బృందావనం

[SivaSai]

Part - 55

భర్త అసహ్యాన్ని చూసి అనసూయ తట్టుకోలేకపోతుంది. వెంటనే తన గదిలోకి వెళ్లి తలుపులు వేసుకొని..
ఆతలుపుకే జారబడి కూర్చొని ఎక్కి ఎక్కి ఏడుస్తుంది. నేను చాలా పెద్ద తప్పు చేశాను. క్షమించలేని పాపం
అది.

ఒక తల్లికి కడుపు కోత మిగిల్చాను. అందుకే ఎదురుగుండానే నా బిడ్డలు ఉన్నా సరే దగ్గరికి వెళ్లి అక్కున
చేర్చుకోలేకపోతున్నాను అని ఏడుస్తారు.

మర్నాడు ఉదయమే సూర్యోదయం అవ్వకముందే శాంభవి రెడీ అయిపోతుంది. హాల్లోకి వచ్చి దేవేంద్ర
గారి కోసం చూస్తూ ఉంటే రుద్ర కూడా అక్కడికి వస్తాడు.

శాంభవిని అలా చూసి మైమరిచిపోతాడు. తనకు తెలియకుండానే అడుగులో అడుగు వేసుకుంటూ
శాంభవికి దగ్గరగా వెళ్ళిపోతాడు.

తన మెడ దగ్గర తగిలే వెచ్చని గాలికి ఉలిక్కిపడి వెనక్కి తిరుగుతుంది. రుద్రని చూసి ఒక అడుగు వెనక్కి
వేసి స్లిప్ అయ్యి పడబోతుంటే హే.. జాగ్రత్త అని నడుం చుట్టూ చేయి వేసి పట్టుకుంటాడు.

ఒక భంగిమలో ఉన్న శాంభవి నడుము రుద్ర చేతుల్లో చిక్కుకుంటుంది. ఎంతసేపు ఆపోజిషన్లో ఉన్నారో.
ఇద్దరూ ఒకరి కళ్ళల్లోకి ఒకరు చూసుకుంటూ ఉండిపోతారు.

దేవేంద్ర గారు వచ్చి వెళదామా అనగానే.. వెంటనే చేరుకొని హా... మామ. శాంభవిని సరిగ్గా నిలబెట్టి
కొంచెం ముందు వెనక చూసుకో అని చెప్పి స్పీడ్ గా అడుగులు ముందుకు వేస్తాడు.

శాంభవి కోపంగా రుద్రవైపు చూస్తూ నన్ను భయపెట్టి ఇప్పుడు మళ్ళీ ఎలా అంటున్నాడో అనుకుంటూ
దేవేంద్ర గారి వైపు చూసి పదండి అంకుల్ అంటుంది.

ఏమైందమ్మా అలా కోపంగా ఉన్నావు అని తల మీద చెయ్యి వేసి అడిగితే... మీ మేనల్లుడికి అస్తమాను
నన్ను భయపెట్టడమే పెద్ద పని.
 నన్ను భయపెట్టి మళ్లీ నా మీదే కోప్పడతాడు అని కంప్లైంట్ చేస్తోంది.
ఆ మాటకి నవ్వుతూ రుద్ర ప్రేమని అర్ధం చేసుకోవాలి అంటే మనకి చాలా ఓపిక కావాలి.
 వాడి ప్రేమఆనంతం.
 వాడి కోపం ప్రళయం.
వాడి ప్రేమ అర్థం అయితే మన అంత అదృష్టవంతులే ఈ భూమి మీద ఉండరు తల్లి. అర్థంచేసుకోవడానికి ప్రయత్నించు అని చెప్పి కారు దగ్గరికి తీసుకు వస్తారు.

అప్పటికే డ్రైవింగ్ సీట్లో రుద్ర కూర్చొంటే... పక్క సీట్లో దేవేంద్ర గారు కూర్చుంటారు. వెనక సీట్లో శాంభవి
కూర్చుంటుంది.

రుద్ర కార్ స్టార్ట్ చేసి బృందావనం దాటిస్తాడు. శాంభవి దారి పొడుగు అంతా గుడి గురించి అడుగుతూనే
ఉంటుంది.

దేవేంద్ర గారి ఓపిగ్గా చెబుతూనే ఉంటారు. రుద్ర ఉన్న సంగతి మర్చిపోయి ఇద్దరు కబుర్లో పడిపోతారు.
అది చూసిన రుద్ర కి విసుగువచ్చి పక్కన నేనొక్కడినే ఉన్నాను.

ఆ సంగతి బాబు కూతురుకి అర్థం అవుతుందా అని అడుగుతాడు.. ఆ మాటకి శాంభవి ఏంటి అని
అడుగుతుంది.

