పాణిగ్రహణం

[SivaSai]

Part - 14

గౌతమ్ ఉండగా వేరే వాళ్ళు ఎందుకే.. నీకు ఎప్పుడు గౌతమ్ మాయ వదులుతుందో..  ప్లీజ్ హీరో తొందరగా విశి జీవితంలోనికి రా..

ఈ పిచ్చిది కళ్ళ ముందు కనిపించేదే నిజం అనుకుంటుంది.
డ్రైవింగ్ లో ఉన్న సూర్యకి ఒకటే పులమారుతూ ఉంటుంది.  కళ్ళల్లో నుంచి నీళ్లు కూడా వచ్చేస్తూ ఉంటాయి.

కార్ సైడ్ కి ఆపి వాటర్ తాగుతాడు. ఏమైంది బావ అంతలా  దగ్గుతున్నావు. ఏమోరా..  బాగా పులమారుతుంది.

అన్నయ్య ఇలా పులమారింది అంటే మనకు కావలసిన వాళ్లు మనల్ని తలుచుకుంటున్నారు అని అర్థం. నన్ను తలుచుకునే వాళ్ళు అందరూ ఇంటి దగ్గరే ఉన్నారు కదా..

అమ్మ తలుచుకుంటుందా.. పెద్దమ్మ తలుచుకున్న దానికి నీకు నిద్రలో కూడా వస్తూనే ఉంటాయి.. ఇంకా ఎవరైనా సంథింగ్ స్పెషల్ అయ్యుండొచ్చు.

నాలాగే క్యూటీ కూడా ఆలోచిస్తుందా అని మనసులో అనుకుంటాడు. ఆ ఫీలింగ్ కే హాయిగా అనిపిస్తుంది. ఇక కారు ఎక్కడ ఆపకుండా స్పీడ్ గా డ్రైవ్ చేస్తూ ఉంటాడు.

అన్నయ్య మనం కారులో వెళ్తున్నాము.  ఫ్లైట్లో కాదు. కొంచెం స్లోగా వెళ్ళు.  ఏదైనా డామేజ్ అయితే కారుతో పాటు మనం కూడా మాయమైపోతాము.

సొల్లు ఆపరా..  బావ డ్రైవింగ్ బానే ఉంటుంది.  నీకేం బాబు.. అన్నయ్యతో తిరిగి తిరిగి నీకు అలవాటైపోయింది.  నేను ఇప్పుడే కదా మీతో స్టార్ చేశాను.  కొంచెం ఈ అల్పప్రాణిని కూడా దృష్టిలో పెట్టుకోండి.

అనుకున్న టైం కన్నా ముందే అన్నవరం చేరుకుంటారు. రూమ్ తీసుకుని ముందు ఫ్రెష్  అయ్యి బయటకి వస్తారు.  స్వామి దర్శనం చేసుకుని సరౌండింగ్ తిరుగుతూ ఉంటారు.

ఫస్ట్ టైం క్యూటి ని కలిసిన చోటికి వెళ్లి సూర్య అక్కడ కూర్చుంటాడు. కోతితో చేసిన హంగామా గుర్తుకు వచ్చి నవ్వుకుంటాడు.

సూర్య నవ్వు చూసి వైభవ్.. శ్రీకర్ ని గోకుతూ ఉంటాడు. ఏంట్రా... ఎందుకు అన్నయ్య తనలో తానే నవ్వుకుంటున్నాడు.

ఇక్కడ  అలా నవ్వుకోవాలా... వైభవ్ నీ పైనుంచి కిందకి చూస్తూ చందు నిన్న ఆడుకోవడంలో అసలు తప్పులేదు రా ...

ఈ వయసులో అమ్మాయిలు, అబ్బాయిలు చుట్టు ఉన్న ప్రపంచాన్ని మర్చిపోయి ఇలా నవ్వుకుంటున్నారు అంటే అర్థం ఏమిటిరా..

ఏమో బావ ఇంకా నేను అలా నవ్వుకోలేదు కదా.. నాకు తెలియదు. మరి అంత మంది అమ్మాయిల్ని ఫ్లట్ చేస్తున్నావు..

