పాణిగ్రహణం

[SivaSai]

Part - 79

సూర్య..  విశి తో షాపింగ్ అయినందుకు మంచి హ్యాపీ మూడ్లో వచ్చి అవని పక్కన కూర్చుని భుజం మీద చెయ్యి వేస్తాడు.

అవని కొడుకు చెంప పైన చెయ్యి వేసి ఏంటి నాన్న..  ఈరోజు చాలా సంతోషంగా ఉన్నట్టున్నావు. అవునమ్మా చాలా చాలా హ్యాపీగా ఉన్నాను.

అవునా.. ఆదివారం ఇంట్లో కూడా ఉండకుండా ఎక్కడికో వెళ్లినట్టున్నావు. విక్రమ్ తల పట్టుకుంటాడు.  ఈ ఆరాలు అడగడం ఏమిటో..

నిజంగా ఈ ఆడవాళ్ళందర్నీని ఏదైనా సీక్రెట్ మిషన్ లో పెడితే.. ఒప్పొనేంట్ వాళ్ళ దగ్గర నుంచి ఇన్ఫర్మేషన్ మొత్తం లాగేస్తారు అనుకో అనుకుంటూ కొడుకు వైపు జాలిగా చూస్తాడు.

తల్లి భుజం పైన తలవాల్సి తండ్రి వైపు చూస్తాడు.  విక్రమ్ చూపు తేడాగా అనిపించి ఏంటి అని కళ్ళు ఎగరేస్తాడు. అవని వైపు కళ్ళు తిప్పి మళ్లీ సైలెంట్ గా లాప్టాప్ ఓపెన్ చేస్తాడు.

కొంచెం కొంచెం మేటర్ అర్థమవుతూ ఉంటుంది..అమ్మ నీకు ఒక ముఖ్యమైన విషయం చెప్పాలి. ఆ మాటకే అవని మొఖం వెలిగిపోతుంది.

ఏంట్రా చెప్పు. ఈరోజు మార్నింగ్ క్యూటి ఫోన్ చేసింది. అవునా..  దేనికి..  రేపు మన కంపెనీలో ప్రజెంటేషన్ ఉంది కదా..  సో దాని గురించి.

నిన్ను ఎక్స్ప్లెయిన్ చేయమందా? కాదమ్మా..  డ్రెస్ తీసుకోవడం గురించి. ఆడవాళ్ళ డ్రెస్సులు నీకెలా తెలుస్తాయి రా..

ఆ మాటకి విక్రమ్.. ఏ నీ చీరలన్నీ నేను సెలెక్ట్ చేయలేదా.. పెళ్లి అయిన తర్వాత అన్ని నేను సెలెక్ట్ చేసినవే కదా.. అది వేరు.

మనం భార్యాభర్తలం. వాళ్లు రేపు ఫ్యూచర్లో కాబోయే భార్యాభర్తలు. ఇంకా అవలేదు కదా..  మధ్యలో మీరు రాకండి.  నువ్వు చెప్పు నాన్న..

హ్మ్.. వాళ్ల నాన్నగారు ఉన్నన్ని రోజులు ఎక్కువగా సెలక్షన్ మొత్తం అంకుల్ దేనంట..  ప్రెసెంట్ ఆంటీ కండిషన్ తెలుసు కదా నీకు..

క్యూటికి ఒక వెల్విషర్ అంటే ప్రస్తుతం నేనే...అందుకే నా సజెషన్ అడిగింది అని అవని వీక్ పాయింట్ మీద కొడతాడు.

విక్రమ్ కొడుకు వైపు  చూసి సూపర్ రా అని కళ్ళు ఎగరేస్తాడు.  తండ్రి వీక్నెస్ వచ్చేటప్పటికి అవని మంచులాగా కరిగిపోతుంది.

నువ్వన్నది కూడా నిజమేలే.. నువ్వు కాకపోతే ఇంకెవరూ చెబుతారు అని మళ్లీ లాజిక్ గా అడుగుతూ..  మన మాల్ కే తీసుకువెళ్లకపోయావా.  అక్కడైతే క్వాలిటీ బాగుంటుంది.

