బృందావనం

[SivaSai]

Part - 30

   అందర్నీ తీసుకుని బస్సు చార్మినార్ వైపుకు వెళ్ళింది. చార్మినార్ దగ్గరలో బస్సు ఆగగానే అందరూ దిగారు అక్కడినుంచి అందరూ నడక లేదంటే ఆటో పట్టుకుని వెళ్లాలి. 

కానీ  శాంభవి ఫస్ట్ టైం చార్మినార్ రావడంతో అందరూ నడకనే ఎంచుకున్నారు. ప్రతిదీ వింతగా చూస్తూ ఆశ్చర్యపోతున్న శాంభవి ఎక్స్ప్రెషన్స్ అన్ని దేవేంద్ర గారు ఫోన్లో ఫొటోస్ తీస్తూ ఉంటారు. శాంభవి ట్రై చేసిన ప్రతిది ప్యాక్  చేపిస్తుంటారు.

గాజులు చాలా ఎక్కువగా కొంటుంది.  ధరణి అది చూసి నువ్వు అక్కడైనా షాప్ పెట్టడానికి కొంటున్నావా  ఎందుకే అన్ని కొంటున్నావు అని అడిగితే..   భాను గారు ఏంటి ధరణి నా కూతురు ఎన్ని కొనుక్కుంటే నీకేమైంది మోసేవాళ్ళము మేము ఉన్నాము అది వాడుకుంటుందో ఎవరికైనా పంచిపెడుతుందో బంగారం ఇష్టం.

మీరు సైలెంట్ గా మీ పని మీరు చూసుకోండి అని అంటారు.  కూతురు ని ఒక్క మాట అననివ్వరు ఎంత గారం చేస్తాయి ఎలాగా అని జయంతి
ధరణి షాపింగ్ చేస్తూ ఉంటారు.

చారులతా,కౌసల్య మాధురి ఇవన్నీ చూస్తూ ఉంటారు. దేవేంద్ర గారు మురుపెంగా కూతుర్ని చూస్తూ ఉంటారు
నా కూతురు నా దగ్గరే ఉండుంటే నేను ఇంతలాగా ఎంజాయ్ చేశా వాడిని కదా!

ఇన్ని సంతోషాలు నాకు దూరం చేసిన మయూరిని మాత్రం ఎప్పటికీ క్షమించలేను అనుకుంటూ శాంభవి వంక చూస్తారు.

శాంభవి కంటికి నచ్చితే చాలు అన్నలు, తండ్రులు అవి కొనేస్తూ ఉంటారు.  ఇవన్నీ సెక్యూరిటీ ద్వారా ఆన్లైన్లో చూస్తున్న రుద్ర బ్యాచ్  మొత్తం రుద్రవంక చూస్తూ ఉంటారు.

ఎందుకు నా వంక అలా చూస్తున్నారు అంటే..   ఫ్యూచర్లో నువ్వు కూడా అలాగే కొనాలి కదా ఏదైనా సరే అంటే అక్కడ కొంటుంది ఎవరు అని అడుగుతాడు.

  శాంభవి వాళ్ళ నాన్న, అన్నయ్యలు అంటే మరి తర్వాత అయినా ఎవరూ కొనేది అంటే  మేమా అని అడుగుతారు డౌటా అని రుద్ర అంటే..

అప్పుడైనా మాకు ఛాన్స్ వస్తదంటావా బావ అని విహాన్  అంటాడు. నీకెందుకు వచ్చింది ఆ డౌటు అని అడిగితే.. ఇప్పుడు వీళ్లు తర్వాత బాబాయి హేండిల్ చేస్తారు కానీ మన వరకు ఛాన్స్ రానివ్వరు.

పొరపాటున వచ్చిన అత్తయ్య లాగేసుకుంటది అని విహాన్ అంటాడు.  ఆ మాటలు విన్న రుద్ర అది నిజమే లే.

మా అమ్మ ఉత్సాహం చూస్తుంటే రేపే పెళ్లి చేసి తీసుకొచ్చేసా లాగా ఉంది అని అంటాడు.  అత్తయ్యకుందా ఆత్రం నీకుందా బావ అని ధీరజ్ అడుగుతాడు.

  నాకెమీ అలాంటి ఆత్రం లేదు. దాన్ని ఇప్పుడు పెళ్లి చేసుకున్న ఒక చిన్న పిల్లని తెచ్చి ఇంట్లో పెట్టుకున్నట్టే అది చాలా ఎదగాలి అంటాడు.

