Thriller రుద్రం భజే! ( POWER OF YODHA )

[SivaSai]

రుద్రం భజే! ఎపిసోడ్ 28

ఆ వస్తువుని తీసి బిర్యానీ ప్యాకెట్ పెట్టింది మన భూషణ్ అని క్యూబ్ నవ్వుతూ చెప్పడంతో ఎంత సంతోషంగా నవ్వుతున్నావురా కారణమేమిటి అని అడిగాడు గబ్బర్ సింగ్

**************

గబ్బర్ సింగ్ కారణమేమిటి అని అడగడంతో "భూపాల్ సింగ్ దగ్గర ఉన్న వస్తువు కోసం, నీ దగ్గర ఉన్న చీఫ్ లోకేషన్ చూసి యంగ్ కోసం టెర్రరిస్టులు, ఆ రెండు దేశాలకి హెల్ప్ చేసేవాళ్లు వెతుక్కుంటూ వస్తారు వాళ్ళకి యోధ చాక్లెట్లు తినిపిస్తాడు భలే సరదాగా ఉంటుంది." అని సంతోషం గా చెప్పాడు క్యూబ్.

ఆ మాటకి విచిత్రంగా చూస్తూ "ఓరిని సరదా చెరువులో కలవా..!" అని హడావుడిగా నీతూ దగ్గరికి వెళ్లి "మేడం! ఈ చిప్ నా దగ్గర వద్దు ఎవడో ఒకడు నామీద బాంబు వేస్తాడు." అని కంగారుగా చెప్పాడు గబ్బర్ సింగ్.

అక్కడికి వచ్చి "అంత భయమెందుకు?" అని గబ్బర్ సింగ్ చేతిలో ఉన్న చిప్ తీసుకొని అరటి పండులో పెట్టుకుని తినేసాడు నంద.

అది చూసి "మేడం! ఇక్కడ అందరూ చాలా వైలెంట్ గా ఉన్నారు నేను ఈ టీమ్ లో అవసరమంటారా..?" అని అడిగాడు గబ్బర్ సింగ్.

"నీ అవసరం మాకు చాలా ఉంది నీలాంటి ధైర్యవంతులు మాతో పాటు ఉండాలి." అని చెప్పాడు భూషణ్.

"నా బొంద ధైర్యం!" అని యంగ్ చేతి నుంచి బ్లడ్ తీస్తున్న ఉన్ని కృష్ణన్ వైపు చూసి "ఇప్పుడు ఆ రక్తం తో ఏం చేస్తారు?" అని అడిగాడు గబ్బర్ సింగ్.

ఉన్ని కృష్ణన్ దగ్గరికి వెళ్లి "మళ్లీ బ్లడ్ తో టెస్ట్ చెయ్యడం అవసరమంటారా..?" అని అడిగాడు యోధ.

"ఈ బ్లడ్ వల్ల జంతువుల్లో వచ్చే మార్పు చూసి వాటి బ్లడ్ కుడా టెస్ట్ చేస్తేనే యంగ్ ని క్యూర్ చేయగలను, అయ్యినా మీరేమి కంగారు పడకండి నేను సేఫ్టీ చూసుకుంటాను." అని చెప్పి

ఒక గ్లాస్ బాక్స్ లో రెండు ఎలుకలని ఉంచి వాటి మీద బ్లడ్ పోసి వాటర్ పోసి డోర్ క్లోజ్ చేసాడు ఉన్నికృష్ణన్.

కాసేపటికి ఎలుకల సైజు పెరగడం ఆశ్చర్యంగా చూస్తూ యంగ్ దగ్గరికి వెళ్లి "ఏమి తినేసి చచ్చావురా.. నీ బ్లడ్ అలా తయారైంది?" అని అడిగాడు గబ్బర్ సింగ్.

"నామీద టూ ఇయర్స్ టెస్టింగ్ చేశారు అందుకనే ఇలా తయారయ్యాను." అని చెప్పాడు యంగ్.