విక్రమ్ తల పట్టుకుంటాడు. నేను కూడా నీలాగే ఆలోచించానమ్మ. మన మాల్ కే తీసుకు వెళ్లాను. క్యూటి  కూడా నీలాగానే..

జాగ్రత్త.. మొహమాటం.
అవసరం లేకపోతే  కొనడం ఎందుకు అని చెబుతుంది. క్యూటికి నాలుగు డ్రెస్సులు బాగా సూట్ అయ్యాయి. కలెక్షన్ అయిపోతే మళ్ళీ అలాగే రావు కదా..

తీసుకోవడానికి ఆలోచిస్తూ ఉంటే... ఎందుకో క్యూట్ ప్లేస్ లో నువ్వే కనిపించావు అమ్మ.  ఎప్పుడూ నాన్న నీ పాస్ట్ గురించి చెబుతూ ఉండేవారు కదా..

అందుకే ఏమి చెయ్యాలా అని ఆలోచించి లక్కీడ్రిప్ ప్లాన్ వేశాను. నేను చేసింది తప్పా అమ్మ అని అమాయకంగా కళ్ళు టపటప కొడుతూ తల్లి చేతులు పట్టుకుంటాడు.

అవని కన్నీళ్లు పెట్టుకుంటూ కొడుకు చెంపలు నిమురుతూ.. లేదు నాన్న నువ్వు కరెక్ట్ గానే చేసావు. ఒక ఆడపిల్ల కష్టం తెలిసి నడుచుకుంటే అది చాలా మంచిది.

ఎప్పుడు క్యూటికి నువ్వు అలాగే అండగా ఉండు అని నుదుటన ముద్దు పెట్టుకుంటుంది.  అది చూసిన విక్రమ్ గుండెల పైన చెయ్యి వేసుకుని

అమ్మని.. పెళ్లి అవ్వకముందే మీ అమ్మని బుట్టలో వేయడం ప్రాక్టీస్ చేస్తున్నావన్నమాట అని మనసులో అనుకుంటాడు.

తండ్రి మాటలు అర్థం అయినట్టుగా ఎస్ డాడీ అని కళ్ళు టపటప కొడతాడు.. అవని కాస్త నాకు పాలు తీసుకు వస్తావా..

ఎందుకో ఆకలిగా అనిపిస్తుంది. అయ్యో ఇప్పుడే తెస్తానండి అని వెళుతుంది. అవని వెళ్ళగానే విక్రమ్ లాప్టాప్ పక్కన పెట్టి కొడుకు చేతిని వెనకకి విరిచి ఒరేయ్ నువ్వు నాకన్నా పెద్ద ముదురు అయిపోయావు.

మీ అమ్మని ఎక్కడ సెంటిమెంటుతో కొడితే పడుతుందో నీకు బాగా తెలుసు. మరి... అమ్మ దగ్గరికి వచ్చేటప్పటికి ఎందుకో తేడా కొట్టింది.

ఫేస్ చూస్తే ఒకలాగా ఉంది.  మాట చూస్తే ఇంకొక లాగా ఉంది.  అప్పుడే గెస్ చేశాను.  ఎలా రా..  క్యూటీ ఇంటికి వెళ్ళగానే షాపింగ్ చేసినవి మొత్తం..

ఆంటీకి, నేహా ఆంటీకి ఇద్దరికీ చూపిస్తుంది . సో నేహా అంటీ ఆ మ్యాటర్ మొత్తం అమ్మకి పోస్ట్ చేస్తారు. అలా ఎలా గెస్ చేసావురా..

సింపుల్.  ఆడవాళ్ళకి ఏదైనా షాపింగ్ చేస్తే ఎగ్జిబిషన్ పెట్టేదాకా అగరు కదా.. మన ఇంట్లో చూడడం లేదూ... అదే స్ట్రైక్ అయింది.

మీ అమ్మ వస్తుంది ఇంకా ఈ టాపిక్ ఆపేసేయ్..

ఇద్దరికీ పాలగ్లాస్ లు ఇస్తే..  అమ్మ  నా వల్ల కాదు. తాగురా పొద్దున్నుంచి షాపింగ్ లో తిరిగి తిరిగి అలిసిపోయి ఉంటావు అని పట్టిస్తూ ఉంటుంది.

