పాణిగ్రహణం

[SivaSai]

Part - 20

ఈరోజు షాప్ లో ఇద్దరు ఫ్రెండ్స్ ని చూశాము.  ఒక అమ్మాయి కామ్ గోయింగ్.  రెండు అమ్మాయి మన చందు లాగా  స్పీడ్.

ఫ్రెండ్ ని భయపెట్టి బెదిరించి మరీ డ్రెస్సెస్ కొన్నది తెలుసా... వాళ్ళ ఫ్రెండ్షిప్ చూస్తే భలే ముచ్చటగా అనిపించింది.

అవునా ఈరోజుల్లో కూడా అంత ఇన్నోసెంట్ అమ్మాయిలు  ఉన్నారా...
చాలా తక్కువ మాట్లాడుతుంది. ఏది అడిగినా ఒక చిన్న స్మైల్ మాత్రమే ఈరోజు కాలేజీలో మాకు తగిలిన క్యాండెట్ కూడా అంతే...

కాలేజ్,  రెస్టారెంట్లో వర్క్,  ఇల్లు. ఇది తప్ప వేరేది తెలియదు.  చదువుకుంటేనే జాబ్ చేస్తుందా.. అవును నీకు ఒక ఇన్స్టంట్ చెప్పనా..

మేము రెస్టారెంట్లో ఫుడ్ టేస్ట్ చూస్తుంటే.. అన్నయ్య దగ్గర డబ్బులు లేవేమో అనుకుని నేను పే చేస్తాను మీరు వెళ్ళండి అని చెప్పింది.

లేడీస్ అందరూ వైభవ్ చెప్పింది వింటూ అదేంట్రా అమ్మాయి అలా ఇచ్చేస్తే..  డబ్బులు ఏం మిగులుతాయి. అందుకే అన్నయ్య.. పెదనాన్న పేరు చెప్పి ఆ అమ్మాయి శాలరీని పెంచాడు.

ఫాదర్ లేడంట..  మదర్ ని తనే చూసుకుంటుంది. వాళ్ళ మదర్ కొంచెం మెంటల్ గా డిస్టర్బ్ అయ్యారు.    ఆ అమ్మాయి..  అమ్మాయి అంటున్నావు.. పేరేమీ లేదా అని లలిత అడిగితే...

ఎందుకు లేదు నానమ్మ.  పేరు కూడా చాలా బాగుంది. ఒక నిమిషం ఆలోచించి... వి మీద స్టార్ట్ అవుతుంది.  వన్ మినిట్ అని ఫోన్ ఓపెన్ చేసి నేమ్ చూసి విశిష్ట అంటాడు.

చందు గట్టిగా ఏమన్నావు..  ఎందుకే ప్రతి దానికి అలా అరుస్తావు. మెల్లిగా అడగలేవా..  అబ్బా ముందు పేరు చెప్పు వైభవ్.

విశిష్ట..  ఆ అమ్మాయి ఫ్రెండ్ పేరు భవ్యనా... అవును మీకెలా తెలుసు..  మాకు షాపింగ్ లో కనిపించింది కూడా వాళ్ళిద్దరే...

మొత్తానికి వాళ్ళిద్దరూ మన ఫ్యామిలీకి మంచి ఫ్రెండ్స్ అయిపోయారు అన్నమాట..  ఏమంటావు అన్నయ్య అని సూర్యని అడుగుతాడు.  చిన్నగా నవ్వి ఊరుకుంటాడు.

చందు బాయ్ చెప్పి ఇంటికి వెళ్ళిపోతుంది. ఆరోజు నైట్ డిన్నర్ చేస్తూ కూడా అందరూ విశి గురించే మాట్లాడుకుంటూ ఉంటారు.

విక్రమ్ సూర్య ని చూస్తూ.. వాళ్ళ మదర్ కి మన హాస్పిటల్ తరఫున ట్రీట్మెంట్ అంతా ఫ్రీగా చూడు. ఒక ఆడపిల్ల అంత కష్టపడుతుంది అంటే... మనం వీలయినంత సహాయంచేయాలి.

ఆల్రెడీ అన్నయ్య చేశాడు పెదనాన్న.. శాలరీ ఇంక్రీస్ చేశాడు. అమ్మాయికి సెల్ఫ్ రెస్పెక్ట్ చాలా ఎక్కువ.  ఫ్రీగా ఇస్తే ఏది తీసుకోదు.

