బృందావనం

[SivaSai]

Part - 32

    అనసూయ కూతురు, కోడలు వంక చూస్తూ నా దగ్గర మీరు ఏమైనా దాస్తున్నారా అని అడుగుతారు.  దానికి చారు, కౌసల్య ఒకరి మోకాలు ఒకరు చూసుకుని అలా ఎందుకు అనుకుంటున్నావు అమ్మా అని అడిగితే...

ఏమో మరి ఎప్పుడూ లేనిది మన ఇంట్లో హోమం జరగడం.  అది కూడా వేరే కుటుంబం వాళ్లు వచ్చి మన ఇంటిలో చేయడం.

వాళ్లు మన కుటుంబంతో సమానమని చెబుతూ ఉంటే అనుమానంగా ఉంది ఏమైనా ఉంటే చెప్పండి అని ఆత్రంగా వాళ్ళు మోకాలు ఇంకా చూస్తారు.

తల్లి మనసులో భావం అర్థమైనా సరే... చారు ఏమీ చెప్పకుండా అలా ఏమీ లేదమ్మా ఆ అమ్మాయి మన కంపెనీలోనే ప్రాజెక్ట్ వర్క్ చేస్తుంది.

వాళ్ళ ఫ్యామిలీతో మన ఫ్యామిలీ బాగా అటాచ్మెంట్ పెరిగింది. అందుకనే ఒక ఆడపిల్లతో మన ఇంట్లో హోమం చేపిస్తే మన ఇంటి ఆడపిల్ల త్వరగా మన ఇంటికి వచ్చేస్తుంది అన్న ఒక నమ్మకం అంతే అమ్మ అని చెబుతుంది.

నిజంగా అంతేనా అని అడిగితే...ఇంతకన్నా ఇంకేం ఉంటుంది అమ్మ అని అడుగుతారు. దానికి ఏమీ లేదు అని మళ్లీ భగవద్గీత చదువుతూ ఉంటారు.

క్షమించు అమ్మ.  ఇప్పుడు ఏమీ చెప్పలేము. కానీ ఏదో ఒక రోజు నీ క్షమాపణన్ని నాన్నగారు స్వీకరిస్తారు అనుకుంటున్నాను అనుకుని పదా వదిన అని చెప్పి బయటకు వచ్చేస్తుంది.

ఇక్కడ కుర్ర బ్యాచ్ అంతా కలిసి రుద్రని ఆట పట్టిస్తూ ఉంటారు.  ఇంకేంటి బావ మా చెల్లి వచ్చేస్తుంది ఇంక తర్వాత పిప్పి డుం డుం డుం అని ఆడుకుంటూ ఉంటారు.

దానికి రుద్ర మాత్రం పి పి డుం డుం డుం  తర్వాత ముందు మీ చెల్లికి కావలసినవి చూడండి.  లేకపోతే తాతగారు మన అందరి మీద సీరియస్ అవుతారు నాకు కొంచెం వర్క్ ఉంది నేను ఆఫీస్ కి వెళుతున్నాను అని వాళ్లకు దొరక్కుండా బయటికి వచ్చేస్తాడు.

నడుస్తూ తనలో తానే నవ్వుకుంటూ శాంభవి నిన్ను చూసిన మొదటి రోజునే నా మనసు నీ వైపుకు లాగేసింది. కానీ ఒక చిన్న అనుమానం నువ్వు నా మరదలు వి అవునా కాదా అని.

అది కన్ఫర్మ్ అయిన రోజున మాత్రం నా ఆనందానికి హద్దులు లేవు కానీ.. ఇలా అని బయటపెట్టానో వీళ్ళు ఇంకా నన్ను ఒక మాదిరిగా ఆడుకోరు అని నవ్వుకుంటూ ఆఫీస్ కి వెళ్ళిపోతాడు.

ధీరజ్ మాత్రం రుద్రను వెనకనుంచి అనుమానంగా చూస్తూ వీడు మనల్నించి తప్పించుకోవడానికి ఆఫీస్ అని చెబుతున్నాడు.

కానీ మనకు తెలియని వర్కు ఉందా.. వీడెప్పుడో శాంభవికి పడిపోయాడు అలా చెప్పకుండా ఎదవ స్టోరీలన్నీ చెబుతున్నాడు అని ఏమేం కావాలో అని కౌశల్య దగ్గరికి వెళతాడు.


