పాణిగ్రహణం

[SivaSai]

Part - 57

నేనా.. ఆ పిల్ల రాక్షసినా... అసలు ఎలా అనుకుంటున్నారు మావయ్య..  ఏరా చందుతో వెళితేనే ప్రాబ్లం ఏంటి... వెళ్ళితేనే ప్రాబ్లం.  అసలు ఎలా నన్ను ఇరికించాల అని చూస్తుంది. నా వల్ల కాదు..

అది చిన్నప్పుడు..  ఇప్పుడు ఎందుకు చేస్తుంది రా.. చిన్నప్పుడైనా పెద్దయ్యాకైనా అది చందునే.. కాదని మీరు చెప్పగలరా..  నావల్ల కాదు...

ఇప్పుడు అసలే నేను చాలా బిజీ.. జాబ్లో జాయిన్ అయ్యాను.  నావల్ల కాదు...మీ వదిన కాలేజీలో ఉంటే నువ్వు వెళ్లి ఏం పీకుతావు. మూసుకొని వెళ్ళు...ఎందుకు మావయ్య నా మీద మీరందరూ ఇలా పగబట్టేశారు..

  వినయ్ వచ్చి ఏంటి మీ డిస్కషన్.. రా నాన్న టైంకి వచ్చావు.  నన్ను కాపాడు.. ఏమిటి మేటర్..  వీళ్ళందరూ కలిసి నన్ను చందు కి బలి ఇచ్చే ప్రోగ్రాం పెట్టుకున్నారు..

పికప్ చేసుకుని ఎక్కడో డ్రాప్ చేయాలంట.. నా వల్ల కాదు అంటే వినడం లేదు.. డ్రాపింగ్ ఏ కదరా.. చేసేసిరా ఎంతసేపు..

ఆ కొంచెం సేపు చాలు నా జీవితం ఎక్కడికో పోవడానికి.. నా కొడుకు చాలా ధైర్యవంతుడు అనుకున్నాను. ఒక ఆడపిల్లకి ఇంత దారుణంగా భయపడుతున్నాడు. సో సాడ్..

నన్ను చూడు.. మీ అమ్మని చూసి కొంచెం అయినా జడుస్తానా..  పైనుంచి కిందకి  చూస్తాడు.  ఏంట్రా ఆ చూపు..   ఇది కొంచెం ఎక్కువ అవ్వలేదా..

అస్సలు అవ్వలేదు.   పెళ్లికి ముందు మీ అమ్మ నన్ను చూస్తే వణికిపోయేది. ఇప్పుడు మీరు వణుకుతున్నారా.. అన్న వాయిస్ వినపడితే..

అబ్బా కొంచెం సేపు కూడా నా గొప్పలు నన్ను చెప్పుకోనివ్వదు.. నువ్వు ఎప్పుడు వచ్చావు పూజిత.. అదే పెళ్లికి ముందు ఏదో మీకు వణికిపోతాను అని చెబుతున్నారు కదా అప్పుడు వచ్చాను..

ఏదో మన వాడికి మోటివేటివ్ గా ఉంటుందని చెబుతున్నాను.  దాన్ని కూడా సీరియస్ గా తీసుకుంటే ఎలా బంగారం..

మీరు ఇద్దరు ఇలాగే రొమాన్స్ చేసుకోండి...నేను వెళుతున్నాను.. ఒరేయ్  చందు వెయిట్ చేస్తుంది రా.
సౌమ్య మాటిచ్చింది తీసుకువెళతాను అని..

శ్రీకర్ వచ్చేటప్పటికి కాదనలేక పంపించాను. లవర్స్ కదా డిస్టర్బ్ చేయకూడదు.  అర్థం చేసుకో అని భరత్ బ్రతిమలితే..

  మావయ్య నువ్వు చాలా గ్రేట్. నీ కూతరిని ఒకడు లవ్ చేస్తున్నాడని తెలిసిన ఇద్దరినీ దగ్గరుండి పంపించావు. అసలు ఇంత మోడరన్ ఫాదర్ ఎలా అయ్యవు..

