Thriller రుద్రం భజే! ( POWER OF YODHA )

[SivaSai]

రుద్రం భజే! ఎపిసోడ్ 4

మీటింగ్ కంప్లీట్ అయిన తర్వాత నీతూ వాళ్ళ వైపు చూసి టీమ్ ఫామ్ చేసుకుని అరవకొండ వెళ్ళండి చనిపోయిన ఏజెంట్ కొడుకు అక్కడే ఉన్నాడు మీకు హెల్ప్ గా ఉంటాడు అని చెప్పాడు నాయక్.

***************

మూడు రోజులు తర్వాత అరవకొండ చేరుకుని భూపతి వర్మ కి కాల్ చేసింది దీప్తి.

రిసీవ్ చేసుకుని ఇంటికి తీసుకువెళ్లి "మీ నాన్నగారు ఫోన్ చేశారు ఫ్రెండ్స్ తో కలిసి సరదాగా ఈ ఏరియా చూడటానికి వచ్చారంట కదా! ఎన్ని రోజులు కావాలంటే అన్ని రోజులు ఇక్కడే ఉండి సరదాగా ఎంజాయ్ చేయండి." అని చెప్పాడు భూపతి వర్మ.

"సర్! ఇక్కడ ఆంజనేయస్వామి గుడి ఫేమస్ అని అంకుల్ చెప్పారు ఎక్కడ ఉంది?" అని అడిగింది నీతూ.

"ఈరోజు హనుమత్ జయంతి కదా ఉత్సవాలు జరుగుతున్నాయి మీరు ఫ్రెష్ అవ్వండి తీసుకువెళతాను." అని చెప్పాడు భూపతి వర్మ.

"సరే అంకుల్! 15 మినిట్స్ లో రెడీ అయ్యి వస్తాము." అని చెప్పింది దీప్తి.

భూపతి వర్మ అక్కడి నుంచి వెళ్లడం చూసి "మేడం! ఇక్కడ చనిపోయిన ఏజెంట్ కొడుకు మనకి హెల్ప్ గా ఉంటాడు అన్నారు మారి తనని కలవకుండా వీరిని కలిసాము ఏమిటి?" అని డౌట్ గా అడిగాడు నీతూ అసిస్టెంట్  పుష్కర్.

"ఎస్! అతను ఈ ఏరియా చూపించడానికి హెల్ప్ గా ఉంటాడు మనం దేనికి వచ్చేమో అతనికి కూడా తెలియకూడదు." అని చెప్పింది రీతూ.

"ఈ ఏరియా మొత్తం చాలా బాగుంది ఎప్పటినుంచో ఇలాంటి అడవులు కొండలు వాటర్ ఫాల్స్ ఉన్నా ఏరియాలో స్టే చేయాలి అనుకుంటున్నాను. ఇప్పటికి నా కోరిక తీరింది." అని చెప్పింది దీప్తి కొలీగ్ పూజా.

"మనం వచ్చిన పని అవ్వకపోతే అప్పుడు ఉంటది అసలు మజా!" అని చెప్పాడు నీతూ మరొక అసిస్టెంట్ ఏకవీర.

బ్యాగ్ లో నుంచి మిషన్స్ తీసి ఇచ్చి "మనం బయటికి వెళ్లినప్పుడు ఇవి మన దగ్గర ఉండాలి ఈ మిషన్ రేడియస్ లోకి రేడియేషన్ ఉన్న వస్తువు ఏదైనా ఉంటే వెంటనే సిగ్నల్ ఇస్తుంది." అని చెప్పింది దీప్తి.

"ఓకే!" అని రెడీ అయ్యి మిషన్ కనపడకుండా సీక్రెట్ గా పెట్టుకుని భూపతి వర్మ తో పాటు గుడి దగ్గరికి బయలుదేరారు అందరు

గుడి దగ్గర ప్రసాదాలు పెడుతూ హడావిడిగా ఉన్న నారాయణ రావు దగ్గరికి తీసుకువెళ్లి "రావు గారు! నాయక్ గారు ఫోన్ చేశారని చెప్పాను కదా!" అని దీప్తి ని చూపించి "వాళ్ళ అమ్మాయి తన ఫ్రెండ్స్!" అని పరిచయం చేశాడు భూపతి వర్మ.

