Thriller శక్తి ఆగమనం - 13 క్లైమాక్స్

[k3vv3]

ఆ క్షణం నాకు అర్ధం అయ్యింది ఎంత పెద్ద తప్పు చేశానో ఇంక ఒక్కటే ఆలోచన వెంటనే వారి వివాహం జరిపించాలి అని ఆలయం లోకి ప్రవేశించాను
అక్కడి కుంకుమ దేవకీ నుదుట జేయధేవు పెట్టాడు తాళి కట్టమని పసుపు తాడు అతడికి అందించి ఆశీర్వదిస్తూ ఉంటే
బావ దేవకీ మెడలో తాళి కట్ట బోయాడు అంతలో ఊరి జనం కాగడాలు చేత పుచ్చుకుని ఆలయం చుట్టూ చేరుకుని బావ చేతిలో తాళి లాక్కుని విసిరేశారు
ఒక్కసారిగా అంతా గందరగోళం నెలకొంది
ఆ జంటని విడతియ వద్దు అని ఎంతో వేడుకున్నాను
ఎవ్వరూ నా మాట వినలేదు
నన్ను కొట్టి పక్కకు నెట్టేసి
దేవకీ జుట్టు పట్టుకుని ఆలయం బైటకు లాక్కుని పోయారు.
జేయదేవు అడ్డుకుంటూ ఉంటే అతడ్ని దారుణం గా కొట్టారు
ఊరి ప్రజలు అంతా దేవకీ నీ నిందిస్తూ నువ్వు మార్తాండ వర్మ నీ చేసుకోక పోతే మా అందర్నీ వాడు చంపేస్తాడు అయినా నీకు జాతి హీనుడు నచ్చాడా వాడ్ని వెలేస్తే నువ్వు వాడ్ని వెతుక్కుంటూ వస్తావా ఇంక వాడ్ని వదిలేస్తే ప్రమాదం వెంటనే బావని చంపేయాలని నిర్ణయం తీసుకున్నారు
దేవకీ గట్టిగా ఏడుస్తూ వద్దు అయన్ని ఏమి చేయవద్దు మమ్మల్ని వేరు చేయొద్దు అని వేడుకుంటూ ఉంది నేను భయం గా అందర్నీ వేడుకున్నాను ఎవ్వరూ వినలేదు అంతలో మార్తాండ అక్కడికి చేరుకుని జరిగింది తెలుసుకుని అతడి బలం బలగం చూపించి బావని దేవకీ చూస్తుండగా చిత్ర హింసలు పెడుతూ తల నరికి చంపేశాడు
బావ రక్తం తో ఒళ్లంతా తడుపుకుని ఆమెను పట్టుకున్నాడు
ఊరి జనం చూస్తూ ఉన్నారే తప్ప ఎవ్వరూ అతడికి అడ్డు చెప్పలేదు దేవకీ ఎంతో బాధగా
జేయదేవా అని అరిచి గోల పెట్టింది అతడి ప్రాణం పోయింది
అన్యాయం గా అతడి ప్రాణం తీసిన మార్తాండ మీద విరుచుకు పడింది నా ప్రాణానికి ప్రాణం అయిన నా వాడిని చంపావు నీ అంతు చూస్తాను అని అక్కడి రాయిని తీసి మార్తాండ మొహం మీదికి విసిరింది అంతే అతడి దవడ వెరై పక్కకి చీలింది నెత్తురు చిమ్ముతూ భయంకరంగా ఉంది అతడి రూపం
ఊరి జనం భయం గా అరిచారు
అన్యాయంగా తమని వేరు చేసిన ఈ ఊరిని ఊరి ప్రజలనీ నేను శపిస్తున్నాను మా కన్నీళ్ళతో కలిసి కురిసిన నెత్తురు మీకు త్రాగు నీరు లేకుండా చేస్తుంది
నదులు బావులు ఎండిపోయి పచ్చటి మొక్క కూడా ఇక్కడ మొలవదు అల్లాడిపోయి జనులు భీతిల్లి ఆకలి చావులు చస్తారు పవిత్ర ప్రేమ విలువ తెలుసుకోలేని మీకు సంతోషం అనేదే ఉండదు కన్నీళ్ళతో కాలం గడుపుతారు ఇదే నా శాపం
అని శాపం పెట్టింది
గాయ పడ్డ మార్తాండ ఎంటే నువ్వు శపించేది నన్నే గాయ పరుస్తావా నిన్ను అందరి సమక్షం లో అనుభవించి నీకు మరచిపోలేని
శిక్ష వేస్తాను అని పశువు లా ఆమె మీద పడబొయాడు
తానే సర్వస్వం అనుకున్న
నా బావ విగత జివి అయ్యాడు అతడి నెత్తురు నేల మీద ప్రవహిస్తూ ఉంది భరించ లేక పోయాను
దేవకీ మీదికి వెళుతున్న
రాక్షసుడ్ని అడ్డుకోవాలి అని అమ్మవారు ఎదురుగా ఉన్న త్రిశూలం తీసుకుని వాడి వెన్నులో పొడిచాను.....