నాకు కూడా ఇలాంటి మామగారు వస్తేనా.. రోజు దండేసి కాళ్ళకి దండం పెడతాను..  ఏడ్చావులే కానీ.. శ్రీకర్ గురించి అన్ని తెలుసు కాబట్టి ధైర్యంగా పంపించాను..అదే వేరే వాళ్ళైతే పంపుతానా ఏమిటి..

మీ మామగారు ఆల్రెడీ రెడీగానే ఉన్నారు.. అవునా..  ఎవరు అని మెడ చుట్టూ చేతులు వేస్తే.. నేను చెప్పిన పని చేసుకుని రా నీకు చెబుతాను.. 

వద్దులే మీరందరూ ఎమోషనల్ బ్లాక్ మెయిల్ చేస్తున్నారు..  ఈ ఒక్కసారికే సౌమ్య కోసం వెళుతున్నాను.  ఇంకొకసారి నన్ను ఇరికించారంటే మాత్రం కుదరదు అని బైక్ తీస్తాడు.

సరే జాగ్రత్త.. ఒకటే జాగ్రత్త అనుకుంటూ వెళతాడు..  వెళుతున్న వైభవ్ ని చూసి నవ్వుకుంటారు..

రేపు వీళ్ళిద్దరికీ పెళ్లి అవుతే టామ్ అండ్ జెర్రీ లాగా ఉంటుందేమో బావ అని వినయ్ అంటే.. వాడికి తెలియడం లేదు కానీ వాడు చందుతో డీప్ లవ్ లో ఉన్నాడు.


ఇద్దరూ గొడవ పడుతున్నారు.. ఒకళ్ళు అంటే ఒకళ్ళకి ఇష్టం లేదని ఫీలవుతున్నారు అంతే..  మనందరి కన్నా ఇద్దరిష్టాలు ఒకరికి ఒకరికి బాగా తెలుసు.. కానీ వీడు ఒప్పుకోవడం లేదు.

వైభవ్ విసుక్కుంటూనే వెళతాడు. ఇంటి ముందుకు వెళ్లి ఫోన్ చేస్తాడు. వస్తున్న  అని స్పీడ్ గా వస్తుంది.  గేటు తీసి వస్తున్న.. చందు ని చూస్తూ ఉండిపోతాడు..

బ్లూ జీన్స్ మీద లెమన్ ఎల్లో టాప్ వేసుకుని హెయిర్ లీవ్ చేసి ఉంటుంది. స్పీడ్ గా రావడం వలన హెయిర్ ఎగురుతూ ఉంటుంది.

దగ్గరికి వచ్చి ఆయాస పడుతూ సోరి లేట్ అయింది వెళదామా.  అలాగే చూస్తూ ఉంటాడు.  వైభవ్ నిన్నే అని కదుపుతుంది.

ఏమిటి అన్నావు..  లేట్ అయింది సారీ..  ఎప్పుడు నువ్వు చేసే పని అదే కదా.. రా అని  విసుక్కుంటూ అంటాడు.. వైభవ్ మాట్లాడిన తీరుకి  చిన్న బుచ్చుకుంటుంది..

ఇట్స్ ఓకే వైభవ్.. నీకు పని ఉన్నట్టుంది..  వెళ్లు...నేను క్యాబ్లో వెళతాను.  ఎందుకు అందరికీ వైభవ్ నన్ను పికప్ చేసుకోలేదు. నేను క్యాబ్ కి వెళ్ళాను అని చెప్పి మళ్ళీ ఇంకో క్లాస్ పీకించడానికా....

ఏమీ అవసరం లేదు.  రోజు రోడ్డు మీద ఎంతోమందికి లిఫ్ట్ ఇస్తూ ఉంటాము. అలాగే నీకు లిఫ్ట్ ఇచ్చాను అనుకుంటాను.

ఎక్కు అంటాడు. ఇక ఏమి మాట్లాడకుండా మౌనంగా ఎక్కి కూర్చుంటుంది. సైలెంటుగా ఇద్దరు ప్రయాణం మొదలవుతుంది.

కాలేజీకి వచ్చిన తర్వాత బైక్ దిగి థాంక్యూ... ఇంకొకసారి నిన్ను ఎప్పుడు ఇబ్బంది పెట్టను అని వెళ్ళిపోతుంది. వెళుతున్న చందు నే చూస్తూ..  ఏమిటి ఇది బైక్ ఎక్కినప్పుడు నుంచి చాలా సైలెంట్ గా ఉంది.