అచ్చు మీ పెద్దమ్మలాగా అన్నమాట.. ఇప్పుడు నా విషయం ఎందుకులే.. అరే నీ టాలెంట్ ఏమన్నా తక్కువ... పెళ్లికి ముందు ఎంత హార్డ్ వర్క్ చేసావు. 

నీ కష్టాన్ని ఏ రోజు నువ్వు పెదవి దాటనివ్వలేదు. ఇప్పుడు ఆ అమ్మాయి కూడా అలాగే ఉంది. కుదిరినప్పుడు ఒకసారి మన ఇంటికి తీసుకురండి రా...  చూద్దాం.. తప్పకుండా మావయ్య అని సౌమ్య సమాధానం చెబుతుంది.

డిన్నర్ అయిన తర్వాత సూర్య  గదిలోకి వెళ్లి మంచం మీద పడుకుని రోజు లాగానే ఉంగరాన్ని చూస్తూ కబుర్లు చెబుతూ ఉంటాడు.

చూసావా క్యూటి..  విశిష్ట కి  సేల్ రెస్పెక్ట్ ఎక్కువ అంట... నిజంగానే ఎక్కువ..  ఎంత కష్టపడుతున్నా సరే పెదవుల మీద చిరునవ్వు చెరగనివ్వడం లేదు.

ఆ అమ్మాయిని ఎందుకో రోజూ చూడాలనిపిస్తుంది. ఎందుకంటావు... నువ్వు అలగకు.  ఎవరైనా నీ తర్వాతే..  కానీ ఆ అమ్మాయిలో సంథింగ్ స్పెషల్ ఉంది. ఫ్రెండ్షిప్ చేయాలి ఇంకా ఏదో మాట్లాడాలి అనిపిస్తుంది .

చూద్దాం రేపు మళ్లీ కాలేజీకి వెళ్తాను కదా...
నెక్స్ట్ రోజు సూర్య మంచి హుషారుగా రెడీ అయ్యి శ్రీకర్ కి మెసేజ్ చేసే ఒక్కడే కాలేజ్ కి వెళ్తాడు.

భవ్య దగ్గరికెళ్ళి హాయ్ అంటాడు.  హాయ్... మీరు ఏంటి.. చెప్పాను కదా..  జాబ్ కి అప్లై చేశాను అని.. వచ్చిందా.. ఆల్మోస్ట్ ఓకే అయినట్టే...

మీ ఫ్రెండ్ ఏంటి ఇంకా రాలేదా..  దాని గురించి ఏం చెబుతారులే... ఏమయింది...

ఈ మంత్ ఆంటీ కి అని ఆపేస్తుంది.  పరవాలేదు చెప్పండి. నా ఫ్రెండ్ విషయం మీకు ఎలా చెప్పగలను.. మీ ఫ్రెండ్ ని చూస్తే రెస్పెక్ట్ ఇవ్వాలి అనిపిస్తుంది.

ఈ వయసులోనే ఇంత హార్డ్ వర్క్ చేస్తుంది అంటే దాని వెనక చాలా బలమైన కారణాలే ఉండొచ్చు..  మీ ఫ్రెండ్ గురించి తెలిస్తే నా వలన అయ్యే సహాయం చేస్తాను.

మీ మాటలు వింటూ ఉంటే నమ్మొచ్చు అనిపిస్తుంది కానీ ప్రస్తుతపు రోజుల్లో ఎవరిని నమ్మలేకపోతున్నాము. మీరన్నది కూడా నిజమేలే...

మీకు ఎప్పుడు చెప్పాలి అనిపిస్తే అప్పుడే చెప్పండి. నా ఫ్రెండ్స్ చాలామంది ఉన్నారు. జాబ్ రిక్వైర్మెంట్ కావాలి అన్నా ఒక మాట చెప్పండి.  నేను అరేంజ్ చేస్తాను.

థాంక్యూ దేవాగారు. ఈ మాత్రం సపోర్ట్ ఇస్తే చాలు. మా బంగారాన్ని ఆ ఉచ్చు నుంచి బయటికి లాగేస్తాను .

ఉచ్చు ఏమిటి అని కంగారుగా అడుగుతాడు.. అబ్బా మళ్లీ నోరు జారానా అనుకోని... ఏమి లేదు అని మాట దాటేస్తుంది.