"అవునా?" అని దీప్తి వైపు సంతోషంగా చూస్తూ " మీరు ఇక్కడికి రావడం చాలా ఆనందంగా ఉంది. మీ నాన్నగారు చాలా మంచివారు మాకు చాలా సహాయం చేశారు.

ఈరోజు హనుమజ్ జయంతి కదా ఉత్సవాలు జరుగుతున్నాయి కాసేపట్లో ఊరేగింపు కూడా ప్రారంభమవుతుంది మంచి సమయానికి వచ్చారు." అని ఆకుల్లో పెట్టి ప్రసాదం ఇస్తూ పక్కనే ఉన్న అమ్మాయిని చూపించి "నా కూతురు గౌరీ!" అని పరిచయం చేశాడు నారాయణ రావు.

గౌరీ వైపు చూస్తూ "నీ శారీ సూపర్ గా ఉంది." అని చెప్పింది దీప్తి.

" థాంక్యూ! మీ టీ షర్ట్ కూడా చాలా బాగుంది." అని చెప్పింది  గౌరీ.

అంతలో అక్కడికి వచ్చి "రావు గారు! ఎమ్మెల్యే గారు ఇంకా రాలేదు ఊరేగింపు మొదలు పెడదామా? కాసేపు ఆపుదామా?" అని అడిగాడు ఒక వ్యక్తి.

"ఎవరి కోసం భగవంతుడి కార్యక్రమం ఆగదు మొదలు పెట్టండి." అని చెప్పాడు నారాయణ రావు.

ప్రసాదం తింటూ "పులిహార భలే ఉంది. " అని చెప్పాడు పుష్కర్.

ఆ మాట విని నవ్వుతూ "కొంచెం పెడతాను పట్టండి బాబు!" అని చెప్పాడు నారాయణ రావు.

సీరియస్ గా చూస్తున్న నీతూ వైపు చూసి పులిహార పెట్టించుకుని "మీరు కోపంగా చూసినా నేను తినకుండా ఆగలేను." అని చెప్పాడు పుష్కర్.

అంతలో ఊరేగింపు దగ్గర గొడవ జరుగుతున్నట్లు అనిపించి హడావిడిగా వెళ్ళాడు నారాయణ రావు.

"ఎమ్మెల్యే గారు రాకుండా ఊరేగింపు కదలడానికి వీల్లేదు సాయంత్రం అయినా సరే అలా ఉండాల్సిందే!" అని చెప్పాడు అక్కడ ఉన్న ఎమ్మెల్యే మనిషి.

"మీరు పోరుగు ఊరి నుంచి వచ్చారు మా ఊరి కట్టుబాటు మీకు తెలియదు భగవంతుని ఊరేగింపు ఎవరి కోసం ఆగదు." అని చెప్పాడు అక్కడ ఉన్న ఒక వ్యక్తి.

అక్కడికి వచ్చి గొడవ పడుతున్న వ్యక్తిని ఆపి మందు వాసన రావడంతో "బాబు! తాగి ఇక్కడికి రాకూడదు మీరు వెళ్ళండి ఎమ్మెల్యే గారు వస్తే మేము సర్ది చెప్పుకుంటాము." అని ముక్కు మూసుకుంటూ చెప్పాడు నారాయణ రావు.

"ఏంట్రా! నన్ను చూసి ముక్కు మూసుకుంటున్నావు? అయ్యినా ఆ మాట చెప్పడానికి నువ్వు ఎవరు?" అని పొగరుగా అడిగాడు అక్కడ ఉన్న మరొక వ్యక్తి.

"మీరు తాగి ఉన్నారు మర్యాదగా ఇక్కడి నుంచి వెళ్ళండి." అని గట్టిగా చెప్పాడు నారాయణ రావు.

"మమ్మల్ని తాగుబోతులు అంటావా..?" అని నారాయణ రావు ని బలంగా ఒక్క తోపు తోసాడు ఆ వ్యక్తి.

బలంగా తోయడంతో కింద పడ్డ నారాయణ రావుని చూసి "యోధ! నాన్నగారి మీద చేయి చేసుకున్నారు కింద పడిపోయారు." అని గట్టిగా అరిచింది గౌరీ.

ఆ అరుపు విని "యోధ అంటే చనిపోయిన ఏజెంట్ కొడుకా?" అని డౌట్ గా అడిగింది నీతూ.