"ఏంటి? రెండు సంవత్సరాలు టెస్ట్ చేశారా..!" అని అడుగుతూ ఎలుకలు పెద్దగా మారి గట్టిగా అరుస్తూ గ్లాసులు పగలగొట్టడానికి ట్రై చేయడం భయంగా చూస్తూ

"ఈ ఎలుకలు ఇలా తయారయ్యాయి అంటే వీడి రక్తం ఏ కుక్క అయ్యినా నాకింది అంటే పరిస్థితి ఏమిటి?" అని కంగారుగా చూస్తూ వెనక్కి వచ్చాడు గబ్బర్ సింగ్.

మిషన్ ద్వారా ఆ రెండు ఎలుకల బ్లడ్ ని తీసి టెస్ట్ చేసి యోధా వైపు చూసి "యంగ్ బాడీలో ఉన్న బ్లడ్ డేంజర్ కానీ ఆ బ్లడ్ తో తయారైన జంతువుల బ్లడ్ ఇంకా డేంజర్!" అని చెప్పాడు ఉన్నికృష్ణన్.

ఆ మాట విని డౌట్ గా చూస్తూ "డేంజర్ అంటే ఏం జరుగుతుంది?" అని అడిగాడు యోధ.

"నాకు వన్ డే టైమ్ ఇస్తే అన్ని విషయాలు చెబుతాను." అని చెప్పాడు ఉన్ని కృష్ణన్.

"సరే!"అని యంగ్ ని భూపాల్ సింగ్ ని పక్కపక్కన కూర్చోబెట్టి వీడియో తీసి భూపాల్ ని ఒక రూమ్ లోకి పంపించి  "నువ్వు ఇక్కడ సేఫ్ గా ఉంటావు." అని చెప్పి అక్కడి నుంచి తన టీమ్ తో బయటికి వచ్చాడు యోధ.

*************

కజకిస్తాన్ గెస్ట్ హౌస్ లో రూమ్ లో నుంచి రేపాలా ఎప్పుడు బయటకు వస్తాడా అని వెయిట్ చేస్తున్న కళింగ చింగ్ యా దగ్గరకు వెళ్లి టెన్షన్ గా చూస్తూ

"ఆ వస్తువుని మీ అసిస్టెంట్ ముష్రు దగ్గర ఉంచితేనే  బాగుండేది అనుకుంట!" అని నెమ్మదిగా చెప్పాడు సయ్యద్.

ఆ మాట విని "ఇప్పుడు ఏమైంది? భూపాల్ సింగ్ మీ మనిషే కదా!" అని అడిగాడు కళింగ.

కంగారుగా ఉన్న సయ్యద్ ని చూసి "భూపాల్ సింగ్ టచ్ లో లేడు అని మాత్రం చెప్పకు!" అని సీరియస్ చెప్పాడు చింగ్ యా.

"ముష్రుని బోర్డర్ దగ్గర కారులో ఉండమని ఫోన్ కూడా వదిలేసి వెళ్లిపోయాడు ఇంకా నాకెందుకో అనుమానంగా ఉంది." అని స్లోగా చెప్పాడు సయ్యద్.

ఆ మాటకి అనుమానంగా కళింగ వైపు చూసి "యంగ్ లోకేషన్ ఆ వస్తువు లొకేషన్ ఎక్కడ ఉన్నాయో చూడు." అని చెప్పాడు చింగ్ యా.

"ఓకే!" అని లాప్టాప్ ఆన్ చేసి లొకేషన్స్ చూసి "ఆ వస్తువు లొకేషన్ యంగ్ లోకేషన్ ఒక్క దగ్గరే ఉన్నాయి, అంటే యంగ్ ని ఇక్కడి నుంచి తీసుకువెళ్లింది భూపాల్ సింగ్ ఆ..!" అని డౌట్ గా సయ్యద్ వైపు చూసి "అసలు ఎవరు వాడు? నీకు ఎలా తెలుసు?" అని కోపంగా అడిగాడు కళింగ.

