పాణిగ్రహణం

[SivaSai]

Part - 37

గౌతమ్ ని తిట్టి ఎక్కడ జనం అక్కడికి వెళ్ళిపోతారు. అంతా ఖాళీ అయిపోయి గౌతమ్, గౌతమ్ కారు మాత్రమే మిగులుతుంది.

ఇప్పుడు అసలు ఏం జరిగింది. నేనెక్కడున్నాను.  ఎందుకు వాళ్ళు రివర్స్లో నన్ను తిట్టారు.. తప్పు ఆ అబ్బాయి కదా చేసింది. అబ్బా ఈరోజు ఆ అసలు కలిసి రాలేదు. రేపు ఫ్రెష్ మైండ్ తో వచ్చి కలుస్తాను.

కారు రివర్స్ చేసుకుని వెళ్ళిపోతాడు. విశి వర్క్ ఫినిష్ చేసుకుని వచ్చేటప్పటికి అక్కడ దేవ కనిపిస్తాడు. హలో దేవ సార్.. మీరు ఏంటి ఇక్కడ.

బ్యాచిలర్స్ మి కదా.. రెస్టారెంట్ ఫుడ్ తప్పదు కదా... రోజూ ఇలాగే తింటున్నారా.. ఏం చేస్తాం.. సరే అమ్మకి చెప్పి రేపటి నుంచి మీకు లంచ్ తీసుకొస్తాను.

నో విశి ఇది కరెక్ట్ కాదు. ఏమైంది సార్..  మీరు ఏంటో నాకు తెలుసు..  నేనేంటో మీకు తెలుసు. అలాంటప్పుడు ఇంకెందుకు మొహమాటపడుతున్నారు.

అవునా... సరే అయితే ఏదైనా తీసుకున్నప్పుడు వెంటనే రిటర్న్ ఇవ్వాలి.  సో నువ్వు ఫుడ్ తీసుకొస్తావు కాబట్టి  పికప్, డ్రాపింగ్ నేనే చేస్తాను.

సార్ నాతో పెట్టుకుంటే మీకు చాలా టైం వేస్ట్ అవుతుంది. కాలేజ్ అయిపోయిన తర్వాత ఏం చేస్తాం ఖాళీయే కదా..
సో ఇలా టైం స్పెండ్ చేస్తాము.

అమ్మను కూడా చూసినట్టు ఉంటుంది కదా.. ఇంతకీ అమ్మని ఎప్పుడు పరిచయం చేస్తావు. మీరు మా ఇంటికొస్తారా..

రాకపోవడానికి నాకేమైనా రెండు కొమ్ములు ఏమైనా ఉన్నాయా..  నవ్వుతూ అలాగేమీ లేదు. తప్పకుండా ఈ వీకెండ్ మీరు,  శ్రీకర్ సార్ మా ఇంటికి లంచ్ కి రండి. నేను స్పెషల్ గా ఇన్వైట్ చేస్తున్నాను.

తప్పకుండా ఇప్పుడు ఎలా వెళ్తావు. బై వాక్. అంత దూరం నడిచి వెళ్తావా.. తప్పదు కదా.. సరే ఈరోజు నుంచే నా డ్యూటీ తీసుకుంటాను.

బైక్ ఎక్కు.. ఇప్పుడు వద్దులే సార్.. విశి  ఎక్కు అని కొంచెం సీరియస్ ఫేస్ తో చెబుతాడు.  సరే అని బైక్ ఎక్కుతుంది.

ఇదంతా చూస్తున్న శ్రీకర్..  వైభవ్ తో చూసావా..  ప్రేమ లేదు లేదు అంటూనే ఎంత కేర్ తీసుకుంటున్నాడు.  ఇప్పుడు మనం ఏదైనా కదిపాము అనుకో స్నేహమే అంటాడు..

అవసరమా..  కాని ఖచ్చితంగా బయటపడతాడు.  ఎలాగైనా ఫొటోస్ తీసి మనోడికి ఒక మెమరీ బుల్ గా పంపించాలి. ఎలా..

