పాణిగ్రహణం

[SivaSai]

Part - 88

ఇప్పుడు ఎందుకు మాట తడబడుతుంది.. మర్యాదగా నడుం మీద చెయ్యి.   ఏమయిందే పిల్ల రాక్షసి.. ఈ వయసులో మాట తడబడుతూ..  గొంతు తడారిపోతుంది అంటే అర్థం ఏమిటో తెలుసా..
చెయ్యి తీసి మాట్లాడు  సరే అని చెయ్యి తీస్తాడు గాని దూరం జరగనివ్వడు..

నేను వెళ్ళాలి. అడిగినదానికి సమాధానం చెప్పేసి వెళ్ళు. ఏం అడిగావు. అంత మతిమరుపు వచ్చిందా..

అలాంటివి నువ్వు ఫ్లర్ట్ చేసే అమ్మాయిలని అడుగు.  నన్ను కాదు. ఓ.. నిన్ను నేను ఫ్లర్ట్ చేయలేదు అని ఫీల్ అవుతున్నావా..

పోని ఇప్పుడు చేస్తాను చెప్పవే..  వే.. గి..  అన్నావంటే పళ్ళు రాలిపోతాయి. నాకు పళ్ళు లేకపోతే తర్వాత నువ్వే ఇబ్బంది పడతావు.

నీ పళ్ళకి.. నా ఇబ్బందికి సంబంధం ఏముంది.  మరి రేపటి నుంచి నేను ఏమీ తినలేకపోయాను అనుకో.. చిన్నపిల్లలకి పెట్టినట్టుగా స్మూతీస్ చేసి తినిపించాలి.

జ్యూస్ లు పట్టించాలి.  ఇవన్నీ కష్టం కదా..  నీకెందుకు నేను పట్టిస్తాను. కాబోయే శ్రీమతే కదా నాకు అవన్నీ చేయాల్సింది.

ఏమిటి నీకు ఏడిపించడానికి నేను దొరకడం లేదు అని కొత్త యాంగిల్ ట్రై చేస్తున్నావా ? ఏడిపించడం కాదే తింగరి. ఐ లవ్ యు.

ఒక్క నిమిషం వైభవ్ వైపు చూస్తుంది. ఏమిటే అలా చూస్తున్నావు. అంత నచ్చానా..

చూడు నీ దారి నీది.. నా దారి నాది..  ఏడిపించడానికి కూడా ఒక హద్దు ఉండాలి. ప్రేమించానని చెప్పి ఇంకా ఏమీ ఏడిపించాలని నీ ప్లాను.

అయ్యో ఏడిపించడం కాదు. నిజమే చెబుతున్నాను. చేసిన ఓవర్ యాక్షన్ చాలు గాని.. నాకు దారి వదులు.  నేను వెళ్ళాలి.

ఇంతకీ నా ప్రేమను ఒప్పుకుంటున్నావా లేదా ? నేను అంత ఫూల్  ని కాదు. మర్యాదగా తప్పుకోకపోతే పెద్ద మావయ్యని పిలుస్తాను.

వైభవ్ దారి ఇచ్చి వెళుతున్న చందు నే చూస్తూ ఉంటాడు. నేనింత ఇదిగా లవ్ చేస్తున్నానని చెబుతూ ఉంటే.. ఫూల్ చేయడం అంటుంది ఏమిటి..

నా ప్రపోజల్ అంత చండాలంగా ఉందా...ఇప్పుడు నాకు దీనికి సొల్యూషన్ చెప్పే వాళ్ళు ఎవరు.. ఎవరు.. అనుకుంటూ ఆ బాబి కరెక్ట్ గా చెబుతుంది అని విశి కి కాల్ చేస్తాడు.

వైభవ్ కాల్  లిఫ్ట్ చేసి ఏమిటి ఈ టైంలో చేస్తున్నావు. నాకు ఒక ప్రాబ్లం వచ్చింది బాబి..  నీకా..  హ నాకే..  ఏమిటి.

నేను ప్రపోజ్ చేస్తే.. చందు  ఎలా మాట్లాడిందో చెబుతాడు. మొత్తం విన్న విశి ఆలోచిస్తూ ఉంటుంది. ఏం మాట్లాడవే బాబి.

నీకు ఒక పాయింట్ అర్థం కావడం లేదు..చందు నిన్ను లవ్ చేయడం లేదు అని చెప్పడం లేదు. నిన్ను నమ్మను అంటుంది.

