Thriller రుద్రం భజే! ( POWER OF YODHA )

[SivaSai]

రుద్రం భజే! ఎపిసోడ్ 20

రెస్టారెంట్ లో నంది ఇచ్చిన డూప్లికేట్ పద్మం తీసుకుని యోధ వాళ్లని రూమ్ కి వెళ్ళమని చెప్పి హవేలీ హోటల్ లో ఉన్న ముష్రు దగ్గరికి బయలుదేరాడు విభీషణుడు.

**********

రెస్టారెంట్ దగ్గర నుంచి వాళ్ళ రూమ్స్ కి వెళ్ళుతు హవేలి హోటల్ లోపలికి వెళుతున్న నలుగురిని చూసి "యోధ! ఆ లోపలికి వెళుతున్న వాళ్ళని చూస్తుంటే అనుమానంగా ఉంది." అని చెప్పింది నీతూ.

"నీకు అనుమానం ఎందుకు వచ్చింది? వాళ్ళను ఎప్పుడైనా చూసావా?" అని అడిగింది దీప్తి.

"ఆ నలుగురిలో ఒకడి పేరు భూపాల్ సింగ్! పంజాబ్ అల్లర్ల కేసులో అరెస్ట్ అయ్యాడు తీవ్రవాదులతో సంబంధాలు ఉన్నాయని అనుమానంతో మూడు నెలలు కస్టడీలో ఉన్నాడు." అని చెప్పింది నీతూ.

"ఒకవేళ అతను మష్రూ రూమ్ కి వెళితే!"అని కంగారుగా నంద వైపు చూసి "భూషణ్ కి కాల్ చేసి త్వరగా వెనక్కి రమ్మనండి." అని చెప్పింది పూజా.

"భూషణ్ దగ్గర మొబైల్ లేదు అయ్యినా మీరేమి కంగారు పడకండి అతను అంత తేలికగా వాళ్లకి కనపడడు." అని చెప్పాడు నంద.

"సరే! మీరందరూ రూమ్ లోకి వెళ్ళి అక్కడ ఏం జరుగుతుందో చూసి నాకు ఇన్ఫామ్ చేయండి. భూషణ్ బయటికి వచ్చేవరకు ఇక్కడే ఉంటాను ఏదైనా తేడా వస్తే ఎంటర్ అవుతాను." అని చెప్పాడు యోధ.

"టేక్ కేర్!" అని చెప్పి మిగతా వాళ్ళని తీసుకుని రూమ్ కి వెళ్ళింది నీతూ.

*************

ముష్రు రూమ్ దగ్గరికి వెళ్లి డోర్ క్లోజ్ చేసి ఉండడం చూసి అదృశ్య రూపంలో లోపలికి వెళ్లి తన దగ్గర ఉన్న డూప్లికేట్ పద్మాన్ని బ్యాగ్ లో పెడుతూ కాలింగ్ బెల్ సౌండ్ అవడంతో అక్కడే వెయిట్ చేస్తూ ఉన్నాడు విభీషణుడు.

కాలింగ్ బెల్ సౌండ్ విని డోర్ ఓపెన్ చేసి ఎదురుగా ఉన్న నలుగురు వైపు చూసి "ఎవరు మీరు?" అని అడిగాడు ముష్షు.

"సయ్యద్ భాయ్ కాల్ చేశాడు నిన్ను సేవ్ గా బోర్డర్ దాటించడానికి వచ్చాము." అని చెప్పాడు భూపాల్ సింగ్.

ఆ మాట విని అనుమానంగా చూస్తూ "అసలు! సయ్యద్ ఎవరో కూడా నాకు తెలియదు నేను ముస్తఫాని కలవడానికి వచ్చాను." అని చెప్పాడు ముష్రు.

ఆ మాటకి నవ్వుతూ "ముస్తఫా అనేది బోర్డర్ దాటి వెళ్లడానికి కోడ్!" అని తన బ్యాగ్ లో నుంచి ల్యాప్టాప్ తీసి  తీసి వీడియో కాల్ చేశాడు భూపాల్.