ఆ ఫ్లట్ చేయడం ఇది ఒకటేనా అని..  బల్బు వెలిగి..  అన్నయ్య లవ్లో పడ్డాడా..  మా వదిన ఎవరు? ఎక్కడుంది.. పేరేంటి అని ప్రశ్నల మీద ప్రశ్నలు వేస్తూ ఉంటాడు.

ఒరేయ్ నాన్ స్టాప్ కాస్త ఆగరా... అక్కడే కొద్దిగా దూరంలో కూర్చుని మనం ఫస్ట్ టైం అన్నవరం వచ్చాము గుర్తుందా..

అప్పుడు నాకు 6 ఇయర్స్ అనుకుంటా..
అప్పుడే చూశాడు. అప్పుడు అన్నయ్యకి 8 ఇయర్స్ కదా.. అవును రా... ఆ వయసులో లవ్ ఏంటి..ఒరేయ్ అది లవ్ అని నేను చెప్పానా.

నువ్వు నన్ను కన్ఫ్యూజ్ చేస్తున్నావు.. కన్ఫ్యూజన్ లేదు ఏమీ లేదు.  పూర్తిగా విను.  సరే లాగ్ చేయకుండా చెప్పు.

సూర్య ఫస్ట్ టైం క్యూటి ని చూశాడు. మే బి క్యూటికి అప్పుడు ఫైవ్ ఆర్ ఫోర్ ఇయర్స్ ఉండొచ్చు.

జస్ట్ ఫైవ్ మినిట్స్ మాట్లాడాడు. అప్పటినుండి ఆ పాప రూపం బావ మైండ్లో ఉండిపోయింది. ఓ.. వదిన పేరు క్యూటి నా. కాదు అది సూర్యా పెట్టిన పేరు.

ఆ వయసులోనే ముద్దు పేర్లు పెట్టాడా.. తల పట్టుకుని ఒరేయ్ చెప్పింది అర్థం చేసుకోవడం అయినా రావాలి లేదా సొంతంగా అయినా తెలుసుకోవాలి.

తలా తోక లేకుండా మాట్లాడకురా... నువ్వు క్లియర్ గా చెప్పకుండా నన్ను అంటే ఎలా. సరే ఫ్లాష్ బ్యాక్ అని రెండు చేతులు స్క్రీన్ లాగా ఓపెన్ చేసి చూపించి క్లోజ్ చేస్తాడు.

ఇంత జరిగిందా.. అప్పుడు నేను మిస్ అయ్యాను. అవును నువ్వు అప్పుడు నీ చందు తో ఆటల్లో ఉన్నావు. చందుతో నేను ఆడుకోవడమేంటి..

రాక్షసి...  ఎప్పుడూ నా బుర్ర తింటూనే ఉంటుంది. దాన్ని గొడవలో పడి వదినని మిస్సయ్యాను.
   
నువ్వు వదిన అని ఫిక్స్ అవ్వకు.  సూర్యకి క్లారిటీ లేదు.  అది ఫ్రెండ్షిప్ ఇంకా ఏమైనా రిలేషన్ అన్నది ఆలోచిస్తున్నాడు.

వాడికి క్లారిటీ వచ్చాక అప్పుడు నీకు కావలసిన వరుసలు పెట్టి పిలుచుకో..  ఇది మరీ బాగుంది బావ.  ఇన్ని సంవత్సరాల నుంచి ఒక అమ్మాయి గురించి ఆలోచిస్తున్నాడు అంటే అది ప్రేమ కాక ఇంకేమిటి..

ఏమో ఎవరికి తెలుసు. సూర్య మాత్రం స్నేహం అంటున్నాడు.  క్యూటి గురించి ఆలోచన వచ్చినప్పుడు వాడి మొఖంలో కనిపించే వెలుగు చూస్తే ప్రేమ అనిపిస్తుంది.

చూద్దాం అది స్నేహమా..  ప్రేమ ఇంకా ఏమిటో అన్నది..
సూర్య దగ్గరికి వెళ్లి ఎంతసేపు కూర్చుంటావు బావ..
వెళదామా...  సరే అని ఆ ప్లేస్ మొత్తం తిరుగుతాడు.

ఎలా కనిపెట్టాలో అర్థం కాక ఆలోచిస్తూ ఉంటాడు. ఏమైంది బావ..  క్యూటి ని ఎలా కనిపెట్టాలో అర్థం కావడం లేదు.