వాడి నెత్తురు అక్కడంతా చిమ్మింది అయినా వాడు దేవకీ నీ విడిచి పెట్టకుండా పట్టుకున్నాడు
ఆమె పవిత్రత కోల్పోకుండా ఉండేందుకు ఎంతో శక్తిని కూడబెట్టుకునీ మార్తాండ వర్మ నీ అక్కడ మండుతున్న మంటల్లోకి నెట్టింది
ఒళ్లంతా మంటలు అంటుకుని వాడు భయంకర ఆర్త నాదాలు చేస్తున్నాడు
ఊరి జనం భయంగా చూస్తూ ఉన్నారు ఆమె ప్రేమించిన వాడి శరీరం శిరస్సు ఒక్కటిగా చేర్చి పట్టుకుని  నా చేతిలో
త్రిశూలం తీసుకుని బలం గా పొడుచుకుని అతడి గుండెలపై పడిపోయి ప్రాణాలు విడిచింది.
ఆ జంట ప్రాణాలు గాల్లో కలిసి పోయాయి అది చూసి తట్టుకోలేక పోయాను ఆ ఆత్మలకి మాట ఇస్తు గట్టిగా అరిచి చెప్పాను
మీ ప్రేమ గెలిపించే బాధ్యత నాది మీ ప్రేమ కోసం మీరు మళ్లీ పుడతారు మిమ్మల్ని ఒక్కటి చేసి ఈ ఊరు చేసిన పాపాన్ని కడుగుతాను అంత వరకు నేను అంతం అవ్వను అమ్మ మీద ఆన.
దేవకీ ఇచ్చిన శాపం ఈ ఊరికి తప్పదు అని ఆవేదనగా చెప్పుకుంటూ ఉంటే మంటల్లో పడి చచ్చిన మార్తాండ ఆత్మ అహకారం చేస్తూ నేను ఆ జంట నీ ఎప్పటికీ ఒక్కటి కానివ్వను నీ ఆశ నెరవేరదు వాళ్ళు మళ్లీ జన్మించిన నేను వాళ్ళని వేరు చేస్తాను దేవకీ నీ అనుభవిస్తాను అనీ పిశాచి గా మారిపోయాడు
తొంబై ఏళ్లు దాటిన మీరు మళ్లీ జన్మించిన మీ జంటని వేరు చేయాలి అని మీ కుటుంబాల మధ్య అగాధం మీ తండ్రుల మధ్య అపార్థాలు ఏర్పాటు చేసి అను
నిత్యం మిమ్మల్ని వెంటాడుతు వస్తున్నాడు
నేను చేసిన తప్పుకి శిక్ష గా
మరణం అనేది లేకుండా కాళి ఆశీర్వాదం తో మీరు మరల జన్మించి మీ వివాహం జరిపించే వరకు విముక్తి అనేదే లేకుండా జీవించి మరణిస్తున్న ఈ అమరావతి కోరిక మీరు భార్యాభర్తలు కావాలి
తిరిగి ఆ ఊరిలో అడుగు పెట్టాలి శాపం విమోచనం కావాలి
అందుకే మీ వెన్నంటే ఉండి మీకు సహాయ పడుతుంది
ఈ అమరావతి మీ ప్రేమ
గెలిపించే బాధ్యత నాది ధైర్యం గా ఉండాలి అని జరిగిన విషయం అంతా చెప్పింది ఆమె....!!!