ఆ మాటకి టెన్షన్ గా చూస్తూ "భూపాల్ సింగ్ జలందర్ కి చెందిన వాడు టెర్రరిస్ట్ యాక్టివిటీస్ లో ఫాస్ట్ గా ఉండేవాడు చాలా నమ్మకస్తుడు.

నాలుగైదు బ్లాస్టులు కూడా చేశాడు ఒకసారి పాకిస్తాన్ కూడా వచ్చి వెళ్ళాడు ఇప్పుడు ఇలా ఎందుకు చేస్తున్నాడో అర్థం కావడం లేదు." అని చెప్పాడు సయ్యద్.

"ఇండియాలో ఉన్న మీ మనుషులందరినీ యాక్టివేట్ చేయండి వాళ్ళిద్దరూ ఎక్కడ ఉన్న పట్టుకోమని చెప్పండి అందరికీ లొకేషన్స్ షేర్ చేయండి." అని చెప్పాడు కళింగ.

"సైంటిస్ట్" మనం తొందరపడుతున్నారేమో నాకు ఎక్కడో తేడా కొడుతుంది. " అని చెప్పాడు సయ్యద్.

ఆ మాటకి కోపంగా చూస్తూ "నీకు తేడా కొట్టడం కాదు యంగ్ మన చేతికి రాకపోతే ఫార్మా కంపెనీ వాళ్ళు చేతిలో నాకు తేడా కొడుతుంది." అని చెప్పాడు కళింగ.

"ఆ వస్తువు దొరికింది అని నేను ప్రెసిడెంట్ కి కూడా చెప్పేసాను ఇప్పుడు మిస్ అయింది అని చెప్తే నా పని అవుట్!" అని చెప్పాడు చింగ్ యా.

"సరే! లొకేషన్స్ నాకు పంపించు." అని చెప్పి ఫోన్లు చేస్తూ ఉన్నాడు సయ్యద్.

అంతలో గది తలుపు సౌండ్ అవడంతో బయటికి వస్తున్న రేపాల వైపు చూసి "ఇంత సేపు లోపల ఏం చేసావు? ఆ నలుగురి రక్తంతో ఏం తెలుసుకున్నావు?" అని అడిగాడు చింగ్ యా.

"ఈ నలుగురిని చంపింది మనిషే కానీ అతనికి దైవ శక్తి తోడుగా ఉంది. నా శక్తి మొత్తాన్ని బయటికి తీసే రోజు దగ్గరకు వచ్చింది మనం వెంటనే కారకొరం పర్వతాలకి వెళ్ళాలి." అని చెప్పాడు రేపాలా.

ఫోన్లో మాట్లాడుతూ ఆ మాట విని నవ్వుతూ "ఏంటి? దేవుడు సహాయం చేయడానికి వచ్చాడా?" అని అడిగాడు సయ్యద్.

నవ్వుతున్న చింగ్ యా వైపు చూసి నవ్వకు అని సైగ చేసాడు కళింగ.

సైగ చెయ్యడం తో సీరియస్ గా ఉన్న రేపాల వైపు చూసి సైలెంట్ గా ఉన్నడు చింగ్ యా.

"నా మాటలు మీకు నవ్వు తెప్పిస్తున్నాయి కదా! నా శక్తి ఏమిటో ఇప్పుడే చూపిస్తాను." అని చెప్పి అని స్పీడ్ గా నడుచుకుంటూ బయటికి వెళ్లాడు రేపాలా.

అది చూసి "ఆగు రేపాలా! నీ శక్తి గురించి నాకు బాగా తెలుసు!" అంటూ వెనకాలే వెళ్లాడు కళింగ.

గెస్ట్ హౌస్ దగ్గర నుంచి సముద్రం దగ్గరికి వెళ్లి మంత్రాలు చదువుతూ ఉన్నడు రేపాలా.

