పాణిగ్రహణం

[SivaSai]

Part - 30

నైట్ డిన్నర్ పూర్తి చేసిన తర్వాత సూర్య విక్రమ్ గదికి వెళతాడు. నాన్న అని పిలిస్తే.. అక్కడే ఆగిపోయావు ఏంటి రా..

మీతో ఇంపార్టెంట్ విషయం మాట్లాడాలి. విశి గురించా... కాదు నా గురించి. నీ గురించి ఏమిటి.. విశిష్ట చదువుతున్న కాలేజీలో నేను లెక్చరర్ గా జాయిన్ అవుదాం అనుకుంటున్నాను.

కారణం తెలుసుకోవచ్చా..  మీకు అర్థమైందని అనుకుంటున్నాను. ప్రేమ కాదంటున్నావు కదా... నేను స్నేహం అనుకుంటున్నాను. బట్ నా చుట్టూ ఉన్నవాళ్లు ప్రేమ అంటున్నారు.

నాకు ఒక క్లారిటీ రావాలి కదా.. అందుకోసం నువ్వు లెక్చరర్ గానే వెళ్లాలా.. తననే మన కంపెనీకి తీసుకువస్తే సరిపోతుంది కదా..

నేనెవరో తెలియడం నాకు ఇష్టం లేదు.  నేను నేనుగానే విశికి దగ్గరఅవ్వాలి. బంధం బలపడాలి. తను స్ట్రాంగ్ అవ్వాలి.

సో ఇవన్నీ జరగాలి అంటే నేను విశికి దగ్గరగా ఉండాలి. బానే ఉంది.  ఇంతకీ ఏం పోస్ట్ కావాలి.  నా ఫిజిక్ కి స్పోర్ట్స్ అయితే బెటర్.

ఇప్పుడు తమరు పి. టి. సార్ అవతారం ఎత్తుతున్నారా... అలాగే అనుకోండి.  మరి నువ్వు వెళితే శ్రీకర్ ఉండడు కదా..  వాడు నాకు అసిస్టెంట్ గా వస్తాడు.

ఇక మీరు ఇద్దరు పోస్టులు ఫిక్స్ అయిపోయాక నన్ను అడగడం దేనికో...  అపాయింట్మెంట్ మీద సైన్ చేయాల్సిందే మీరే కదా...

నా సైన్ అవసరం లేకపోతే నా దగ్గరికి వచ్చేవాడివి కాదు కదా..  ఎంత మాట అన్నారు నాన్న.. మీకు చెప్పకుండా నేను చేస్తానా చెప్పండి అని డ్రామాటిక్ గా అంటే...

నువ్వు మీ అమ్మని మించిపోతున్నావు రా.. ఇంతకీ ఆ గౌతమ్ కన్స్ట్రక్షన్ కి ఏం జలక్ ఇవ్వబోతున్నావు. అది కూడా విశితోనే ఇప్పిస్తాను.

బట్ వాళ్లకు వెళ్లే ఏ ప్రాజెక్ట్ అయినా సరే టర్న్ తిరిగి మనకు వచ్చేయాలి.

వాడి కంపెనీ ఎంత.. సముద్రంలో కాకిరెట్ట అంత. దాన్ని డీల్ చేయడం పెద్ద సమస్య కాదు.  నాకు వదిలేస్తే కన్నుమూసి తెరిచేలోపు వాడిని రోడ్డు మీద నుంచోబెడతాను.

బట్ విశిష్టతోనే ఏదో చేయించాలి అనుకుంటున్నావు కదా అందుకే ఆప్షన్ నీకు వదులుతున్నాను. బట్ ఏ అవసరం ఉన్నా సరే నాకు చెప్పు.

తప్పకుండా.  యు ఆర్ మై బెస్ట్.. ఐ లవ్ యు నాన్న.  గుడ్ నైట్ అని చెప్పి వెళ్ళిపోతాడు.  వెళుతున్న కొడుకుని చూసి నవ్వుకుంటూ బాబు ప్రేమలో పడ్డాడు కానీ కన్ఫ్యూజన్లో ఉన్నాడు.