ఒక్కసారిగా ఇందు సిద్దు ఒకరిని ఒకరు చూసుకున్నారు
వారికి గత జన్మ జ్ఞాపకం జరిగిన సంఘటనలు అన్ని కళ్లముందు కదిలాయి
అంతే ఎంతో ఎమోషన్ అవుతూ ఒకరిని ఒకరు హత్తుకుని అమరావతి వైపు చూసారు
వాళ్ళకి గతం గుర్తుకు వచ్చింది
అని మార్తాండ తెలుసుకుని
ఇంకాస్త రాక్షసత్వం గా మారి వాళ్ళని కబలించే ప్రయత్నం చేస్తున్నాడు
శ్రీరామ్ శ్రావణి భయం భయం గా కళ్ళు మూసుకుని ఉన్నారు
అమరావతి కాళి నామ స్మరణం చేస్తూ ఉంది అక్కడి ఊరి ప్రజలు అమ్మవారి ఆలయం లో జ్యోతులు వెలిగించి తమ పూర్వీకులు చేసిన తప్పు కి పరిహారం గా ఇన్నేళ్ళు శాపం బారిన పడిన ఊరు బాగు పడాలి అని ఆ జంట ఒక్కటి కావాలి అని వేడుకుంటూ అమ్మకి హారతులు ఇస్తు శక్తిని పిలుస్తున్నారు.....
ఈ క్రమం లో సుడిగాలి వేగం తో ఆ జంటని ఊరిలోకి చేర్చింది అమరావతి,
సిద్దు ఇందు చేయి పట్టుకుని ఉన్నాడు వారిని అమరావతి ఆలయం లోకి విసిరింది వాళ్ళు ఆలయం లోకి చేరుకోకుండ మార్తాండ పిశాచ రూపం లో అడ్డుకుని
ఆలయానికి కొన్ని అడుగులు
దూరం లో పడేశాడు
ఒక వైపు అమరావతి
ఒకవైపు మార్తాండ నడుమ ఆ జంట భయంగా చూస్తూ ఉన్నారు
శ్రావణి శ్రీరామ్ ఆలయం లో పడ్డారు
వాళ్ళకి ఎం జరిగిందో అర్థం కాలేదు ఇందు సిద్దు కోసం చూస్తున్నారు... అంతా ధూళి కణాలు రేగి ఏమి కనిపించడం లేదు
సుడిగాలి దెయ్యం లా అలుముకుంటు ఉంది
ఊరి ప్రజలు అమ్మవారిని వేడుకోవడం చూసి ఆ ఇరువురు అమ్మనే వేడుకుని తమ స్నేహితుల ప్రేమ గెలవాలి అని పూజిస్తున్నారు....
అక్కడి వాళ్ళు ఎవరూ మార్తాండ అమరావతి నీ చూడలేదు అంతా దేవి ఆరాధన లో ఉన్నారు.....
ఎర్రటి ఎడారిగా మారిన మట్టి నేల మీద పడ్డ ఆ జంట ఒకరిని ఒకరు పట్టుకుని దుష్ట శక్తి వైపు చూసారు
మార్తాండ పిసచంగా ఉండి కూడా ఇందు గా పుట్టిన దేవకీ నీ అనుభవించి వారిని మళ్లీ వేరు చేయాలి చూస్తున్నాడు
అమరావతి అడ్డం వస్తె ఆమెను ఎంతో బలంగా విసిరి కొట్టాడు
సిద్దు వద్ద రక్ష ఉండటం తో అతడ్ని చంపకుండా మట్టిలో కూరుకు పోయేలా చేసి దేవకీ ( ఇందు ) మీదికి వెళుతున్నాడు
ఆమె కళ్ళకి జరిగిన అన్యాయం ఘోరం కనిపిస్తుంది
అతడు ఆమెను ఈ జన్మలో కూడా నాశనం చేయాలి అని ఆ దుష్ట శక్తి ప్రయత్నం చేస్తుంటే
వాడి నుండి తప్పించుకుని ఆలయం లోకి ప్రవేశించు
అంటుంది అమరావతి....