విహాన్, అద్వైత్ కు కూడా చాలా హ్యాపీగా అనిపిస్తుంది. ఇన్ని రోజులకి మనకంటూ ఒక చెల్లి ఉంది.  తన మన ఇంటికి వస్తుంది.

ఆ ఫీల్ చాలా గొప్పగా ఉంది హార్ట్ చాలా హెవీ అయిపోతుంది అని అనుకుంటారు. శాంభవి వచ్చే రోజుకి మనం అన్ని సెట్ చేయాలి.

తనకి వాళ్ళు ముగ్గురితో పాటు మన ఇద్దరం కాదు.. మనం ఇక్కడ ముగ్గురు అన్నలు ఉన్నారు అని చెప్పాలి అనుకుంటారు.

అందరూ పౌర్ణమి ఎప్పుడు వస్తుందా అని చూస్తూ ఉంటారు.  వీళ్ళందరూ ఎదురుచూస్తున్న ఘడియలు రానే వచ్చాయి

విష్ణు గారికి మాత్రం మేనకోడలతో హోమం వాళ్ళ ఇంట్లో చేయించాలని ఉంటుంది.  కానీ దేవేంద్ర గారికి మాట ఇవ్వడం మీద ఏమీ మాట్లాడకుండా సైలెంట్ అవుతారు.

ఎక్కడ ఉన్న శాంభవి సంతోషంగా ఉంటే చాలు అనుకుంటారు. ఎందుకంటే శాంభవి అంటే అందరికీ పంచప్రాణాలు కాబట్టి.

హోమం ముందు రోజుకి రేపల్లె నుండి అందరూ ఇక్కడికి చేరుకుంటారు.  ఒక్క శకుంతల గారు తప్ప వయసు ప్రభావంతో ఆవిడ ఎక్కడికి దూర ప్రయాణాలు చేయలేకపోతుంటారు.

ఆవిడకి వీడియో కాల్ అంతా చూపించొచ్చు అని మిగిలిన వాళ్ళు అందరూ వస్తారు.  అందరూ ముందుగా విష్ణు వాళ్ళ ఇంటికి వెళతారు.

అక్కడ అంతా ఫ్రెష్ అయిన తర్వాత శివ గారు దేవేంద్రకి కాల్ చేసి మేము ఇక్కడ విష్ణు దగ్గర ఉన్నాము. మీకు అభ్యంతరం లేకపోతే మేము అక్కడికి వస్తాము అని అడుగుతారు.

దానికి దేవేంద్ర ఎందుకు శివ అంత మొహమాటపడుతున్నారు.  ఇది మీ ఇల్లే అనుకోమని ఎన్నిసార్లు చెప్పాను.

ఇక్కడ అన్నీ రెడీ చేసాము. మీరు ఒకసారి వచ్చి చూశారా అనుకో ఏమైనా మిస్ అయితే చెప్పడానికి ఉంటుంది.. మేము మొదటిసారిగా ఇక్కడ చేపించేది అందరూ వచ్చేసేయండి అని చెబుతారు.

ఒకసారి విష్ణుకి కూడా ఫోన్ ఇవ్వు అని చెప్పి వాళ్ళ ఫ్యామిలీని కూడా ఇన్వైట్ చేస్తారు. దానికి విష్ణు చాలా హ్యాపీగా ఫీల్ అవుతూ తప్పకుండా వస్తాము అని చెప్పి ఫోన్ పెట్టేస్తారు.

విష్ణు గారి నివాస్ తో కూడా గట్టిగా చెబుతారు. హోమం జరిగే టైం అంతా నువ్వు అక్కడే ఉండాలని. తప్పకుండా డాడ్ అని చెప్పి ఆఫీస్ కి వెళ్ళిపోతాడు.

అందరూ ఒకసారి బృందావనానికి బయలుదేరుతారు. అక్కడికి రాగానే ఫ్యామిలీ మెంబర్స్ అందరికీ ఒక గుడ్ ఫీల్ వస్తుంది.

అందరికి ఒక పాజిటివ్ వైబ్రేషన్ లాగా అనిపిస్తుంది . వాళ్లు అందరూ కార్లు దిగి  నుంచోగానే కౌసల్య, చారులత గబగబా బయటకు వచ్చి రండిలోపలికి అని చెప్పి ఇన్వైట్ చేస్తారు.

వాళ్లకి అసలు కాళ్లు చేతులు ఆడనట్టుగా ఉంటాయి. శాంభవి ఏది అని ఆత్రంగా అడుగుతారు. శాంభవి ఆఫీస్ కి వెళ్ళింది.