చూద్దాం ఏమి మ్యాజిక్కులు చేస్తాడో... ఏమిటి మీలో మీరే నవ్వుకుంటున్నారు. మాకు చెబితే మేము కూడా నవ్వి పెడతాము కదా...

ఏమీలేదుయ్ భార్యామణి.. చెబితే సిగ్గుపడతావేమో అని నాలో నేనే నవ్వుకుంటున్నాను.  అంత సిగ్గుపడే విషయం ఏమిటి..

చెప్పనా.. చెప్పమనే కదా... ఒక్క నిమిషం అని డోర్ లాక్ చేసి వచ్చి ఇప్పుడు రా చెబుతాను. అంతగా తలుపులు లాక్ చేసి మరీ రావాల్సిన అవసరం ఏముంది.

చెప్పాను కదా నువ్వు సిగ్గుపడతావేమో అని.. నాకెందుకో తేడా కొడుతుంది.  గుడ్ నైట్ అంటుంది. లేదు నువ్వు అడిగాక నేను చెప్పకుండా ఉండను కదా.. అది నేను చెప్పితీరాల్సిందే.

అరే ఇప్పుడు వద్దంటున్నాను కదా..  నువ్వు వద్దంటే వదిలేస్తానా ఆట పట్టిస్తూ మీదకి లాక్కుంటాడు.  అబ్బా వదలండి.

ఎవరైనా చూస్తే బాగోదు అని సిగ్గుపడుతూ ఉంటుంది.  అరె మన గదిలోకి ఎవరు వచ్చి చూస్తారు.. నువ్వు ఇలా సిగ్గుపడతావనే కదా లాక్ చేశాను.

మన పెళ్లి అయ్యి ఇన్ని సంవత్సరాలు అయినా సరే శోభనం గదిలో ఎలా సిగ్గుపడ్డావో ఇప్పటికీ అలాగే సిగ్గుపడతావు.  నాకు మళ్ళీ మళ్ళీ ఇదే మొదటి సారి ఏమో అనిపిస్తావు .

ఏమి మాట్లాడుతున్నారు మీరు అని నోటి మీద చెయ్యి వేస్తుంది. ఆ చేతికి ముద్దు పెట్టి..  నేను అన్నది తప్పా.. ఒకసారి అద్దంలో చూడు నీకే తెలుస్తుంది.

టర్న్ చేసి అలాగే నడుం చుట్టూ చేతులు వేసి అద్దం ముందు నుంచోబెడతాడు.  చూడు. నాకు తెలుసు నేను ఎలా ఉంటానో.. చూడాల్సిన అవసరం లేదు.

అబ్బా చూడవే నా ముద్దుల పెళ్ళామా... చూడనంట్టున్నాను కదా...నువ్వు చూడనంటే నేను వదిలేస్తానా.. అలా ఎప్పుడైనా జరిగిందా.

మీరు ఇంత మొండి వాళ్ళు ఏంటండీ... ఆ మొండిలో కూడా రొమాన్స్ చూడాలండి.. కొడుకుకి పెళ్లి చేసే టైం వచ్చింది. ఈ వయసులో మీకు రొమాన్స్ కావాల్సి వచ్చిందా..

ఇదిగో నీకు చాలా సార్లు చెప్పాను.  వయస్సు కి రొమాన్స్ కి సంబంధం లేదు. నువ్వు ముసలి అయిపోతే చెప్పు ... నీకు భక్తి  ఛానల్ పెట్టి... నేను  ఏ ఫ్యాషన్ ఛానల్ లో చూసుకుంటూ కాలం గడిపేస్తాను.

అవును మరి.. మా శ్రీవారు.. అలా చూసుకుంటూ కాలం గడిపేస్తున్నారు. ఎవరికైనా చెప్పారంటే నవ్వుతారు. మన సయ్యన మందిరానికి సంబంధించిన రహస్యాలు బయటికి ఎలా తెలపగలరు నా ప్రాణసఖి...
మీరు ఏ భాషలో మాట్లాడారు.  తెలుగులో మాట్లాడను.  అర్థం కాలేదా..  పైత్యం ఎక్కువైనట్టుంది కాస్త మజ్జిగ తెస్తాను.