అదే నేను అడుగుతున్నాను. పక్కన నీకు కాబోయే వాడు ఉన్నాడు. 
వాడిని కూడా కలుపుకోవాలని
లేకుండా బాబు కూతురు ఇద్దరు మాటలో పడిపోతే ఎలాగా అని కొంచెం కోపంగా అడుగుతాడు.


రుద్ర కోపాన్ని ఎంజాయ్ చేస్తూ.. అయ్యో మీరు డ్రైవింగ్ లో ఉన్నారు కదా.. మిమ్మల్ని డిస్టర్స్ చేయడం.
ఎందుకు అని నేను అంకుల్ మాట్లాడుకుంటున్నాము అంతే.

అంతే కదా అంకుల్ అని కన్ను కొడుతుంది. దేవేంద్ర కూడా అంతే కదరా అంటే.. ఓహె... మీ అమ్మాయి
వచ్చేటప్పటికి మేనల్లుడిని పక్కన పెడుతున్నావా చిన్న మామ అని కొంచెం ఉక్రోషంగానే అడుగుతాడు.

రుద్ర ఉడుక్కోవడం చూసి దేవేంద్ర గారు నవ్వుతూ ఒరేయ్ ఆడపిల్ల లాగా ఆ ఉడుక్కోవడం ఏమిటిరా
అని అడుగుతారు.

దానికి రుద్ర ఇది ఉడుక్కోవడం కాదు మామ. నన్ను కలుపుకోవడం లేదు అని అడుగుతున్నాను. ఏదైనా
అదే అర్థంలే కానీ..

ఇంకా గుడికి వెళ్లడానికి ఎంత టైం పడుతుంది. ఇంకా ఐదు నిమిషాల్లో వెళ్ళిపోతాము అని చెబుతాడు.
దేవేంద్ర సైలెంట్ అయిపోతారు.

అది చూసిన శాంభవి ఏమైంది అంకుల్. ఇప్పుడు దాకా బాగానే ఉన్నారు కదా... మొట్టమొదటిసారిగా నా భార్యని ఈ గుడిలోనే చూశాను అని చెబుతారు.

రుద్ర కూడా సైలెంట్ అయిపోయి మామ వంక చూస్తాడు. వెంటనే ఆయన సర్దుకుని.. ఐయామ్ ఓకే అని
చెబుతారు. మీది లవ్ మ్యారేజ్ కదా అని అడుగుతుంది.

అవును. తను నిత్యం అమ్మవారి పూజలోనే ఉండేది. ప్రతి మనిషిలోనూ మంచినే చూసేది. ఆ మనసుకే
నేను ఇప్పటికీ ఎడిక్ట్ అయిపోయాను .

భార్య గురించి చెబుతూ తనను తానే మరిచిపోతారు. ఇంతలో రుద్ర కార్ బ్రేక్ వేస్తాడు.. ఏమైందిరా అంటే
గుడి వచ్చేసింది మామ అని చెబుతాడు.

సరే అని కారు దిగి రా తల్లి అని శాంభవి వైపుకు వచ్చి డోర్ తీస్తారు. రుద్ర కూడా కారు పార్క్ చేసి వాళ్ళిద్దరి
దగ్గరికి వస్తాడు.

అప్పుడే గుడి తెరుస్తూ ఉంటారు. భక్తులు కూడ పలచగానే ఉంటారు. గుడిని చూసిన శాంభవి ఇది చాలా
పురాతనమైన గుడి లాగా ఉంది కానీ... చాలా బాగుంది అంకుల్.

అవును తల్లి చాలా ప్రశాంతంగా కూడా ఉంటుంది. రా తల్లి అని చెయ్యి పట్టుకుని
తీసుకొ
వెళుతూ ఉంటారు. ఉండు మామ.. నేను వస్తున్నాను...

శాంభవి ఇంకొక చేయిని రుద్రా పట్టుకుంటాడు. శాంభవి ఉలిక్కిపడి తన చెయ్యి వైపు చూసి రుద్రవైపు
చూస్తుంది. ఏంటి అన్నట్టు కళ్ళు ఎగిరేస్తాడు. ఏంటిది అన్నట్టు కళ్ళతోనే చూపిస్తుంది.

నా భార్య చెయ్యి నేను పట్టుకున్నాను తప్పేంటి అని చిన్నగా అడుగుతాడు. మనకు ఇంకా పెళ్లి కాలేదు.
అది అర్థమవుతుందా అంటే....

