పాణిగ్రహణం

[SivaSai]

Part - 95

అవని విక్రమ్ నీ వెతుక్కుంటూ గదిలోకి వెళుతుంది. బాల్కనీలో నిలబడి సీరియస్ గా ఫోన్ మాట్లాడుతూ ఉంటాడు.

వెనకనించి వెళ్లి హత్తుకుని సోరి అంటుంది. నేను మళ్ళీ కాల్ చేస్తానని ఫోన్ పెట్టేసి దేనికి..  ఇందాక మిమ్మల్ని బాధ పెట్టాను కదా అందుకు.

ఇందాక బాధపెట్టి ఇప్పుడు వచ్చి సోరి చెబుతున్నావా.. అయినా నా పైన నమ్మకం లేనప్పుడు ఈ సోరీలు,పూరీలు నాకెందుకు.

మీ పైన నమ్మకం లేదు అని నేను అన్నానా అని ఏడుపు గొంతుతో అడుగుతుంది. మరి భరత్ అనగానే మా ఆయన అలాంటివారు కాదు అనకుండా నాపైన ఒక రాక్షసిలాగా పడిపోయావు.  రెండో పెళ్లి కావాలా మీకు అని చిందులు వేశావు.

అది మీ పైన అనుమానం కాదు మరి జలస్ అనుకోవచ్చు కదా.. పొరపాటున కూడా మీ పక్కన నేను ఎవ్వరిని ఊహించుకోలేను. 

ఆ ఆలోచన కూడా భరించలేను. ఒక్కసారిగా పెళ్లి అనేటప్పటికీ అని తలకిందకి దించేస్తుంది.  నడుం చుట్టూ చేతులు వేసి  దగ్గరకు లాక్కుని  పిచ్చిదానా..

రాముడు సీతని అడివిలోకి పంపిన తరువాత అశ్వమేధ యాగం తలపెట్టినప్పుడు సీతకి అనుమానం వచ్చింది పక్కన భార్య లేకుండా యాగం ఎలా చేస్తారు అని.

ఎక్కడ రాముడు రెండో పెళ్లి చేసుకున్నాడో అని  కంగారు పడింది.  తన మనసుకి తెలుసు రాముడు తనని తప్ప పొరపాటున కూడా ఏ స్త్రీ వైపు కన్నెత్తి చూడడు అని కానీ ఎక్కడా చేసుకున్నాడో అని ఒక భయం.

అది అనుమానం కాదు ప్రేమ ఎక్కువై వచ్చిన భయం మాత్రమే.  ఆ భయంతోనే వెళ్లి చూసి వచ్చి సమాధాన పడింది.

తప్పుగా ఆలోచించినందుకు.. ఇదిగో ఇలాగే నీలాగే ఈ గిల్టీగా ఫీల్ అయింది కానీ రాముడు సీతని దూరం చేసుకున్నా బంగారు సీతని తయారు చేసుకుని.. అక్కడే కాలం గడిపాడు.

రాముడికి ఉన్న బాధ్యతలు కోసమో..  మరి ఏ కారణాలైనా అవ్వని..  దూరమైన సీతను తలుచుకుంటూ బ్రతికాడేమో కానీ..

నీ రాముడు నువ్వు దూరం అవుతే ఆ మరుక్షణమే ఎన్ని బంధాల మధ్యన ఉన్న, బాధ్యతలు మధ్యన ఉన్నా సరే ఉండలేడు.

నువ్వు ఎక్కడుంటే అక్కడికే నీ రాముడి ప్రయాణం అర్థమవుతుందా... అర్థమవుతుంది అని విక్రమ్ చుట్టూ చేతులు వేసి గట్టిగా హత్తుకుంటుంది.

అబ్బో మా శ్రీమతికి పెళ్లిఅయ్యి ఇన్ని సంవత్సరాలకి మొగుణ్ణి హత్తుకోవాలి అనిపించింది. ఇది వండరే...వండర్ ఏమి కాదు ప్రేమ ఎక్కువై.

అలాగే హత్తుకుని మీకు నా పైన కోపం రాలేదా..  ఎందుకు. అందరి ముందు అరిచాను కదా..  అలా అరిచినందుకే కదా ఇలా వచ్చి హత్తుకున్నావు.