రెండింటికి తేడా ఏముంది. నీ ప్రేమ తనకు అర్థమయ్యే విధంగా చెప్పి నమ్మకం కలిగించు. ఆటోమేటిక్గా చందు లవ్ చేస్తుంది.
ఇది ఏమన్నా సినిమానా..  నమ్మించడానికి..  డ్రామాలు చూపించడానికి.  సినిమాలు కూడా నిజ జీవితం నుంచి ఇన్స్పైర్ అయ్యి తీసినవే.

నీ ప్రయత్నాలు నువ్వు చెయ్యి. కానీ ఎలాగా నా లవ్ చూపించాలి బాబి.. అది నాకు తెలిస్తే ఇలా నీరసంగా ఎందుకు కూర్చుంటాను.

నీది అదే ప్రాబ్లమా? అవును. మనం దీని మీద బాగా స్టడీ చేద్దాం. ఎలా.. ఏదో ఒకటి నేను ఆలోచించి నీకు చెబుతాను అని ఫోన్ పెట్టేసి చించుతూ ఉంటాడు.

దీనికి సొల్యూషన్ చెప్పగలిగే వాళ్ళు ఇద్దరే ఇద్దరు. ఒక్కళ్ళు శ్రీకర్ ఐతే ఇంకొకళ్ళు అన్నయ్య. ఫస్ట్ అన్నయ్యని అడుగుదామని సూర్య గదిలోకి పరిగెడుతాడు.

ఫ్రెష్  అయ్యి వచ్చి మంచం మీద వాలి ఫోన్ చూస్తున్న సూర్య మీదకు వచ్చి పడతాడు.  ఒరేయ్ ఇలా వచ్చి పడ్డావు ఏమిటిరా..

లేగు. అన్నయ్య నాకు ఒక హెల్ప్ కావాలి. ఏదైనా సరే ముందు లెగిసి అడగరా..  నడుము విరిగిపోతుంది.

ఓ సోరి..  ఆవేశంలో వచ్చి మీద పడ్డాను.  నీ బొంద అని వైభవ్ ని పక్కకి గెంటి సూర్య లేచి నిలబడి నడుం సెట్ చేసుకుంటాడు. ఇంతకీ నీ ఆవేశం ఏంటో చెప్పు.

చెప్పాక కోప్పడవు కదా..  ముందు చెప్పరా..

చందు కి ప్రపోజ్ చేశాను. ఆ మాటకి సూర్యకి పులమారుతుంది. ఏం మాట్లాడుతున్నావు రా. అవును ప్రపోజ్ చేశాను.

మరి చందు ఏమంది.  నేను అంత ఫుల్ ని కాదు అని వెళ్ళిపోయింది. బాగా చెప్పింది.  నా ప్రేమ నిజం కాదా.. నేను దాన్ని ఏడిపించడానికి చెప్పాను అని అనుకుంటున్నావా..

వైభవ్ ఫేస్ చూస్తే సిన్సియర్గా కనపడుతుంది.. చిన్నగా నవ్వుకొని అక్కడ సోఫాలో కూర్చోబెట్టి... మీ ఇద్దరి మధ్యన ఇప్పుడు దాకా గిల్లికజ్జాలే జరిగాయి.

ఒక్కసారిగా నువ్వు వెళ్లి ఐ లవ్ యు అంటే చందు ఎలా రియాక్ట్ అవుతుంది.  ఫర్ సపోస్ చందు వచ్చి నీకు అలా చెప్పిందే అనుకో నువ్వు ఎలా రియాక్ట్ అవుతావు.

మరి ఎలా అన్నయ్య.. నాకు అది కావాలి అని నడుం చుట్టూ చేతులు వేసి పట్టుకుని అడుగుతాడు.  నన్ను పట్టుకుంటే ఎలాగా..

దానికి నీ తిప్పలు నువ్వు పడాలి.  అది తెలియకే కదా... బాబి ని కూడా అడిగాను.  జోగి జోగి రాసుకుంటే బూడిద రాలింది అన్నట్టుగా ఉంది.

ఇంతకీ ఏం చెప్పింది. అది నాకు తెలిస్తే నాకెందుకు ఇన్ని బాధలు అని బాధ పడింది. ఆ మాటకి నవ్వుకుంటూ...మీ బాబి సంగతి నేను చూసుకుంటాను కానీ నీ ప్రయత్నాలు నువ్వు చెయ్యి. అదే ఎలాగా..