ఎలాగు అయిపోతుంది కదా.. నీకు ఒక విషయం తెలుసా
ఈ గుడిలోకి దంపతులుగా కాలు పెడితే ఎప్పటికీ ఆ బంధం అలాగే నిలిచిపోతుందంట.

ఓ.. ఇది ఎవరు చెప్పారు అని వెటకారంగా అడుగుతుంది. నేనే చెబుతున్నాను అంటాడు. నాకు తెలుసు
ఇలాంటివి అన్ని మీరే కనిపెడతారని.

ముందు చెయ్యి వదలండి. అంకుల్ చూస్తున్నారు అంటే.. ఏమి అనుకోరు పద. ఇంకా ఎక్కువ చేసావ్
అమరో యం చుటూ చెయ్యి వేసి దగ్గరికి తాము ని మరి తీసుకువెళ్తాను అంటారు.

అనుకో.. భుజం చుట్టూ చెయ్యి వేసి దగ్గరికి లాక్కుని మరి తీసుకువెళ్తాను అంటాడు.
రుద్ర చేసినా చేస్తాడు అనుకుని సైలెంట్ గా నడుస్తుంది.
 తండ్రి కాబోయే భర్త మధ్యలో నడిచి వస్తున్న శాంభవిని గుడిలో ఉన్న పెద్దాయన చూస్తూ ఉంటారు.

కళ్ళకి నీటి చెమ్మ అడ్డుపడుతుంటే తుడుచుకొని మరి శాంభవి వైపే చూస్తూ ఉంటారు.
అక్కడే కూర్చుని ఉన్న భార్యని పిలిచి శాంభవి వైపు చూపిస్తారు. ఆవిడ కూడా శాంభవిని చూసి కళ్ళు తుడుచుకుంటారు.

దేవేంద్ర శాంభవిని ఆ పెద్దాయన ముందుకు తీసుకువచ్చి నమస్కారం చేస్తారు. ఆయన కూడా ప్రతి
నమస్కారం చేయగానే....

నా మేనల్లుడు రుద్ర. తనకి కాబోయే భార్య శాంభవి అని పరిచయం చేస్తారు. ఆ మాటకి ఆ పెద్దాయన
దేవేంద్ర వైపు చూస్తారు. దేవేంద్ర కళ్ళల్లో కూడా నీటి చెమ్మ కనపడుతుంది.

శాంభవి వైపు తిరిగి ఈ పెద్ద వాళ్ల దగ్గర ఆశీర్వాదం తీసుకో తల్లి. వీళ్ళ ఆశీర్వాదం తల్లి స్పర్శ కన్నా
గొప్పది. ఆ అమ్మే దిగివచ్చి ఆశీర్వదించినట్టే అని చెబుతారు.

శాంభవి సరే అని చెప్పి ఆ పెద్ద వాళ్ళు ఇద్దరు కాళ్ళకి నమస్కారం చేస్తుంది. రుద్ర కూడా శాంభవితో
కలిసి ఇద్దరి దగ్గర ఆశీర్వాదం తీసుకుంటాడు.

శాంభవి పెద్దవాళ్ళు ఇద్దరు పాదాలు తాకగానే ఏదో ఆత్మీయమైన వాళ్లని తాకినట్టుగా అనుభూతి
చెందుతుంది.

పెద్ద వాళ్ళిద్దరికీ కూడా శాంభవి ని ఆశీర్వదించి భుజాల మీద చెయ్యి వేసి పైకి లేపుతారు. వెంటనే ఆ
పెద్దావిడ దగ్గరికి హత్తుకుని కౌగిలించుకుని కన్నీళ్లు పెట్టుకుంటారు.

కన్నీళ్లు శాంభవి భుజం పైన పడతాయి. ఏమైంది అని శాంభవి పెద్దవిడి వైపు చూస్తుంది. అయ్యో.
అమ్మమ్మ గారు ఎందుకు ఇలాగ కన్నీళ్లు పెట్టుకుంటున్నారు అని కన్నీళ్లు తుడుస్తోంది.

శాంభవి చెయ్యి చేతితో పట్టుకుని ముద్దు పెట్టుకుని. ఏమీ లేదు తల్లి నిన్ను చూస్తుంటే దూరమైపోయిన
నా కూతురు గుర్తుకు వచ్చింది అంతే అని చెబుతారు.

దేవేంద్ర తో మాట్లాడాలి అని శాంభవి, రుద్రాకీ కోనేటిలో నుంచి నీళ్లు తెచ్చి చెట్టు కింద ఉన్న నాగేంద్రుడికి అభిషేకం చేయమని చెబుతారు.