అబ్బా సీరియస్ అండి.  రాలేదు.  మా ఆవిడలో కనిపించిన ఇంకొక యాంగిల్ కి నవ్వు వచ్చింది. మరి ఎందుకు వచ్చేసారు.

అందరి ముందు అలా నవ్వితే నువ్వు ఫీల్ అవుతావు కదా..  అప్పుడు ఇలా వచ్చేసాను కాబట్టే ఇదిగో ఏరుకోరి మరి నా శ్రీమతి నాకు ఇంత బిగి కౌగిలి ఇచ్చింది.

మీరు బంగారం అండి.. ఇలా మాటలతోనే కాలక్షేపం చేస్తావా..  మీకు అసలు సిగ్గులేదు అని చాతి మీద చిన్నగా ఒక దెబ్బ వేసి.. విడిపించుకుని బయటికి వస్తుంది. వెళుతున్న అవనిను చూసి నవ్వుకుంటూ మళ్లీ ఫోన్లో బిజీ అయిపోతాడు.





మధ్యలో ఒక రోడ్డుసైడ్ చాయ్‌ బండి కనిపిస్తుంది సార్ ఒక టీ తాగి వెళదామా అంటే సరే అని బైక్ ఆపుతాడు.
వీళ్లిద్దరూ దిగగానే.. టీ మాస్టర్ గట్టిగా ప్రేమజంట వచ్చారు. రెండు స్ట్రాంగ్ టీ ఇవ్వమంటారా..

ఆ మాటకి విశిష్ట ఆశ్చర్యపోయి  చూస్తుంది.  సూర్య చిన్నగా దగ్గుతూ.. విశిష్టనీ  ఈ లోకంలోనికి తీసుకు వస్తాడు.

సార్ ఈ టీ మాస్టర్ ఏంటి ఇలా మాట్లాడుతున్నాడు. మన గురించి తప్పుగా అనుకుంటున్నాడు. కాదని చెబుదామా.. ఏమని చెబుతావు.

మీరు లెక్చరర్ నేను స్టూడెంట్ అని.  అప్పుడు గాని మనిద్దరిని పైనుంచి కిందకి చూడడు.  ఒక టీ తాగి వెళ్ళిపోతాము.  మళ్ళీ అతను ఎవరో... మనము ఎవరో..
రా అని తీసుకువెళ్తాడు.

ఇద్దరూ కూర్చోగానే సార్ ఒకే కప్పులో టీనా లేక.. అన్న మేము ఇద్దరం ఫ్రెండ్స్ ఓకే. అవునా కానీ మిమ్మల్ని చూస్తే ఫ్రెండ్స్ లాగా లేరు సార్ మంచి లవర్స్లాగా ఉన్నారు.

టీ కప్పు తీసుకుంటున్న  విశి కంగారుపడుతుంది. ఆ కంగారులో కప్ ఆల్మోస్ట్ పడబోతు ఉంటే... గట్టిగా పట్టుకుని కంట్రోల్ విశి..

నీ ఎక్స్ప్రెషన్ తో అందరికీ దొరికిపోయేటట్టు  ఉన్నావు. ఎవరైనా చూశారా అంటే ఇంకా అంతే. సూర్యాకి ఆ మాటలు అర్థం అయినట్టు.. కంగారుపడకు. నీ బ్లష్ చూస్తే ఎవరికైనా తెలిసిపోతుంది.

ఏంటి సార్. అదే మన ఫ్రెండ్షిప్ గురించి. ఓ అవునా...  నేను అదే అనుకున్నాను అంటూ మెల్లిగా ఫినిష్ చేస్తుంది.
సూర్య నవ్వుకుంటూ తాగి బయలుదేరిదామా అంటే సరే సార్ అని వెనకాలే వెళుతుంది.


ఒక ట్రావెలర్ వాన్‌లో ఉన్న వయసు మీద మనిషి వీళ్ళిద్దర్ని చూస్తూ  స్మైల్‌తో ఫోటో తీసేస్తాడు.

విశిష్ట భయంగా హలో ఎవరు మీరు... ఎందుకు మా ఫొటోస్ తీస్తున్నారు అని అడుగుతుంది.