"అతను వచ్చి వీళ్ళని బతిమిలాడతాడేమో!" అని వెటకారంగా అన్నాడు పుష్కర్.

ఆవేశంగా పరిగెత్తుకుంటూ వస్తున్న వ్యక్తిని చూసి "అతనే యోధ అనుకుంటా! చూస్తుంటే బతిమిలాడేటట్లు లేడు ఆ హైట్, ఆ బాడీ ఆ స్ట్రక్చర్ చూడండి." అని కళ్ళు అర్పకుండ చూస్తూ చెప్పింది పూజా.

"హనుమంతుడే పరిగెత్తుకుంటూ వస్తున్నట్లు ఉన్నాడు." అని చూస్తూ చెప్పాడు ఏకవీర.

నారాయణ రావు దగ్గరికి వెళ్లి "నాన్నగారు! మీకు ఏమీ అవలేదు కదా!" అని అడిగి ఎదురుగా ఉన్న వాళ్ళ వైపు కోపంగా చూస్తూ "నాన్న గారి మీద చెయ్యి వేసింది ఎవరు?" అని ఆవేశంగా అడిగాడు యోధ.

"నాన్న యోధ! నా మీద ఎవరు చెయ్యి వేయలేదురా... నువ్వు వెళ్లి స్వామి వారి అలంకరణ చూడు." అని సర్ది చెప్పాడు నారాయణ రావు.

"యోధ! నాన్నగారు అబద్దం చెబుతున్నారు అతనే నాన్న గారి మీద చెయ్యి వేసాడు." అని కోపంగా చూస్తూ చూపించింది గౌరీ.

"అవును యోధ! తాగి వచ్చి ఇక్కడ గొడవ చేయడమే కాకుండా ఊరేగింపు వెళ్ళకుండా రోడ్డుకి అడ్డంగా కారు పెట్టారు అడిగిన అయ్యగారిని తోసేసారు." అని చెప్పాడు అక్కడ ఉన్నా ఒక వ్యక్తి.

అక్కడికి తూలుకుంటూ వస్తూ "అవునురా.. నేనే మీ అయ్యని కొట్టాను ఇప్పుడు ఏంటి? ఎమ్మెల్యే గారు వచ్చే వరకు ఊరేగింపు కదలడానికి వీల్లేదు, దారికి అడ్డుగా ఉన్న మా కారు కూడా తీయము." అని యోధ దగరకి వచ్చి తల ఎత్తి పైకి చూస్తూ చెప్పాడు వాళ్లలో ఒక వ్యక్తి.

"మేడం! వాడు చూడండి యోధ తో మాట్లాడడానికే తల పైకి ఎత్తి చూసి మాట్లాడుతున్నాడు." అని నవ్వుతూ చెప్పాడు పుష్కర్.

"ఎస్!" అని చూస్తూ "దీప్తి యోధ హైట్ 6.5 ఉంటాడా? " అని అడిగింది నీతూ.

"యా.. ఒక అంగుళం ఎక్కువే ఉంటాడు." అని చెప్పింది దీప్తి.

తన ముందు ఉన్న మనిషిని రెండు చేతులతో పట్టుకుని పైకి లేపి గాలిలో గిరగిరా తిప్పి దూరంగా గిరాటు వేసాడు యోధ.

అది చూసి కోపంతో మీదకు వస్తున్న ఒక పది మందిని రెండు చేతులతో అపి వెనక్కి తోసి "ఈరోజు హనుమజ్జయంతి కాబట్టి నేను చాలా ప్రశాంతంగా ఉన్నాను నాకు కోపం రాకముందే ఇక్కడ నుంచి వెళ్ళిపొండి." అని గంభీరమైన గొంతుతో గట్టిగా అరుస్తూ చెప్పాడు యోధ.

"ఆ బాడీ చూసిన తర్వాత ఇంకా ఎవడైనా ముందుకు వస్తాడా.. ఆంజనేయస్వామి వచ్చి అక్కడ నుంచున్నట్లు ఉంది చేతిలో గద ఒక్కటే లేదు." అని చెప్పింది పూజా.

"మేడం! మనం వెతుకుతున్న వస్తువు ఒకవేళ ఇక్కడే ఉన్నా  మీర్జా కాదు కదా వాడి బాబు కూడా వచ్చి తీసుకు వెళ్ళలేడు." అని చెప్పాడు ఏకవీర.

