Thriller రుద్రం భజే! ( POWER OF YODHA )

[SivaSai]

రుద్రం భజే! ఎపిసోడ్ 27

కార్ సీటు కింద పాకెట్ లో పద్మం బదులు బిరియాని ఉండడంతో భూపాల్ సింగ్ వెతుకుతూ ఉండగా అక్కడికి కార్ లో వస్తున్న నీతూ వాళ్లను చూసి చెకింగ్ అయిపోయింది ఇంక మీరు హ్యాపీగా వెళ్ళిపోవచ్చు అని చెప్పి తన జీప్ దగ్గరికి వెళ్ళాడు గబ్బర్ సింగ్.

************

కారు మొత్తం వెతికి  కింద పాడేసినా బిర్యానీ ప్యాకెట్ లో చూసి 'ఆ చెకింగ్ చేసినా ఆఫీసర్ ఏదో చేసాడు.' అనుకోని కోపంగా గబ్బర్ సింగ్ దగ్గరికి వెళ్లి "ఆ బిర్యానీ ప్లేసులో నా వస్తువు ఉండాలి నువ్వే తీసావు మర్యాదగా ఇస్తావా లేదా!)?" అని అడిగాడు భూపాల్.

"ఏంట్రా! గట్టిగా మాట్లాడుతున్నావు బిర్యానీ టేస్ట్ బాగుంది అన్నానని అడ్వాంటేజ్ తీసుకుంటున్నావా..?" అని వెటకారంగా చూస్తూ అడిగాడు గబ్బర్ సింగ్.

"నా గురించి నీకు సరిగ్గా తెలీదు మర్యాద సీటు కింద తీసిన వస్తువు ఇవ్వు!" అని గట్టిగా అరుస్తూ ఉన్నాడు భూపాల్.

అది చూసే హడావిడిగా అక్కడికి వెళ్లి "భూపాల్! ఆఫీసర్ గారు సీట్ కింద నుంచి ప్యాకెట్ తీసింది మన ముందే కదా! నువ్వు బిర్యానీ ఉంది అని చెప్పావు అలాగే అందులో బిర్యానీ ఉంది నువ్వే ఎక్కడో పెట్టి మర్చిపోయావు ఉంటావు." అని చెప్పాడు ముష్రు.

ఆ మాటకి టెన్షన్ అటు ఇటు తిరుగుతూ "నేను సీటు కింద పెట్టాను ఏమైపోయిందో అర్థం కావడం లేదు, ఈ విషయం సయ్యద్ బాయ్ కి తెలిసిందో నన్ను చంపేస్తాడు." అని కంగారుగా చూస్తూ చెప్పాడు భూపాల్.

అంతలో కార్లో ఉన్న ఫోన్ రింగ్ అవ్వడం చూసి "సయ్యద్ ఫోన్ చేస్తున్నాడు." అని చెప్పాడు ముష్రు.

ఫోన్ వైపు టెన్షన్ గా చూస్తున్నా భూపాల్ ని చూసి అక్కడకి వచ్చి భుజం మీద చెయ్యి వేసి "నువ్వు ఇండియా దాటి బయటికి వెళ్ళకూడదు అని కోర్ట్ ఆర్డర్ ఉంది కదా ఎక్కడికి వెళ్తున్నావు?" అని అడిగాడు పుష్కర్.

ఆ మాట విని భూపాల్ వైపు చూసి "ఏంట్రా? నువ్వు నిజంగానే టెర్రరిస్ట్ వా.." నాకు ముందే డౌట్ వచ్చింది తప్పించుకోవడానికి నా వస్తువు పోయింది పర్స్ పోయింది అని డ్రామాలాడుతున్నావా..?" అని అడిగాడు గబ్బర్ సింగ్.

మళ్లీ ఫోన్ రింగ్ అవడంతో టెన్షన్ పడుతున్న భూపాల్ దగ్గరికి వచ్చి "ఏంటి సయ్యద్ కాల్ చేస్తున్నాడా..?" అని అడిగాడు యోధ.

ఆ మాట విని ఆశ్చర్యంగా చూస్తూ "ఎవరు నువ్వు? సయ్యద్ కాల్ చేస్తున్నాడని నీకు తెలుసు?" అని భయంగా చూస్తూ అడిగాడు భూపాల్.

