పాణిగ్రహణం

[SivaSai]

Part - 38

సూర్య.. విశి గురించి ఆలోచిస్తూ మురిసిపోతూ ఉంటాడు. ఫోన్ కి మెసేజ్ సౌండ్ రావడంతో ఏమిటా అని చూస్తే డ్రీమ్స్ లో ఉన్నది చాలు గానీ వాట్సప్ ఓపెన్ చెయ్యి. ఇడియట్ నేనెప్పుడూ ఏం చేస్తాను అన్నది వీడికి బాగా తెలుసు అనుకుంటూ వాట్సాప్ ఓపెన్ చేస్తాడు.

అందులో విశి తో బైక్ మీద ఉన్న ఫొటోస్ ఉంటాయి. అవి చూస్తూ విశి ఫోటోని జూమ్ చేస్తాడు.

ఫోన్ ‌లో మెరుస్తున్న  విశి ఫోటోను చూస్తూ సూర్య కళ్ళలో ఒక వెలుగు వెలిగింది.
గుండె మాత్రం నిశ్శబ్దంగా ఒక రాగాన్ని పలికింది.

ఎంత ముద్దుగా ఉన్నావే.. ఎప్పుడు ఫోకస్డ్ గా చూడలేదు కానీ చూస్తూ ఉంటే ఇప్పుడే దగ్గరికి తీసుకుని గట్టిగా బుగ్గలు కొరికేయాలని ఉంది.

“ఏమిటో నీలో ఉంది ఒక మాయ…
ఈ ఫోటోలోనే నన్ను అలా లాగేస్తోంది.
నీ చిరునవ్వు చూసి గాలి కూడా ఆగిపోయిందేమో అనిపిస్తోంది.
ఆ కళ్ళలో చిన్న చిన్న కథలు, చిన్న చిన్న కోరికలు దాక్కున్నట్టున్నాయి.
నీ జుట్టు గాలిలో ఎగిరినప్పుడల్లా నా ఊపిరి కూడా తడబడుతున్నట్టుంది.

ఎన్నిసార్లు చూసినా కొత్తగానే అనిపించే అందం…
ఇది కేవలం ఫోటో అయితే, నిజంగా ఎదురుగా కనిపిస్తే నా మనసు ఎక్కడ దాక్కుంటుందో నాకు తెలియదు.

నీ లోని ఈ అమాయకత్వం, ఆ నవ్వు – నాకు ప్రపంచం మొత్తానికి మించిన సంపదలా అనిపిస్తున్నాయి.”

అలా ఫోన్ స్క్రీన్ మీద చూపు ఆగకపోయినా…
మనసు మాత్రం ఆ ఫోటోలోని అమ్మాయి దగ్గరికి వెళ్లి కూర్చుని, మౌనంగా మాట్లాడుతోంది.

“ఒక ఫోటోలో ఇంత అందం ఎలా దాచేస్తావు రా నువ్వు…
నీ చిరునవ్వు చూస్తుంటే, నా లోపల ఉన్న టెన్షన్ అన్నీ కరిగిపోతున్నాయ్.
ఎవరూ చూడకపోయినా, నీ కళ్ళలో మాత్రం ఎప్పుడూ ఒక మంత్రం ఉంటుంది.
అదే మంత్రం నన్ను నీ దగ్గరకి లాక్కుంటోంది.

ఇది ఫోటో మాత్రమే అని నాకు తెలుసు…
కానీ నిజంగా నీ ముందు కూర్చున్నప్పుడు నేను ఏమి మాట్లాడుతానో, మాట్లాడగలనో కూడా తెలియదు.
ఒక్కసారైనా నువ్వు ఇలా నవ్వుతూ నా వైపు చూస్తే…
అంతే, నా ప్రపంచం ఆ క్షణంలో పూర్తవుతుంది.”

“చూస్తున్నావా నన్ను ఇలా… ఫోన్ స్క్రీన్ వెనక నుంచి కూడా నా గుండెను ఎందుకు అల్లకల్లోల పరుస్తావు?
నీ కళ్ళలో పడితే… నిజంగా తప్పించుకోలేనన్న విషయం నాకు తెలుసు.
ఈ చిరునవ్వు… నాకెందుకో శ్వాసలాగే మారిపోయింది.

