Thriller రుద్రం భజే! ( POWER OF YODHA )

[SivaSai]

రుద్రం భజే! ఎపిసోడ్ 19

మనుషుల రూపంలోకి మరి హోటల్ దగ్గరికి వస్తున్న యోదని కలిసి కోడ్ చెప్పి నాయక్ పంపించిన ఆఫీసర్లుగా పరిచయం చేసుకుని భూషణ్, నంద, క్యూబ్ అని పేర్లు చెప్పడంతో రెస్టారెంట్లో వెయిట్ చేయండి టెన్ మినిట్స్ లో నా టీం తో కలిసి వస్తాను అని చెప్పి హోటల్ లోపలికి వెళ్ళాడు యోధ.

**************

హోటల్ లోపలికి వెళుతున్న ఈ యోధని చూస్తూ "పేరుకు తగ్గట్లు యోధుడు లానే ఉన్నాడు, మీరు ఆఫీసర్లు లాగా బానే ఉన్నారు నేనే పొట్టిగా లావుగా ఉన్నావు అతను నన్ను ఆఫీసర్ అని నమ్మాడు అంటారా..?" అని అనుమానం అడిగాడు క్యూబ్.

"అవును కుబేర! నీ పేరు క్యూబ్ అని చెప్పావు, చాలా విచిత్రంగా ఉంది అర్థం ఏమిటి?" అని అడిగాడు నంది.

"మీ ఇద్దరు పేర్లుల లో ఉన్న అక్షరాలను బట్టి భూషణ్ నంద అని బానే చెప్పారు, నా పేరు కుబేరుడు ఏం చెప్పాలో అర్థం కాక క్యూబ్ అని చెప్పాను బాలేదా..?" అని అడిగాడు కుబేరుడు.

"నీ పేరు చాలా అందంగా ఉంది కానీ పదండి రెస్టారెంట్ దగ్గర వెయిట్ చేద్దాము." అని ఇద్దర్ని తీసుకువెళ్లాడు విభీషణుడు.

ముగ్గురు కూర్చున్న టేబుల్ దగ్గరికి వచ్చి "సార్ ఆర్డర్!" అని అడిగాడు సర్వర్.

"మూడు స్ట్రాంగ్ టీ తీసుకురా..!" అని చెప్పాడు విభీషణుడు.

ఆ మాట విని "భూలోకంలో అన్ని విషయాలు బానే తెలుసుకున్నావు, నంది శివయ్య దగ్గర భక్తుల కోరికలు వింటూ, నేను నా లోకంలో ఎవరు అప్పు అడుగుతారా అని చూస్తూ భూలోకంలో ఏం జరుగుతుందో కూడా తెలుసుకోలేకపోయాము." అని చెప్పాడు కుబేరుడు.

"నేను ఈ భూమి మీదే కదా ఉండేది నాకు అన్ని విషయాలు తెలుసు!" అని చెప్పాడు విభీషణుడు.

"నేను భూలోకం వస్తూ ఉంటాను కానీ నాకు ప్రసాదంగా అరటి పండు తప్పితే ఇంకా ఏమి పెట్టరు." అని సర్వర్ తెచ్చిన టీ తాగుతూ "ఇది వేడి వేడిగా బానే ఉంది దీనిని కైలాస పర్వతం దగ్గర తాగితే ఇంకా బాగుంటుంది." అని చెప్పాడు నంది.

"నీకు అరటిపండు అయినా పెడుతున్నారు నాకు అది కూడా పెట్టరు." అని టీ తాగుతూ "చాలా బాగుంది." అని చెప్పాడు కుబేరుడు.

"అవును! హనుమంతుడి శక్తి ఆ పద్మం దగ్గరికి వచ్చే ఉంటుంది అన్నావు కదా! అది ఏ మనిషిలో ఉందో కనిపెట్టావా..?" అని అడిగాడు నంది.

"అది హనుమంతుడు శక్తి తెలుసుకోవడం అంత తేలికగా కాదు." అని చెప్పాడు విభీషణుడు.

************

అదే సమయంలో హవేలీ హోటల్లోకి వెళ్లి కౌంటర్ దగ్గర మనిషిని చూసి "ముస్తఫా ని కలవాలి." అని చెప్పాడు ముష్రు.

ఆ మాటకి కళ్ళు అర్పకుండా చూస్తూ రూమ్ కీస్ తీసి కౌంటర్ మీద పెట్టి "లోపల వెయిట్ చేయండి." అని చెప్పాడు ఆ వ్యక్తి.

