పాణిగ్రహణం

[SivaSai]

Part - 86

శ్రీ ఇంటికి విజిల్ వేసుకుంటూ వెళతాడు.  నేహా ఎదురు వచ్చి రండి రండి అని కూర్చోబెడుతుంది..వాట్ డార్లింగ్ ఏం చేశారు ఈరోజు.

బాగా ఎంజాయ్ చేశారా.. ఏదో మీ దయ.. కాఫీ తెమ్మంటారా టీ తెమ్మంటారా. కాఫీ తీసుకురా.. సరేనండీ. కాఫీలో పాలు పోయమంటారా నీళ్లు పోయమంటారా.

నో బ్లాక్ కాఫీ ఓన్లీ వైట్ కాఫీ. కాఫీ పొడి  ఎంత వేయమంటారు... షుగర్ వెయ్యనా వద్దా..  ఆ మాటలకి పిచ్చి చూపులు చూస్తూ..

నేహా నుదిరిపైన చెయ్యి పెట్టి..  చెక్ చేస్తూ బాగానే ఉన్నావా.. అయ్యో నేను బాగానే ఉన్నాను అండి. అమాయకులు అంటే ఇలాగే ఉండాలి కదా అందుకనే అడుగుతున్నాను.

అప్పటివరకు కాలి మీద కాలు వేసుకుని విజిల్ వేస్తున్న శ్రీ కాలికి పక్కకు పెట్టి.. అమాయకులు ఏమిటి ఏం మాట్లాడుతున్నావు.

అదేమిటండి మీ భార్య అమాయకురాలుగా ఉండాలని మీరే కోరుకున్నారు కదా.. ఇప్పుడు అన్ని అడిగి చేస్తుంటే అలా చూస్తారు ఏమిటి.

కాఫీ తీసుకొస్తాను అని కిచెన్లోనికి వెళుతుంది.. ఒరేయ్ వైభవ్ గా ఎంత పని చేసావురా అని తల పట్టుకుంటాడు.

కాఫీ తెచ్చి చేతికిస్తుంది. భయంగా కప్పు పుచ్చుకుంటే ఏమండీ వేడి నీళ్లు పెట్టమంటారా..    సరే అని తల ఊపుతాడు.

ఎంత వేడిలో కావాలి...  వేలు  ఊడి వచ్చే రేంజ్ లో కావాలా లేక గోరువెచ్చగా కావాలా...లేకపోతే మధ్యలోకి కావాలా..

కప్పు పక్కనపెట్టి నేహాని గదిలోకి తీసుకు వెళ్లి మంచం మీద కూర్చోబెట్టి అసలు ఏమనుకుంటున్నావు నువ్వు అని గట్టిగా మాట్లాడతాడు.

చేతులు కట్టుకుని చూస్తూ ఉంటే...ఇక లాభం లేదని కింద బోర్లా పడుకొని కాళ్లు పట్టుకుని... ఏదో పిచ్చపాటి మాట్లాడుకున్నాం కానీ నా పెళ్ళాం తెలివిగా అన్ని చక్కపెట్టుకునేటట్టుగా ఉంటేనే నాకు ఇష్టం.

నా బంగారం కదా నా బుజ్జి కదా.. అన్ని అలా మనసులోకి తీసుకోకూడదు.. అయినా ఆఫీసులో మేము మాట్లాడుకుంది నీకు ఎలా తెలిసింది.. ఆ వైభవ్ వేనా చెప్పింది. ఇడియట్ అంటాడు.

వైభవ్ ని ఏమైనా అన్నారంటే ఊరుకోను... వాడివల్లే కదా మీ మనసులో మాట తెలిసింది. ఈరోజు నుంచి మీకు అన్ని ఇలాగే ఉంటాయి అని లేచి పైట దులుపుకుని బయటికి వెళ్లి పోతుంది.

కిందే ఒక పక్కకి పడుకుని నా పరిస్థితే ఇలా ఉందంటే ఇక రాజ్, వినయ్ పరిస్థితి ఇంకా ఎలా ఉందో...మా ముగ్గురు పెళ్ళాలు టార్చర్ ఎలా ఉంటుందో తెలుసు కాబట్టి పరవాలేదు.

ఇదే రేంజ్ లో విద్యా కూడా రెచ్చిపోతే..  అప్పుడు మా భరత్ గాడి పరిస్థితి ఏమిటి అని ఊహించకని గట్టిగా నవ్వుతాడు. మళ్ళీ వెంటనే కంట్రోల్ కంట్రోల్..