ఏమి జరుగుతుందా అని టెన్షన్ గా  చూస్తూ ఉండగా సముద్రం లోపల నుంచి జింగ్ పైకి వచ్చి నీళ్ల మీద నడుచుకుంటూ ఒడ్డు కి రావడం చూసి

"అసలు వీడు నీళ్ల మీద ఎలా నడుస్తున్నాడు?" అని ఆశ్చర్యంగా చూస్తూ అడిగాడు సయ్యద్.

ఆ మాటకి నవ్వుతూ "సముద్ర నుంచి బయటికి వస్తుంది జింగ్ బాడీ మాత్రమే అతనిలో ఉన్నది రేపాలా ఆధీనంలో ఉన్న రాక్షసుల ఆత్మలలో ఒక ఆత్మ !" అని చెప్పాడు కళింగ.

తన ముందు ఉన్న జింగ్ వైపు చూసి "వండర్ఫుల్! నేను కూడా రేపాలా శక్తిని తక్కువ అంచనా వేసాను, ఇతను మనకు తోడుగా ఉంటే ఏదైనా చేయొచ్చు!" అని సంతోషంగా చూస్తూ చెప్పాడు చింగ్ యా.

"మన ల్యాబ్ చుట్టూ సెక్యూరిటీగా ఉన్నది మీ ఆర్మీ వాళ్ళు టెర్రరిస్టులు అనుకున్నరా..! వాళ్లు ఆ మంచుకి ఎప్పుడో చచ్చారు.

అక్కడ వాళ్ళ బాడీ లు మాత్రమే ఉన్నాయి లోపల రేపాలా పంపిన రాక్షసుల ఆత్మలు ఉన్నాయి అందుకే ఆకలి దప్పిక నిద్ర లేకుండా కాపలా కాస్తున్నారు." అని చెప్పాడు కళింగ.

"మరి రేపాలా అలా అంత శక్తివంతుడు కదా ఆలకాపూరి దగ్గరికి వెళ్లడానికి ఆ వస్తువు కోసం ఎందుకు ఎదురు వెయిట్ చేస్తున్నాడు." అని అడిగాడు  చింగ్ యా.

ఆ మాట విని కోపంగా వెనక్కి తిరిగి "అలాకాపురి నగరం ఉంది నీ ఇంటి పక్కన అనుకున్నావా..? కైలాస పర్వతంలో అది ఎక్కడ ఉందో తెలుసుకోవడం ముల్లోకాలను జయించిన రావణబ్రహ్మకి కూడా సాధ్యం కాలేదు.

ఆ వస్తువు మన దగ్గర ఉంటేనే ఆ నగరానికి వెళ్లగలము తలుపులు తెరవగలము అది కూడా దైవంతో యుద్ధం చేసి మాత్రమే!" అని చెప్పాడు రేపాలా.

"ఆ నగరం దగ్గర యుద్ధం చేసేది మన ఆర్మీ కాదు రేపాలా ఆర్మీ తన పూర్వీకుల ఆత్మలు మొత్తం దైవం మీద విజయం సాధించాలని ఎదురుచూస్తున్నాయి.

అంతే కాదు యంగ్ ని నేను సృష్టించాను కానీ దానికి కావలసిన ప్రతి విషయం రేపాలా ద్వారానే తెలుసుకున్నాను." అని చెప్పాడు కళింగ.

"మనం వెంటనే పర్వతాల దగ్గరికి వెళ్లాలి మీ మనుషుల ద్వారా యంగ్ ని ఆ వస్తువుని తీసుకురావడం  సాధ్యం అయ్యితే సరే లేకపోతే నా సైన్యాన్ని రంగంలోకి దింపుతాను." అని చెప్పాడు రేపాలా.

"నా మనుషుల అందరితో మాట్లాడాను ఆ ఇద్దరు ఎక్కడ ఉన్నా పట్టుకుంటారు, అవసరమైతే ఇండియాలో అల్లకల్లోలం సృష్టిస్తారు." అని కసిగా చూస్తూ చెప్పాడు సయ్యద్.

" రుద్రం భజే! ఎపిసోడ్ 28 " రచనకు రేటింగ్ ఇవ్వండి.........