ప్లీజ్ భవ్య నన్ను ఒక ఫ్రెండ్ గా అనుకుని చెప్పు..  ఎందుకో విశిష్ట బాధపడుతూ ఉంటే చూడలేకపోతున్నాను. అది ఇది అని నేను చెప్పలేను.

రెస్టారెంట్ లో చూసినప్పుడే అనిపించింది ఎప్పటినుంచో పరిచయం ఉంది అని.  మీరిద్దరూ ఎప్పుడు కలిశారు. ఓ నీ ఫ్రెండ్ ఈ విషయం చెప్పలేదా... అని జరిగింది చెబుతాడు.

అవునా ఇంత జరిగిందా..  రాక్షసి ఒక్క ముక్క చెప్పలేదు.  అయినా ఒకళ్ళ విషయాలు ఇంకొకరి దగ్గర అసలు మాట్లాడదు. అంత టైం కూడా ఉండదు అనుకోండి..

ఇప్పుడు నా గురించి కొంచెం అయినా నీకు తెలిసే ఉంటుంది కదా... చెబుతాను గాని.. విశి గురించి ఎప్పుడూ తప్పుగా అనుకోవద్దు.  అలాగే ఎవరి దగ్గర మాట్లాడొద్దు.. అలా అని మీరు మాటిస్తేనే నేను మీకు చెబుతాను.

ప్రపంచంలో అందరికన్నా ఎక్కువ మా అమ్మ. మా అమ్మ సాక్షిగా చెబుతున్నాను విశికి  ఎప్పుడు ఎలాంటి ఇబ్బంది రానివ్వను.

భవ్య విశి గురించి చెప్పడం మొదలు పెడుతుంది .

విశి వాళ్ల పేరెంట్స్ కి ఒక్కతే కూతురు.  చాలా గారాబంగా పెంచారు. వాళ్ల నాన్నగారికి అయితే  మరి అపురూపం.

ఇంజనీరింగ్  ఈ కాలేజీలో సీటు వచ్చింది అని ఫ్యామిలీ మొత్తం హైదరాబాదు షిఫ్ట్ అయ్యారు.. ఆంటీ, విశి ఇక్కడ ఉంటే అంకుల్ ఊరు వెళ్లి అక్కడ చెక్కబెట్టుకుని తిరుగుతూ ఉండేవారు.

విశి  హాస్టల్ లో జాయిన్ అవుతాను అన్నా సరే ఒప్పుకోలేదు. వాళ్ళ నాన్నగారు ఉన్నన్ని రోజులు కష్టమంటే ఏమిటో తెలియదు.

విశి ప్రపంచమంతా చదువు, పేరెంట్స్ మాత్రమే...
విలేజ్ వాతావరణం నుంచి వచ్చింది కదా ఇక్కడ అంతా కొత్త కొత్తగా ఉండి.. చాలా భయపడిపోయేది.

అంకుల్ అయితే విశి అలవాటు పడేవరకు మార్నింగ్ నుంచి ఈవినింగ్ దాకా కాలేజీలోనే ఉండిపోయేవారు.   
మేమిద్దరం బెంచ్ మేట్స్ అవడం వలన మెల్లిగా మా ఇద్దరి మధ్య ఫ్రెండ్షిప్ మొదలైంది.

సెకండ్ ఇయర్ లోకి వచ్చేటప్పటికి చంద్రగ్రహణం పట్టినట్టు ఆ గౌతమ్ గాడు ఎంటర్ అయ్యాడు.

గౌతమ్ అని సూర్య కళ్ళు చిన్నవి చేసి అడిగితే....

మన కాలేజీలోనే ఎంబీఏ ఫైనల్ ఇయర్..
  విశి నీ చూసి ఫ్లాట్ అయ్యి వెనకాలే పడ్డాడు. దగ్గర కూడా రానిచ్చేది కాదు.
ఆ గౌతమ్ కి అర్థమయ్యింది. విశి అందరిలాంటి అమ్మాయి కాదు... నీట్ గా డీల్ చెయ్యాలి అని ప్రేమ పాట మొదలుపెట్టాడు.

వాడికి ఉన్న స్టేటస్ మొత్తం విశి ముందు చూపించడం స్టార్ట్ చేశాడు.  విశి అలాంటి వాటికి లొంగేరే కాదు.