కీస్ తీసుకుని లిఫ్ట్ లో పైకి వెళ్లి రూమ్ డోర్ ఓపెన్ చేస్తున్న ముష్రు దగ్గరికి క్లీన్ చేస్తున్న మనిషికి వచ్చి "నీకు కావలసినవి అన్ని రూమ్ లోకి వస్తాయి బయటకు రావద్దు." అని చెప్పాడు.

"సరే!" అని లోపలికి వెళ్లి డోర్ క్లోజ్ చేసుకుని కిటికీ ఓపెన్ చేసి ఎదురుగా ఉన్న హోటల్ వైపు చూశాడు ముష్రు.

ఆపోజిట్ హోటల్ రూమ్ లో నుంచి బైనో క్లోర్ లో చూస్తూ "మేడం! ముష్రు కనిపించాడు." అని చెప్పాడు పుష్కర్.

"గుడ్! ఆ రూమ్ ని వాచ్ చేస్తూ ఉండండి అక్కడికి ఎవరు వచ్చిన సరే నాకు తెలియాలి." అని చెప్పింది నీతూ.

అక్కడికి వచ్చి పుష్కర్ చేతిలో బైనో క్లోర్ తీసుకుని చూస్తూ "నాకు తెలిసి ముస్తఫా అనేది మనిషి పేరు కాదు కోడ్ అనుకుంటా..!" అని చెప్పాడు యోధ.

"అలా అయితే మనం ముస్తఫా పేరు మీద ఉన్న మనిషిని వెతకడం అనవసరం ఆ రూమ్ లోకి ఎవరు వస్తున్నారో చూడడమే బెటర్!" అని చెప్పింది నీతూ

"రూమ్ కి ఎవరైనా వచ్చి ముష్రు దగ్గర ఆ ఐటమ్ కోసం  చెక్ చేస్తే ప్రాబ్లం కదా!" అని అడిగింది దీప్తి.

"నాకు తెలిసి ఈ ముస్తఫా కోడ్ గ్యాంగ్ పని ముష్రుని బోర్డర్ దాటించడం మాత్రమే వాళ్లకి కూడా ఆ ఐటెమ్ గురించి తెలియకపోవచ్చు!" అని చెప్పాడు యోధ.

"ఒకవేళ ఇక్కడికి కళింగ మనుషులు వస్తే!" అని డౌట్ గా అడిగింది పూజా.

ఆ మాట విని ఆలోచించి "కళింగ మనుషులు కాదు కళింగ  డైరెక్ట్ గా వస్తాడేమో!" అని చెప్పింది నీతూ.

"నో ఛాన్స్! మీర్జా చనిపోయినట్లు కళింగకి తెలిసే ఉంటుంది. కాబట్టి ఎట్టి పరిస్థితుల్లో ముష్రుని నమ్మడు కానీ మనం నమ్మించాలి ఈ వస్తువు లాంటిది సేమ్ డమ్మీది ఒకటి చేసి ముష్రూ దగ్గరికి పంపించాలి." అని చెప్పాడు యోధ.

"డాడ్ పంపించిన ఆఫీసర్స్ ఉన్నారు కదా వాళ్లకి ఈ పని అప్పచెప్పు!" అని చెప్పింది దీప్తి.

"అవును! ఇంతకీ ఆ ముగ్గురు ఆఫీసర్స్ ఎక్కడ?" అని అడిగింది పూజా.

"ఆ ముగ్గురు ఆల్రెడీ నన్ను మీట్ అయ్యారు రెస్టారెంట్లో వెయిట్ చేయమన్నాను పదండి వెళదాము." అని చెప్పాడు యోధ.

"పదండి పదండి నాకు కూడా బాగా ఆకలిగా ఉంది హ్యాపీగా కూర్చుని పని చేయడమే తప్పితే కష్టపడడం తెలియదు కదా ఈమధ్య బాగా అలసిపోతున్నాను." అని చెప్పింది పూజా.

మంచం మీద తీరికగా పడుకుని చిప్స్ ప్యాకెట్ తింటున్న పూజా ని చూసి "అవును! బాగా కష్టపడుతున్నావు నిన్ను ఇక్కడ కాదు హిమాలయాలకు తీసుకువెళ్లి వదిలేయాలి అప్పుడు బాగా సుఖపడతావు." అని చెప్పి రూమ్ బయటికి వెళ్ళాడు యోధ.