నైట్ కి గ్రూప్ కాల్ పెట్టాల్సిందే అనుకుని ఫ్రెష్ అవ్వడానికి వెళ్తాడు.

భరత్ ఇంటికి వచ్చేటప్పటికి విద్య ఎక్కడ కనిపించదు. ఏమైపోయింది ఇది.. నేను రాగానే ఎదురు వస్తుంది కదా.. అంతా చూస్తూ గదిలోకి వెళతాడు.

గదిలోకి వెళ్ళేటప్పటికి విద్యా కాలు మీద కాలు వేసుకుని కూర్చుని ఫ్రూట్స్ తింటూ మ్యూజిక్ ఎంజాయ్ చేస్తూ ఉంటుంది.

ఏమిటి విద్య..  నేను రాగానే ఎదురు రావాలని తెలియదా. ఈ టైంకి హాల్లో ఉండడం మానేసి రూంలో కూర్చున్నావు అని గట్టిగా మాట్లాడుతాడు.

కూర్చుంటే ఏమైంది.  రోజు ఎదురు రావాలని మన పెళ్లి అప్పుడు చెప్పలేదే.. విద్యా సమాధానానికి భరత్ ముందుకి వెనక్కి చూసుకుంటాడు.

విద్య పట్టించుకోకుండా మళ్ళీ సాంగ్స్ వింటూ ఉంటే.. దగ్గరికి వచ్చి నిలబడి ఇప్పుడు మాట్లాడింది నువ్వేనా.. కాదు.

నా డుబు వచ్చి మాట్లాడింది.  మీకు ఏమైనా అనుమానమా..  ఏమైంది దీనికి... ఇలా కొత్త కొత్తగా మాట్లాడుతుంది.

సరే తర్వాత చూద్దాంలే అనుకుని..నేను స్నానం చేసి వస్తాను. ట్రాక్ ప్యాంటు  తీసి పెట్టు.. తీయకపోతే...అంతే ఆ మాటకి భూమి ఒక్కసారిగా రివర్స్లో తిరిగినట్టుగా అనిపిస్తుంది.

తీయకపోతే నేనే తీసుకుంటాను అని ఆలోచిస్తూ స్నానం చేసి వచ్చి ప్యాంటు వేసుకుని టవల్ అక్కడ మంచం మీద వేస్తాడు.

ఇంత వయసొచ్చింది టవల్ ఎక్కడి వెయ్యాలో కూడా తెలియదా..  అలా మంచాల మీద వేస్తే ఎలాగా...  వాసన రాదా అని గట్టిగా మాట్లాడుతుంది.

ఓకే ఓకే ఆరేస్తాను అని బాల్కనీలో ఉన్న దండెం మీద ఆరేసి వస్తాడు. విద్యా అని పిలిస్తే ఏంటి అని గట్టిగా అడుగుతుంది.

ఏమీ లేదు.  కూల్ కూల్ అని చెప్పి బయటకివస్తూ ఆలోచిస్తూఉంటాడు.
అప్పుడే నివి లోపలికి రావడం.. వినయ్ ఆఫీస్ రూమ్లోకి పరిగెత్తడం రెండు చూస్తాడు.  నివి  వెనకాలే ఉన్న వైభవ్ ని చూసి ఇదంతా నీ పని ఏంట్రా..

చీమలగా వచ్చి దోమ లాగా కుట్టావన్నమాట.  చెబుతాను ఉండు నీ పని అంటూ చూస్తూ ఉంటాడు.  నివి ముక్కు చీదుకుంటూ అమ్మ అని వస్తుంది.

ఏమైందే అలా ఏడుస్తున్నావు. మీ అల్లుడు గారికి నేను బోర్ కొట్టేసాను అంట.  కొత్త పెళ్ళాం కావాలి అంట.. ఇంకో పెళ్లి చేసుకుంటారంట..

అది కూడా ఏడు గోదావరుల అవతల ఉన్న అమ్మాయిని తెచ్చుకుంటారంట.. ఇంక నా జీవితం ఏం కావాలి అని ఏడుస్తూ ఉంటుంది.

నువ్వు చెప్పేది ఒక్క ముక్క కూడా అర్థం కావడం లేదు. రాజ్ ఎందుకు అలా మాట్లాడుతాడు అని కళ్యాణ్ అడిగితే..

