బృందావనం

[SivaSai]

Part - 38

వాళ్లు వేషాలకి రుద్ర నవ్వుకుంటూ వెనకాలే వెళ్లి అక్కడ కుర్చీలో కూర్చుని అందరినీ చూస్తూ ఉంటాడు.  శాంభవి కళ్ళు అటు ఇటు తిప్పుతూ చేతులు తిప్పుకుంటూ విషయాలు చెబుతూ ఉంటే వీళ్ళందరూ ఆశ్చర్యంగా వింటూ ఉంటారు.

అవన్నీ తెలిసిన విషయాలే అయినా సరే శాంభవి చెబుతూ ఉంటే చిన్నప్పటినుండి శాంభవి మాటలు మిస్ అయినందుకు అందరూ చాలా ఓపికగా ఇంట్రెస్ట్ గా వింటూ ఉంటారు.

చారులత, మాధురి, కౌసల్య కూడా స్నాక్స్ టీ పట్టుకుని వచ్చి వాళ్లతో జాయిన్ అవుతారు. అందరితో మాట్లాడుతూ ఆంటీ అని పిలుస్తుంది.

చెప్పు శాంభవి అనగానే... అందరం ఉన్నాము కానీ...
మామ్మగారు ఎక్కడా కనపడడం లేదు ఏంటి అని అడుగుతుంది.

అందరూ ఒక్క నిమిషం సైలెంట్ అయిపోతారు. ఎవరికి ఏం చెప్పాలో తెలియక అది అది అని అంటూ ఉంటే.. వెంటనే రాఘవేంద్ర గారు ఆవిడకి ఆరోగ్యం అంత బాగోదులే.. నలుగురితో కలిసి ఉంటే ఎలర్జీ వస్తుంది అందుకే ఒంటరిగా జీవితాన్ని గడిపేస్తుంది అని చెబుతారు..

ఓ అవునా అని మళ్ళీ వీళ్ళతో మాటల్లో పడిపోతుంది. అందరూ హమ్మయ్య అనుకుంటే.. రుద్ర మాత్రం తాతగారు ఇంకా అమ్మమ్మని క్షమించరా అని ఆలోచిస్తూ ఉంటాడు.

ముందు ఆ మయూరి బ్యాచ్ కి చెక్ పెట్టాలి ఇటువైపు తిరగకుండా.. శాంభవి గురించి ఆలోచించకుండా వాళ్ళని ఫుల్ బిజీ చేసేయాలి అని ఆలోచిస్తూ ఉంటాడు.

ధీరజ్ మాట్లాడుతూ రుద్రవైపు చూసి ఏంటి వీడు ఇందాక నుంచి తెగ ఆలోచిస్తున్నాడు అని...పక్కకు వచ్చి కూర్చుని ఏంటి బావ ఎదురుగుండా కోవా  లాంటి మరదలు పిల్ల ఉంటే...

దీర్ఘంగా  దేని గురించో ఆలోచిస్తున్నావు అని అడుగుతాడు. ఒరేయ్ అని విసుగ్గా అంటే...ఏమైంది బావ అని అడుగుతాడు.

మన ఇల్లు ఎప్పుడు ఇలా సంతోషలనిలయమై ఉండాలి అంటే ఏమి చెయ్యాలా అని ఆలోచిస్తున్నాను. మయూరి,  నాగేంద్రకి ఎలా చెక్ పెట్టాలా అన్నదే ఆలోచిస్తున్నాను అని చెబుతాడు.

దీనికి ఇంత ఆలోచించాల్సింది ఏముంది  బావ వెరీ సింపుల్ అంటాడు. ఏమిటి అని నొసములు దగ్గరకి ముడి వేసి అడుగుతాడు.

సింపుల్ బావ నీకు, శాంభవి కి పెళ్లి అయిపోయిందే అనుకో.. ఆ నిషా,  ఆశాలు నీ మీద ఆశ వదిలేసుకుంటారు. మిగిలిన వాళ్ళిద్దరి మీద అంటావా.. వీళ్ళు దగ్గరికి రాలేరు.

అలాగే శాంభవి కూడా సేఫ్టీ గా ఉంటుంది ఏమంటావు అని కళ్ళు ఎగరేస్తాడు. నువ్వు చెప్పిన ఐడియా బాగానే ఉంది కానీ ఇంప్లిమెంటేషన్ ఎలాగ..

