పాణిగ్రహణం

[SivaSai]

Part - 36

ప్రతిరోజు ఉదయం శ్రీనివాస్ విశికి క్లాసెస్ చెబుతూ ఉంటే తెలియని పాయింట్స్ తెలుసుకుంటూ సబ్జెక్టులో టెక్నిక్స్ నేర్చుకుంటూ ఉంటుంది.

ఒక పక్కన కాలేజ్.. సాయంత్రం రెస్టారెంట్ వర్క్...మార్నింగ్ క్లాసెస్ తో విశి లైఫ్ ఫుల్ బిజీ అయిపోతుంది.

గౌతమ్ గురించి కొంచెం కూడా ఆలోచించే సమయం లేకుండా రోజుల పరిగెడుతూ ఉంటాయి.

గౌతమ్ ఆఫీసులో చిందులు తొక్కుతూ ఉంటాడు. అందరి మీద ప్రెస్టేషన్ చూపిస్తూఉంటే... సెక్రటరీ సార్ అని పిలుస్తాడు.

వాట్ మిస్టర్ మనకొచ్చే ప్రాజెక్ట్ అన్ని వేరే కంపెనీకి వెళ్ళిపోవడం ఏమిటి... ఏం జరుగుతుంది.. హిమగారు  ప్రాపర్ గా వర్క్ ఇవ్వడం లేదు సార్.

మనం సబ్మిట్ చేస్తున్న  ప్రాజెక్టు ఏమీ ఓకే అవ్వడం లేదు. వాట్..  అవును సార్..  గౌతమ్ కణతల మీద రుద్దుకొని... నేను చూసుకుంటాను.

గౌతమ్ ఆఫీస్ రూమ్ లో కూర్చుని ఆలోచిస్తూఉంటాడు. ఏం చేయాలి... మళ్లీ విశిని ఎలా లైన్లో పెట్టాలి.  దీనికంతటికి బెస్ట్ ఆప్షన్ వాళ్ళ మదర్..

వాళ్ళ మదర్ ని యూస్ చేసుకొని విశి ని మళ్ళీ గ్రిప్లోకి తెచ్చుకోవాలి. సాయంత్రం  వర్క్ చేసే చోటకి వెళ్ళాలి.  ఆ ప్లేస్ నాకు నచ్చకపోయినా తప్పడం లేదు.

ఆ ప్లేస్ కి కాకుండా కాలేజ్ కి వెళితే..  కాలేజీలో విశి నా లవర్ అని నలుగురికి తెలిసేటట్టు చేస్తే... అసలే అభిమానం ఎక్కువ.

పరువు కోసం ... ప్రాణాలు తీసుకునే టైపు. సో.. కాలేజ్ లో రూమర్ స్ప్రెడ్ చేస్తే..  హచ్ కుక్కలాగా నా వెనకాలే తిరుగుతుంది.  నేను చెప్పినట్టుగా ఉంటుంది.

ఒక పక్కన దాని వర్కు, అందం..  ఇటు హిమతో పెళ్లి... నో ప్రాబ్లం.  వాటే  ఎ ఐడియా గౌతమ్...  నిన్ను కొట్టేవారు లేరు..

కాలేజ్ అయ్యే టైమ్కి గౌతమ్ కాలేజ్ ముందు చకోరిపక్షిలాగా నిలబడి ఉంటాడు
చేతిలో రెడ్ రోజెస్ బొకే., చాక్లెట్స్ బాస్కెట్ పట్టుకుని ఎదురుచూస్తూ ఉంటాడు.

కాలేజీ నుంచి వెళ్లే అమ్మాయిలు చూస్తూ.. వావ్. క్యూట్ కదా.. ఎవరి కోసమై  ఉంటుంది. వెయిట్ చేద్దామా.. అవును. భలే హ్యాండ్సమ్ గా ఉన్నాడు.

ఆ లక్కీ గర్ల్ ని చూడవలిసిందే.. విశి, భవ్య క్లాస్ బయటికి వచ్చి... పార్కింగ్ ఏరియా కి వెళతారు.  అందరూ గుసగుసగా మాట్లాడుకుంటూ ఉంటుంటే..

ఏమయింది.. వెళ్లకుండా ఇక్కడే ఆగిపోయి మరీ గుసగుసలాడుతున్నారు అని భవ్య అడిగితే..  ఒక హ్యాండ్సమ్ అబ్బాయి కాలేజ్ బయట వెయిట్ చేస్తున్నాడు.