వెయిట్ బావ అని వైభవ్ కామ్ గా ఎవరూ చూడకుండా ఫ్రంట్ కి వెళ్లి సూర్య, విశి ల ఫొటోస్ తీస్తాడు.  పర్ఫెక్ట్ అనుకొని శ్రీకర్ దగ్గరికి వచ్చి అయిపోయింది.

నువ్వు ఇలాంటి విషయాల్లో చాలా ఫాస్ట్. అవును బావా..  లేకపోతే అమ్మాయిలు ఫ్లట్ చేయడం చాలా కష్టం.  నువ్వు బాగా ముదిరిపోయావు రా.. పద అని సూర్య వెనకాలే బైక్ తీస్తాడు.

సూర్య బైక్ స్టార్ట్ చేసి వెళదామా అంటే సరే సార్ అంటుంది. హేండిల్ పట్టుకుని కూర్చుంటుంది.
సూర్యకి ఈ ఫీల్ అంత చాలా బాగా నచ్చుతుంది.  సాయంత్రం కాలేజీ నుంచి వచ్చేటప్పుడు ఆ గౌతమ్ వలన ఈ ఫీల్ ని మిస్ అయ్యాను.

కానీ ఇప్పుడు ఈ ఫీల్ ఎంజాయ్ చేస్తూ ఉంటే భలే బాగుంది. నచ్చిన అమ్మాయి బైక్ ఎక్కితే ఇంత బాగుంటుందా ...
బైక్ డ్రైవ్ చేస్తూ ఫ్రంట్ మిర్రర్ నుంచి విశిని చూస్తూ...

నీకు చెప్పాలని ఎంత కాలం నుండి అనుకుంటున్నానో తెలుసా? కానీ ఇప్పటికీ నా నోరు తెరుచుకోలేకపోతున్నది.
ఇది స్నేహమా.. ప్రేమ తెలుపుమా నా నెచ్చలి

ఈ గాలి తాకడం కంటే, నువ్వు వెనుక కూర్చున్న క్షణం నాకు నిజమైన శ్వాసలాగ ఉంది.  స్నేహమైతే ఇలా అనిపిస్తుందా.. నిజంగా ఇది ప్రేమా??

నువ్వు వెనుక కూర్చుంటే ఈ రోడ్లు అంతా కలల మార్గంలా మారిపోతాయి. నువ్వు నేను మాత్రమే ఉన్నాము అనిపిస్తుంది.  ఈ ఫీల్ స్నేహంలో ఉంటుందా.. లేక ప్రేమలో ఉంటుందా..

ఒక్కసారి అయినా నీ చేతిని నా భుజం మీద ఉంచితే… ఈ ప్రయాణం నాకైతే జీవితాంతం మర్చిపోలేని జ్ఞాపకంగా ఉండిపోతుంది అనిపిస్తుంది. ఇది ప్రేమేనా..

నువ్వు వెనక ఉండగా నా గుండె దడను దాచుకోవడం చాలా కష్టంగా ఉంది… కానీ నువ్వే నా గుండె దడ కారణం.
ఇది ప్రేమే..
సార్ అని పిలుస్తుంది.  ఏమైంది.. మా ఫ్లాట్ వచ్చేసింది.
  అవునా అని బైక్ ఆపుతాడు.  సరే సార్..  గుడ్ నైట్ అని చెప్పి వెళ్ళిపోతుంది.

వెళుతున్న విశిని చూస్తూ
ఒక రోజు వస్తుంది… ఈ బైక్ మీద నిన్ను నా జీవిత భాగస్వామిగా కూర్చోపెట్టే రోజు.

నీ గురించి ఇలా ఆలోచిస్తున్నాను అంటే కచ్చితంగా నాది ప్రేమే కానీ ఇప్పుడే చెప్పను.  నువ్వు లైఫ్ లో నీకంటూ ఒక స్థానం ఏర్పరచుకున్నాక అప్పుడు నీ ముందుకి వస్తాను. అప్పుడు దాకా నీకు తెలిసిన ఒక దేవా సార్ ని మాత్రమే.

చూసింది చాలుగాని ఇంకా ఇంటికి వెళదామా అని పక్కన బైక్ ఆపి శ్రీకర్ అడుగుతాడు. మీరు ఎప్పుడు వచ్చారు రా..