సరే అని చెప్పి వాళ్ళిద్దరూ వెళ్లగానే.. దేవేంద్ర వైపు తిరిగి ఏమిటిది.. మేనల్లుడు భార్య అని
చెబుతున్నావు. మీకు నిన్ననే చెప్పాను కదా...

నా కూతురికి నేనే తండ్రి అని తెలియదు. తను చాలా ఉన్నతమైన విలువల కలిగినా కుటుంబంలో
పెరిగింది. అపురూపం వాళ్లకి.

కుటుంబం మొత్తం ప్రాణాలు అన్నీ శాంభవి పైనే ఉన్నాయి. ఇప్పుడు నేను తనకి తండ్రిని అని చెప్పినా...
వాళ్లు తన సొంత తల్లిదండ్రులు కాదని చెప్పిన ఎవరూ తట్టుకోలేరు.

అందుకే ముందుగా రుద్రతో పెళ్లి జరిపించి మెల్లిగా నా కూతురికి దగ్గర అయిన తరువాత విషయం.
చెప్పాలి అనుకుంటున్నాను అని బాధగా అంటాడు.

దేవేంద్ర భుజం మీద చెయ్యి వేసి కుతురు దూరం అయితే ఆ బాధ ఎలా ఉంటుందో మాకు తెలుసు.
 నీకు
ఇక ఎదురుగుండా కూతురి ఉన్న సరే. నాన్న అని పిలిపించుకోలేకపోతున్నావు అని
బాధపడతారు.

మీకు మీ అమ్మాయిని దూరం చేసిన పాపం ఊరికే పోదు కదా మాపయ్య అంటే.. అందులో నీ తప్పు.
ఏముంది. విధిని ఎవరు ఎదిరించగలరు దేవేంద్ర అని దంపతులిద్దరూ బాధపడతారు.

ఈలోపు అభిషేకం పూర్తి చేసి వచ్చిన శాంభవితో అమ్మవారికి దగ్గరుండి పంచామృతాలతో అభిషేకం
చేపించి కుంకుమ పూజ చేపిస్తారు.

ఆ కుంకము శాంభవికి ఇచ్చే రోజు పెట్టుకో తల్లి. అప్పుడప్పుడు వచ్చి ఈ పెద్ద వాళ్ళిద్దరికీ కనిపించు అని
చెబుతారు.

తప్పకుండా అమ్మమ్మ అనగానే.. ఒక్క నిమిషం అని చెప్పి గబగబా వెళ్లి శాంభవి కోసం తెచ్చిన చీర,
పసుపు కుంకుమ గాజులు అన్ని కలిపి శాంభవికి పెడతారు.

ఇప్పుడు ఇవన్నీ ఎందుకు అమ్మమ్మ.. మొదటిసారి నా మనవరాలు నా దగ్గరికి వచ్చింది. నోరార అమ్మమ్మ
అని పిలిచింది.

ఉత్తి చేతులతో ఈ మనవరాలను ఎలా పంపిస్తా అని చెప్పి... ఏదో మా తాహతుకు తగ్గట్టుగా తీసుకున్నాను.
తీసుకో తల్లి.

శాంభవి ఆవిడని ఎత్తుకొని ప్రేమ దగ్గర తాహతులు ఉండవు అమ్మమ్మ అని చెబుతుంది. అంతా కూతురికి
ఉన్న గొప్ప మనసే కనిపిస్తూ ఉంటే.. నుదుటిన ముద్దు పెట్టుకుని నీ మనసు చాలా గొప్పది తల్లి.

ఎలాంటి పరిస్థితుల్లోనైనా సరే నీ పెనిమిటి చెయ్యి వదలకు. రుద్ర చేతుల్లో చేయి పెట్టి రుద్రవైపు తిరిగి..
శాంభవి ఉత్తీ అమాయకురాలు.

పరిస్థితులు ఏమైనా రాని.. ఎలాంటి దుష్టశక్తులు రాని.. ఎత్తై పరిస్థితుల్లోనూ నా మనవరాలు చెయ్యి
వదిలిపెట్టదు అని కన్నీళ్లు పెట్టుకుంటారు.

వెంటనే రుద్ర ఆవిడ కన్నీళ్లు తుడిచి మీరు ఎక్కువ ఆలోచించకండి మామ్మగారు.. శాంభవి నా ప్రాణం.
ఎట్టి పరిస్థితుల్లోనూ కూడా శాంభవిని బాధ పెట్టను. వదలను.

ఇది నేను మీకు ఇస్తున్న మాట అని చెబుతాడు. చాలు బాబు. ఈ వృద్ధ దంపతులకు ఇంతకన్నాకావాల్సిందేమీ లేదు అని చెప్పి సాగనంపుతారు.