"ఏంటి? నన్ను హిమాలయాలలో వదిలేస్తావా..?  అప్పుడు నీ వీపు ఎక్కి కిందకి దిగను అక్కడ ఉన్నన్ని రోజులు నన్ను నువ్వే మోయాలి." అని చెప్పి యోధ వెనకాల వెళ్ళింది పూజా.

ఆ మాటకి నవ్వుతూ రూమ్ లో నుంచి వెళుతూ "ఏకవీర! మీ ఇద్దరు ముష్రుని ఎప్పుడు వాచ్ చేస్తూనే ఉండాలి ఫుడ్ కూడా ఇక్కడికే పంపిస్తాను." అని చెప్పి దీప్తితో కలిసి వెళ్ళింది నీతూ.

"ఓకే మేడం!" అని ముష్రు ఉన్న రూమ్ వైపు చూస్తూ "పుష్కర్! అసలు ఇదంతా నిజమేనంటావా..? ఆ చిన్న వస్తువుతో అలకాపురి డోర్స్ ఓపెన్ అవుతాయా..?  అసలు అక్కడ ఇప్పటికీ కుబేరుడి నగరం ఉందా..?" అని అడిగాడు ఏకవీర.

"యోధ సార్ దగ్గర ఉన్న వస్తువు కోసం ఇంత మంది వెతుకుతున్నారంటే తప్పకుండా ఉండే ఉంటుంది. భగవంతుడు ఉన్నది నిజమైతే ఇది కూడా నిజమే!" అని చెప్పాడు పుష్కర్.

"ఆ ముష్రు గాడు చూడు ఎంత హ్యాపీగా పడుకున్నాడో!" అని చెప్పాడు ఏకవీర.

బైనో క్లోర్ తీసుకుని చూస్తూ "హ్యాపీగా పడుకోవడం కాదు మనం చంపుతామో వాళ్లు చంపుతారో అర్థం కాక అయోమయంలో ఉన్నాడు." అని చెప్పాడు పుష్కర్.

"అదికూడా కరెక్ట్! నాకు ఎప్పటి నుంచో కైలాస పర్వతం చూడాలని కోరిక ఈ కేసు పుణ్యానైన అక్కడికి వెళితే బాగుండు." అని చెప్పాడు ఏకవీర.

"ఎందుకు అలకాపురి డోర్స్ ఓపెన్ అయితే బంగారం తెచ్చుకోవడానికా..!" అని నవ్వుతూ అడిగాడు పుష్కర్.

"కాదు కుబేరుడు నిజంగా ఎలా ఉంటాదో ఒకసారి చూడాలి." అని నవ్వుతూ చెప్పాడు ఏకవీర.

**********

పుష్కర్ వాళ్ళ మాటలు రెస్టారెంట్ లో కూర్చుని వింటూ "నా మీద జోకులు బానే వేసుకుంటున్నారు మీకు సరదాగా ఉంది కదా! కైలాస పర్వత దర్శన ప్రాప్తిరస్తు!" అని చెప్పాడు కుబేరుడు.

"ఏమిటి కుబేర! ఎవరికి అంత అదృష్టం ఇస్తున్నావు." అని అడిగాడు నంది.

"అది నిజంగానే అదృష్టమే! కానీ మనిషికి అదృష్టం వరించాలి అంటే కష్టాలు పడక తప్పదు కదా అందుకే ఆ వరం ఇచ్చాను." అని చెప్పాడు కుబేరుడు.

రెస్టారెంట్ దగ్గరికి వస్తున్న యోధ వాళ్ళని చూసి "కాస్త ఈ లోకంలోకి రండి." అని చెప్పాడు విభీషణుడు.

రెస్టారెంట్లోకి వచ్చి ముగ్గురు కూర్చున్న టేబుల్ దగ్గర కూర్చొని నీతూ వాళ్ళ ముగ్గురిని పరిచయం చేశాడు యోధ.

ముగ్గురికి వైపు చూస్తూ "మీకు ఈ కేస్ డీటెయిల్స్ ఫుల్ గా తెలుసు కదా!" అని అడిగింది నీతూ.

"మాకు మొత్తం తెలుసు ఇంతకీ ఆ పద్మం మీ దగ్గరే ఉందా..?" అని అడిగాడు నంద.

"ఆ పద్మం యోధ బ్యాగ్ లో ఉంది నేను చూశాను." అని చెప్పాడు క్యూబ్.