మేము ఎప్పుడు వదిలి వెళ్లామని... నీ వెనకాలే ఫాలో అవుతున్నాము. తమరు డ్రీమ్స్ లో ఉండి పక్కన ఏం జరుగుతుందో చూసుకోలేదు అంతే..

సరే పదండి అని ఇంటికి వెళతారు.  శ్రీకర్..  నేను వెళతాను అంటే..  నైట్ ఉండిపోవచ్చు కదా.. వద్దులే ఉన్నాను అంటే మా మామయ్య నిద్రపోకుండా కూతురు దగ్గర కాపలా కాస్తూ ఉంటాడు.

నాకేమో ఇక్కడ ఉంటే సౌమ్యని కెలకుండా ఉండలేను అవసరమా...
  ఇద్దరినీ చూస్తూ వైభవ్.. అందుకే ప్రేమలో పడకూడదు. నాలాగ జాలీగా ఎంజాయ్ చేయాలి.  అమ్మాయి నచ్చితే పులిహార కలపాలి..డ్రైవింగ్ కి వెళ్ళాలి. బాయ్ చెప్పాలి. వచ్చేయాలి.

నీకు అంత లేదులే..  నీకు ముందు ముందు ఉంది.
ముందు లేదు వెనకాలేదు బావ.  నీకు అర్థం కాని విషయం చెప్పనా... మా అందరికన్నా ముందే నువ్వే ప్రేమలో పడిపోయావు.

నేనా  అని వేలు పెట్టి తన వైపు పెట్టుకుని చూపిస్తూ అడుగుతాడు. అవును.  అది నీకు తప్ప నీ చుట్టూ ఉన్న మా అందరికీ తెలుసు. అవునా బావ..

నాకు తెలియకుండా నన్ను ప్రేమలో పడేసిన క్వీన్ ఎవరు అంటావు.. అది నువ్వే గుర్తించు గుడ్ నైట్ అని బైక్ స్టార్ట్ చేస్తాడు.

బావ ఇది అన్యాయం. ప్రశాంతంగా పడుకునే వాడిని..నిద్ర చెడగొట్టి నువ్వు వెళ్ళిపోతున్నావు.  బట్ నాకు ఇప్పుడు నిద్ర వస్తుంది రా అని వెళ్ళిపోతే..

నువ్వు చెప్పు అన్నయ్య.. ఏమో వాడు ఏమి చెప్పాడో..  నీకేం అర్థమైందో.. మధ్యలో నన్ను లాగద్దు.  నాకు బాగా నిద్ర వస్తుంది అని వెళ్ళిపోతాడు.

ఛీ..  ఛీ.. వీళ్లిద్దరిని ఆడుకుందాం అనుకుంటే నన్ను ఆడుకున్నారు అని రూమ్ కి వెళ్లి ఫ్రెష్ చేయి మంచం మీద పడతాడు.

పడుకున్నాడు అన్నమాట గాని నిద్ర రాదు. బావ ఎంత పని చేసావు అని దిండుని తల పైన పెట్టుకుని ఆలోచిస్తూ ఉంటాడు.

నన్ను ప్రేమించి..  నన్ను ప్రేమలో పడేసిన అమ్మాయి ఎవరబ్బా.. అందరికీ తెలుసా... ఎవరై ఉంటారు. నా ఫ్రెండ్ సర్కిల్ అయితే ఎవరికీ తెలియదు.

కాలేజీలో అమ్మాయిలు అంటావా... నో ఛాన్స్.. ఇంకెవరున్నారు.. అబ్బా... అని ఆలోచించి చందు అని
... నో అని గట్టిగా అరుస్తాడు.

అమ్మో ఆ పిల్ల రాక్షసా..   సమస్యే లేదు. మేమిద్దరం  కొట్టుకోవడం తప్ప ఏ రోజు కూడా మంచిగా మాట్లాడుకుందే లేదు.

ఎట్లీస్ట్ ఒక చాక్లెట్ కూడా షేర్ చేసుకుంది లేదు. అలాంటిది అది నన్ను ప్రేమించడంమా..  నేను దాన్ని ప్రేమించడమా.. బావకి పైత్యం ఎక్కువయింది.