క్యూటి ఫాదర్ నేమ్ తెలీదు. ఏదో హోప్ తో ఇక్కడదాకా వచ్చాను కానీ అసలు ఎలా ముందుకు వెళ్లాలో అర్థం కావడం లేదు.

ఇది నిజంగా చిక్కు సమస్య.. ఒక్క నిమిషం ఆలోచించి రేయ్ బావ ఆ రోజు పుట్టినరోజు అన్నారు కదా... ప్రతి పుట్టినరోజుకి వచ్చి స్వామి కళ్యాణం చేయిపిస్తాము అన్నారు కదా...

సో ఆ రోజు వస్తే మనం క్యూటీని పట్టుకోవచ్చు.  కానీ అన్నయ్య క్యూటీ ఇప్పుడు పెద్దది అయిపోయింది కదా.. ఎలా గుర్తుపడతావు.

క్యూటీ ఫాదర్ ఐడియా ఉన్నారు. ఆరోజు వస్తారా..  కచ్చితంగా వస్తారు. వాళ్లకి చాలా ఇయర్స్ తర్వాత క్యూటి పుట్టిందంట.  అది స్వామి దయ అని అంకుల్ నమ్మకం. కాబట్టి  ఆంటీ అంకుల్ క్యూటి ముగ్గురు వస్తారు.

ఆ డేట్ అంటే అని శ్రీకర్ ఫోన్ ఓపెన్ చేసి క్యాలెండర్ చూస్తాడు.  బావ ఇంకా 2 మంత్స్ టైం ఉంది. మనం  టు డేస్ ముందు వస్తే ఈ ఏరియా మొత్తం మన గ్రిప్ లోకి తెచ్చుకోవచ్చు.

ఇంకా రెండు నెలలా అని నీరసంగా అంటాడు.  ఇన్ని రోజులు ఆగిన వాడివి ఒక రెండు నెలలు ఆగలేవా బావ.. దూరంగా ఉన్నప్పుడు తెలియలేదు కానీ దగ్గరకు వచ్చాక మాత్రం మనసు కొట్టుకుంటుంది.

క్యూటి ఏదో ఇబ్బందుల్లో ఉంది. నాకోసం ఎదురు చూస్తుంది అనిపిస్తుంది. ఖచ్చితంగా క్యూటి నీకు కనిపిస్తుంది.

మీ ప్రయాణం ఇక్కడే మొదలయ్యింది. స్వామి ఆశీస్సులు ఉన్నాయి.  తప్పకుండా మీరిద్దరూ ఎదురుపడతారు నన్ను నమ్ము బావ.

నాకు ఆ నమ్మకం ఉందిరా... కాకపోతే తొందరగా కలవాలి అని ఆరాటంగా ఉంది.  ఆకలేస్తుంది బావ ముందు తిందాం పద అని సూర్యని బలవంతంగా తీసుకు వెళతాడు.

వైభవ్ ఆలోచిస్తూ నడుస్తూఉంటే...  ఏమైందిరా అంత దీర్ఘంగా ఆలోచిస్తున్నావు. ఏమీ లేదు బావ....  అన్నయ్య ఎప్పుడో ఒక్క 5 నిమిషాలు ఒక పాపని చూసింది ఇలా గుర్తుపెట్టుకొని మరి ఆలోచిస్తున్నాడు.

మరి చిన్నప్పుడు నుంచి నేను, చందు ఒకేచోట కలిసి ఉన్నాము.  పిచ్చకొట్టుడు కొట్టుకున్నాము.  ఇప్పుడు దూరంగా ఉన్నా..  నాకు దాని గురించి ఆలోచన రావడం లేదు ఏంటి బావ.

నువ్వు చందు ని ప్రేమిస్తున్నావా..  ఛి ఛి దాన్ని ప్రేమించడం ఏంటి... దాన్ని ప్రేమించడం అంటే... నా జీవితంలో సంతోషం మాయమైపోయినట్టే.

మరి ప్రేమించనప్పుడు నీకెందుకు ఆలోచన వస్తుంది. కదా నేను ఆ విషయమే మర్చిపోయాను.  ఎప్పుడు దానితో గొడవ పడి పడి దాని ఆలోచనలు  ఎక్కువైపోతున్నాయి బాబోయ్ అనుకుంటూ ముందుకు వెళతాడు.