అదృశ్య రూపంలో అక్కడ ఉన్న సోఫాలో కూర్చుని జరిగేదంతా చూస్తూ ఉన్నాడు విభీషణుడు.

రూమ్ కి వెళ్లి బైనోక్లోర్ లో ముష్రూ ని చూస్తూ "పుష్కర్ వీళ్ళ నలుగురు కాకుండా రూమ్ లోకి  ఎవరైనా వచ్చారా..?" అని అడిగింది నీతూ.

"నో మేడం! ఇప్పటివరకు ముష్రుని కలవడానికి ఎవరు రాలేదు ఇప్పుడే ఈ నలుగురు వచ్చారు." అని చెప్పాడు పుష్కర్.

"మరి భూషణ్ ఎక్కడికి వెళ్లినట్లు!" అని ఫోన్ తీసి యోధ  కి కాల్ చేసింది నీతూ.

ఫోన్ లిఫ్ట్ చేసి "టెల్ మీ నీతూ? అక్కడ ఏం జరుగుతుంది." అని అడిగాడు యోధ.

"మనం చూసిన నలుగురు ముష్రు రూమ్లోకి వెళ్లి లాప్టాప్ లో ఆన్ చేసారు, భూషణ్ ఇంకా అక్కడకి వెళ్ళలేదు ఒకవేళ వీడియోలో కళింగ ఆపద్మం చూపించమంటే మన ప్లాన్ ఫెయిల్ అవుతుంది." అని టెన్షన్ గా  చెప్పింది నీతూ.

"సరే! నేను హోటల్ లోపలికి వెళుతున్నాను ఫోన్ లైన్ లోనే ఉండు ఒకవేళ ముష్రు  మీద ఎటాక్ చేస్తే వెంటనే చెప్పు నేను రూమ్ లోకి ఎంటర్ అవుతాను." అని చెప్పాడు యోధ.

"ఓకే డన్!" అని చెప్పి రూమ్ లో జరిగేది యోధ కి చెబుతూ ఉంది నీతూ.

వీడియో కాల్ ఆన్ అవడంతో "సలాం మలేకుం సయ్యద్ భాయ్! ముష్రు దగ్గరికి వచ్చాము ఇతను ముస్తఫా కోసం ఎదురుచూస్తున్నాడు." అని నవ్వుతూ చెప్పాడు భూపాల్.

"ఒకసారి వాడిని వీడియో కాల్ లో చూపించండి." అని చెప్పాడు సయ్యద్.

"సరే బాయ్!" అని లాప్టాప్ ముష్రు వైపు తిప్పి "మాట్లాడు." అని చెప్పాడు భూపాల్.

వీడియో కాల్ లో ఉన్న సయ్యద్ వైపు చూసి "నేను కళింగ సార్ తో మాత్రమే మాట్లాడుతాను." అని చెప్పాడు ముష్రు.

ఆ మాట విని వీడియో కాల్ లోకి వచ్చి "హలో ముష్రు! హౌ ఆర్ యు?  మీర్జా గ్యాంగ్ మొత్తం చనిపోయారు కదా నువ్వు సేఫ్ గా ఎలా బయటపడ్డావు? " అని అడిగాడు కళింగ.

"నమస్తే సార్! మేము ఉన్న గెస్ట్ హౌస్ దగ్గరికి ఆఫీసర్స్  రావడం చూసి నేను ఆ వస్తువుని తీసుకుని వెనకనుంచి పారిపోయాను, మీర్జా వాళ్ళు చనిపోయారని మీరు చెప్పే వరకు నాకు కూడా తెలియదు." అని చెప్పాడు ముష్రు.

"గుడ్! ఇప్పుడు ఆ వస్తువు నీ దగ్గరే ఉంది కదా ఒకసారి చూపించు." అని అడిగాడు కళింగ.

ఆ మాటకి షాక్ అయి బ్యాగ్ దగ్గరికి వెళ్లి ఓపెన్ చేసి లోపల ఉన్న గన్ బయటకు తీయబోయి పక్కనే పద్మం కనిపించడంతో 'ఇది నా బ్యాగ్ లోకి ఎలా వచ్చింది.' అనుకోని దానిని తీసి కళింగకి చూపించాడు ముష్రు.