మీకు ఎంతసేపు మీ అల్లుడు ని వేనేకేసుకుని రావడమేగాని..  కూతురు బాధ అర్థం కావడం లేదు.

ఒరేయ్ చిన్నన్నయ్య, భరత్ బావ అని పిలుస్తుంది. ఇరికించేసాడు ఎదవ అనుకొని.. భరత్... రాజ్ కి ఫోన్ చేసి తమరు ఎక్కడ ఉన్నా సరే మీ పుష్పక విమానంలో అత్తవారింట్లో వాలండి.

లేకపోతే మీకు అంటే..  అర్థమయ్యింది వస్తున్న అని చందు తో బయలుదేరుతాడు.. మా పరిస్థితి ఇలా ఉందంటే శ్రీ పరిస్థితి ఎలా ఉందో.. ఒకసారి కాల్ చేయాలి అని ఆఫీసు రూమ్ లోకి వెళ్లి శ్రీ ని లైన్ లోకి తీసుకుంటాడు.

స్నానం చేసి వచ్చిన శ్రీ లిఫ్ట్ చేసి ఏమైంది.. ఫోన్ చేశారు. నువ్వు బాగానే ఉన్నావా..  నాకేం రా బిందాస్.. నేహా ఏమి ఇబ్బంది పెట్టలేదా..

నా పెళ్ళాం అలా ఇబ్బంది పెట్టదు.  ఏమి మీకు ఏమైనా ఇబ్బందులు వచ్చాయా... నీమాట ఒకటి చెబుతుంది. కళ్ళల్లోనేమో భయం కనపడుతుంది.

నిజం చెప్పు. నేను నిజమే చెబుతున్నాను. ఈ లోపు నేహా వచ్చి ఏవండీ కూరలో ఉప్పు వేయమంటారా...పంచదార వేయమంటారా..

నూనె ఎన్ని స్పూన్లు వేయమంటారు. ఉల్లిపాయలు వేయించమంటారా వద్దా అని అడుగుతూ ఉంటే.. భరత్ గట్టిగా నవ్వుతూ తిక్క కుదిరింది ఎదవకి..

లేకపోతే నా దగ్గరే ఎక్కసక్కాల ఎంజాయ్ శ్రీ అని ఫోన్ పెట్టేస్తాడు.  వినయ్ బిక్క మొహం వేసుకుని చూస్తూ ఉంటే..

నీకేమైంది రా.. పూజిత ఎలా ఆడుకుందో చెబుతాడు.  నువ్వు సేఫ్ బావ. పాపం విద్య అక్క చాలా అమాయకరాలు కదా.

ఇప్పటివరకు అలాగే అనుకున్నాను రా అని వాపోతాడు. అంటే నీకు కూడా దబిడి దిబిడేనా... చాలా.. అసలు నేను చూడని యాంగిల్ చూపించింది.

సరే రా వెళ్దాము. అమ్మో నేను రాను.. నా పెళ్ళాం ఉంటుంది అంతకన్నా ఇంకొక బాంబు వచ్చి పడింది.  ఏం  బాంబ్..

నివి బాంబ్.. ఇప్పుడు రాజ్ ఎలా బ్రతిమాలతాడో ఏమిటో..  రాజ్ బావే కాదు.  మనమందరం బ్రతిమాలుకోవాల్సిందే..

ఇంకొకసారి నీ కొడుకుని వెనకేసుకొచ్చావు అంటే.. ఇప్పుడే కదా బావ అర్థమైంది. పద అని నీరసంగా బయటకి వస్తాడు.

వీళ్ళ వెళ్ళేటప్పటికి నివి హాల్లో శ్లోకాలు పెడుతూ ఉంటుంది. అందరూ చుట్టూ కూర్చుని ఓదార్చుతూ ఉంటారు.

రాజ్, చందు వచ్చేటప్పటికి వింతగా వెరైటీగా కనపడుతూ ఉంటుంది. భరత్,  వినయ్ ఒక పక్కగా నిలబడి ఉంటే రాజ్ వాళ్ల పక్కకి చేరి ఏం జరుగుతుంది రా ఇక్కడ..
నీ రెండో పెళ్లికి సంబంధించిన మాటలు..

రాజ్ పరిస్థితి..

నలుగురు పెళ్ళాల్ని ఎలా బుజ్జగించతారు.....