ఫోటోనే ఇలా ఉంటే, నువ్వు ఎదురుగా కూర్చుంటే నేను ఏమవుతానో ఊహించలేకపోతున్నా.
నువ్వు మాట్లాడకపోయినా… నీ చూపే నన్ను పూర్తిగా మత్తెక్కిస్తోంది.
ఇక ఈ గుండె మీద నువ్వే హక్కు అనిపిస్తోంది.

నిన్ను చూసుకుంటూ ఇలా రాత్రంతా గడపగలను…
నిద్రకన్నా నీ ముఖమే కావాలి నాకు.
ఇలాగే నన్ను నువ్వు పట్టేసావు…”
“ఇంత దగ్గరగా చూసుకుంటూ ఉంటే… నిజంగా నువ్వు నా కౌగిలిలోనే ఉన్నట్టుంది.
నీ ముఖం కాంతి నా కళ్ళలో పడిన క్షణం, నేను మరో లోకంలోకి వెళ్లిపోతాను.
గాలిలో తేలే జుట్టు నా ముఖాన్ని తాకుతుందనే ఆలోచనతోనే గుండె మత్తెక్కుతోంది.

నువ్వు నా గుండెపై తల వాల్చుకుని కళ్లను మూస్తే… నా శ్వాసలు నీ ఊపిరితో కలిసిపోతాయి.
ఆ క్షణం నేను బ్రతకడం కాదు… నేను పూర్తిగా నీవైపోయినట్టు ఉంటుంది.

నీ చేతిని గట్టిగా పట్టుకుని వదలకూడదనిపించే ఆ తపన…
నీ కళ్ళలోకి లోతుగా చూసి, నువ్వే నా ప్రపంచం అని చెప్పేసే ఆ కోరిక…
ఇవి అన్నీ నన్ను నిద్రలో కూడా నీతోనే జీవించేలా చేస్తున్నాయి.

ఫోటోలో చూస్తున్నా… నా మనసు మాత్రం నిన్ను తాకేసింది, ముద్దాడేసింది, నన్ను పూర్తిగా నీలో ముంచేసింది.”

ఫోన్లో ఉన్న విశి ఫోటోతో కబుర్లు చెబుతూ అలాగే నిద్రపోతాడు.

విశి ఇంటికి వెళ్లి ఫ్రెష్ అయ్యి భోజనం చేసి మంచం పైన వాలుతుంది. సూర్య గురించి ఆలోచిస్తూ ఉంటుంది.  ఈ సార్ చాలా స్పెషల్ గా ఉన్నారు.

రెస్పెక్ట్ ఇస్తున్నారు. నాకు ఏదైనా అవసరం ఉంది అనుకుంటే నేను అడగకముందే వచ్చి  సాయం చేస్తున్నారు ఎందుకు...

గౌతమ్ ఎప్పుడు నన్ను స్వార్థానికే వాడుకున్నాడు. అలా అని పూర్తిగా స్వార్థం అని కూడా అనలేను. తన బిజినెస్ బెనిఫిట్స్ చూసుకున్నాడు. బట్ ప్రేమ అని చెప్పడమే కొంచెం కష్టంగా ఉంది.

దేవ సార్ ఏ రోజు నా నుంచి ఎటువంటి బెనిఫిట్స్ అడగలేదు. వీలైనంతగా సాయం చేస్తూనే ఉన్నారు.

ప్రేమ పేరుతో గౌతమ్ నన్ను ఎప్పుడూ నా టాలెంట్‌కి బంధించడానికి ప్రయత్నించాడు.
అతనికి నేను కాదు… నా ప్రతిభ, నా శ్రమ, నా కలలే కావాలనిపించింది.
అతని చూపులో ప్రేమ కంటే లాభం ఎక్కువగా కనిపించింది.

కానీ… ఇక్కడ ఉన్న  దేవా సార్ మాత్రం ఒక్కసారైనా తన ప్రయోజనం గురించి ఆలోచించలేదు. నా గురించి ఆలోచిస్తున్నారు. నాకు నేర్పించడానికి తాపత్రయ పడుతున్నారు.