నేను విసుక్కున్న..  చిరాకు పడిన ఏమీ మాట్లాడలేదు. ఏమై ఉంటుంది.. ఆ..  ఏదో పనిలో ఉండి ఉంటుంది. లేకపోతే ఇది నా మీద సెటైర్ వేయకుండా ఉంటుందా..

అక్కడి నుండి వెళ్లడానికి బైక్ రివర్స్ చేస్తాడు. మాటలు వినిపిస్తూ ఉంటే ఆగి చూస్తే.. అబ్బా ఆ ఎల్లో టాప్ అమ్మాయి ఏముందిరా..

మన కాలేజ్ కాదనుకుంటా.. ఎప్పుడు చూసినట్టు లేదు. అవును..  ఎవరై ఉంటారు.. ఒకసారి ట్రై చేద్దామా..
ఆ మాటలు విన్న వైభవ్..  ఎవరిని కామెంట్ చేస్తూన్నారు అని చూడగానే...

చందు కనపడుతుంది..  వైభవ్ కి కోపం వస్తుంది.. బయటకి  వచ్చినపుడు ఇలా టిప్ టాప్ గా రెడీ అవ్వకపోతే... ఫుల్లుగా కవర్ అయ్యే ఏ చుడీదార్ వేసుకుని రావచ్చు కదా...

అలా ఎందుకు వస్తారు.. ఫ్యాషన్ షో కి వచ్చినట్టు రావాలి కదా అని బైక్ స్టాండ్ వేసి చందు అని పిలుస్తాడు. వెనక్కి తిరిగి ఏమిటి  అంటే..

ఒక్క నిమిషం అని దగ్గరికి వెళ్లి పదా అంటాడు..  ఎక్కడికి..   ఇక్కడదాకా తీసుకువచ్చిన వాడిని..  సౌమ్యకు అప్పచెప్పాలి కదా...

లేకపోతే నన్ను బయటే వదిలేసాడు అని మళ్ళీ గోల చేస్తావు. నాకు అవసరమా.. నేనేమీ గోల చేయను. నీ గురించి ఏమీ చెప్పను.

నా గురించి ఇప్పటికే నీవు చాలా టైం వేస్ట్ చేసుకున్నావు.. పరవాలేదు.. నేను వస్తాను అని చెప్పినప్పుడు నాతో ఆర్గ్యు చెయకు..

  పదా అని చేయి పట్టుకుని తీసుకువెళ్ళుతూ కామెంట్ చేసిన అబ్బాయిల వైపు చూస్తాడు. ఓ... ఆల్రెడీ ఈ అమ్మాయికి లవర్ ఉన్నట్టున్నాడు రా..  అని గుసగుసలాడుకుంటారు.

సౌమ్య దగ్గరికి వెళ్ళి.. ఇదిగో చందుని అప్ప చెబుతున్నాను. మళ్ళీ జాగ్రత్తగా ఇంటికి తీసుకురా... అర్థమైందా..

సౌమ్య ఆశ్చర్యంగా చూస్తూ అలాగే అంటుంది.  జాగ్రత్త ఇద్దరూ అని వెళ్ళిపోతాడు.  ఏమైందే వాడు  నీ విషయంలో అంత కేర్ తీసుకుంటున్నాడు.

మళ్లీ వెనక్కి వచ్చే సౌమ్య అని పిలుస్తాడు.  చెప్పు వైభవ్..  శ్రీకర్ బావ వచ్చి నిన్ను పికప్ చేసుకుంటే..  నాకు కాల్ చెయ్.

దీన్ని తీసుకువెళ్లి వాళ్ళ ఇంటిదగ్గర వదిలేస్తాను.  అర్థమైందా అని వెళ్ళిపోతాడు.  వెళుతున్న వైభవ్ ని చూసి నవ్వుతూ..

వాడికి నీ మీద చాలా ప్రేమ ఉంది. ఎదవ బెట్ చేస్తున్నాడు.  ప్రేమ కాదు దోమ కాదు. నావల్ల వాడికి  క్లాస్ తీసుకుంటారేమో అన్న విసుగు అంతే..