ప్రేమనీది..  ప్రయత్నాలు నీవే అవ్వాలి. నీ ప్రయత్నంలో సిన్సియారిటీ చూపించు. 
అదే తెలియడం లేదు.  ఫ్లర్ట్ చేయడం వేరు.  ప్రేమించానని చెప్పడం వేరు కానీ ఎలా..  ఎలా..  ప్లీజ్ అన్నయ్య హెల్ప్ మీ..

సూర్య వైభవ్‌ పక్కనే కూర్చుని భుజం మీద చెయ్యి వేసి..

ప్రేమ అంటే మాట కాదు రా వైభవ్…
ప్రేమను నీవే చూపించాలి.
ప్రేమను అర్థం చేసుకోనివ్వాలి.
ప్రేమిస్తున్నావని చెప్పడానికి…
పొరపాటున కూడా మూడో మనిషిని మధ్యలో పెట్టకు.

చందుకు నువ్వు నిజంగా మారిపోయావా?
నిజంగా సీరియస్‌వా?
నీ అలవాట్లు, నీ తిట్టుకూడా ఆమె మీద ప్రేమైతే…
అవి ఆమెకి కనిపించాలి.

ఒక్కసారిగా ఐ లవ్ యూ అన్నంత మాత్రాన ఎవ్వరికీ నమ్మకం రాదు.
రోజూ చూపించే చిన్న చిన్న జాగ్రత్తలు…
మాటల్లోనూ, ప్రవర్తనలోనూ వచ్చే స్థిరత్వం…
అదే నమ్మకం తెస్తుంది.

నీ ప్రేమని చందు నమ్మాలంటే…
నీ ప్రేమను నువ్వే లాంగ్వేజ్‌లా నేర్పించాలి.
అదే నీ ప్రయత్నం.

నువ్వు చెబుతుంటే అర్థమయ్యి అవనట్టుగా ఉంది. ఏదో మళయాళం సినిమా కొంకిణి లాంగ్వేజ్ లో చూసినట్టుంది.
కానీ  ఒక్క పాయింట్ అర్థమైంది.

ప్రేమ నాది.. ఫైటింగ్ నాది.. చందూకు అర్థమయ్యే విధంగా చెప్పే బాధ్యత కూడా నాది అంతే కదా.. అబ్బా.. ఎన్ని రోజులకి నీ నోటి నుంచి బాధ్యత అన్నమాట వచ్చింది రా..

ఇంక నీకు ఎదురేలేదు. క్యారీ ఆన్.. థాంక్యూ బ్రో.. చందు వస్తున్న కాచుకో..  అంత వద్దు  మామూలుగా వెళ్ళు..

ఏమిటో అన్నయ్య నీకు నా ఫాంటసీ అస్సలు అర్థం కావడం లేదు అని రూమ్ కి వెళ్లి ఎలా చెప్పాలో..  ఏమిటా అని ఆలోచిస్తాడు.

ఐడియా..  లవ్ మూవీస్ చూస్తే మన కంటెంట్ దొరకచ్చు కదా అని రాత్రంతా జాగారం చేసి మరి సినిమాలు చూస్తాడు.

వైభవ్ వెళ్లి సూర్య గది తలుపులు బాధేస్తూ ఉంటే.. అబ్బా ఈ టైంలో ఎవరు అని తలుపులు తీస్తే.. అన్నయ్య..  ఏంట్రా ఈ టైంలో.

నేను కొన్ని ప్రాక్టీస్ చేశాను. అవి చూపిద్దామని. ఇప్పుడా ఇంత ఎర్లీ మార్నింగ్ లో ఏదైనా ఫ్రెష్ గా స్టార్ట్ చేయాలిరా. అందుకే కదా వచ్చాను అని లోపలకి వస్తాడు.

చెప్పు..

అద్దం ముందు  నిలబడతాడు అద్ధం వైపు ఎందుకురా అయ్యో నా ఫేస్ ఎక్స్ప్రెషన్స్ ఎలా ఉన్నాయో చూసుకోవాలి కదా..
ఎక్స్ప్రెషన్స్ అని సూర్యా పెడతాడు. ప్లీజ్ డోంట్ డిస్టర్బ్ అన్నయ్య.
శ్… ప్రాక్టీస్ మోడ్ లో ఉన్నా!
చందుకి పర్ఫెక్ట్ గా ప్రపోజ్ చేయాలి కదా!