నేను జారిపోతే అండగా నిలిచాడు… నేను పడిపోతే లేపాడు… నేను గెలిచినా ఓడినా, నా వెనుకే నిలబడ్డాడు.
అతని కళ్ళలో నేను ఒక అవకాశం కాదు… ఒక మనిషిని.
నా కలలు అతనికి భారం కావు… ఆనందం.

ఈ ఇద్దరి మధ్య తేడా ఇప్పుడు నాకు స్పష్టంగా కనిపిస్తోంది.
ఒకరు నన్ను ఉపయోగించుకోవాలనుకున్నారు…
మరొకరు నన్ను నమ్మి నిలబెట్టారు.

గౌతమ్ దగ్గర ఉన్నప్పుడు తనలో ఒక ఒత్తిడి, ఒక బంధనం అనిపించేది.
గౌతమ్ మాటల్లో ప్రేమ ఉన్నట్టు అనిపించినా, చూపుల్లో మాత్రం లెక్కలు, లాభాలు దాక్కున్నాయి.
తన టాలెంట్‌నే ఆయన ప్రేమగా మార్చుకుని, దాన్నే పట్టుకుని తనను దగ్గర ఉంచుకోవాలని ప్రయత్నించాడు.

కానీ… దేవా సార్ ఉన్నప్పుడు అలాంటి భారమేం ఉండేది కాదు.
ఆయన సాయం చేస్తూ, ఒక్కసారైనా “దీనివల్ల నాకు ఏం వస్తుంది?” అని ఆలోచించలేదు.
అతని సహాయం వెనుక లెక్కలు లేవు, ఒత్తిడి లేదు, బంధనం లేదు.
ఆయన కళ్ళలో కనిపించింది తనమీద నమ్మకం, గౌరవం, క్షణాల్లో తన బాధను తన భుజాలపై వేసుకుని నడిపించే నిజమైన మనసు.

ఇద్దరి మధ్య తేడా ఆమె హృదయాన్ని తాకింది.
ఒకరు ఆమె ప్రతిభలో లాభాన్ని చూసారు.
మరొకరు ఆమె మనసులోని నమ్మకాన్ని నిలబెట్టారు.

ప్రేమ అనే మాట చెప్పడం ఒక్కటే కాదు…
ప్రేమ అంటే ఎటువంటి ప్రయోజనం లేకుండా, ఒకరిని ఒకరు పూర్తిగా అంగీకరించుకోవడం.

గౌతమ్ ప్రేమలో ఉన్నది ఒక అవకాశవాది మాత్రమే...
దేవా సార్ స్నేహంలో ఉన్నది నా పైన నమ్మకం.
థాంక్యూ నాన్న.. ఈ చైను వేసుకోగానే దేవా సార్తో పరిచయం పెరిగింది ఎక్కడ ఉన్నా నన్ను ఇలాగే బ్లెస్స్ చేయండి.  అమ్మని కూడా తొందరగా రికవరీ చేస్తాను అని ఆరోజు ప్రశాంతంగా నిద్రపోతుంది.

సూర్యుడు రాకముందే సూర్య లేచి వర్క్ ఔట్స్ ఫినిష్ చేసి విక్రమ్ దగ్గరికి వెళతాడు.
హాయ్ నాన్న గుడ్ మార్నింగ్. గుడ్ మార్నింగ్. ఏంటి ఈ రోజు ఏదైనా స్పెషలా..  నథింగ్.  ఎందుకు అడిగారు..  అప్పుడే వర్కౌట్స్ అయిపోతేను..  మీతో కొంచెం మాట్లాడాలి.

వాక్ చేస్తూ మాట్లాడుకుందాం అని గార్డెన్లోకి వెళతారు. చెప్పు ఏం మాట్లాడాలి.  గౌతమ్ ని టెన్షన్ తో బిజీ చేయాలి.. దేనికి..

విశి ని డిస్ట్రబ్ చేయాలి అనుకుంటున్నాడు. ఏమైంది... నిన్న కాలేజ్ లో జరిగింది చెబుతాడు. విశి వర్క్ కోసం చాలా వెయిటింగ్ అనుకుంటా..