క్లాస్ తీసుకుంటే ఎంతసేపు.. అయిదు నిమిషాలు లేదా ఒక గంట. దానికోసం వాడు నీ విషయంలో అంత కేర్ తీసుకోవాల్సిన అవసరం లేదు కదా..

పోనీ నీ సంగతి చెప్పు..  నువ్వు వాడిని ప్రేమిస్తున్నావా.. చందు మాట దాటేస్తూ.. మా ఫ్రెండ్స్ ని కలిసి వస్తాను అని వెళ్ళిపోతుంది.

వెళుతున్న చందు ని చూస్తూ ఎన్ని రోజులు దాటివేస్తావో నేను చూస్తాను...
వైభవ్  బైక్ మీద వెళుతూ..  ఆ చందు గురించి ఆలోచించాల్సిన అవసరం నాకు ఏముంది.  ఎవరో కామెంట్ చేస్తే నాకెందుకు కోపం వచ్చింది.

చిన్నప్పటినుంచి కలిసి పెరిగాం కదా..  అలాగే ఉంటుందిలే.. సౌమ్య ని ఎవరైనా కామెంట్ చేసిన నాకు కోపం వస్తుంది కదా..  ఇది అంతేలే అని వెళ్ళిపోతాడు..

హిమ విక్రమ్ ఆఫీస్ దగ్గరికి వెళుతుంది. పర్మిషన్ లేదు అని లోపలికి వెళ్లనువ్వరు.  ఏమి చేయాలో అర్థం కాక.. కాలు కాలిన పిల్లిలాగా తిరుగుతూ ఉంటుంది.

సూర్య నెంబరు నా దగ్గర లేదు.  రెండు రోజుల్లో కాల్ చేస్తాను మళ్ళీ మీట్ అవుదాం అన్న మనిషి ఏమైపోయాడో తెలియడం లేదు...

ఏం చేయాలి అని గోళ్లు కొరకుతూ ఉంటుంది. ఈ ఇన్ఫర్మేషన్ తెలిసిన సూర్యా నవ్వుకుంటూ నాకు తెలుసు నువ్వు వస్తావని..

బట్ అప్పుడే నేను నీకు దొరికితే ఎలా.. ఇంకా కొన్ని రోజులు నిన్ను తిప్పించాలి కదా.. అప్పుడే ఎటు అడుగు వేయాలో తెలియక డాన్స్ చేస్తూ ఉంటావు అని వైభవ్ కి కాల్ చేసి ఎక్కడున్నావురా..

ఇప్పుడే ఆఫీస్ కి వెళుతున్నాను.. అవునా..  అక్కడ నీకు ఒక మేకప్ వేసుకున్న ఒక తింగరబుచ్చి కనపడుతుంది.. దాన్ని ముప్పతిప్పలు పెట్టి అక్కడ నుండి పంపించేసేయ్..

ఎవరు అన్నయ్య.. వెళ్ళు నీకే తెలుస్తుంది..  వైభవ్ మెయిన్ గేటు దగ్గరికి వెళ్ళేటప్పటికి కనిపించిన హిమని చూసి..

ఇదా అనుకొని ఏమీ ఎరగనట్టుగా పక్కనుండి వెళ్ళిపోతుంటే.. హలో మిస్టర్ అని పిలుస్తుంది. ఎస్ మిస్ అంటే..

నీకు సూర్య తెలుసా అని పొగరుగా అడుగుతుంది.  తెలిస్తే... నాకు నెంబర్ కావాలి చెప్పు.  మీరు ఎవరో తెలియకుండా నేను చెప్పను.

నేను టుడేస్ బ్యాక్ మీకు ఆఫీస్ కి వచ్చాను కదా గుర్తుపట్టలేదా..  మా ఆఫీస్ కి ఎంతోమంది వస్తుంటారు.. వెళుతూ ఉంటారు..

ఎంతమందిని గుర్తుపెట్టుకుంటాము.  నన్ను ఎవరో అనుకుంటున్నావు.. నేను సూర్య గర్ల్ ఫ్రెండ్ ని.. వాట్ నువ్వా అని గట్టిగా నవ్వుతాడు...

ఏ మిస్టర్ ఎందుకు అలా నవ్వుతున్నావు...

వైభవ్ సమాధానం ఏమిటి.....