పాణిగ్రహణం

[SivaSai]

Part - 62

వెంటనే దేవాసార్ కి ప్రపోజ్ చెయ్యి.  ఆ మాటకి విశి మౌనం వహిస్తే.. ఏం చెబుతుందా అని సూర్య సైలెంట్ గా ఉంటాడు.

ఆ మౌనం సూర్య హార్ట్ బీట్ పెంచేస్తూ ఉంటుంది.  ఏంటే మాట్లాడవు. ఏమని మాట్లాడాలి.. నువ్వు అన్నట్టుగా నాది ప్రేమే కావచ్చు కానీ దేవాసార్కి నా మీద ఉన్నది జాలేమో..

జాలా..  అలా ఎందుకు అనిపించింది. ఆ మాటకి సూర్య తల పట్టుకుంటాడు.  నేను ఉన్న పరిస్థితి చూసి జాలిపడి నాకు సహాయం చేస్తున్నారు.

ఆ సహాయాన్ని నేను ప్రేమగా అనుకుని వెళితే తప్పుగా అనుకుంటారేమో..  అంత మంచివ్యక్తిని దూరం చేసుకోవడం నాకు ఇష్టం లేదు.

మాతల్లె ఎంత గొప్పగా ఆలోచిస్తున్నావు.  ఇంత గొప్ప గొప్పగా ఆలోచించే టాలెంట్ నీకు తప్ప ఎవ్వరికి ఉండదేమో...

భవ్య అని పిలిస్తే.. లేకపోతే ఏమిటే.. స్నేహానికి, జాలికి, ప్రేమకి కూడా తెలియదు. నువ్వు అనుకున్నట్టేగా జాలే అయితే..  కనపడినప్పుడు సింపతి చూపిస్తారు లేదా క్లాసులో హెల్ప్ చేయొచ్చు.

స్నేహం అయితే ఇంకొంచెం ముందుకు వెళతారు.  జాబ్ చూసి పెట్టొచ్చు.  ఇది ప్రేమ కాబట్టే నీకు ప్రతిదీ నేర్పిస్తున్నారు. అండగా నిలబడుతున్నారు.

దేవా సార్ తమ్ముణ్ణి  నీకు తోడుగా ఉంచారు అని ఆయాస పడుతూ బ్రేక్ తీసుకుంటుంది... విశి గబగబా వాటర్ బాటిల్ ఇస్తుంది.

అవి తాగి ఇప్పుడు చెప్పు.  అది ప్రేమ కాదా...నాకేమీ అర్థం కావడం లేదు. ఒసేయ్ మొద్దు అది ప్రేమ కాబట్టే నిన్ను వైభవ్ బాబి అని పిలుస్తున్నాడు.  శ్రీకర్ సార్ చెల్లి అంటున్నారు.

ఇంకా అర్థం కాకపోతే ఎలాగే..  ఏమో నాకు అంత కన్ఫ్యూషన్ గా భయంగా ఉంది.  సార్ నన్ను తప్పుగా అనుకుంటే మాత్రం నేను తట్టుకోలేను.

సార్ చూపు ల్లో ఒక నిర్లక్ష్యం చూసిన భరించలేను అనిపిస్తుంది. ప్రేమించాను అని చెప్పడం కన్నా ఇ లా స్నేహంగా ఉండి పోవడమే మంచిది.

ఎప్పటిదాకా ఉంటావు..  ముసలిదానివి అయ్యేదాకా.. లేకపోతే దేవసార్ కి వేరే వాళ్లతో పెళ్లి అయ్యేవరకా.. భవ్య అని కంగారు పడితే...

నేను చెబుతుంది నిజమే కదా.. ఒకవేళ దేవా సార్ కి పెళ్లి అయిపోయింది అనుకో.. లేడి దేవదాసులాగా నీ చున్ని నీ శాలువ లాగా వేసుకుని ఒక కోక్ చేతిలో పెట్టుకొని.. కుక్కలు అంటే భయమే కదా ఒక పిల్లి పిల్లని సంకనేసుకుని తిరుగుతావా...

నీకు అంతా వెటకారం అయిపోయింది.  వెటకారం కాదే నిజం చెబుతున్నాను.  ప్రేమించడం తప్పు కాదు అది కరెక్ట్ టైం లో చెప్పకపోవడం తప్పు . నీ ఇష్టం.. ఒక ఫ్రెండ్ గా నేను చెప్పవలసిందిగా చెప్పాను.