ఒళ్ళో పడుకోబెట్టుకుని స్పూన్ తో పట్టించే.. నీ కొడుక్కి. మీరు ఉండండి.  తిరిగి.. తిరిగి కాళ్లు నొప్పులు వస్తూ ఉంటాయి.

కాళ్ళు నొప్పులుకి,  చేతులకి ఏమైనా సంబంధం ఉందా.. మీ నాన్న అలాగే అంటారు కానీ నువ్వు తాగరా.  మాకు లాప్టాప్ నొక్కి నొక్కి వేళ్ళు నొప్పులు వస్తున్నాయి. మాకు పట్టించొచ్చు కదా..

ఆ మాటకి సూర్య నవ్వుతూ... నాన్న జలస్ ఫీల్ అవుతున్నారు అమ్మ. అస్తమానం నిన్ను అంటారు కానీ నీ విషయంలో నాన్నకే ఎక్కువ అసూయ. క్యారీ ఆన్ అని చెప్పి గ్లాస్ తీసుకొని వెళ్ళిపోతాడు.

సూర్య వెళ్ళగానే చెంగు దోపుకుంటూ మీకు అసలు బుద్ధుందా.. పిల్లోడు ముందు ఏం మాట్లాడాలో కూడా తెలియడం లేదా..

మీకు పట్టించాలా..  బుల్లిబాబు వి కదా..  ఉయ్యాల కూడా వేయనా అని అడుగుతుంది.  వెంటనే అవని నీ ఒడిలోకి లాక్కుని పాల గ్లాసు నోటి దగ్గర పెడతాడు.

నాకు వద్దు.  మర్యాదగా తాగుతావా.. లేకపోతే నా స్టైల్ లో పట్టించిన.. అమ్మో వద్దులే అని  గ్లాస్ తీసుకుంటుంది. అది గుడ్ గర్ల్ లాగా తాగు.

సరే తాగాను. మీరు ఆకలని నాకు పట్టించారు. నువ్వు తాగితే నా ఆకలి తీరిపోతుంది గాని... ఏమిటే.. నీ కొడుకు ఏది చెప్పినా సరే ఏదో పురాణం విన్నట్టు..

అవునా అవునా అని అంత అమాయకంగా నమ్ముతావు. వాడు చెప్పేది నిజమో అబద్దమో తెలుసుకోవా..

ఆ మాటకి వెనక్కి తిరిగి భర్త మెడ చుట్టూ చేతులు వేసి.. వాడి చెప్పేది నిజమా అబద్దమా అన్నది అనవసరం. కానీ నాకు చెప్పాలి అనుకున్నాడు చూడండి. అదే చాలు.

ప్రేమించిన వాడికి.. పెళ్లి చేసుకున్న వాడికి కూడా కొన్ని పర్సనల్ ఉంటాయి. తల్లికి చెప్పేవి తల్లికి చెప్పాలి.  భార్యకు చెప్పేవి భార్యకి చెప్పాలి.

అప్పుడే సంసారం ప్రశాంతంగా ఉంటుంది. అబ్బో...మరి ఇన్ని తెలిసిన దానివి ఎందుకు వాడి మీద అంత రుసరసలాడేవు.

వాడి పర్సనల్ లైఫ్ అని వదిలేయకుండా...  అరే అలా వదిలేస్తాను వాడు నా కొడుకు అని ఒళ్ళో నుంచి లేచి గ్లాస్ పక్కన పెడుతుంది.

ఏ మాట కా మాట చెప్పుకోవాలి... అప్పుడే అమ్మ క్యారెక్టర్ ఎక్కుతావు. అప్పుడే భార్య క్యారెక్టర్ లోకి దూరుతావు వెంటనే కాబోయే అత్తగారు పోస్టులోకి వెళ్ళిపోతున్నావు.  ఇంత పరాకాయి ప్రవేశం మీ ఆడవాళ్ళకే చెల్లుతుందేమో..

మేము ఎంత పరకాయి ప్రవేశం చేసిన మమ్మల్ని వేలు మీద ఆడించేది మీ మగజాతే కదా...మొత్తం మా మగ జాతినే టార్గెట్ చేసావా..