స్టడీస్ లో టాపర్ అని తెలుసుకున్నాడు.  మెల్లిగా సబ్జెక్టు గురించి మాట్లాడుతూ ఫ్రెండ్షిప్ చేయడం స్టార్ట్ చేశాడు.

థర్డ్ ఇయర్ స్టార్టింగ్లో అనుకోకుండా వాళ్ళ నాన్నగారికి యాక్సిడెంట్  అయ్యి అందరికీ దూరమయ్యారు.

అప్పటివరకు కష్టం అంటే ఏమిటో..  ప్రపంచం ఎలా ఉంటుందో తెలియని విశి బయటకి రావాల్సి వచ్చింది. అంకుల్ అకాలమరణం... ఆంటీ ని బాగా కృంగదీసింది. మెంటల్ గా బాగా డిస్టర్బ్ అయిపోయారు.   

ఊర్లో ఉన్న పొలాలు గురించి గానీ ఆస్తులు గురించి గానీ విశికి ఏమి తెలియదు. ఇంకేముంది చుట్టాలు రాబందులుగా అప్పులు చూపించారు.

ఆ టైంలోనే గౌతమ్ ఇంకా ప్రేమను వలకబోస్తూ  నీకు నేనున్నాను అని అడ్వాంటేజ్ తీసుకోబోయాడు.

నాకు మొదటిది నుంచి వాడి మీద అనుమానమే.. అందుకే ఎప్పటికప్పుడు విశిని హెచ్చరిస్తూనే ఉన్నాను.
ఏదైనా జాబ్ చూడు..  అమ్మని చూసుకోవాలి అని గౌతమ్ ని  రిక్వెస్ట్ చేసింది.

విశి టాలెంట్ వాడికి ముందే తెలుసు.  అందుకనే వాడి కన్స్ట్రక్షన్ కి సంబంధించిన వర్క్ మొత్తం ఈ పిచ్చిదానితో చేయిపిస్తూ మినిమం శాలరీ ఇస్తూ... ఇంకా డెవలప్ అవ్వాలి.

నాకు నువ్వంటే చాలా ఇష్టం అందుకే నీ వర్క్ సాటిస్ఫాక్షన్ లేకపోయినా మనీ ఇస్తున్నాను అని  ఏదో కహానీలు చెప్పేవాడు.

ఈ పిచ్చిది అదే నిజం అనుకుంటుంది. నేను ఎన్నిసార్లు చెప్పినా... నాకు అవసరమైన టైమ్ లో ఆదుకుంటున్నాడు.

స్టడీస్ కంప్లీట్ అవ్వకుండా ఎవరూ జాబ్ ఇవ్వరు కదా.. గౌతమ్ ఈ మాత్రమైన హెల్ప్ చేస్తున్నాడు అని వెనకేసుకువస్తుంది.

అది విశి కథ...

సూర్య ఆలోచిస్తూ ఉంటాడు.  ఏమైంది సార్ అంత దీర్ఘంగా ఆలోచిస్తున్నారు.

విశి చేసిన వర్క్ ఏదైనా నీ దగ్గర ఉందా.. ఒరిజినల్స్ అన్ని దాని లాప్టాప్ లోనే ఉంటాయి. ఒక్క నిమిషం అని లాప్టాప్ ఓపెన్ చేసి చూపిస్తుంది.

నాకు ఒకసారి ఈ ప్రింట్ పంపించింది అని చూపిస్తుంది. అది చూస్తే సూర్య   చాలా ఇంప్రెస్ అవుతాడు. వర్క్ చాలా బాగుంది.

ఇంకా స్టడీస్ కంప్లీట్ అవ్వకుండానే ఇంత టాలెంట్ చూపిస్తుంది అంటే తన ఫ్యూచర్ సూపర్ అంటాడు.  కదా.. నేను అదే చెబుతాను.

  వేరే చోట మరి ట్రై చేయొచ్చు  కదా..
స్టడీస్ అవ్వలేదు. అలా ట్రై చేస్తే గౌతమ్ కి తెలిస్తే ఈ జాబ్ కూడా ఉండదు.  ఆంటీ ట్రీట్మెంట్ కి ఇబ్బంది అవుతుంది అని ఆ ఈ వేస్ట్ ఫెలో గాడు ఎంత ఇస్తే అంతే తీసుకుంటుంది.

సూర్య రియాక్షన్...

కథ కొనసాగుతుంది...