మన కాలేజీలోనే చదవాడు అంట... దానికి ఎందుకు అంత ఎక్సైట్మెంట్ అవుతున్నారు.. అయ్యో భవ్య.. ఆ అబ్బాయి..  లవర్ ఈ కాలేజ్ లోనే ఉంది.

మీకేమైనా చెప్పాడా.. ఆ అబ్బాయి వచ్చిన స్టైల్ చూస్తే అర్థం కావడం లేదు.. ఒక చేతిలో రెడ్ రోజెస్ బొకే, మరొక చేతిలో చాక్లెట్ బాస్కెట్ ..

చాలా హ్యాండ్సమ్ గా ఉన్నాడు. ఆ అబ్బాయి లవర్ నేనయితే ఎంత బాగుండునో అనిపిస్తుంది.. అబ్బా అంత అందంగా ఉన్నాడా.  డౌటా..

ఎవరై అంటారా..  విశి నువ్వు స్కూటి తీసుకురా..  నేను చూస్తాను..  మనకి ఎందుకే..  ఒకసారి చూస్తే తప్పేముంది.  చూడటానికి వెళుతుంది.

గౌతమ్ ని చూసి.. ఓరి వీడ.. ఇప్పుడు కాలేజ్ అందరం ముందు విశి కి ప్రపోజ్ చేస్తున్నాడా?  అమ్మని గౌతమ్.. ఎంత మాస్టర్ ప్లాన్ వేసావు.

ఇప్పుడు ఈ ప్రాబ్లం నుంచి ఎలా బయటికి రావాలి. విశిని వాడు చూడకూడదు. వాడి ఏదన్నా మిస్ బిహేవ్ చేస్తే ఇది కాలేజీలో తిరగలేదు.  పరువు కోసం ప్రాణాలు ఇచ్చే టైపు. ఎలా ఈ ప్రాబ్లం నుంచి బయటికి రావాలి.

వెంటనే స్ట్రైక్ అయ్యి...  అవును దేవా సార్ అయితేనే ఈ ప్రాబ్లం నుంచి  బయటికి తీసుకురాగలరు. వెంటనే దేవా కి ఫోన్ చేస్తుంది.

ఈ టైం లో భవ్య ఫోన్ చేస్తుంది ఏంటి అనుకుంటూ లిఫ్ట్ చేసి చెప్పు భవ్య. సార్ ఎక్కడున్నారు మీరు..  క్యాంపస్ లోనే..

ఏమయింది.. ఆ గౌతమ్ గాడు వచ్చాడు.  ఏ గౌతమ్.
అయ్యో సార్...  విశి ని ట్రాప్ చేయాలనుకుంటున్నాడే ఆ ఇడియట్..

ఎక్కడున్నాడు అని శ్రీకర్ కి సైగ చేసి కంగారుగా స్టాఫ్ రూమ్ నుంచి బయటికి వస్తాడు. కాలేజ్ బయట మంచి హడావుడిగా వెయిట్ చేస్తున్నాడు.

విశి చూసిందా.. ఇంకా లేదు సార్.. అది ఎక్కడ బయటకు వచ్చేస్తుందో అని నా టెన్షన్ అంతా.  సరే నువ్వు విశి దగ్గరికి వెళ్లి మేనేజ్ చేయి.

నేను వస్తున్నాను శ్రీకర్  పద అని స్పీడ్ గా పరిగెడతాడు. ఏమైందిరా.. ఆ గౌతమ్ గాడు ఏదో ట్రిక్ ప్లే చేస్తున్నాడు ఇడియట్ అనుకుని స్పీడుగా వస్తాడు.

భవ్య విశి దగ్గరికి వస్తుంది.  స్కూటీని మెల్లిగా నడిపించుకొస్తూ ఉంటే..  స్కూటీ ఉన్నది మనం ఎక్కితే అది తీసుకువెళ్లడానికి..అంతేగాని బ్రతిమాలి నడిపించడానికి కాదు.

అయ్యో భవ్య నాకు స్కూటీ డ్రైవింగ్ అంత పర్ఫెక్ట్ గా రాదు కదా.. అసలు ట్రై చేయాలి కదా...  రాదు అనుకుంటే ఏది రాదు.

సరే నువ్వు డ్రైవ్ చెయ్ నేను వెనకాల కూర్చుంటాను.
నాకు రెస్టారెంట్ కి టైం అవుతుంది.  సరే అని స్టార్ట్ చేస్తుంది.