వెళుతున్న వైభవ్ ని చూసి నవ్వుకుంటూ...  పిచ్చ సన్నాసి.. ఏడికి తెలియడం లేదు. ఆల్రెడీ వీడు చందు ప్రేమలోనే ఉన్నాడు.

ముగ్గురు మళ్ళీ రిటర్న్ జర్నీ స్టార్ట్ చేస్తారు. ఈసారి శ్రీకర్ డ్రైవింగ్ లో కూర్చుంటే సూర్య  ప్యాసింజర్ సీట్లో కూర్చుని బయటికి చూస్తూ ఉంటాడు.

ప్లీజ్ బావ నువ్వు అలా ఉండకు... కచ్చితంగా క్యూటి దొరుకుతుంది..  అన్నయ్య నాదొక ఐడియా.. ఏంట్రా అంటే...

క్యూటీ కూడా ఏదో ఒక కాలేజీలో చదువుతూ ఉంటుంది కదా..  మనం ఆ వేలో సెర్చింగ్ మొదలుపెడితే... పేరు తెలియదు కదా..

నాకు వదిలేయ్ అన్నయ్య.  ప్రతి కాలేజీలోనూ నాకు తెలిసిన వాళ్ళు ఉన్నారు.  క్యూటి అని ముద్దు పేరు ఉందేమో  కనుక్కోమందాము.

అప్పుడు మనకు ఏదైనా దారి దొరకచ్చేమో..   చాలామంది క్యూటీలు ఉంటే..  వాళ్ల ఫాదర్స్ ఫొటోస్ చూస్తాము. క్యూటి దొరికేస్తుంది.

ఈ ఐడియా బానే ఉంది కానీ...  ఇండియా మొత్తం మీద చాలా కాలేజీలు ఉన్నాయి కదా..

ఒకటి ఆలోచించండి. క్యూటీ ఒక్కతే డాటర్ కాబట్టి దూరంగా పంపించరు. సో ఫస్ట్ మనం వైజాగ్ టు హైదరాబాద్ ఉన్న ప్రతి కాలేజ్ వెతుకుదాము.

గుడ్ ఐడియా...  ఇప్పుడే స్టార్ట్ చేద్దామని సూర్య అంటే.
  నీకెందుకన్నయ్య.  ఈ వర్క్ నాకు వదిలేసేయ్.  వదినని వెతికి నీ ముందు నుంచే పెట్టే బాధ్యత నాది..

వైభవ్ వెంటనే ఫ్రెండ్స్ అందరికి మెసేజ్ చేస్తాడు.  మొత్తం వెతకండి.  ఎవరైతే ఫస్ట్ కనిపెట్టి చెబుతారో వాళ్ళకి స్పోర్ట్స్ బైక్ గిఫ్ట్ అని చెబుతాడు.

ఫ్రెండ్స్ అందరూ ఓకే డన్ డన్ అని రిప్లై ఇస్తారు.  అది చూసి నవ్వుకుంటూ అన్నయ్య నీ క్యూటి దొరికేస్తుంది.  మా బ్యాచ్ అంతా ఆ పనిలోనే ఉన్నారు.

అంత ఫాస్ట్ గా రియాక్ట్ అయ్యారు ఏంట్రా.. ఎందుకు అవ్వరు. స్పోర్ట్స్ బైక్ అక్కడ గిఫ్ట్ అని చెప్పాను. నువ్వు మామూలోడు కాదురా..

ఏదో రాముడు ప్రేమకి లక్ష్మణుడి ఉడత సహాయం.

సూర్య మనసులో..   క్యూటీ నీకై వస్తున్న...  నాకై ఎదురు చూడు.
మన జర్నీ ఎటు నుంచి ఎటు వెళుతుందో చూడాలి.. అనుకుంటూ చూస్తూ ఉంటాడు.

చందు నివి దగ్గరికి వచ్చి అమ్మ అని పిలుస్తుంది.  ఏంటే... బోర్ కొడుతుంది ఎక్కడికైనా వెళదామా...

నాకు పని ఉంది.  సౌమ్య దగ్గరికి వెళ్ళు.  అబ్బా వైభవ్ లేడమ్మా..  వెళ్లిన ఏమి తోచదు.
  
నివి రియాక్షన్ ??
కథ కొనసాగుతుంది