అవును.. విశి వర్క్ లేక తన కాంట్రాక్ట్స్ అన్ని మిస్ అవుతున్నాయి..  హిమ ఫాదర్ నుంచి కూడా ప్రెషర్ వస్తుంది. సో దాని గురించి మళ్ళీ విశి ని లైన్ లో పెట్టుకోవాలి అని ఉత్సాహపడుతున్నాడు.

విశి మళ్లీ గౌతమ్ ట్రాప్ లోకి వెళ్ళిపోతుందని నీ భయమా.. అలాంటి భయం ఏమీ లేదు కానీ డిస్టర్బ్ అవుతుంది కదా...

అనవసరమైన ఒత్తిడి ఎందుకు...  నువ్వన్నది కూడా నిజమేలే.  నేను చూసుకుంటాను.  థాంక్యూ నాన్న. ఇప్పటికైనా క్లారిటీ వచ్చిందా..

దేని గురించి... తల మీద ఒక్కటేసి నేను నీ బాబుని రా... నిన్ను దాటి వచ్చాను. నాన్న అని గారాలుపోతాడు. వచ్చినట్టే ఉంది.  ఎప్పుడు తీసుకొస్తావు అమ్మాయిని...

నేనింకా.విశి కి ఏమి చెప్పలేదు  అదేమిటి... ప్రస్తుతం తన దృష్టి మొత్తం గోల్ మీదే ఉంది. ఇప్పుడు నేను ప్రేమ అని అని చెప్పి డిస్టర్బ్ చేయలేను.

మళ్ళీ ఒక కన్ఫ్యూజన్లోకి తీసుకువెళ్లలేను. తనకి తానుగా నా ప్రేమని గుర్తించాలి. ఇదేమన్నా సినిమా అనుకుంటున్నావా...  గుర్తించాలి డాన్స్ వేయాలి అనడానికి.

  మీరు ఏమైనా అనండి నాన్న..   నా ప్రేమను గుర్తించాలి..
నా దగ్గరికి రావాలి...
భరత్ వచ్చి మీ నాన్న అలాగే అంటాడు కానీ... మీ అమ్మను కూడా అలాగే లాక్కొచ్చాడు. అవునా..  అబ్బో ఎంత డ్రామా జరిగిందనుకుంటున్నావు. దానికి ప్రత్యక్ష సాక్షులు శ్రీ, రాజే...

అవునా ఏం చేశారు నాన్న..  చెప్పండి ప్లీజ్.  వాడు అలాగే మాట్లాడతాడు గాని ఏమీ లేదులే. మీరు బ్లష్ అవుతున్నారంటే సంథింగ్ చేశారు.

చెప్పచ్చు కదా.. నాకు  ఉపయోగపడుతుంది. ఆ రోజులు వేరు... మీ అమ్మ మైండ్ సెట్ వేరు.. ఈ రోజులు వేరు.. ఇప్పుడు అమ్మాయిల ఆలోచన వేరు.

ఎంత వేరైనా కంటెంట్ ఒకటే కదా... నాన్న...  ప్లీజ్ ప్లీజ్ అని బ్రతిమాలితే..  మనకి పెళ్లెప్పుడు మేలుముసుగు ఉండడం వలన మీ అమ్మ నాకు తెలియదు. కొన్ని కారణాలు వలన  నాకు దూరంగా వెళ్లిపోవాలి అనుకుంది.

మీ అమ్మ ఎక్కడ ఉందో పట్టుకుని తన నోటితోనే మీరు లేకపోతే నేను లేను అని చెప్పించాను. అదే మీ భరత్ మామ చెప్పే గోల.

అదే ఎలాగా..  హాస్పిటల్ ఇన్సిడెంట్ చెబుతాడు. అమ్మ నాన్న...  పాపం మా అమ్మ ఎంత అమాయకురాలు... అమాయకురాలు కాబట్టే నా హృదయ సింహాసనం మీద పీట వేసుకుని కూర్చుంది.

మరి నీ విశిష్ట ఏమిటో అన్నది నువ్వే చూసుకో.. అందరికీ ఒకే ట్రీట్మెంట్ కరెక్ట్ కాదు.

గౌతమ్ రెడీగా ఉన్నావా...

కథ కొనసాగుతుంది....