ఆ పైత్యానికి మజ్జిగ కాదు ఇవ్వాల్సింది..  అధారామృతాలు అని పెదవులు అందుకుంటాడు.
సూర్య గదిలోకి వచ్చి శ్రీకర్ కి ఫోన్ చేసి మంచం పైన వాలతాడు.

చెప్పు బావ. పొద్దున్నే డైరెక్ట్గా కాలేజ్ కి వచ్చేయ్.  మనిద్దరికీ జాబ్ కంఫర్మ్ అయిపోయింది.. ఇంతకీ ఏం జాబ్.. నేను సీనియర్ పిటి సార్...నువ్వు జూనియర్ పిటి సార్.

ఏం చేయాలి బావ. మనకు ఏ గేమ్ వస్తే ఆ గేమ్ ఆడుకోవడమే... మనం ఆడుకోవాలంటే గ్రౌండ్ కి వెళితే సరిపోతుంది కదా..

ఇప్పుడు కూడా గ్రౌండ్కే..  కాకపోతే అది కాలేజ్ గ్రౌండ్.  ఇంక నీ ప్రశ్నలు ఆపి నువ్వు పడుకుంటే...  నువ్వు క్యూటీతో మాట్లాడుకుంటావు అంతే కదా..

తెలిసి కూడా అడిగా వాళ్ళని ఏమంటారు రా.. నీ పనే బాగుంది.  నైట్ క్యూటితో..  పగలు విశితో... ఎంజాయ్ బావ అని ఫోన్ పెట్టేస్తాడు.

నా బుజ్జి పప్పీ ఏం చేస్తుందో అని సౌమ్య కి ఫోన్ చేస్తాడు. లిఫ్ట్ చేసి చెప్పు అంటుంది. ఏమైంది పప్పీ అంత స్లోగా మాట్లాడుతున్నావు.

గదిలో లేవా..  ఇప్పుడే వచ్చాను.  పక్కన చందు ఉంది. చందు నే కదా..  చందు అయితే మాత్రం ఉంది కదా..
ఉఫ్.. నా పిల్ల చదివే చదువుకి.. భయపడే విధానానికి కొంచెం కూడా సంబంధం లేదు. రేపటి నుంచి ఇది పేషెంట్స్ ని ఎలా ట్రీట్ చేస్తుందో.. ఏమిటో..

ఒక్క నిమిషం లైన్లో ఉండు. చందు కి వచ్చిన మెసేజ్ చూసి మీరు మాట్లాడుకోండి. నేను బయటకు వెళుతున్నాను. అది కాదు చందు.

ఎదగాలి సౌమ్య.  చదువు ఒక్కటే కాదు..  లైఫ్ కూడా చూడు. నీ కోసం వాడు చకోరి పక్షిలాగా అల్లాడిపోతూ ఉంటే..

నువ్వు మాత్రం పక్కన చందు ఉంది. నాన్న ఉన్నారు... ఎన్ని రోజులు అమ్మాయి ఇలాగా.. క్యారీ ఆన్ అని చెప్పి వెళ్ళిపోతుంది.

హ్మ్.. ఇప్పుడు చెప్పు అంటుంది. ఏం చెప్పాలి.  ఏదో చెప్పాలనే కదా ఫోన్ చేశావు. చెప్పాలని కాదు వినాలని
ఏం వినాలని..

మనం లవర్స్.. లవర్స్ అంటే ఎన్ని కబుర్లు ఉంటాయి.  ఏం కబుర్లు ఉంటాయి. మన ఫీల్డ్ గురించి మాట్లాడుకుందాం అంటే...

నాది మెడిసిన్.. నీది నాన్ మెడిసిన్. నా సబ్జెక్ట్ చెప్పిన నీకు అర్థం కాదు. లవర్స్ సబ్జెక్టు మాట్లాడుకోరు బంగారం. మరి ఇంకేం మాట్లాడుకుంటారు.