ధీరజ్ వస్తున్న నవ్వుని ఆపుకుంటూ హైట్ బానే ఎదిగింది కదా బావ మా చెల్లి అంటే.. హైట్ ఎదిగితే చాలా బ్రెయిన్ ఎదగాలి కదా!

ఆ బ్రెయిన్ లో ఉన్న ఈ రెండే రెండు సెల్స్ ఒకటి నాన్న రెండు అన్నయ్య.  మొగుడు అనే సెల్ ఓపెన్ అవడానికి చాలా టైం పడుతుంది..

ఇప్పుడు ఆ టాపిక్ మనకి అంత అవసరం లేదు కానీ ముందు వాళ్ల మీద ఫోకస్ పెట్టండి అని ఆ వీడియో కూడా వాళ్ళ తాతయ్యకి జితేంద్ర గారికి పంపిస్తారు.

రాఘవేంద్ర గారు ఆ వీడియోస్ చూస్తూ నా మనవరాలు నాతో కలిసి అల్లరి చేయాల్సింది. ఇంకొకరితో కలిసి అల్లరి చేస్తుంది.

దీనికి అంతటికి కారణం అయినా అనసూయ ని మాత్రం ఎప్పటికీ క్షమించలేను.  అనసూయ చూపు మాత్రం శాంభవి మీద పడనివ్వను అని గట్టిగా అనుకుంటారు.

దేవేంద్ర ఫ్యామిలీ కొంతమంది కొత్త వాళ్ళతో కలిసి   షాపింగ్ కి వెళ్ళారు అని మయూరి కి ఇన్ఫర్మేషన్ వెళుతుంది.


మయూరి ఆలోచిస్తూ ఉంటుంది.  ఎవరా కొత్త వాళ్లు... అక్కడికి షాపింగ్  కోసం చారు,కౌసల్య వెళ్లారు అంటే ఒక అర్థం ఉంది.

దేవేంద్ర కూడా పనిగట్టుకుని వెళ్ళాడు అంటే ఆ ఫ్యామిలీతో ఉన్న కనెక్షన్ ఏమిటి?  వాళ్ల గురించి పూర్తిగా తెలుసుకోవాలి అనుకుని తన పీఏ అని పిలిచి వాళ్ళ ఫ్యామిలీ డీటెయిల్స్ మొత్తం కనుక్కోమని చెబుతోంది.

వీళ్ళకి సంబంధించిన అమ్మాయితోనే రుద్రకి పెళ్లి చేస్తున్నారా..  లేకపోతే ఇంకా ఏమైనా ఉందా అని ఆలోచిస్తూ ఉంటుంది.

షాపింగ్ మొత్తం ఫినిష్ చేసే ఫుడ్ కూడా అక్కడే తీసుకుంటారు. తినే ప్రతి ఫుడ్డు కూడా ఫస్ట్ శాంభవి అన్నయ్యలు గాని నాన్నలు గాని టేస్ట్ చూసి బాగుంది అన్నాకే శాంభవికి పెడుతూ ఉంటారు.

ధరణి,  జయంతి గుర్రు గా చూస్తూ ఇక్కడ మేము కూడా ఉన్నాము అంటే..  అందుకే మీకు ఆర్డర్ ఇచ్చాము తినండి ఆనీ శాంభవికి  తినిపిస్తూ ఉంటారు.

కూతురు ఉంటే ఇంకేమీ అక్కర్లేదా మీకు అని రుసురసలాడుతూ తింటూ ఉంటారు.  వీళ్ళ ఫ్యామిలీ లో ఉన్న అండర్స్టాండింగ్ చూసి దేవేంద్రికి చాలా ముచ్చటగా అనిపిస్తుంది.

అమ్మ కూడా ఇలాగే ఉండుంటే మా ఫ్యామిలీ కూడా ఇలాగే ఉండేది కదా! లేనిపోని ఆహాలకు పోయి మా ఇంటి దీపాన్ని వేరే ఇంటి దీపంగా మార్చింది

ఏమి చేస్తే మాత్రం ఈ 20 ఏళ్ల వెనక్కి వస్తాయి.నా కూతురు నా దగ్గరికి వచ్చిన తర్వాత అమ్మని క్షమించాలి అనుకున్నాను కానీ..