సౌమ్య కి చెప్పి ట్రీట్మెంట్ ఇప్పించాలి. అనవసరంగా నా నిద్ర చెడగొట్టుకుని మరీ ఆలోచించాను.  దుప్పటి ముసుగేస్తాడు.
చందు వచ్చి దుప్పటి లాగి కోపంగా..
నువ్వు చిన్నప్పటినుంచే నా పక్కన ఉంటే నాకెందుకు శాంతి ఉంటుంది.
వైభవ్... చందు దుప్పటి లాగింది అని విసుగు చూపిస్తూ..
అయితే నీ జీవితం నువ్వు చెప్పినట్టే బోరింగ్ అయిపోతుందేమో… నేను ఉన్నా గాబట్టి కలర్‌ఫుల్‌గా ఉంది. అర్థమవుతుందా...

చందు వెటకారంగా...
నువ్వు లేని రోజే నాకో పండుగ

వైభవ్ నవ్వుతూ..
అదే పండుగలో నేనే మొదటి ఆహ్వానితుణ్ణి అవుతాను…

ఎంత కొట్టుకున్నా, చివరికి నువ్వు నాతోనే ఎక్కువగా మాట్లాడుతావు. మరి నువ్వు నన్ను అసహ్యించుకుంటున్నావా? లేక మిస్ అవుతున్నావా?

చందు తప్పించుకుంటూ...
అది… అది వేరే విషయం

వైభవ్ చందు చెయ్యి పట్టుకుని...
అదే అసలు విషయం..ఇంకా గుర్తించలేదా? మన గొడవలే మన ప్రేమకు రుజువు.

నిజంగా మనం ప్రేమించుకుంటున్నామా చిన్న బావ అని చందు అడిగితే.. ఇంకా నీకు అనుమానమా.. అందుకే కదా చిన్నప్పటినుంచి నీతోనే గొడవ పడేవాడిని.

నీతో ఉండాలని కదా.. నిజంగానా బావ అని ఇంకా దగ్గరికి వస్తుంది. అవునే మరదలు పిల్ల అని చుట్టూ చేతులు వేస్తే.. నాతో జోక్ చేయడం లేదు కదా..

నీతో జోక్ చేస్తే నేనే జోకర్ ని అవుతాను కదా.. ఒక ముద్దు.. ఇవ్వవే అని ముందుకు వస్తాడు. అమ్మో బావ నాకు సిగ్గు.

నువ్వు కళ్ళు మూసుకొ..  నేను తీసుకుంటాను కదా..  మూతిని ముందుకు పెడుతూ ము.. మూ.. అన్న సౌండ్ చేస్తూ.. మంచం మీద నుంచి కింద పడతాడు.

అబ్బా.. నా నడుము అని నడుం మీద చేతులు వేసుకుని కళ్ళు తెరిచి చూస్తాడు..అదేమిటి మెత్తగా తగిలాల్సిన చందు ఇంత గట్టిగా ఉంది అని చేతతో తడుముతూ... ఏమిటి ఈలాగుంది అని చుట్టూ చూస్తాడు.

చీకటిగా అనిపిస్తే వెళ్లి లైట్ వేస్తాడు. ఇదంతా నా కల.. శ్రీకర్ బావ ఉన్నవాడు ఉన్నచోట ఉండడు.  అనవసరంగా కెలికి వెళ్ళాడు.

లేకపోతే మేమిద్దరం ప్రేమించుకోవడమేమిటి...నిజంగా అలా ప్రేమించుకుంటే ప్రపంచంలో అదొక వింత..

సూర్య గదిలోకి వెళ్లి ఫ్రెష్ అయ్యి మంచం మీద పడి విశి.. ఈరోజు మాత్రం గౌతమ్ కి థాంక్స్ చెప్పాలి.వాడి వల్లే కదా నువ్వు నా బైక్ ఎక్కావు.  ఇప్పటిదాకా నీకోసం నేను ఆగడం.. మళ్ళీ నీతో కలిసి రావడం అబ్బబ్బ... ఆ ఫీలే వేరబ్బా..

ప్రేమ పక్షులు విహరిస్తున్నాయా...