మార్తాండ అతడి శక్తిని అంతా కలగలిపి కొన్ని నిముషాలు అమరావతిని బంధించాడు
అందుకే అమే ఏమి చేయలేక పోతుంది
ఇందు ఆ దుష్ట శక్తి నీ తప్పించు కుంటు ఆలయం లో ప్రవేశించాలి అని పరుగులు పెడుతూ ఉంటే
మార్తాండ అడ్డుకుని ఆమెను నాశనం చేయడానికి చూస్తూ
హింస పెడుతున్నాడు
మట్టిలో కూరుకు పోయిన సిద్దు తన శక్తి నంతా ఉపయోగించి
బైటకు వచ్చాడు
అతడికి దూరంగా ఇందు అవస్థ పడుతు కనిపించింది
ఆ దుష్ట శక్తి చేస్తున్న దారుణం కనిపించింది
తట్టుకోలేక పోయాడు ఒక్కసారిగా శక్తిని తెచ్చుకుని జై మాతా అంటు అరిచి తాను కూరుకు పోయినా మట్టి అడుగున దొరికిన ఆయుధం అందుకున్నాడు
ఆ ఆయుధం గత జన్మలో తన శిరస్సు కండించింది
ఇప్పుడు తన ప్రేయసి నీ నాశనం చేయాలి అని చూస్తున్న వాడి నీ అంతం చేయాలి అని ఆవేశంగా పరుగులు తీస్తున్నాడు అతడు
కానీ పిశాచి నీ ఆయుధం తో చంపలేడు అతడు ,,
అందుకే ఇందు మీద పడుతున్న ఆ దుష్ట శక్తి నీ ఎన్ని సార్లు పొడిచిన ఏమి కాలేదు సరికదా వాడు వికృతంగా నవ్వుతూ
సిద్దు నీ విసిరి కొట్టాడు
అంతే సిద్దు అమ్మవారు ఆలయం ముందు పడ్డాడు
అతడు దేవి ఆలయం లో అడుగు మోపాడు
అమరావతి అమ్మా కాళీ కాపాడు అంటూ వేడుకుంటుంది
ఊరి ప్రజలు వారి స్నేహితులు
దేవీని ప్రార్ధిస్తున్నారు....
సిద్దు అమ్మ ముందుకు వెళ్లి అమ్మా కాళి కాపాడు నువ్వే మమ్మల్ని కళిపావు నీ దయ చూపు తల్లి అని ఆలయ గంట ఆపకుండా కొడుతూ ఉన్నాడు
పిచాచి చేతిలో నలిగిపోతూ
నరకం చూస్తున్న ఇందు ఇప్పుడు దేవకీ లా మారింది
ఆమెలో భయాన్ని విడిచి ధైర్యం తెచ్చుకుంది
ఓం శక్తి పరా శక్తి ఓం శక్తి పరా శక్తి అంటూ ఆపకుండా అమ్మ నామం జపిస్తూ మార్తాండ గొంతు పట్టుకుని గాల్లోకి విసిరింకొట్టింది
కింద పడ్డ ఆమె లేచి నిలుచునీ ఆలయం దిక్కు చూసి హే మాతా దుష్ట సంహారం జరగాలి
శక్తి ఆగమనం జరిగి తీరాలి
అనతి ఇవ్వు..... రా.....
శక్తి ఆగమనం తక్షణం కావాలి
అంటూ ఉగ్ర రూపం దాల్చిన
ఆది శక్తి లా ఆమె అరిచింది
ఆమె నోటి నుండి శక్తి ఆగమనం అనగానే దుష్ట శక్తి జడిసింది ఏయ్...అంటూ ఆమె మీదికి వెళుతూ ఉంది
ఆలయం లో ఒక్కసారిగా వేయి కాంతుల జ్యోతి వెలిగింది..... ఆ జ్యోతి ప్రకాశం దేవకీ పై ప్రసరించింది.......
అంతే ఆమె అపర కాళి గా మారి చేతులు చాచింది అమ్మ వద్ద ఉన్న త్రిశూలం ఆమెచేతికి వచ్చి చేరుకుంది అమ్మ చేతిలో ఉన్న.. కడ్గం....ఆమె మరో చేతికి వచ్చింది ఆ ఎడారి నెల నిప్పులు చిమ్ముతూ ఉన్నాయి
దేవకీ గా మారిన ఇందిరా....
