగెత్తుకుంటూ కార్ దగ్గరికి వెళ్ళాడు అతన్ని చూసి కొంతమంది వెనక్కి వెళ్ళడానికి రెడీ అవుతున్నారు." అని చెప్పింది నీతూ.

అందరి మాటలు వింటూ బుక్ ఓపెన్ చేసి చూస్తూ "ఇక్కడి నుంచి నలుగురు మాత్రమే బయటికి వెళ్తారు." అని చెప్పాడు గుప్తా.

కంప్యూటర్ ముందు దిగాలుగా కూర్చుని క్యూబ్ వైపు చూసి "నా శాలరీ మొత్తం కొట్టేసావు ఇంక నా దగ్గర డబ్బులు కూడా లేవు!" అని చెప్పాడు గబ్బర్ సింగ్.

"సరే! ఆఖరి పందెం ఇక్కడి నుంచి నలుగురు మాత్రం బతికి బయటికి వెళ్తారు మిగతా వాళ్ళందరూ చచ్చిపోతారు ఇప్పటివరకు గెలిచింది మొత్తం పందెంలో పెడుతున్నాను." అని చెప్పాడు క్యూబ్.

ఆ మాట విని  అందరు బుల్లెట్స్ తగిలి కింద పడుతూ ఉండడం కంప్యూటర్లో చూసి "ఒక్కడు కూడా తప్పించుకునే ఛాన్స్ లేదు పందెం ఓకే కానీ నేను ఓడిపోతే డబ్బులు తర్వాత ఇస్తాను." అని చెప్పాడు గబ్బర్ సింగ్.

"సరే సరే! నాకు అప్పు ఇవ్వడం అంటే భలే సరదా!" అని పందెం కలిపాడు క్యూబ్.

కంప్యూటర్ లోకి చూస్తూ సంతోషంగా చప్పట్లు కొడుతున్న పూజా వైపు చూసి "నువ్వు ఒక్క పందెం కూడా వేయడం లేదు ఏమిటి?" అని డౌటుగా అడిగాడు గబ్బర్ సింగ్.

"నేను ఎంజాయ్ చేసేటప్పుడు టెన్షన్ పెట్టుకోలేను." అని కంప్యూటర్ వైపు చూస్తూ "రైట్ సైడ్ చూడండి వెనక్కి పారిపోతున్నారు త్వరగా షూట్ చేయండి." అని ఆనందంగా చూస్తూ ఫోన్ లో చెప్పింది పూజా.

అది చూసి "ఏమీ ఆనందం తల్లి నీది!" అని కంప్యూటర్ వైపు చూస్తూ "పారిపోనివ్వకండి చంపండి రా.. నాయనా... నా డబ్బులు మొత్తం వీడు దొబ్బేస్తున్నాడు ." అని ఏడుస్తూ చెప్పాడు గబ్బర్ సింగ్.

"నాకు ఒక విషయం అర్థం అవడం లేదు బుల్లెట్ తగిలిన తర్వాత కనీసం గిలగిలా కూడా కొట్టుకోవడం లేదు వెంటనే చచ్చిపోతున్నారు ఎందువల్ల అంటావు?" అని అడిగింది పూజా.

ఆ మాట విని 'యమధర్మరాజు రెడీగా ఉంటే ఇంకా ఎందుకు గిలగిల కొట్టుకుంటారు.' అని మనసులో అనుకున్నాడు క్యూబ్.

పరుగెత్తుకుంటూ కారు దగ్గరికి వచ్చి షారుక్ వైపు చూసి "మనవాళ్లందరి వెనక్కి రమ్మని చెప్పండి లోపల మిలటరీ ఉంది." అని కంగారుగా చెప్పాడు బషీర్.

ఆ మాట విని రజాక్, ఖాసీం లని తీసుకుని పరిగెత్తుకుంటూ కారు దగ్గరికి వెళ్ళాడు షారుఖ్.

అంతలో వెనక వైపు నుంచి షూట్ చేసుకుంటూ వస్తున్న యోధని చూసి "ఇక్కడ ఉంటే మనం కుడా పోతాము." అని కారు స్టార్ట్ చేశాడు ఖాసీం.

పైనుంచి అది చూసి "యోధ! నలుగురు కారులో పారిపోతున్నారు వాళ్ళని చూసి మిగతా వాళ్ళు కూడా బయటికి వస్తున్నారు." అని చెప్పింది నీతూ.

ఆ మాట విని స్పీడ్ గా పరిగెత్తుకుంటూ ఫ్రంట్ గేట్ దగ్గరికి వెళ్లి పరిగెత్తుకుంటూ వస్తున్న వాళ్ళని షూట్ చేస్తూ ఉన్నాడు యోధ.

కంప్యూటర్లో చూస్తూ "ఏంటి? బుల్లెట్స్ యోధ దగ్గరికి వెళ్లి కింద పడిపోతున్నాయి." అని కళ్ళు నలుపుకుంటూ అడిగాడు గబ్బర్ సింగ్.

"కరెక్ట్ గా చూడు బుల్లెట్స్ యోధ దగ్గరికి వెళ్లడం లేదు మధ్యలోనే ఆగిపోతున్నాయి, వాళ్ల చేతిలో ఉన్న గన్స్ అంత పవర్ఫుల్ కాదు అనుకుంటా!" అని చెప్పింది పూజా.

కుర్చీలోంచి లేచి "సరే! నువ్వు నాకు నెల జీతం బాకీ గుర్తుపెట్టుకో!" అని చెప్పాడు క్యూబ్.

ఆ మాట విని "మర్చిపోయా అంత చిన్న అమౌంట్ ఆ.. అయినా నాకు తీసుకోవడమే గాని తిరిగి ఇవ్వడం తెలియదు." అని నవ్వుతూ చెప్పేడు గబ్బర్ సింగ్.

"నాకు వసూలు చేయడం ఎలాగో బాగా తెలుసు!" అని చెప్పాడు క్యూబ్.

అక్కడినుంచి కార్ పారిపోతూ ఫోన్ తీసి సయ్యద్ కి కాల్ చేసాడు బషీర్.

ల్యాబ్ లో ఫోన్ కోసం వెయిట్ చేస్తూ రింగ్ అవడం చూసి హడావుడిగా లిఫ్ట్ చేసి "బషీర్! ఇద్దరు దొరికారా..?" అని సంతోషంగా అడిగాడు సయ్యద్.

"ఏంటి భాయ్ దొరికేది నువ్వు పంపించిన లొకేషన్ లో మిలటరీ వాళ్ళు ఉన్నారు నలుగురం  మాత్రమే తప్పించుకున్నము మిగతా వాళ్ళందరూ చచ్చిపోయారు." అని టెన్షన్ గా చెప్పాడు బషీర్.

ఆ మాట విని షాక్ అయ్యి చూస్తున్న సయ్యద్ దగ్గర ఫోన్ తీసుకుని "మీకు మిలిటరీ ల్యాబ్ లొకేషన్ పంపుతాను అక్కడికి వెళ్ళండి నాకు తెలిసి ఇద్దరు అక్కడే ఉంటారు."  అని చెప్పాడు కళింగ.

"ఓకే!" అని ఫోన్ పెట్టేసి వచ్చిన మెసేజ్ చూసి డ్రైవింగ్ చేస్తున్న షారుక్ వైపు తిరిగి "ఈ లొకేషన్ కి ఫాస్ట్ గా వేళ్ళు!" అని చెప్పాడు బషీర్.

" రుద్రం భజే! ఎపిసోడ్ 32 " రచనకు రేటింగ్ ఇవ్వండి