ఇవన్నీ చూస్తుంటే ఎప్పటికీ అమ్మని క్షమించలేనేమో అనిపిస్తుంది.  శాంభవి కి నిజం తెలిస్తే తట్టుకోగలుగుతుందా?

అసలు ఈ ఫ్యామిలీ ప్రాణాలతో ఉంటుందా.. భగవంతుడు నన్ను ఎలాంటి పరిస్థితుల్లో నిలబెట్టావు.   నా కూతుర్ని నేను దగ్గరికి తీసుకునే రోజు అంటూ వస్తుందా అని బాధగా శాంభవి వంక చూస్తారు.

ఇవేమీ తెలియని శాంభవి ఫ్యామిలీతో హ్యాపీగా ఎంజాయ్ చేస్తూ ఉంటుంది. బాగా లేట్ నైట్ అవడంతో ఇంకా అందరూ ఇంటికి బయలుదేరుతారు.

  శాంభవి వాళ్ళని విష్ణు గారి ఇంటి దగ్గర డ్రాప్ చేసి బస్సు బృందావనానికి వెళ్ళిపోతుంది.  దేవేంద్ర లోపలికి వెళ్ళగానే వెంటనే రాఘవేంద్ర గారి దగ్గరికి వెళతాడు.

రాఘవేంద్ర దేవేంద్ర ని చూసి ఏమైంది నాన్న అని అడిగితే.. నాన్నగారు అని  వెళ్లి ఒళ్ళో తల పెట్టుకుని పడుకుంటాడు. కొడుకు పరిస్థితి అర్థం అయ్యి తలనిమురుతూ ఉంటారు.

దేవేంద్ర తండ్రి ఒడిలోనే పడుకొని ఈరోజు చాలా సంతోషంగా ఉంది.  నా కూతురుతో కలిసి షాపింగ్ చేశాను.  ప్రస్తుతం తనిఖీ పరాయి వాడిన కావచ్చు కానీ..

ఏదో ఒక రోజు తన తండ్రిని నేను అని తెలుస్తుంది కదా ఆ రోజు కూడా నాతో ఇంతే సంతోషంగా షాపింగ్ చేస్తుంది కదా అని వాళ్ళ నాన్నని అడుగుతాడు.

కొడుకుని అలా చూసి రాఘవేంద్ర హృదయం ద్రవిస్తుంది. తప్పకుండా ఆ రోజు వస్తుంది దేవేంద్ర.  నువ్వు బాధపడవద్దు.

ఇన్ని సంవత్సరాలు మన అమ్మాయి కోసం ఎదురు చూశాము. కనిపించింది కదా!  అలాగే తను నీ దగ్గరికి వచ్చే రోజు కూడా వస్తుంది అని కొడుకుని ఓదారిస్తారు.

దేవేంద్ర తండ్రిని చూస్తూ శాంభవి అంటే వాళ్ళందరికీ చాలా ప్రాణం నాన్న.  శాంభవి దూరం అయితే వాళ్ళు ఎవరూ తట్టుకోలేరు.

ఈ విషయం చాలా స్మూత్ గా డీల్ చేయాలి.   మనం రుద్ర కి ఇచ్చి పెళ్లి చేస్తే మన దగ్గరవుతుంది అనుకున్నాము కానీ వాళ్ళ అసలు ఇల్లరికం వచ్చే సంబంధమే చేయాలి అని అనుకుంటున్నారు.

ఎలా రుద్రతో పెళ్లికి ఒప్పించాలి.. ఎలా మనింటికి తీసుకురావాలి అన్నది ఏమీ అర్థం కావడం లేదు.  ఈ సమస్యకు ఏమైనా పరిష్కారం ఉందా అని బెలగా అడుగుతాడు.

కొడుకుని అలా చూసిన రాఘవేంద్ర గారు గట్టిగా పట్టుకుని నువ్వు ఎటువంటి ఆలోచనలు పెట్టుకోవద్దు.  నా మనవరాలు కచ్చితంగా మన ఇంటికి వస్తుంది.

ఆ కుటుంబం మన కుటుంబము కూడా సంతోషంగా ఉంటాయి అని దేవేంద్ర ని జో కొడుతూ ఉంటారు.  తండ్రి ఒడిలోనే ప్రశాంతంగా కళ్ళు మూసుకుని పడుకుంటాడు.


ఇదంతా బయటినుంచి చూసిన జితేంద్ర భారంగా ఒక నిట్టూర్పు విడిచి గదిలోకి వెళతాడు.  గదిలోకి వెళ్లాక భార్యని చూస్తాడు.