ఈ సార్ ఎక్కడ అని చూస్తూ ఉంటే.. దేవా వచ్చి హాయ్..  ఏమిటి ఇంకా ఫ్రెండ్స్ ఇద్దరూ వెళ్లలేదా.. ఇప్పుడే బయలుదేరుతున్నాం సార్.

నేను రెస్టారెంట్ వైపుకే వెళుతున్నాను...  డ్రాప్ చేయనా.
థాంక్యూ సర్. నాకు అర్జెంటు వర్క్ ఉంది. విశిని డ్రాప్ చేస్తారా..

భవ్య చేయి పట్టుకుని.. ఏం మాట్లాడుతున్నావు.. సార్ తో నేను వెళ్లడం ఏమిటి.. అబ్బా పరవాలేదు. ప్రతిదానికి భయపడడం ఆపు..

ప్లీజ్ సార్ తీసుకువెళ్లండి.  లేట్ అవుతుందని ఇప్పటికే కంగారు పడుతుంది. నో ప్రాబ్లం.  విశి రా..అది...  ఇబ్బందిగా చూస్తూ ఉంటే..

ప్రతిదానికి నలుగురు ఏమనుకుంటారా అన్నది ఆలోచించవద్దు. ఇక్కడ మనకి వర్క్ ఇంపార్టెంట్. నువ్వేంటో నాకు తెలుసు.  నేనేంటో నీకు తెలుసు.

సో ప్రాబ్లం ఏమిటి. ఇంకా ఇబ్బంది పడుతూ ఉంటే..  సరే ఒక పని చేయి. నీ చున్నీతో ఫేస్ అంతా కవర్ అయ్యేటట్టుగా కట్టుకో.

అప్పుడు ఎవరో చూస్తారు అన్న ఇబ్బంది నీకు ఉండదు. ఈ ఐడియా ఏదో బాగుంది విశి కట్టుకో. సరే అని చెప్పి కవర్ చేసుకుంటుంది.

గుడ్... ఇప్పుడు ఏ ప్రాబ్లం లేదు కదా.. నో సార్. సరే పదా అని దేవా బైక్ స్టార్ట్ చేస్తాడు. విశి వెనకాల కూర్చోగానే గాలిలో తేలుతున్నట్టుందే అని సాంగ్ వేసుకుంటూ ముందుకు దూకిస్తాడు. వెనకాలే శ్రీకర్, భవ్య కూడా స్టార్ట్ అవుతారు.

విశి ఎప్పుడూ నడిచే వస్తుంది అన్న ధీమాతో గౌతమ్ నడిచే వాళ్ళవైపే చూస్తూ ఉంటాడు. గౌతమ్ ముందునించే బైక్ వెళ్లిపోతున్న అబ్జర్వ్ చేయడు.

స్టూడెంట్స్ అందరూ కూడా వెళ్ళిపోతారు.  వెయిట్ చేస్తున్న అమ్మాయిలు కూడా ఇంకా టైం వేస్ట్ అనుకుని వెళ్ళిపోతారు.

గౌతమ్ టైమ్ చూసుకుంటూ..  విశి ఏంటి ఇంకా రాలేదు. లైబ్రరీలో ఏమైనా ఉందా..  పర్వాలేదు వెయిట్ చేద్దాం. ఇంతసేపు వెయిట్ చేసాను అంటే ఊరికనే కరిగిపోతుంది.

అక్కడే కార్ కి జారపడి చూస్తూ ఉంటాడు. చీకటి పడిపోతున్న వేళ వాచ్మెన్ గేట్ లాక్ చేస్తూఉంటే.. అదేంటి అప్పుడే తాళం వేసేస్తున్నావు..

ఎవరండీ మీరు..  ఎవరి కావాలండి... వాచ్మెన్ అడిగేది వినిపించుకోకుండా కాలేజ్ వైపు చూస్తూ.. కాలేజీలో ఇంకా ఉన్నారు కదా..  అప్పుడే లాక్ చేసేస్తున్నావు.

అయ్యో సార్ అందరూ వెళ్లిపోయారు. చెక్ చేసావా...
అన్ని చెక్ చేసుకునే మేము లాక్ చేసుకుంటాము. స్టూడెంట్స్, స్టాప్ అందరు వెళ్ళిపోయారు.

మరి విశిష్ట .  విశిష్ట అంటే ఎవరు సార్.. నాకు తెలియదు. ఓకే అని కారులో కూర్చుని..  బొకే, చాక్లెట్ బాస్కెట్ ని విసురుగా విసిరేస్తాడు.