సాయంత్రం లలిత్ వెళ్లి తీసుకు వస్తాడు అంటే దానికి కౌసల్య ఎందుకు మళ్ళీ లలిత్ ని ఇబ్బంది పెట్టడం.  మన అబ్బాయిలు ఆఫీసులోనే ఉన్నారు.

వచ్చేటప్పుడు వాళ్లతో పాటు వచ్చేస్తుందిలే నేను ఇప్పుడే విహాన్ కి ఫోన్ చేసి చెబుతాను అని ఫోన్ చేస్తారు.

వాళ్ళ అభిమానానికి రామచంద్రయ్య గారికి చాలా ఆనందం గా అనిపిస్తుంది.  ఈ రోజుల్లో ఇలాంటి మనుషులు కూడా ఉన్నారా అని ఇల్లంతా చుట్టూ చూస్తూ ఉంటారు.

అక్కడ ఒక చోట ఒక ఫోటోకి దండ వేసి ఉంటుంది. ఆ ఫోటో చూసి ఆయన అలా నిలబడిపోతారు. అది చూసిన చారులత దగ్గరికి వచ్చి ఎందుకు పెదనాన్నగారు అలా చూస్తున్నారు అని అడిగితే..

ఏమీ లేదమ్మా ఆవిడని చూస్తుంటే ఎక్కడో చూసిన ఫీలింగ్ వస్తుంది. ఆ ఫోటోలో ఉన్న మనిషికి చెయ్యెత్తిదండం పెట్టాలి అనిపిస్తుంది అని అంటారు.

దానికి చారు మనసులో ఆవిడ శాంభవి తల్లి..ఆ విషయం మీకు తెలియదు కానీ అది మేం బయటికి చెప్పలేము అనుకుని..

ఆవిడ దేవేంద్ర భార్య. పురిటిలోనే బిడ్డను దూరం చేసుకుని మాకు అందరికీ అందనంత దూరం వెళ్ళిపోయిందని బాధగా చెబుతుంది. అవునా తల్లి అని ఆయన కూడా బాధపడతారు.

ఇంతలో అక్కడికి రాఘవేంద్ర గారు వస్తారు. రాఘవేంద్ర గారికి రామచంద్ర గారి ఫ్యామిలీ మొత్తాన్ని పరిచయం చేస్తారు.

రాఘవేంద్ర గారు రామచంద్రయ్య గారిని గట్టిగా కౌగిలించుకుని మీ ఫ్యామిలీని చూస్తుంటే నాకు చాలా ముచ్చటగా ఉంది.

ఏమిచ్చిన ఈ రోజుల్లో ఇలాంటి ఫ్యామిలీలు కనపడవు అని అంటే..  మనదేముందండి అంత ఆడవాళ్ళ చేతిలోనే ఉంటుంది.

వాళ్ళందరూ ఒక మాట మీద ఉంటే మనం మాత్రమే ఏం మాట్లాడగలం.  అది మాత్రం నా కుటుంబంలో ఉందని చాలా గర్వంగా చెబుతారు.

నిజంగా మీరు చాలా అదృష్టవంతులు అని చెబుతూ ఉండగానే అక్కడికి అనసూయ వస్తుంది. రాఘవేంద్రగారు ఎటు మాట్లాడకుండా ఉంటే చారు కంగారుగా వచ్చి తిను మా అమ్మ అనసూయ అని పరిచయం చేస్తుంది.

దానికి రామచంద్రయ్య గారి నమస్కారం చేసి తిను నా భార్య సులోచన అని పరిచయం చేస్తారు. తర్వాత కొడుకులిద్దర్నీ కోడల్ని పరిచయం చేస్తారు.

దానికి అనసూయ నమస్కారం అని చెబుతుంది. చాలా రోజుల తర్వాత భర్త పక్కన కూర్చున్నందుకు అనసూయ కి చాలా సంతోషంగా అనిపిస్తుంది.

వీళ్ల వల్ల అయినా సరే నా భర్తతో కొంచెం సేపైనా గడపగలుగుతాను.  నా కుటుంబంతో ఉండగలుగుతాను అని ఆ ఫ్యామిలీ వంక చాలా కృతజ్ఞతతో చూస్తూ ఉంటారు.

కౌసల్య విహాన్ కి ఫోన్ చేసి మీతో పాటు శాంభవిని కూడా తీసుకురండి.  వాళ్ళ ఫ్యామిలీ వాళ్ళందరూ ఇక్కడికి వచ్చేసారు.