కౌసల్య ముభవంగా కూర్చుని ఉంటుంది.  ఏమైంది కౌసల్య అలా ఉన్నావు అని అడుగుతారు. వాళ్లందరికీ శాంభవి అంటే చాలా ఇష్టం అండి.

ఇష్టం అన్నమాట చాలా చిన్నది.   శాంభవి కోసం ప్రాణాలైనా ఇచ్చేస్తారు.  రేపు ఈ విషయం తెలిస్తే తట్టుకోగలరా అని భయమేస్తుంది.

మన స్వార్థం కోసం ఒక కుటుంబం బలవుతుందా అని భయంగా ఉందండి అనే భర్త వంక చూస్తుంది.  భార్య మాటలు, తమ్ముడు ఆలోచన కి జితేంద్ర కి ఏమి చెప్పాలో అర్థం కాకుండా ఉంటుంది.

భార్య పక్కన కూర్చుంటూ ఇది చాలా సున్నితమైన విషయం. కాలమే ఈ సమస్యకి పరిష్కారం చూపిస్తుంది. ఎక్కువ ఆలోచించకుండా పడుకో.

ఇప్పటికే చాలా లేట్ అయింది అని నడుము వాలుస్తారు. చారులత కూడా ముభావంగానే ఇంట్లోకి వెళుతుంది .


సంతోష్ చారు లత ని చూసి వెళ్ళేటప్పుడు అంత ఉత్సాహంగా వెళ్లావు. ఇప్పుడు ఎందుకు అంత డల్ గా ఉన్నావు.

నీ మేనకోడలతో షాపింగ్ సరిపోలేదా అని అడుగుతాడు. దానికి చారులత  షాపింగ్ బాగానే చేసాము. అసలు శాంభవికి ఏమి కావాలో అన్నది అమ్మల కన్నా వాళ్ళ నాన్నలకే  ఎక్కువ తెలుసు.

శాంభవి ఒక ఆలోచన వస్తుంది అనుకునే లోపే ఆ ఇంట్లో మగాళ్లు  ఆచరణలో పెట్టేస్తున్నారు. శాంభవి వాళ్ళ తాతగారు,  నాన్నలు, అన్నయ్యలతో ఉన్న రిలేషన్ చూస్తుంటే మన ఇంట్లో వాళ్ళు ఎంత మిస్సయిపోయారో అన్నది కనిపిస్తుంది.

ఏమి చేసిన ఆ రోజులైతే తిరిగి రావు కదా అని బాధపడుతుంది. దానికి సంతోష్ జరిగిపోయిన దాని గురించి ఎందుకు??

రేపు రుద్ర పెళ్లి అయిన తర్వాత శాంభవి ఇక్కడికి వచ్చేస్తుంది కదా! అప్పుడు అన్ని తన అర్థం చేసుకుంటుంది అని చెబుతాడు.

వెంటనే చారులత ఏవండీ మీకు ఒక విషయం చెప్పడం మర్చిపోయానని గట్టిగా అరుస్తుంది. ఎందుకే అంత గట్టిగా అరుస్తావు పక్కనే ఉన్నాను కదా అని అంటాడు.

దానికి చారులత భర్త అరుపును పట్టించుకోకుండా వాళ్లు శాంభవికి ఇల్లరికం వచ్చే సంబంధమే చుస్తునారండి.  ఇప్పుడు మన రుద్రనే ఇల్లరికం పంపించాలా అని అడుగుతుంది.

తలుపు దగ్గర నిలబడి ఆ మాటలు వింటున్న రుద్ర గట్టిగా ఒక్క సారి గా అమ్మ అని అరుస్తాడు.  ఏమైందిరా అలా అరిచావు అని అడుగుతుంది.

లేకపోతే నీ డిసిషన్ ఏమిటది అని అడుగుతాడు. మా అన్నయ్య కోసం  నిన్ను ఇల్లరికం పంపడానికి నాకు ఎటువంటి అభ్యంతరం లేదు.

మీ మావయ్య కోసం నువ్వు స్టెప్ తీసుకోలేవా రుద్ర అని జాలిగా అడుగుతారు.  సంతోష్ వస్తున్న నవ్వుని పంటి కింద బిగబడతారు.

ఇప్పుడు రుద్ర సమాధానం ఏమిటి??
కథ కొనసాగుతుంది...