అక్కడికి వచ్చిన నీతూ ని చూసి "గుడ్ ఈవెనింగ్ మేడం! సార్ ఎవరు అంత ఉన్నారు." అని యోధవైపు ఆశ్చర్యంగా చూస్తూ అడిగాడు గబ్బర్ సింగ్.

"నువ్వు జాయిన్ అయ్యేది సార్ టీమ్ లోనే!" అని చెప్పింది నీతూ.

తల పైకి ఎత్తి యోధవైపు చూసి "సార్! చేతికి కొంచెం దూరంగా ఉండాలి." అని గుటకలు మింగుతూ చూశాడు గబ్బర్ సింగ్.

భూపాల్ భుజం మీద చెయ్యి వేసి పక్కకు తీసుకువెళ్లి "సయ్యద్ గురించి నాకు ఎలా తెలుసో తర్వాత చెప్తాను ఇప్పుడు నిన్ను సేఫ్ గా ఉంచగలిగింది నేను మాత్రమే బతకాలి అంటే మాతో పాటు రా..!" అని చెప్పాడు యోధ.

"సార్! నేను సయ్యద్ బాయ్ వస్తువు పోగొట్టెను ఇప్పుడు అది తిరిగి ఇవ్వకపోతే నన్ను ఎక్కడ ఉన్నా చంపేస్తారు." అని కంగారుగా చెప్పాడు భూపాల్.

"నేను చెప్పేది కూడా అదే నిన్ను సేఫ్ గా ఉంచుతాను కాకపోతే నేను చెప్పినట్లు చేయాలి." అని చెప్పాడు యోధ.

"ఓకే సార్! మీరు ఏది చెప్తే అది చేస్తాను నన్ను మాత్రం కాపాడండి." అని ఊపిరి పీల్చుకుంటూ చెప్పాడు భూపాల్.

ఏకవీర వైపు చూసి "భూపాల్ ని తీసుకెళ్లి కార్ లో కూర్చోబెట్టండి." అని చెప్పి ముష్రు దగ్గరకు వెళ్లి "ఫోన్ లిఫ్ట్ చేసి ఏమి చెప్పాలో తెలుసు కదా!" అని అడిగాడు యోధ.

"ఎస్ సార్!" అని ఫోన్ లిఫ్ట్ చేసి "సయ్యద్ బాయ్! నేను ముష్రుని మాట్లాడుతున్నాను." అని చెప్పాడు.

"భూపాల్ ఎక్కడ? బోర్డర్ దాటారా..?" అని అడిగాడు సయ్యద్.

"బాయ్! నన్ను కార్ లో కూర్చోబెట్టి ఫోన్ ఇచ్చి ఇప్పుడే వస్తానని వెళ్ళాడు అతని కోసమే వెయిట్ చేస్తున్నను." అని చెప్పాడు ముష్రు.

"అవునా? ఎక్కడికి వెళ్లి ఉంటాడు." అని కాసేపు ఆలోచించి "ఆ వస్తువు ఎక్కడ ఉంది?" అని అనుమానంగా అడిగాడు సయ్యద్.

"వీడియో కాల్ లో ఉన్నప్పుడే కళింగ సర్ ఆ వస్తువుని భూపాల్ కి ఇమ్మన్నారు కదా ఇచ్చేసాను, ఇప్పుడు అతని దగ్గరే ఉంది అందుకే నాకు కూడా కంగారుగా ఉంది." అని చెప్పాడు ముష్రు.

"భూపాల్ అలాంటివాడు కాదు అక్కడే ఉండు వస్తాడు ఫోన్ నీ దగ్గరే ఉంచు మళ్ళీ కాల్ చేస్తాను." అని ఫోన్ పెట్టేసాడు సయ్యద్.

ఫోన్ కట్ చేసిన ముష్రు వైపు చూసి "నువ్వు సేఫ్! భూపాల్ కోసం ఇండియాలో కనపడకుండా దాక్కున్న ఏలుకలు బయటకు వచ్చి నిన్ను కలుస్తాయి వాళ్లని నేను చెప్పిన ప్లేస్ కి తీసుకు వస్తూ ఉండు." అని చెప్పాడు యోధ.

"ఓకే సార్" నాదొక చిన్న డౌట్ ఆ వస్తువు ఉన్న ప్లేస్ లోకి బిర్యానీ ఎలా వచ్చింది?" అని అడిగాడు ముష్రు.