విలయ తాండవం చేస్తున్న మహంకాళి గా మారి
భయంకర నృత్యం చేస్తూ..... దుర్మార్గపు దుష్ట శక్తి నీ
చేరుకుంది
ఆమె పై తిరగబడే ప్రయత్నం చేస్తున్నాడు మార్తాండ
అందుకు అవకాశమే ఈయక అతడ్ని తిప్పి తిప్పి గాల్లో విసిరి కింద పడకుండా ఆమె చేతిలో ఉన్న త్రిశూలం తో అతడి కడుపులో పొడిచింది
వాడికడుపులో మసి బారిన బూడిద ఉబికి వస్తూ ఆమె పై పడి అభిషేకిస్తూ ఉంటే
మరింత ఆనందంగా ఆగ్రహాన్ని పెంచుకుంటూ
తన వాడి తల నరికిన వాడి శిరస్సు మరో చితిలో ఉన్న కత్తి తో నరికింది
శరీరం నుండి వేరు అయిన
వాడి తల తెగి నెల మీద పడుతుంటే ఆమె ఖడ్గం తో అందుకుని కాళి మాత మెడలో పుర్రెగా పడేలా చేసింది
త్రిశూలాన్ని అంటి పెట్టుకొని ఉన్న వాడి మొండాన్ని గాల్లో ఆడించి బూడిద చేసి అభిషేకించుకుని..... తాండవం చేసింది
శక్తి ఆగమనం దుష్ట సంహారం చేస్తుంటే చేతులు జోడించి చూస్తుంది అమరావతి
ఆలయ లో ఉన్న వారంతా శక్తి ఆగమనం దుష్ట సంహారం కళ్ళారా చూసారు ఆ శక్తి విలయ తాండవం చేస్తూ ఆ దుష్ట శక్తి నీ అంతం చేసి వాడి బూడిద తో తడిసి తాండవం చేయడం చూసి
భయ పడ్డారు
సిద్దు జేయధేవు గా అక్కడి శక్తిని చూస్తూ మోకరిల్లి చేతులు 
జోడించి వేడుకుంటూ ఉన్నాడు అందరూ అమ్మా...శాంతి శాంతి అని వెడుకో సాగారు
ఆవహించిన శక్తి శాంతించి
చేత ఆయుధాలను విడిచి
నేలపై పడిపోయింది
ఆమెలో శక్తి మాయం అయ్యింది
అలయాన ఉన్న కాళీ మాత మెడలో దుష్ట శిరస్సు చేరుకుని
శిష్ట రక్షణ జరిగింది
ఇన్నేళ్ల తన ప్రార్థన ఫలించింది
ఇంక ఆ జంట నడుమ ఎలాంటి అడ్డంకులు ఉండవు అని అమరావతి ఆ ఇరువురిని అలయాం లోకి చేర్చింది
అమ్మ ఆశీర్వాదం తో వధువు ఒంటికి పట్టుచీర చేరుకుంది
వరుడి చేతిలో తాళి కట్టమని ఊరే వేడుకుని ఆశీర్వదిస్తూ ఉంటే
గుడి గంటలు ఆగకుండా మ్రోగుతుంటే....
వరుడు వధువు మెడలో తాళి కట్టి నల్లపూసలు వేశాడు
అందరూ అక్షింతలు జల్లి చేసిన తప్పు సరిదిద్దుకున్నారు...!!
అంతే ఒక్కసారిగా పూల వాన మొదలైంది నీటి చుక్క కరువైనా ఊరిలో ఉరుముల మెరుపుల
జడి వాన మొదలైంది....ఊరు జనం ఆనంద పర్వసులు అయ్యారు...!!
అమరావతి కోరిక నెరవేరింది
తాను విడతీసిన జంట తానే కలిపింది అన్న తృప్తి దక్కింది
దేవకీ ఇచ్చిన శాపం తొలగింది.....
ఆ జంట ఒకరిని ఒకరు
హత్తుకుని అమరావతి ఆశీర్వాదం అందుకున్నారు
ఆమె వారిని ఆశీర్వదించి
ఆ దేవిలో ఐక్యం అయ్యింది....!!?
శ్రీరామ్ శ్రావణి వారి చేతులు పట్టుకుని ఇంక మీకు ఎవరు అడ్డు చెప్పరు గ్రేట్ లవ్ స్టోరీ మీది జన్మ జన్మల బంధం మీది అంటున్నారు
ఆ జంట అవును అని అమ్మవారికి నమస్కరించారు .