సరే ఎంతసేపు కూర్చున్నా ఈ డిస్కషన్ అవ్వదు కానీ క్లాస్ కి వెళదామని లాక్కువెళ్తుంది సూర్య అదంతా విని టేబుల్ పైన టాప్ చేస్తూ ఉంటాడు.

శ్రీకర్..  ఏమైంది బావ అంత దీర్ఘంగా ఆలోచిస్తున్నావు. నీ చెల్లి మనసులో ప్రేమ మొలకలు మొలకెత్తాయి కానీ భయంతో ఆగిపోతుంది.

ఏమంటున్నావు.. భవ్య ఫోన్లో వినిపించిన సంగతి మొత్తం చెబుతాడు.  ఇప్పుడు ఏం చేస్తావు బావ..చూద్దాం ఏం చేస్తుందో.  బట్ ఈ ఆట కూడా బాగుంది.

నీకే బానే చెబుతావు.  పాపం నా చెల్లి నీకు చెబితే ఏమవుతుందో..  చెప్పకపోతే ఎవరినైనా తగులుకుంటావో అని టెన్షన్ పడుతూ ఉంటుంది.

పడని.. ఎంత టెన్షన్ పడితే అంత ప్రేమ పెరుగుతుంది. నేను ఇన్ని సంవత్సరాలు ఎదురు చూశాను. నీ చెల్లిని కొన్ని రోజులు టెన్షన్ పడనివ్వవా.. నువ్వు ఎదురు చూసింది వేరు.. నా చెల్లి పడే టెన్షన్ వేరు...

సాయంత్రం కాలేజ్ అయిన తర్వాత గ్రౌండ్ కి వెళతారు. విశి సూర్యని చూడలేక దిక్కులు చూస్తూ ఉంటే... ఆ చూపులకు అర్ధం తెలిసిన సూర్య...

నవ్వుకుంటూ ఏమీ తెలియనట్టుగా..  డ్రైవింగ్ స్టార్ట్ చేస్తావా.. అని అడిగితే.. ఒకేసార్ అంటుంది.  నేను ఇక్కడ మాట్లాడుతుంటే నువ్వు ఎక్కడో చూస్తున్నావు.  ఏమైంది... ఏమీ అవ్వలేదు సార్.. డ్రైవింగ్ మొదలుపెడదాం అని తడబాటుగా చెబుతుంది..

డ్రైవింగ్ స్టార్ట్ చేస్తుంది కానీ ఆలోచనలో డ్రైవింగ్ తడబడుతుంది. సూర్య ఆగు అని వచ్చి వెనకాల కూర్చుని ఎప్పుడు డ్రైవింగ్ చేసేటప్పుడు ఫోకస్ మొత్తం డ్రైవింగ్ మీదే ఉండాలి..

అంతేగాని మన ఆలోచనలు ఒకచోట..  మనం ఒకచోట ఉంటే ఎలాగా అని హ్యాండ్ మీద ఉన్న విశి చేతులు మీద చేతులు వేసి మెల్లిగా రైస్ చేస్తాడు..

ఆ స్పర్సకే విశి గుండె అదురుతుంది బుగ్గలు కందిపోతాయి..కానీ ఆ సౌండ్ మధ్యలో కూడా ఆమె గుండె మాత్రం సూర్య స్వరంను మాత్రమే వింటోంది.
స్టీరింగ్ తడబడుతుంది.
సూర్య వెంటనే... ఆగు విశి…

స్కూటీ ఆపి  చూస్తోంది.  ఏమైంది నీకు...  చాలా కన్ఫ్యూషన్ డ్రైవింగ్ చేస్తున్నావు.. బి కేర్ఫుల్..
ఆ దగ్గర తాకిన వేడి గాలి, అతని ఉచ్ఛ్వాసం విశి మెడ వెనుక తగిలి గుండెను వణికిస్తుంది.

ఫోకస్… డ్రైవింగ్ అంటే కేవలం హ్యాండిల్ పట్టడం కాదు. మనసు కూడా స్టేబుల్‌గా ఉండాలి.
అని చెప్పుతూ ఆమె చేతుల మీద తన చేతులు మళ్ళీ వేసి.. ఇలా… మెల్లిగా రైస్ చేయి…



అతని చేతుల స్పర్శ , స్వరం, దగ్గర తాకిన ఆ సుగంధం..
విశి కళ్లలో ప్రపంచం బ్లర్ అయిపోతుంది.
ఆలోచనలు ఒక్కటే..
‘ఇదేనా ప్రేమ… ఇంత దగ్గరగా ఉన్నా, చెప్పలేకపోవడం?’