వైభవ్...మాస్ హీరో స్టైల్

అద్దం ముందు తల వెంట్రుకలు స్టైల్ చేసి, కాలర్ కొంచెం ఎత్తి:

మాస్ టోన్ తో
చందు… నీకోసం ఏడు సముద్రాలు దాటి వచ్చేసానురా…
ఒక్కసారి ‘అవును’ అన్నా… నువ్వు నా రాణి… నేను నీ హీరో!
ఎలా ఉంది అన్నయ్య..

సూర్య తలపై చెయ్యేసుకుని:
అరేయ్… చందు నిన్ను రోడ్డు మీద వదిలేసి వెళ్లిపోతుంది ఈ స్టైల్‌లో.

అయ్యో... ఇది కూల్‌గా లేదేమో.

ఇప్పుడు క్లాసిక్ రొమాన్స్ లో చెబుతాను..


చేతిలో ఒక పుస్తకం పట్టుకుని, గ్లాస్ నెమ్మదిగా తీసి..

వైభవ్ సాఫ్ట్ టోన్ తో..
చందు… నీ కళ్ళలో పడిన రోజు నుంచి…
నా జీవితం బ్లాక్ అండ్ వైట్ నుండి కలర్ మోడ్‌కి మారిపోయింది.
విత్ లవ్… వైభవ్.

సూర్య నవ్వు ఆపుకోలేక:
అయ్యా కవిత్వం ఆపు. నువ్వు కవి సమ్మేళనంలో ప్రపోజ్ చేస్తున్నట్టు ఉంది.


ఛ.. ఇది కూడా సెట్ అవ్వలేదా మరొకటి వదులుతాను చూడు..

వైభవ్ వెనుక నుండి చేతులు చుట్టే పోజ్ ప్రాక్టీస్ చేస్తూ..

చందు… నీ దగ్గరకు రావడం… నీ వెనుక నిలబడడం…
ఇవి అన్నీ నేను ప్రాక్టీస్ చేశాననుకుంటున్నావా?
లేవురా…
అవి నాకు ఆటోమేటిక్ గా వస్తాయి…

సూర్య వెంటనే:
ఒకేసారి ఇలా దగ్గరకు వెళ్లకు… చందు బలంగా  మోచేతి తో ఒకటి ఇస్తుంది.


ఏమిటి న్నయ్య ఎన్ని చెప్పినా ఏదో ఒకటి చెబుతున్నావు ఇది చూడు..



వైభవ్ గుండెపై చెయ్యేసుకుని, డీప్ బ్రీతింగ్ తో

చందు…
సూర్య వైపు చూసి బిక్కమొహం వేస్తాడు.
ఏమైందిరా డైలాగ్ మర్చిపోయాను.
ఓహ్ షిట్! స్లో మోషన్ పాట బాక్గ్రౌండ్ లో ఉంటేనే ఇది బాగుంటుంది బ్రో..


సూర్య తల పట్టుకుంటాడు.ఇది ఫైనల్.
నా ఒరిజినల్ స్టైల్..

అద్దం ముందు నిజంగా తనలా నిలబడి..

వైభవ్ నిజాయితీగా చందు కళ్ళల్లోకి చూస్తున్నట్టుగా ఫీల్ అవుతూ..
చందు…
నీతో ఉండటం నాకు బాగుంటుంది.
నీతో మాట్లాడితే నా రోజు సరి అయినట్లు అనిపిస్తుంది.
నీ మీద నాకు ప్రేమ…
ఆ మాట చెప్పడానికి నేను నేనే ఉండాలి.
ఇదే నేను… ఇదే నా ప్రేమ.

సూర్య గట్టిగా చప్పట్లు కొడుతూ:
అది రా! అదే నీ స్టైల్!
సినిమాల్లా కాకుండా… నువ్వు నిన్ను నమ్మి చెప్పాలి.

వైభవ్ అద్దంలోకి చూసి చిన్నగా నవ్వుకుంటాడు:
అయితే… దీన్నే ప్రాక్టీస్ చేస్తా.
చందుకి ఇది నచ్చుతుంది.

వైభవ్ ప్రాక్టీస్ ఎంతవరకు వస్తుంది..........