బైనో క్లోర్ లో చూస్తూ ఫోన్ లైన్ లో ఉన్న యోధ తో మాట్లాడుతూ "మనం పంపించిన డూప్లికేట్ వస్తువు ముష్రూ బ్యాగా లో ఉంది నువ్వు వెంటనే వెనక్కి వచ్చేయ్!" అని చెప్పింది నీతూ.

"అవునా? మరి భూషణ్ రూమ్ లోకి వెళ్ళలేదు అని చెప్పావు, మరి ఆ పద్మం బ్యాగులోకి ఎలా వచ్చింది?" అని డౌట్ గా అడిగాడు యోధ.

"యా.. అదే అర్థం కావడం లేదు, మనవాళ్లు చూస్తూనే ఉన్నారు అతను రూమ్ లోకి రాలేదు అని చెప్పారు నీకు భూషణ్ ఎక్కడైనా కనిపించడా..?" అని అడిగింది నీతూ.

"నో!'అని చెప్పి అక్కడి నుంచి వెనక్కి వచ్చి కౌంటర్ దగ్గర వెయిట్ చేస్తూ ఉన్నాడు యోధ.

వీడియో కాల్ లో ముష్రు చేతిలో ఉన్న పద్మాన్ని సంతోషంగా చూస్తూ "నిన్ను వాళ్ళు సేఫ్ గా నా దగ్గరికి తీసుకు వస్తారు అప్పటివరకు దానిని జాగ్రత్తగా ఉంచు, అది మిస్ అయిందో నీ ప్రాణాలు మిస్ అయిపోతాయి." అని చెప్పాడు కళింగ.

"ఓకే సార్!" అని కంగారుగా చెప్పాడు ముష్రు.

వీడియో కాల్ లో పద్మాన్ని చూస్తూ "ఆ మనిషిని జాగ్రత్తగా మీకు పంపించిన లోకేషన్ కి తీసుకురండి." అని చెప్పాడు చింగ్ యా.

"ఓకే సార్!' అని లాప్టాప్ క్లోజ్ చేసి ముష్రు వైపు చూసి "రెడీగా ఉండు సాయంత్రం నిన్ను పికప్ చేసుకోవడానికి ఒక మనిషి వస్తాడు." అని ఒక ప్యాకెట్ ఇచ్చి అక్కడ నుంచి వెళ్లిపోయారు నలుగురు.

రూమ్ లో నుంచి చూస్తూ "యోధ! వాళ్ళు బయటికి వస్తున్నారు." అని చెప్పింది నీతూ.

"ఓకే!" అని చెప్పి నోట్లో బబుల్ గమ్ వేసుకుని ఫాస్ట్ గా బయటికి  వెళ్లి భూపాల్ వాళ్ళు వచ్చిన కారు దగ్గరికి వచ్చి నోట్లో ఉన్న బాబుల్ గమ్ తీసి దానికి లోకేషన్ ట్రాకర్ చిప్  పెట్టి కారుకి అతికించి ఫాస్ట్ గా రెస్టారెంట్ లోకి వచ్చి

"నీతూ! వాళ్ళ కార్ కి చిప్ పెట్టాను నా లాప్టాప్ ఆన్ చేసి వాళ్ళ లోకేషన్ ట్రేస్ చేయండి." అని చెప్పాడు యోధ.

"గుడ్!" అని చెప్పి యోధ బ్యాగ్ లో ఉన్న ల్యాప్టాప్ బయటికి తీసి ఆన్ చేసి "కోడ్!" అని అడిగింది నీతూ.

"జై హనుమాన్!" అని చెప్పాడు యోధ.

"ఓకే! చీప్ ఆక్టివేట్ అయింది. ఇంక వాళ్ళు ఎక్కడికి వెళ్ళినా సరే మనకి లొకేషన్ తెలుస్తుంది." అని సంతోషంగా చెప్పింది నీతూ.