మిగిలినవి అయిపోవచ్చు కానీ పెళ్లి దగ్గరకు వచ్చేటప్పటికి.. ఆ ఫ్యామిలీని మేనేజ్ చేసి ఒప్పించి, ఎవరు ఇబ్బంది పడకుండా, బాధపడకుండా పెళ్లి జరగాలి.

అది ఎంత తలనొప్పి తెలుసా.. దీనికన్నా ఒక పది ప్రాజెక్టులు ఈజీగా హ్యాండిల్ చేయొచ్చు అని అంటాడు. అది నిజమేలే ఇప్పుడు ఏం చేద్దాం అనే అంటాడు.

అదే ఆలోచిస్తున్నా అని ఒక కన్నింగ్ స్మైల్ ఇస్తాడు. నువ్వు ఈ స్మైల్ ఇచ్చావ్ అంటే అక్కడ వాళ్లకు మూడింది అనే అర్థం కానీ అని చెప్పి విహాన్ వాళ్ళ పక్కకెళ్ళి కూర్చుంటాడు.

ఏమిటి నువ్వు బావ చెవులు కొరికేసుకుంటున్నారు అని అడిగితే..  మీ పెళ్లిళ్లు ఎలా చేయాలో అని మీ బావ తెగ ఆలోచిస్తున్నాడు అని చెబుతాడు.

దానికి పైనుండికి కిందుకు చూసి అంత వెటకారం వద్దులే గానీ ఏంటి సంగతి మయూరి గురించి ఆలోచిస్తున్నారా అని అడుగుతాడు.

ఎలా కనిపెట్టావ్ రా అంటే మనకున్న ప్రాబ్లమే ఆ మయూరి ఫ్యామిలీ. వాళ్ళు ఎలా ట్రాప్ చేయాలో అన్నదాని మీదే ఉంటారు.

బావకి,  శాంభవి కి పెళ్లి జరిగిన సరే ఆ నిషా ఆశ లు బావని మాత్రం వదలరు అని చెబుతాడు.  అది నిజమేలే కానీ అక్కడున్న మన బావగారు మాత్రం ఏదో ప్లాన్ వేశాడు.

అది ఏమిటి అన్నది ఇంప్లిమెంటేషన్ లోనే మనకు తెలుస్తుంది అని చెబుతాడు.  కొంపతీసి మనల్ని ఎవర్ని బుక్ చేయడు కదా అంటే.. ఏమో అని భుజాలు ఎగరేస్తాడు.

వీడు బుక్ చేసిన చేస్తాడు అనుకుని టీ తాగుతూ ప్రజెంట్ సిచువేషన్ ని ఎంజాయ్ చేస్తూ ఉంటారు.  రుద్ర మాత్రం తను చేయాలనుకున్న పనిని అప్పటినుండి ఇంప్లిమెంటేషన్ లో పెట్టేస్తాడు.

చారులత అతయ్య అయిన తులసి గారిని కూడా బలవంతంగా ఇక్కడికి తీసుకొచ్చి ఉంచేస్తారు. శాంభవి ఉన్నన్ని రోజులు అందరూ ఇక్కడే ఉండాలి అని ఫిక్స్ అయిపోతారు

సాయంత్రానికి మిత్ర, గౌతమ్ కూడా అక్కడికి చేరుకుంటారు. శాంభవి, మిత్ర ఒక గదిలో ఉంటే గౌతమ్ సపరేటుగా వేరే గదిలో ఉంటాడు.

పొద్దున్నే లేచి అలవాటు ఉన్న శాంభవి తొందరగా లేచి.. ముగ్గు పెట్టడానికని చూస్తుంది. సిటీ రావడం వలన ఆవు పేడ దొరకక..పసుపు నీళ్ళు జల్లి సింహద్వారం దగ్గర నుంచి గేటు వరకు ముగ్గులు పెట్టేస్తుంది.

శాంభవి ముగ్గు పెడుతున్నప్పుడే ఒకళ్ళ తర్వాత ఒకళ్ళు అందరూ లెగిసి ఫ్రెష్ అయ్యి బయటికి వస్తారు.  రుద్ర అలా చూస్తూ అబ్బ బంగారం నీ దగ్గర ఇలాంటి లక్షణాలు కూడా ఉన్నాయా...