వీలైతే తొందరగా వచ్చేయండిరా అమ్మాయిని చూడాలని చాలా ఆశగా ఉంది అందరికీ అని చెబితే... అమ్మ నువ్వు అలా కంగారుపడి ప్రతిదీ దొరక పెట్టకు.

మేము టైం కి వస్తాము. రుద్ర ముందే చెప్పాడు అని చెబితే..  ఓ రుద్ర ఆల్రెడీ ప్లాన్ చేశాడా....సరే అయితే జాగ్రత్తగా రండి అని చెబుతారు.

సరే అని ఫోన్ పెట్టేస్తే రుద్ర పక్కనుంచి ఏంటి అత్తయ్య కంగారు పడుతుందా అంటాడు. నీకు మీ అత్తయ్య సంగతి తెలిసిందే కదా...

కుదిరితే ఇప్పుడే వచ్చాయమని చెబుతాన్నారు అని నవ్వుతాడు.  వాళ్లు ఆత్రంతో ఇప్పుడే బయట పెట్టేసేటట్టు ఉన్నారు.

ఇలా జరిగింది అనుకో ఇంకా అంతే సంగతులు . అయినా ఆఫీస్ టైం అయ్యాక మనం నిదానంగానే వెళదాం. అప్పుడు దాకా మీ చెల్లిని బిజీ చేసేయండి అని చెప్పి దేవేంద్ర గారు ఇవ్వాల్సిన వర్క్ కూడా రుద్రే ఇచ్చి వర్క్ చేపిస్తూ ఉంటాడు.

దాంతో ధీరజ్ వచ్చి బావ ఇది కొంచెం టూమచ్ గా లేదా అంటే... దేని గురించి...

ఈరోజు అందరూ ఇంట్లో మంచి హ్యాపీగా ఉంటారు కానీ మమ్మల్ని ఎవరినీ వెళ్లనివ్వకుండా ఇక లాక్ చేసేస్తున్నావు కదా అని అడుగుతాడు.

దానికి రుద్ర ఒక ఐ బ్రో పైకి ఎత్తి ఇప్పుడు వెళ్లి నువ్వు ఏం చేస్తావో అని అడుగుతాడు. వెళ్లితే ఫ్యామిలీ అందరూ ఎంజాయ్ చేస్తారు.

శాంభవితో వాళ్ళ ఫ్యామిలీ చాలా బాగా ఉంటారు కదా అంటే...  అదే కదా నేను చెప్పేది శాంభవి వెళ్ళగానే నాన్న నాన్న అని వెళ్లి వాళ్ళ నాన్న లు ఇద్దరి పక్కన కూర్చుని గారాలు పోతూ ఉంటుంది.

వాళ్లే దగ్గరుండి తినిపిస్తూ ఉంటారు ఇదంతా చూస్తున్న చిన్న మామ పరిస్థితి ఏంటి..  దగ్గరికి తీసుకోలేక దూరంగా ఉండలేక ఎంత నలిగిపోతాడు అది కూడా ఆలోచించలేరా అనే అంటాడు.

రుద్ర ముందు ఆలోచనకి ముగ్గురు అవును ఇది నిజమే కదా అంత దూరం ఆలోచించలేదు బావ.  శాంభవి ఇంటికి వస్తే అందరూ హ్యాపీగా ఫీల్ అవుతారు అని మాత్రమే అనుకున్నాము.

నిజంగా నీ ముందు చూపు మాత్రం సూపర్ అని చెప్పి ఎవరికి వారు  బిజీ అయిపోతారు. సాయంత్రం అయిన తర్వాత వర్క్ మొత్తం ఫినిష్ చేసుకుని శాంభవి దగ్గరికి విహాన్ వెళతాడు.

శాంభవి అని పిలవగానే చెప్పండి సార్ అంటే..  నీకు మీ నాన్నగారి దగ్గర నుంచి కాల్ వచ్చినట్టుంది కదా వెళదామా అంటే...

ఆ తప్పకుండా అని చెప్పి బయటకు వస్తుంది. శాంభవితో ఉన్న మిత్ర,  గౌతమ్ మాత్రం విష్ణు వాళ్ళ ఇంటికి వెళ్లి పోతారు.

శాంభవిని తీసుకుని నలుగురు బృందావనానికి చేరుకుంటారు.  శాంభవి ఆ ఇంటిని చూస్తూ అలాగే ఉండిపోతుంది.

శాంభవి పరిస్థితి ఏమిటి...