స్కూటీ ముందుకు కదులుతుంది, కానీ ఆమె మనసు మాత్రం ఆ  నిమిషంలో ఆగిపోతుంది.

సూర్య కాస్త దగ్గరగా వాలి...
గుడ్… ఇదే కరెక్ట్ బ్యాలెన్స్. డ్రైవ్ కంట్రోల్‌లో ఉంది. నేనెక్కడ డ్రైవ్ చేశాను చేసిందంతా మీరే కదా అని మనసులో అనుకుంటూ ఉంటుంది..

ఆ మాటల్లోనూ, విశి కి తనలోని టెన్షన్, ఆకర్షణ, ఆనందం.. ఒక్కేసారి కలిసిన గందరగోళం.

సూర్య డ్రైవింగ్ ప్రాక్టీస్ చేయిస్తున్నట్టు ఉన్నా,
అతనికి ప్రతి సెకను విశి స్పందనలు స్పష్టంగా కనిపిస్తున్నాయి.
కానీ ఏమీ చెప్పడు…
సైలెంట్‌గా ఆమె మెల్లగా నేర్చుకుంటూ, తడబడుతూ, తడబడి నవ్వుతుంటే,
అతని ముఖం మీద చిన్న స్మైల్ మాత్రమే..

బాగుంది… ఇలానే కొనసాగించు.

విశి మౌనంగా తల ఊపుతుంది.
స్కూటీ ముందుకు కదులుతుంది…
ముందు రోడ్ కనిపించినా, ఆమె చూపులు మాత్రం సూర్య ప్రతిబింబం మీదే నిలబడి ఉంటాయి.

ఇంత దగ్గరగా ఉన్నా… ఏం చెప్పలేకపోతున్నాను.
ఆయన స్వరం విన్న ప్రతిసారి హృదయం ఒక్కసారిగా గడగడలాడుతుంది.

నేను డ్రైవింగ్ నేర్చుకుంటున్నానా లేక ఆయనని అర్థం చేసుకోవడానికి ప్రయత్నిస్తున్నానా?



ఆలోచనలతో చేతులు కాస్త తడబడ్డాయి.
సూర్య స్వరం మళ్ళీ —
ఫోకస్ విశి…
ఓకే సార్… అని తల ఊపుతుంది కానీ మనసు మాత్రం సూర్య వైపుకి తిప్పుకుంటోంది.
ఇది ప్రేమా? లేక మనసు పుట్టిన కొత్త భావమా?
ఎందుకింత భయం… దేవా సార్ చూసి ఏం అనుకుంటారో అన్న టెన్షనా…
కానీ దేవా సార్ ఉన్నంతసేపు నా చుట్టూ సమయం ఆగినట్టుంటుంది.”



స్కూటీని పార్క్ చేసిన తర్వాత కాసేపు సైలెంట్‌గా కూర్చుంది.
విశి కి కాసేపు ఏకాంతం ఇవ్వాలి అనుకుని నేను 5 మినిట్స్ లో వస్తాను..  వెయిట్ చెయ్ అని చెప్పి పక్కకు వెళతాడు..
చేతుల మీద ఇంకా సూర్య స్పర్శ మిగిలే ఉంది.
ఒక్క క్షణం కూడా ఉండలేము ఏమో ఒకరిని మరిచిపోలేకపోవడానికి…

తన చేతులను చూస్తూ చిన్నగా నవ్వుకుంది...
అదే నవ్వులో ప్రేమ మొదటి చిహ్నం ఉంది..

దూరం నుంచి సూర్య విశి నే చూస్తూ ఉంటాడు
అదే తడబాటు సూర్య మనసులో మొదటి అలజడి అవుతుంది.
చూపు చాలు… ఏమీ మాట్లాడక్కర్లేదు.
ఆమె తడబాటు, చేతులు స్టీరింగ్ మీద కుదుపు,
నా పేరు విన్నప్పుడల్లా కంట్లో పడే ఆ చిన్న మెరుపు..
ఇవన్నీ చెబుతున్నాయి నీ మనసు ఏ దిశలో వెళ్తుందో.