ఆ మాట విని ఆశ్చర్యంగా చూస్తూ "బానే కనిపెట్టారు మాకు అలాంటిదే డూప్లికేట్ కావాలి." అని చెప్పాడు యోధ.

"ఆ వస్తువుని పద్మం అని పిలుస్తున్నారు దాని పేరు మీకు తెలుసా?" అని అడిగింది పూజా.

"ఆ వస్తువు గురించి అన్ని విషయాలు తెలుసుకున్నాము పురాణాల ప్రకారం దాని పేరు ఆకర్షణ పద్మం!" అని చెప్పాడు విభీషణుడు.

"అలా అయితే ఇలాంటి పద్మం ఇంకొకటి ఎక్కడ ఉందో తెలిసిందా..?" అని అడిగింది దీప్తి.

"బంగారు లంకలో సేఫ్ గా ఉంది." అని చెప్పాడు విభీషణుడు.

"మిస్టర్ భూషణ్! బంగారు లంక ఇంకా ఉందా..?" అని అనుమానంగా అడిగింది దీప్తి.

"విభీషణుడు ఉన్నంతకాలం బంగారు లంక ఉంటుంది కానీ దానిని ఎవరు కనిపెట్టలేరు." అని చెప్పాడు భూషణ్.

టేబుల్ దగ్గరికి సర్వర్ రావడంతో ఆర్డర్ చెప్పి "మీ ముగ్గురు ఏమైనా తింటారా..?" అని అడిగింది పూజా.

"మా పూజ అయిపోయింది ప్రసాదం కూడా తిన్నాము ఇంకా ఏమీ తినము." అని చెప్పాడు నంద.

"ఏంటి? దేవుడు కేస్ అని సార్ భక్తి ఎక్కువ ఉన్న ఏజెంట్ లని పంపించారా..!" అని నవ్వుతూ అడిగింది నీతూ.

"సరేగాని! ఆ పద్మము లాంటి డూప్లికేట్ దానిని తీసుకురావడానికి మీకు ఎంత టైం పడుతుంది?" అని అడిగాడు యోధ.

"మనకి అలాంటి డూప్లికేట్ వస్తువు అవసరం అవుతుందని తెలుసు అందుకే రెడీగా ఉంచాము." అని తన జేబులో నుంచి తీసి టేబుల్ మీద పెట్టాడు నంద.

టేబుల్ మీద సేమ్ వస్తువు ఉండడం చూసి "గుడ్! మీరు చాలా ఫాస్ట్ గా ఉన్నారు. " అని కుబేరుడు వైపు చూసి

"మిస్టర్ క్యూబ్! మీరు ఏజెంట్ అంటే నమ్మలేకపోతున్నాను అసలు ఈ జాబ్ మీకు ఎలా వచ్చింది?" అని డౌట్ గా అడిగింది పూజా.

"మా క్యూబ్ గుంరించి ముందు ముందు తెలుస్తుంది అతను లేకపోతే అన్ని పనులు ఆగిపోతాయి." అని చెప్పాడు భూషణ్.

అంతలో సర్వర్ పారిసిల్స్ కూడా తేవడంతో డబ్బులు ఇవ్వడానికి పర్స్ బయటకు తీస్తున్నా నీతూ వైపు చూసి 

"ఆగండి ఈ కేస్ కంప్లీట్ అయ్యేంతవరకు ఎంత ఖర్చు అయినా సరే క్యూబ్ చూసుకుంటాడు." అని చెప్పాడు నంద.

ఆ మాట విని క్యూబ్ వైపు చూస్తూ "మాకు భలే ఛాన్స్ దొరికింది." అని చెప్పింది పూజా.

బిల్ పే చేస్తూ "నాకు అప్పు ఇవ్వడమే తెలుసు మొదటిసారి ఖర్చు పెడుతున్నారు." అని చెప్పాడు క్యూబ్.

నంద ఇచ్చిన డూప్లికేట్ పద్మాన్ని చూస్తూ "దీనిని ఎలాగైనా ఆ హోటల్ రూమ్లో ఉన్న మష్రూ దగ్గరకి చేర్చాలి." అని చెప్పాడు యోధ.

"ఆ పని నేను చూసుకుంటాను మీరు రూమ్ కి వెళ్ళండి." అని డూప్లికేట్ పద్మాన్ని తీసుకుని హవేలీ హోటల్ దగ్గరికి బయలుదేరాడు భూషణ్.