అంతే క్షణం లో వాళ్ళు కాలేజ్ కెంపస్ వెలుపలి భాగంలో ఉన్నారు
వారి చుట్టూ వందల మందీ స్టూడెంట్స్ ఉన్నారు
వారి మెడలో పూల మాలలు ఉన్నాయి అమ్మాయి మెడలో నల్లపూసలు తాళి అందరి ఆశీర్వాదం అందుకుంటూ
ఉన్నారు
శ్రీరామ్ శ్రావణి ఇరువైపులా నిలుచుని ప్రేమా జిందాబాద్ అంటూ ఉంటే మిగిలిన వాళ్ళు వంత పాడారు అక్కడ ఉన్న
ఎవరికి అంత వరకు జరిగింది జ్ఞాపకం లేదు....
వారి చేతుల మీద ఉన్న త్రిశూల ముద్ర మాయం అయ్యి
వారిని పూర్తిగా ఈ జన్మకి పరిమితం చేశాయి ,,
వాళ్ళకి స్టూడెంట్స్ వివాహం చేయడం సెక్యూరిటీ ఆఫీసర్లు ఏమి చేయలేక పోవడం భూషణ్ శివరాం తట్టుకోలేక పోయారు
వాళ్ళని విడదియ్యాలి అని కోపం గా వాల్ల మధ్యకి వెళ్లారు
అంతే ఆ జంట మమ్మల్ని విడతీయ కండి అంటూ చేతులు జోడించి వేడుకుంటూ ఉన్నారు....
ఎంతో ప్రేమగా పెంచుకున్న పిల్లలు పసుపు బట్టలతో కనిపించి చేతులు జోడించి వేడుకుంటూ ఉంటే ఆ తండ్రుల హృదయం కరిగి పోయింది ఎంతో భాధగా వాళ్ళని పట్టుకున్నారు
అంతలో పిల్లల తల్లులు అక్కడికి చేరుకుని హమ్మయ్య అనుకున్నారు...
భూషణ్ శివరాం ఒకర్ని ఒకరు పట్టుకుని ఇంక మన మధ్య శతృత్వం వద్దు మన పిల్లలు ఒక్కటై మనల్ని ఒకటి చేశారు
అంటూ స్నేహితులుగా మారారు కోయ దొర అంతా దివ్య దృష్టితో చూసి శుభం అనుకున్నాడు.....!!
*"'వారి కలయిక తో శాప విమోచనం పొంది ఆ ఊరి నదులు బావులు యథాప్రకారం అయిపోయాయి మాయ మర్మం ఏమిటి అన్నది ఊరి ప్రజల జ్ఞాపకాల్లో లేకుండా అమ్మ తొలగించింది
దుష్ట శక్తి సంహారం కోసం శక్తి ఆగమనం జరిగింది
దుష్ట శక్తి అంతం అయ్యింది
అన్నది అమ్మకి మాత్రమే తెలుసు ఆ అమ్మలో కలిసిన అమరావతికి తెలుసు....!!
ప్రేమించి పెళ్లి చేసుకున్న
జంట ఇల్లు చేరుకున్నారు
ఎంతో ఆనందం గా జీవితాన్ని మొదలు పెట్టాలి అనుకున్నారు అంత కంటే ముందు తాము కలుసుకున్న కాళి మాత ఆలయం కి వెళ్ళాలి అని నిర్మించుకుని అమ్మవారిని కుటుంబ సభ్యులతో వెళ్ళి దర్శించుకుని అమ్మ ఆశీర్వాదం అందుకున్నారు
ఆ జంటకి జరిగిన సంఘటనలు గుర్తు లేవు కానీ వారి మధ్య ప్రేమ అలాగే కలకాలం ఉంటుంది అమ్మవారి లో కలిసిపోయిన అమరావతి ఆ జంటను ఆనందంగా చూసుకుంది....!!!
ఈ జన్మలో దూరం అయిన జంట మరు జన్మ ఎత్తి అయిన తమ ప్రేమని గెలిపించుకున్నారు
దుష్ట శక్తి నీ అంతం చేశారు....!!
అలాగే వారి స్నేహితులు శ్రీరామ్ శ్రావణి ల వివాహం దగ్గరుండి చేశారు అంతా సంతోషం గా జీవిస్తున్నారు.... !!!
శుభం.... 
శక్తి ఆగమనం పూర్తి అయ్యింది....
ఫ్రెండ్స్ చాలా ఆలస్యం. గా
కథ పూర్తి చేశాను
మీకు ఈ కథ ఎలా అనిపించింది తెలియ చేయండి అందరికీ ధన్యవాదాలు
తెలుపుకుంటున్నాను
రచయిత
రచనకు రేటింగ్ ఇవ్వండి