సూర్య హే.. కూల్. భయపడకు.  మేబి వాళ్ళు ట్రావెల్ వ్లాగ్ చేస్తూ ఉండొచ్చు.

విశి పక్కకు తల తిప్పి.. వ్లాగ్ లో మేమే ట్రావెలింగ్ కపుల్స్ లాగా ఫేమస్ అవుతామో ఏమో...
కపుల్ కాదు… సైలెంట్ క్రష్ ట్రావెలర్స్ అని మెన్షన్ చేస్తారు.

సార్ నేను భయపడుతూ ఉంటే  మీరు జోక్స్ వేస్తున్నారా అని భుజంపై మెల్లిగా కొడుతుంది.
పక్కన నేను ఉండగా కూడా భయపడుతున్నావా... ఆ మాటకి చిన్నగా నవ్వుకుంటూ తలవాల్చుతుంది.

కొంచెం దూరం వెళ్ళాక సార్ అని పిలుస్తుంది.  ఏంటి. చిన్న రిక్వెస్ట్ సార్.  వాష్ రూమ్ కి  వెళ్లాలా.. కాదు సార్.. ప్లీజ్ విషయం ఏమిటో చెప్పు.  నాకు డ్రైవింగ్ చేయాలని ఉంది నేర్పిస్తారా.  వాట్ అని సైడ్ కు తిరిగి అడుగుతాడు.

అవును సార్. మా నాన్న ఉండగా అడిగితే చిన్నపిల్లవు భయపడతావు పడిపోతావు దెబ్బలు తగులుతాయి అని నేర్పించలేదు.

తర్వాత ఫోకస్ చేయడం కుదరలేదు. ప్లీజ్...  ప్లీజ్...  నువ్వు ఇంత ముద్దుగా అడిగితే నేను కాదంటానా అని బైక్ ని సైడ్ కి ఆపుతాడు.

విశి బైక్ దిగగానే సూర్య వెనక్కి జరిగి అడ్జస్ట్ చేస్తాడు.  కళ్ళతోనే కూర్చొ అని చెప్పగానే..  ఎక్సైట్మెంట్ విశి కూర్చుని హ్యాండిల్ పట్టుకుంటుంది.

క్లచ్ బ్రేక్ ఎక్సలేటర్ అన్ని చూపిస్తూ ఎలా  స్టార్ట్ చేయాలో కూడా చెబుతాడు. బైక్ స్టార్ట్ చేసి మెల్లిగా వెళుతూ ముందు కన్ఫ్యూజ్ అవుతుంది.

హ్యాండిల్స్ అటు ఇటు తిప్పేస్తూ ఉంటే... ఆ చేతులు మీద సూర్య చేతులు వేసి కూల్.. టెన్షన్ పడకు అని చెబుతాడు. సూర్య చేతులు అలా తగలగానే విశి బాడీ ఒక్కసారిగా జర్క్ ఇస్తుంది.  సూర్యకి కూడా ఆ ఫీల్ బాగా నచ్చుతుంది.

బైక్ ఇద్దరి డ్రైవింగ్ తో స్లోగా ముందుకు వెళుతూ ఉంటుంది.  విశి తేరుకుని సార్ మనం ఇలా 20 లో వెళితే సైకిల్ వేసుకెల్లేవాళ్ళు కూడా మన కన్నా ముందే వెళ్లిపోతారు.

నో ప్రాబ్లం ఇలా బాగుంది కదా... ఏం బాగుంది.  అదే స్టార్టింగ్ నేర్చుకునేటప్పుడు ఇలాగే స్లోగా వెళ్ళాలి పర్ఫెక్ట్ అనుకున్నాక స్పీడ్ పెంచాలి.

మెల్లిగా సూర్య తన చేతులను తీసేస్తాడు.  కొంచెం స్పీడు పెంచి డ్రైవ్ చేస్తూ సార్ నాకు వచ్చేసింది అని సంతోషంగా అరుస్తుంది.  విశి సంతోషంలోనే తన ఆనందాన్ని వెతుకుతున్న సూర్యకి అదొక చెప్పలేని తృప్తి.