పర్వాలేదు నాన్న భజనే  అనుకున్నాను. మిగిలిన ఆక్టివిటీస్ కూడా ఉన్నాయి అన్నమాట అనుకుంటాడు. అన్నగార్లు ముగ్గురు చెల్లెలి టాలెంట్ చూసి మురిసిపోతూ ఉంటారు.

శాంభవి  ముగ్గు పెడుతుంటే పక్కన వచ్చి కూర్చుని నీకు ముగ్గు పెడడ్డం వచ్చా బంగారం అని అడుగుతారు. దానికి శాంభవి నవ్వుతూ నాకు అన్ని పనులు వచ్చు.

వంట కూడా సూపర్ చేస్తాను. ఈరోజు బ్రేక్ ఫాస్ట్ నేనే ప్రిపేర్ చేస్తాను అని చెబుతోంది.  నీకెందుకు శ్రమ. ఇప్పటికే చాలా అలసిపోయి ఉంటావు కదా.. చేతులు చూడు ముగ్గు పెట్టి కందిపోయి ఉంటాయి అని విహాన్ చేతిలోకి తీసుకుని చూస్తూ ఉంటాడు.

దూరం నుంచి చూస్తున్న రుద్రకి చాలా జలసి వస్తుంది. నేను పట్టుకోవాల్సిన చేతుల్ని మా బావమరుదులు పట్టుకుని మరి చూస్తున్నారు.

ముగ్గురిని తప్పించి నేను ఆ ప్లేస్ లో ఉండాలి అనుకుని ఎలా అని ఆలోచిస్తూ..  డ్రీమ్స్ లోకి వెళ్ళిపోతాడు. శాంభవి దగ్గరికి వెళ్లి ముగ్గు గిన్నె పక్కన పెట్టి చేతులు తీసుకుని  ముగ్గిని అంతా తుడిచి ఎత్తుకొని రౌండ్స్ తిరుగుతూ ఉంటాడు.??

ఆ డ్రీమ్ లోకి వెళ్ళిపోయి పక్కన ఉన్న సంతోష్ గారిని గట్టిగా పట్టుకుంటాడు.  సంతోష్, బాబు నాన్న అప్పుడే డ్రీమ్స్ లోకి వెళ్ళకు. ఇంకా నువ్వు పట్టుకుని తిరగడానికి ఇంకా చాలా టైం ఉంది అని చెబుతారు.

రుద్ర కంగారుగా పక్కకు జరిగే నేనేమీ డ్రీమ్స్ లోకి వెళ్లలేదు ఇంకా నిద్రమత్తు వదలక మిమ్మల్ని పట్టుకున్నాను అంతే అని ఎటో చూస్తూ చెబుతాడు..

దానికి సంతోష నవ్వుతూ మేము నీ వయసు దాటి వచ్చిన వాళ్ళమే...ఈ టైంలో కాబోయే పెళ్ళాం ఎదురుగుండా ఉంటే..ఎలాంటి డ్రీమ్స్ వస్తాయో మాకు తెలుసులే అని చెబుతాడు.

మీరు మరీ ఇంటెలిజెంట్ నాన్న.  కానీ నా బామ్మర్దుల ముగ్గురు ఉన్నారు చూశారా... ఎప్పుడు చాన్స్ దొరుకుతుందా చెల్లెలు చుట్టూ బొంగారంలాగా తిరుగుదామా అని చూస్తారు అని కంప్లైంట్ ఇస్తూ ఉంటాడు.

నీకు చాలా కష్టాలు ఉంటాయి రా బాబు నాకు ఉన్నది ఇద్దరు బామ్మర్దులే. నీకు ఇక్కడ ముగ్గురు అక్కడ ముగ్గురు మొత్తం ఆరుగురు బామ్మర్దులు పైగా అక్కడ ఇద్దరూ ఎక్కడ ఇద్దరు మామగారులు. ఇద్దరు తాతలు ఎంత బంపర్ ఆఫర్ నీకు కదా సో లక్కీ రా అని కొడుకుని ఉడికిస్తూ ఉంటారు.