కాదా..  నేను ఎంత కోపం చూపించిన మంచులాగా కరిగిపోవడానికి కారణం మీరు కాదా...  అంతేనా ఇంక ఏ విషయంలోనూ కరిగిపోవా అని అవని కొంగు పట్టుకుని లాగుతూ ఉంటాడు.

ఇంత వయసొచ్చినా సరే..  మీరు మాత్రం ఇంకా అప్పుడే కొత్తగా పెళ్లయిన కుర్రోడు లాగా ప్రవర్తిస్తాడు అని బుగ్గ మీద పొడుస్తుంది.

పిచ్చి మొహమా..  పెళ్లయి ఇన్నేళ్లయినా సరే బుగ్గ మీద దేనితో పోడవాలో  అర్థం కాదు అని...ఇలా పెదవులతో అని గట్టిగా ముద్దు పెడతాడు.

విక్రమ్ పెట్టిన ముద్దుకి సిగ్గుపడుతూ విక్రమ్ గుండెల్లో తలదాచుకుంటుంది.  హలో మేడం...నీ కొడుకుకి పెళ్లి అవుతే మనవళ్ళు వచ్చేస్తారు. ఇంకా సిగ్గుపడుతూనే ఉంటావా..

మనవళ్లే కాదు.. మునిమానవళ్ళు వచ్చిన సరే నా సిగ్గుపోదు.  మీ కొంటితనము తగ్గదు.

నీలాంటి అణుకువగా ఉన్న అందాలభరిణి భార్యగా వస్తే ఏమగాడైనా ఇలాగే ఉంటాడు.  ఏమో అవన్నీ నాకు తెలియదు. మీరు మాత్రం బంగారం.

శ్రీకర్ ఇంటికి వెళ్లి నేహా కోసం చూస్తూ ఉంటాడు.  శ్రీ అది చూసి ఏంట్రా మీ అమ్మ కోసం చకోరి పక్షులాగా వెతుకుతున్నావు.

ఈరోజు అమ్మ. ఎంత పని చేసిందో తెలుసా..  ఏమి చేసిందేమిటి అని ఫోన్ పక్కన పెట్టి మరీ కొడుకువైపు తిరిగి అడుగుతాడు.

ఏమి చేయడమా..  షాపింగ్ మాటర్ మొత్తం అవని ఆంటీకి పోస్ట్ చేసి..  అవని అంటీ కి,  సూర్యకి మధ్యలో చిన్న నిప్పు స్టార్ట్ చేసింది.

బట్ అక్కడ ఉన్నది ఎవరు ద లయన్ విక్రమ్ అంకుల్.. మొత్తం ఆర్పేశారు అనుకో..

అవని  అమాయకురాలు రా.. ఏది చెప్పినా నమ్ముతుంది. అందరూ మీ అమ్మలాగా గడుసుగా ఉండరు కదా..  నాన్న అని సైగ చేస్తాడు.

అది పట్టించుకోకుండా అసలు మీ అమ్మ ఎంత టార్చర్ పెట్టెదో తెలుసా.. వేలికేస్తే కాలు కేసేది..  కాలుకి వేస్తే వేలుకి వేసేది.

ఎక్కడికైనా వెళదాము అంటే ఎన్ని క్యూస్షన్స్ అడిగేదో..  అబబ్బ అస్సలు నమ్మేది కాదు. ఏదో నా మంచితనంతో మా సంసారం ఇలా సాగిపోతుంది.  లేకపోతే నా..

హ.. లేకపోతే నా.... ఏంట్రా  ఒక్కసారిగా నీ వాయిస్ మారిపోయింది.  మీ అమ్మలాగా మాట్లాడుతున్నావు. అమ్మలాగా మాట్లాడటం కాదు నాన్న అమ్మే వచ్చింది.

ఎక్కడ రా అని భయంగా అడుగుతాడు. మీ వెనకాల..  వెనక్కి తిరిగి...బంగారం నువ్వు ఎప్పుడు వచ్చావు రా..
కూర్చో నిలబడి నిలబడి కాళ్లు నొప్పులు వస్తాయి.

నేహా, శ్రీ ల టామ్ అండ్ జెర్రీ ఫైటింగ్..