చాలా దూరం వెళ్ళిన తర్వాత దాబా కనిపిస్తుంది.  అది చూసిన సూర్య అక్కడ ఆపమని చెబుతాడు.  బైక్ పార్క్ చేసి సార్ నేను చాలా కాన్ఫిడెంట్గా డ్రైవ్ చేశాను.

ఫుడ్ తిన్న తర్వాత మళ్లీ నేనే డ్రైవ్ చేస్తాను.  ఆ మాటకి సూర్య నవ్వుతూ మళ్లీ నువ్వు డ్రైవ్ చేస్తే మనం అనుకున్న టైం కి వెళ్లలేము. రిటర్న్లో డ్రైవ్ చేయొచ్చు కం అని తీసుకువెళ్తాడు.
ఇద్దరూ కూర్చున్న తర్వాత విశి కాన్ఫిడెంట్గా ఆర్డర్ ఇస్తుంది.

అన్నా… కారం తక్కువగా వెయ్యండి. సర్వర్ కారం కాన్సెప్ట్ ని పూర్తిగా రివర్స్లో అర్థం చేసుకుంటాడు.

ఫుడ్ వస్తుంది..  ఆ ఫుడ్డు చూడగానే ఇద్దరికీ కళ్ళు తిరిగినంతా పని అవుతుంది. అది అచ్చు ఒక ఎర్రటి లావా పొంగుతున్నంత ఎర్రగా కనిపిస్తుంది.

సూర్య ఒక స్పూన్ నోట్లో పెట్టుకుని...  అమ్మో.. ఇవేనా కారం తక్కువ ఐటమ్స్..

విశిష్ట చిన్నగా ఆ ఫుడ్ ని చూస్తూ తనలో తానే.. ఇదే తక్కువ అయితే మరి ఎక్కువ అయితే ఎలా ఉంటుంది అని ఆలోచిస్తూ ఉంటుంది.

సర్వర్ సీరియస్‌గా...  మేడమ్, మా దగ్గర కారం స్కేల్ ఇలానే ఉంటుంది
ఎలా..
తక్కువ – మామూలు మంట
మోస్తరు – కంటతడి
ఎక్కువ – హాస్పిటల్ కి పంపించేవి.

సూర్య నోరు తడుముకుంటూ.. అవును… ఈ తక్కువే చాలు సార్.

విశిష్ట నీళ్లు గ్లాస్ గ్లాస్ గా తాగుతూ... దేవా సార్..  నాకు ఇప్పుడు ఎమోషనల్ ఫ్లాషబాక్స్ గుర్తుకు వస్తున్నాయి.

ఇద్దరూ కష్టంగా తిని బయటకి వస్తారు. సార్ ఎక్కడైనా కొబ్బరి బొండాలి కనిపిస్తే తాగాల్సిందే..  లేకపోతే ఈ మంటతో అయిపోతాము.

పెద్ద ఏదో కాన్ఫిడెంట్గా ఆర్డర్ ఇచ్చావు.  కారం తక్కువ వేయండి అన్న అని..   తక్కువ వేయమన్నాను కాబట్టి ఇలా ఉంది.

అది నార్మల్ గా చెప్పి ఉంటే మన పరిస్థితి ఏమిటి సార్.. అర్థం చేసుకోవాలి. అవును.. అవును.. బాగా అర్థం చేసుకుంటున్నాను.

దారిలో కొబ్బరిబండాలు తాగి మళ్లీ ట్రావెలింగ్ స్టార్ట్ చేస్తారు.  చీకటి పడుతున్న సమయానికి ఎక్కడైనా రూమ్ తీసుకుని ఆ నైట్ ఆగాలి అని డిసైడ్ అవుతారు.

ఇద్దరూ ఒక హోటల్ దగ్గరికి వెళ్లి రూమ్స్ తీసుకుంటారు. ఒక రూమ్ తీసుకోవాలా..  రెండు రూమ్స్ తీసుకోవాలో అర్థం కాకుండా ఉంటుంది.

పెళ్లి కాకుండా ఇద్దరూ ఒక రూమ్ లో ఉండడం ఎలా అని.. ఒక వైపు విశిని ఒక దాన్నే రూమ్ లో ఉంచడం కరెక్ట్ కాదు అని మరోవైపు..

ఒక రూమా లేక రెండు రూమ్స్ ఆ ?......