అంతలో రెస్టారెంట్ లో కూర్చున్న యోధ భుజం మీద చెయ్యి పడడంతో ఉలిక్కిపడి వెనక్కి తిరిగి "మిస్టర్ భూషణ్! మీరు రూమ్ లోకి ఎప్పుడు వెళ్లారు? బయటికి ఎప్పుడు వచ్చారు?" అని ఆశ్చర్యంగా చూస్తూ అడిగాడు యోధ.

కారు ఎక్కుతున్న నలుగురు వైపు చూసి "వాళ్ళు రూమ్ లోకి వచ్చినప్పుడు నేను దాక్కుని అక్కడే ఉన్నాను." అని చెప్పాడు భూషణ్.

"అవునా? అయితే వీడియో కాల్ లో మాట్లాడింది విన్నారు కదా వాళ్లు ఉన్న లొకేషన్ గురించి ఏమైనా తెలిసిందా..?" అని అడిగాడు యోధ.

"కళింగతో పాటు మిగతా వాళ్ళు కజకిస్తాన్ లో సముద్ర తీర ప్రాంతంలో ఉన్నారు." అని చెప్పాడు భూషణ్.

రెస్టారెంట్ దగ్గర నుంచి రూమ్ కి వెళ్ళుతు "అవునా? అసలు వీళ్ళందరూ  కజకిస్తాన్ లో ఏం చేస్తున్నారు? " అని అనుమానంగా అడిగాడు యోధ.

అంతలో ఫోన్ రింగ్ అవ్వడం చూసి "ముష్రు హోటల్ రూమ్ నుంచి కాల్ చేస్తున్నాడు." అని చెప్పి లిఫ్ట్ చేసి "హలో ముష్రు! సేఫ్ గానే ఉన్నావు కదా!" అని అడిగింది నీతూ.

"యా.. సేఫ్ గానే ఉన్నాను కాసేపు ప్రాణాలు పోయినంత పని అయింది. ఆ వస్తువుని నా బ్యాగ్ లో ఎప్పుడు పెట్టారు? అది లేకపోతే ఈరోజు నన్ను చంపేసేవారు." అని ఊపిరి పీల్చుకుంటూ చెప్పాడు ముష్రు.

నీతూ చేతిలో ఫోన్ తీసుకుని "ఆ విషయం తర్వాత చెబుతాలే కానీ కళింగ ఎక్కడ ఉన్నాడు?" అని అడిగాడు యోధ.

"వీడియో కాల్ మాట్లాడుతున్నప్పుడు వెనకాల ఉన్న ప్లేస్ చూశాను అది కజకిస్తాన్లో ఉంది. కళింగ కనిపెట్టిన కొత్త వైరస్ ని సముద్రంలో ప్రయోగం చేయాలి అన్నాడు అందుకే అక్కడకి వెళ్లి ఉంటారు." అని చెప్పాడు ముష్రు.

"అవునా?" అని ఫోన్ కట్ చేసి "ఆ ప్రయోగం ఎలాగైనా ఆపాలి." అని చెప్పాడు యోధ.

"అలా అయితే మనం అక్కడికి వెళ్లి ఆ ప్రయోగాన్ని ఆపుదాము." అని చెప్పాడు నంద.

ఆ మాట విని ఆశ్చర్యంగా చూస్తూ "మనం వెళ్లి అ ప్రయోగం ఆపుదామా? అంత ఫాస్ట్ గా అక్కడకి ఎలా వెళ్లగలము, నీ దగ్గర ఏదైనా మంత్రం ఉందా?" అని వెటకారంగా చూస్తూ  అడిగింది పూజా.

"మా దగ్గర మంత్రం లేదు కానీ యోధ దగ్గర అసలైన పద్మం ఉంది కదా దాని ద్వారా వెళదాము." అని చెప్పాడు క్యూబ్.

ఆ మాట విని ఆశ్చర్యంగా చూస్తూ ఉన్నారు అందరూ.

" రుద్రం భజే! ఎపిసోడ్ 20 " రచనకు రేటింగ్ ఇవ్వండి....