హోమం రోజున ధరణి, జయంతి అన్న మాటలు గుర్తొచ్చి తన మీద తానే జాలి పడతాడు. మరి ఇంత బంపర్ ఆఫర్ ఆ నాన్న అంటే.. తప్పదురా సుపుత్ర కొంతమంది అలా మచ్చేసుకుని పుడతారు ఎంజాయ్ చేయాలి కానీ బాధపడకూడదు అని కొడుకుని ఇంకొంచెం సేపు ఉడికిస్తారు.

అబ్బా చాల్లే నాన్న ఇప్పటికే ఎక్కువ అయిపోయింది. వాళ్లని అక్కడ నుంచి కదపకపోతే ఆ ముగ్గు ఎలా పెట్టిందో ఏంటో కూడా డిస్కషన్ పెడతారు పదండి అనగానే...

అక్కడికి దేవేంద్ర వెళుతూ ఉంటాడు. మనం వెళ్ళక్కర్లేదు రా మీ మామయ్య వెళుతున్నాడు కదా..

కూతురు ఇప్పుడుదాకా కష్టపడి పోయిందని లోపలికి తీసుకువచ్చేస్తాడు చూస్తూ ఉండు అని అక్కడే ఆపేస్తారు .

దేవేంద్ర అక్కడికి వెళ్లి కూతురు పెట్టిన ముగ్గులు చూసి మురిసిపోతూ ఇప్పటికే బాగా అలసిపోయావు తల్లి లోపలికి పదండి అని అక్కడ సర్వెంట్ ని పిలిచి ముగ్గు గిన్నె అవన్నీ వాళ్ళ చేతికి ఇచ్చేసి లోపలికి తీసుకువెళ్తారు.

చెప్పేనా అన్నట్టు  సంతోష్ చూస్తారు చెప్పేవులే అని రుద్ర ఎక్స్ప్రెషన్. దేవేంద్ర తో మాట్లాడుతూ రుద్రని క్రాస్ చేసుకుంటూ  లోపలికి వెళ్ళిపోతుంది.

రుద్ర మాత్రం వెళుతున్న శాంభవిని చూస్తూ ఉంటాడు. ధీరజ్ పక్కకు వచ్చి ఏంటి బావ మా చెల్లి తో టైం స్పెండ్ చేయడం కుదరడం లేదు అని ఆలోచిస్తున్నావా...

మమ్మల్ని చూడు చక్కగా ముగ్గు వేస్తుంటే వెళ్లి మరీ కంపెనీ ఇచ్చాము అని గొప్పగా చెబుతాడు. దానికి రుద్ర పైనుంచి కిందకు చూస్తూ ఒరేయ్ బామ్మర్ది నీకు ఒక సీక్రెట్ చెబుతాను జాగ్రత్తగా విను.

మీరు ముగ్గురు కలిసి ఉప్పర్ మీటింగ్ వేశారు కదా కానీ... ఆఫీసుకు వెళ్లేటప్పుడు, ఆఫీసులో కూడా మీ చెల్లి ఒక్కతే నాతో ఉంటుంది చూస్తూ ఉండు.

హౌ? బావ అని అడిగితే    వెయిట్ ?బామ్మర్ది అని చెప్పి కనుగొట్టి లోపలికి వెళ్ళిపోతాడు . దానికి ధీరజ్ మాత్రం అది ఎట్టి పరిస్థితుల్లోనూ జరిగినివ్వను.

ప్రతిసారి నీదే పై మాట అవుతుంది కదా... ఈసారి మేమే నెగ్గించుకుంటాము అని బ్రదర్స్ దగ్గరికి వెళ్తాడు. ఎలాగైనా శాంభవిని వాళ్లతో తీసుకువెళ్లాలని ఫిక్స్ అయిపోతారు.

చారులత,కౌసల్య,మాధురి పూజగది దగ్గర అన్ని సిద్ధం చేస్తారు. శాంభవి బయట నిలబడి దండం పెట్టుకుంటే... లోపలికి రా తల్లి వచ్చి నీ చేతులతో పూజ చెయ్యి అని చెబుతారు.

నేనా అని అడుగుతుంది.  నువ్వే తల్లి అంటే.. మీరందరూ ఉండగా నేను ఎందుకు అని మొహమాటంగా చెబుతుంది.

నువ్వు మా ఇంటి ఆడపడుచువి అని చెప్పాము కదా పూజ చెయ్ అమ్మ అని..  బలవంతంగా లోపలికి తీసుకువెళ్లి... శాంభవి చేతే పూజ చేయిపిస్తారు.