ఫోను తలకేసి కొట్టుకుంటూ..  మీ బాబు చదువు తప్ప ఇంకో ప్రపంచాన్ని చూడనివ్వలేదే.. చూస్తే ఎక్కడ ప్రేమలో పడి పరిగెడతావేమో అని.

నువ్వు ప్రపంచాన్ని చూడలేదు కానీ ప్రేమలో పడ్డావు.  అందుకే ఎలా ముందుకు వెళ్లాలో తెలియడం లేదు. అయినా మీరు మెడికోస్ కదా..  మీ మధ్యన ఇలాంటి టాపిక్స్ రావా..

ప్రేమ టాపిక్స్ మాట్లాడుకునే అంత టైం ఉంటుందా.. ఆ టెస్టులు అని..  పేషెంట్స్ చూడమని..  ప్రోగ్రెస్ రాయడం అని అబ్బా చాలా పనులు ఉంటాయి...

సరే ఒక డాక్టర్ని అడిగినట్టుగా అడుగుతాను సమాధానం చెప్పవే. అడుగు...

వీడియో కాల్ చేస్తాను అని వెంటనే వీడియో కాల్ చేస్తాడు. నీ ఫేస్ నాకు కనిపిస్తూ ఉంటే అడగాలనిపిస్తుంది నా బుజ్జి పప్పీ.  చాలుగాని... మేటర్ ఏంటో చెప్పు.

అడిగిన తర్వాత సిగ్గు పడకూడదు.  నాకు తెలియదు అనకూడదు.  అంత భయంకరమైన ప్రశ్న.  ఇది ఒక డాక్టర్ మాత్రమే చెప్పగలిగే సమాధానం.  సో నువ్వు ఒక డాక్టర్ గా మాత్రమే చెప్పాలి. సరే అడుగు చెబుతాను.

కొత్తగా పెళ్లయిన జంట శోభనం గదిలోకి వెళ్లిన తరువాత... సౌమ్య ఫేస్ చూస్తాడు. నార్మల్గానే కనిపిస్తుంది.

దీనికి ఇంకా బల్బ్ వెలిగినట్టు లేదు అనుకుని..  అబ్బాయి, అమ్మాయి  పక్కపక్కనే కూర్చున్నారు.
అబ్బాయి లైట్ ఆఫ్ చేసి అమ్మాయి మీద చెయ్యి వేయగానే... గ్యాప్ ఇచ్చి వాటర్ తాగుతాడు.

హ.. వెయ్యగానే..  ఉండు డాక్టర్ చెబుతాను.  మీరు కంగారు పెడితే ఎలాగా..

అమ్మాయి కెవ్వునా అరిచి ఒక మూలకి వెళ్లి కూర్చుంది. ఆ అబ్బాయి కంగారుగా లైట్ వేసి ఏమయింది అని అడిగితే... నాకు వద్దు నాకు భయం అంది.

ఏది వద్దు ఏది భయం అని అడిగితే..  అదే చీకట్లో మీరు చేసేది.. పోనీ వెలుగులో చేద్దామా అంటే అమ్మో ఇంకా భయం అంది.

ఇప్పుడు మా వాడి పరిస్థితి ఏమిటి అంటారు డాక్టర్.. శ్రీకర్ అడిగిన దానికి సౌమ్య కొట్టేలాగా చూస్తుంది.  అదేంటి డాక్టర్.. సమాధానం చెప్పకుండా నన్ను తినేసేలాగా చూస్తున్నారు.

ఇది ఒక ప్రశ్న..   అవును డాక్టర్.  సమాధానం తెలుసా తెలియదా..  తెలిస్తే ఏమిటి..  తెలియకపోతే ఎందుకు తెలియదు.

సౌమ్య ఒక్క నిమిషం ఆలోచించి... నవ్వుతూ రేపు ఆ అమ్మాయిని, అబ్బాయిని మా హాస్పిటల్ కి తీసుకురండి.
మా డీన్ తో మాట్లాడి స్పెషల్ కౌన్సెలింగ్ ఇప్పిస్తే...ఆ అమ్మాయి భయం అన్న పదాన్ని వదిలేస్తుంది సరేనా.

శ్రీకర్ రెస్పాన్స్..
కథ కొనసాగుతుంది..