"నీకు అవసరం లేని విషయాల గురించి ఎక్కువగా ఆలోచిస్తే నువ్వు భూపాల్ ప్లేస్ లో ఉంటావు." అని చెప్పాడు యోధ.

"సారీ సార్!" అని కార్లో ఎక్కి కూర్చున్నాడు ముష్రు.

అక్కడి నుంచి వెళుతూ గబ్బర్ సింగ్ వైపు చూసి "ఈ రోజు నుంచి నువ్వు కూడా నా టీం లో నెంబర్!" అని పక్కన ఉన్న భూషణ్ వైపు చూపించి "వీళ్ళతో పాటు ఉండు." అని చెప్పాడు యోధ.

ఆ మాటకి సంతోషంగా చూస్తూ "థాంక్యూ సార్!" అని సెల్యూట్ చేసి  భూషణ్ వాళ్ళ తో పాటు కార్ ఎక్కడు గబ్బర్ సింగ్.

కార్ ఎక్కుతూ ఇప్పుడు భూపాల్ ని ఎక్కడ ఉంచుదాము?" అని అడిగింది దీప్తి.

డ్రైవింగ్ సీట్లో ఉన్న నీతూ వైపు చూసి "ల్యాబ్ కి వెళ్ళు యంగ్ తోపాటు అక్కడే ఉంటాడు." అని చెప్పాడు యోధ.


కారులో వెళుతూ భూషణ్, నంద వాళ్ళని చూసి  'ఒక్కొక్కరు ఇంత ఉన్నారు ఏంటి?' అనుకుంటూ క్యూబ్ వైపు చూసి 'మన సైజుకి సరిపోతాడు.' అనుకుని స్మైల్ ఇచ్చి "హాయ్ సర్! మై నేమ్ ఇస్ గబ్బర్ సింగ్ మీ టీమ్ లో ఈ రొజే జాయిన్ అయ్యాను." అని చెప్పాడు.

" కంగ్రాట్స్! అయితే నువ్వు కూడా మాతో పాటు హిమాలయాలకు వస్తావన్నమాట!" అని చెప్పాడు క్యూబ్.

ఆ మాట విని విచిత్రంగా చూస్తు "ఏంటి హిమాలయాలకా..! ఇంతకీ ఈ కేస్ ఏంటి?" అని అడిగాడు గబ్బర్ సింగ్.

"ఏమీ తెలియకుండా టీం లో జాయిన్ అయ్యావా..?" అని అడిగాడు నంద.

ఆ మాట విని కంగారుగా చూస్తూ "ఏదో తేడాగా ఉంది ఒక్కసారి కార్ ఆపుతారా ప్లీజ్!" అని అడిగాడు గబ్బర్ సింగ్.

"ఈ టీమ్ లో జాయిన్ అయ్యినా తర్వాత బయటికి వెళ్లడం కుదరదు సైలెంట్ గా కూర్చో!" అని చెప్పాడు భూషణ్.

పుష్కర వైపు చూసి "ఇంతకీ కేసు ఏమిటి సార్!" అని అడిగాడు గబ్బర్ సింగ్.

"కాసేపు వెయిట్ చెయ్! ల్యాబ్ కి వెళ్తున్నాము కదా అక్కడ నీకు అన్ని విషయాలు తెలుస్తాయి." అని చెప్పాడు పుష్కర్.

"నేను సెక్యూరిటీ అధికారి సార్ ల్యాబ్ కి ఎందుకు?" అని కంగారుగా అడిగాడు గబ్బర్ సింగ్.

"మిస్టర్ గబ్బర్ సింగ్! నీకు అర్థం అయ్యేటట్లు నేను చెబుతాను." అని భుజం మీద చెయ్యి వేసి యంగ్ గురించి వివరంగా చెప్పి

"ఈ విషయం బయటకు తెలిసిందో ఆ మిలటరీ ఆఫీసర్ ని చూసావు కదా ఎలా ఉన్నాడో రెండు చేతుల మధ్యలో నీ తల పెట్టి ఒక్క నొక్కు నొక్కుతాడు." అని చెప్పాడు క్యూబ్.