ఇక్కడే వెయిట్ చేస్తున్నాను ఎలా వెళ్ళిపోయావు.  ఈరోజు కాలేజీకి ఏమైనా రాలేదా అని ఆలోచిస్తూ.. నో వే..

అసలు కాలేజ్ మానదు.  సరే ఇంకేం చేస్తాం.  రెస్టారెంట్ కి వెళ్లి చూద్దాం అని రెస్టారెంట్ కి స్టార్ట్ అవుతాడు. భవ్య కి విశి వెనకాలే వెళ్లాలని ఉంటుంది.

వెళితే అనుమానం వస్తుంది అని టేక్ కేర్ సార్ అని  మెసేజ్ చేసి వెళ్ళిపోతుంది. రెస్టారెంట్ దగ్గర డ్రాప్ చేసి బాయ్ విశిష్ట..

థాంక్యూ సర్..  బాయ్ అని చెప్పి లోపలికి వెళ్ళిపోతుంది.  వచ్చిన మెసేజ్ చూసి డోంట్ వర్రీ... మై హోనా అని రిప్లై ఇస్తాడు .


గౌతమ్ రెస్టారెంట్ కి దగ్గరలోకి వచ్చేటప్పటికి ఎదురుగుండా ఒక బైకు వ్యక్తి సడెన్ బ్రేక్ వేస్తాడు. గౌతమ్ కూడా బ్రేక్ వేసి ఈ రోజు అసలు టైం బాగున్నట్టే లేదు.

కారు దిగి... మిస్టర్ రాంగ్ రూట్ లో వస్తావు ఏమిటి.. సోరి సార్. ఈ ఊరికి కొత్త.. సర్వీస్ రోడ్డు అనుకున్నాను.  సర్వీస్ రోడ్డుకి, వన్ వేకి టు వేకి తేడా తెలియకుండానే రోడ్డు మీదకు వచ్చేస్తున్నావా...

ఏంటి సార్.. సోరి చెప్పాక కూడా ఇష్టం వచ్చినట్టు మాట్లాడుతున్నారు. కారు ఉంటే ఏం మాట్లాడినా చెల్లుతుంది అనుకుంటున్నారా.. మర్యాద లేకుండా మాట్లాడుతున్నారు.

నేనెక్కడ మర్యాద లేకుండా మాట్లాడాను. తెలుసుకుని రావాలి అని చెబుతున్నాను. అదే పద్ధతిగా చెప్పాలి కదా... చూడండి అని జనాన్ని పోగేస్తాడు.

వచ్చిన జనాన్ని చూసి గౌతమ్ చూడండి..  ఈ అబ్బాయి రాంగ్ రూట్లో వచ్చి నా మీద గొడవకి దిగుతున్నాడు. అయ్యో నేను గొడవ పడటం లేదండి.

ఈ ఊరికి కొత్త.. తెలియక వచ్చాను..  సోరి సార్.
ఏదైనా డామేజ్ జరిగితే డబ్బులు ఇస్తాను అన్నాను. ఆఫ్టరాల్ ఒక బైక్ గాడివి..

నాలాంటి రిచ్ పర్సన్స్ కి నువ్వేమీ ఇవ్వగలవు చిల్లర అని వెటకారంగా మాట్లాడాడండి..సామాన్యులు అయితే ఇవ్వలేమా..

మనకు ఆత్మ అభిమానంఉండదా.. రాని కన్నీళ్లు తుడుచుకుంటూ ఉంటాడు.  అక్కడ ఏమి జరిగింది అనే విషయం కన్నా సామాన్యుడు అన్న మాటలకే పవర్ ఎక్కువగా ఉండి...

జనం గౌతమ్ మీదకి తిరగబడతారు. ఇప్పుడు నేనేమన్నానని ఇంత  కథ అల్లాడు. నాదే తప్పు క్షమించండి నేనే డబ్బులు ఇస్తాను.

నీ బోడి డబ్బులు ఎవరికి కావాలయ్యా.. నీకు ఎక్కువ ఉంటే చలిమంట కాస్కో అంతేగాని జనం మీద నుంచి కారు ఎక్కించటం కాదు. నువ్వు వెళ్లి బాబు అని అబ్బాయిని పంపించేస్తారు.

గౌతమ్ కి చుక్కలు మామూలుగా కనిపించలేదుగా...

కథ కొనసాగుతుంది....