విశి చేతులు చూసుకుంటూ డ్రైవింగ్ చేసిన సమయాన్ని గుర్తు చేసుకుంటూ ఉంటుంది..
విశి చేతులు తడబడగానే ముందుకు వాలి, నెమ్మదిగా సర్దిచెప్పాడు...

“ఇలా కాదు విశి… మెల్లిగా, స్టేడీ గా…”

ఆ మాటల్లో స్పష్టమైన శిక్షణ ఉంది,
కానీ స్వరంలో మాత్రం ప్రేమ దాచిన చలనం.

విశి ని అలా చూసిన సూర్యకి...
నవ్వు వస్తుంది… కానీ చెప్పలేడు.
క్యూటీ ఎందుకు కంగారు పడుతున్నావు...  మరీ ఎక్కువగా ఆలోచిస్తున్నావు .
నీ కంగారు చూసి నేను అక్కడ ఓపెన్ అవుతానేమో అని..
నేనూ బిజీగా ఉన్నట్టు నటిస్తున్నాను..
నిజానికి ప్రతి సెకను నీ స్పందనలను చదువుతూనే ఉన్నాను.
డ్రైవింగ్ టైంలో జరిగిన సీన్ సూర్య గుర్తు చేసుకుంటూ ఉంటాడు..

స్కూటీ కాస్త ముందుకు కదలగానే గాలి ఆమె జుట్టు తీసుకుని సూర్య చెంపకు తగిలింది.
ఒక్క క్షణం సూర్య చూపు దానిపైనే ఆగిపోయింది..
తనలోనే నవ్వుకున్నాడు.

మనసులో ఏమి జరుగుతుందో నీకు తెలియదు…
నేనూ తెలీకుండా ఎప్పుడో నీ మనసు పక్కన నిలబడ్డాను.



నువ్వు తడబడుతూ “అవును సార్…” అన్నప్పుడు,
నా లోపల కదిలింది ఓ సైలెంట్ ఫీలింగ్...
ఈ ‘సార్’ వెనక ఉన్న ఆ మౌనం  ఏదో ఒక రోజు ‘సూర్య’గా మారుతుందేమో.
విశి సూర్యాని తలుచుకుంటూ స్మైల్ చేస్తే...ఆ స్మైల్ చూసి సూర్య స్మైల్ ఇస్తాడు
కానీ ఆ స్మైల్ వెనక… అదుపులో పెట్టుకున్న ప్రేమ, ఎదురుచూపు, ఆశ… అన్నీ ఉన్నాయి.

సూర్య వెళ్ళిన తర్వాత — గ్రౌండ్ చివర సాయంత్రపు వెలుతురు తేలిపోయినట్టుగా అనిపిస్తుంది.
స్కూటీ మీద విశి ఇంకా కూర్చునే ఉంటుంది.
గాలి కదిలినా, ఆమె మాత్రం కదలదు.
చేతులు స్టీరింగ్ మీదే — అక్కడే ఇంకా సూర్య చేతుల వేడి మిగిలి ఉన్నట్టుంది.
ఇదేనా ఆ స్పర్శ… క్షణం మాత్రమే కానీ గుండె అంతా తాకిపోయింది.
ఆయన చెప్పిన మాటలన్నీ డ్రైవింగ్ పాఠాల్లా ఉన్నా,
ప్రతి  పాఠం వెనక నాకు అర్ధమయ్యేది వేరే.
‘ఫోకస్ చేయ్’ అన్నప్పుడు దేవా సార్ రోడ్డును కాదు,
నా మనసునే గమనిస్తున్నట్టున్నారు..



విశి కళ్ళు మూసుకుంటుంది.
సూర్య స్వరం, ఆ నవ్వు, జుట్టు తాకిన క్షణం — అన్నీ ఒక్కసారిగా తిరిగి వినిపిస్తాయి.
తన గుండె మీద చేతి వేసి స్వల్పంగా నవ్వుకుంటుంది.
మాటల్లో చెప్పలేని అనుభూతి ఇది…
ఎవరో మనని సైలెంట్‌గా గమనిస్తున్నారనే భద్రత,
కానీ అదే సమయంలో దాచుకోవలసిన భయం…



దూరంలో సూర్య వెళ్తున్న నీడ కనిపిస్తుంది.
విశి చూపు దానిపై ఆగి, నెమ్మదిగా అనుకుంటుంది..
ఇదేనా ప్రేమ మొదలయ్యే క్షణం…


ప్రేమ మొదలయ్యిందా ??

కథ కొనసాగుతుంది...