ఆ మాటకి అయోమయంగా చూస్తు నా టైమ్ బాగుండి ఈ కేసులోకి వచ్చానో, టైమ్ బాలేక ఈ కేసులోకి వచ్చానో అర్థం కావడం లేదు. రెండు చేతుల మధ్యలో తలపెట్టి నొక్కుతారా..?" అని టెన్షన్ చూస్తూ ఉన్నాడు గబ్బర్ సింగ్.

అంతలో ల్యాబ్ దగ్గరికి రావడంతో కార్ దిగి భూపాల్ ని తీసుకొని లోపలికి వెళ్లి ఉన్న ఉన్ని కృష్ణన్ వైపు చూసి "యంగ్ గురించి ఏమైనా తెలుసుకున్నారా..?" అని అడిగాడు యోధ.

"తన బాడీలో ఒక చీప్ ఉందని మాత్రం తెలుసుకున్నాను   బయటికి తీసాను లొకేషన్ ట్రేసింగ్ చిప్ అనుకుంటా!" అని చూపించాడు ఉన్నికృష్ణన్.

చిప్ తీసుకుని చూసి భూషణ్ ఇచ్చి "జాగ్రత్త చెయ్! దీనికోసం వచ్చే వాళ్ళకి చాక్లెట్స్ ఇవ్వాలి." అని చెప్పేడు యోధ.

"సరే!" అని చిప్ తీసుకుని గబ్బర్ సింగ్ జేబులో పెట్టాడు భూషణ్.

నీతూ దగ్గరికి వెళ్లి "మేడం! మిలటరీ వాళ్ళు చాక్లెట్స్ కూడా ఇస్తారా..? ఇంతకీ ఈ చీప్ కోసం ఎవరు వస్తారు?" అని అడిగాడు గబ్బర్ సింగ్.

"ఆ చిఫ్ కోసం కాదు అది బాడీలో ఉన్న యంగ్ కోసం టెర్రరిస్టులు వస్తారు వాళ్లకి ఇచ్చేవి చాక్లెట్స్ కాదు బుల్లెట్స్!" అని చెప్పింది నీతూ.

"అంటే! ఈ చీప్ ఇప్పుడు నా జేబులో ఉంది టెర్రరిస్టులు నన్ను వెతుక్కుంటూ వస్తారా..! అయ్యినా ఈ చిప్ ని అతను బాడీలో ఎందుకు పెట్టారు?" అని కంగారుగా అడిగాడు గబ్బర్ సింగ్.

"నేను చెప్పిన బ్లడ్ వేపన్ మనిషి అతనే!"  అని చెప్పాడు క్యూబ్స్.

"ఏంటి? వీడి గురించెనా మీరు చెప్పింది? మరి వాడేంటి అంతా అమాయకంగా ఫేస్ పెట్టుకుని కూర్చున్నాడు." అని టెన్షన్ గా ఒక పక్కన నుంచున్న భూపాల్ సింగ్ దగ్గరికి వెళ్లి

"ఒరేయ్ దరిద్రుడా..! ఇంతకీ నువ్వు దాచిపెట్టిన ఆ వస్తువు ఏమిటి రా..?" అని అడిగాడు గబ్బర్ సింగ్.

"నాకు తెలియదు సర్! దానికోసం రెండు దేశాల ఆర్మీ వాళ్ళు ఎదురు చూస్తున్నారని మాత్రం తెలుసు అది మిస్ అయ్యింది అని తెలిస్తే వాళ్ళు నన్ను ముక్కలు ముక్కలు చేస్తారు." అని భయంగా చూస్తూ చెప్పాడు భూపాల్ సింగ్.

ఆ మాటకి ఆశ్చర్యంగా చూస్తూ "ఏంట్రా! అంత ఇంపార్టెంట్ వస్తువుని పడేసి బిర్యానీ ప్యాకెట్ దాచుకున్నావా..?" అని అడిగాడు గబ్బర్ సింగ్.

"నీకు ఇంకా విషయం అర్థం కాలేదా.! ఆ వస్తువుని అక్కడి నుంచి తీసి బిర్యానీ ప్యాకెట్ పెట్టింది మన భూషణ్!" అని నవ్వుతూ చెప్పాడు క్యూబ్.

"ఎంత సంతోషంగా ఉన్నావురా.. కారణం ఏమిటి?" అని అడిగాడు గబ్బర్ సింగ్.

" రుద్రం భజే! ఎపిసోడ్ 27 " రచనకు రేటింగ్ ఇవ్వండి