"ఇలాంటి వాడు బోర్డర్ లో ఉండాలి సగం పాకిస్తాన్ ఖాళీ అయిపోతుంది." అని చెప్పింది నీతూ.

ఊరేగింపు వెళ్ళనివ్వకుండా కారుని అడ్డంగా పెట్టి అక్కడ నుంచున్న వాళ్ళని చూసి పరిగెత్తుకుంటూ వెళ్లి పిడి గుద్దులు గుద్దుతూ ఉన్నాడు యోధ.

"ఒరేయ్! దొరికితే చచ్చిపోతాము పారిపోండి." అని అక్కడి నుంచి పరుగెత్తారు ఎమ్మెల్యే మనుషులు.

రోడ్డుకి అడ్డంగా ఉన్న కారుని ఒక వైపు రెండు చేతులతో పట్టుకొని "జై భజరంగబలి!" అని పైకి లేపి పక్కకి పడేసాడు యోధ.

"హే...చూడండి కారుని రెండు చేతులతో లేపి పక్కకి పడేసాడు." అని ఆశ్చర్యంగా చూస్తూ ఫోటోలు తీస్తూ ఉంది దీప్తి.

అంతలో అక్కడకి హడావిడిగా వచ్చి దెబ్బలతో కిందపడి ఉన్నాయి ఎమ్మెల్యే మనుషుల వైపు చూసి "ఒరేయ్! ఈరోజు మీ టైం బాగుంది. యోధ ప్రశాంతంగా ఉన్నాడు  తనకి కోపం రాకముందే ఇక్కడ నుంచి వెళ్లిపోండి లేకపోతే మీతో పాటు మీ ఎమ్మెల్యే కూడా తన్నులు తింటాడు."  అని చెప్పాడు భూపతి వర్మ.

కారుని రోడ్డు పక్కకి తోసి "ఊరేగింపు మొదలు పెట్టండి జై శ్రీరామ్! జై హనుమాన్!" అని చెప్పాడు యోధ.

అక్కడికి వస్తున్న యోధ వైపు చూసి "ఒరేయ్! నీకు అంత కోపం ఎందుకు రా...!" అని అడిగింది అన్నపూర్ణ.

"అమ్మ! నాన్నగారి మీద వాళ్ల చెయ్యి పడింది. స్వామి వారి ఊరేగింపు కి అడ్డు వచ్చారు అది నాకు నచ్చదు." అని చెప్పి గుడి దగ్గరకి వెళ్ళాడు యోధ.

దీప్తి వాళ్ళ దగ్గరికి వస్తూ "మీరేమీ కంగారు పడకండి అమ్మ! మా యోధ కి కోపం వస్తే అంతే మొండోడు ఎవరి మాట వినడు కానీ మనసు చాలా మంచిది." అని సంతోషంగా చూస్తూ చెప్పాడు నారాయణ రావు.

భూపతి వర్మ వైపు చూసి "యోధ! ఈ గుడి దగ్గరే ఉంటాడా? ఇంకేమీ చేయడా?" అని డౌట్ గా అడిగింది దీప్తి.

ఆ మాటకి నవ్వుతూ "యోధ గుడిలో ఉండడు రెండు నెలల క్రితమే సస్పెండ్ అయ్యి వచ్చాడు." అని చెప్పాడు భూపతి వర్మ.

ఆ మాట విని డౌట్ గా చూస్తూ "సస్పెండ్ అయ్యాడా? ఎక్కడ జాబ్ చేస్తున్నాడు?" అని అడిగింది నీతూ.

"మా తమ్ముడు జాబ్ కాదు డ్యూటీ చేస్తున్నాడు ఇండియన్ మిలిటరీలో బ్లాక్ కాట్ కమాండో, సుపీరియర్స్ ఆర్డర్ ఫాలో చేయకుండా 24 మంది చంపేశాడు అందుకే పనిష్మెంట్ గా ఇంటికి పంపించేశారు." అని చెప్పింది గౌరీ.

తను చెప్పింది విని "ఏంటి? యోధ బ్లాక్ కాట్ కమాండో  నా...?" అని ఆశ్చర్యంగా చూస్తూ ఉండిపోయింది దీప్తి.

" రుద్రం భజే! ఎపిసోడ్ 4 " రచనకు రేటింగ్ ఇవ్వండి