Adultery Jab Bhabhi aur Nanad Ek Hi Aadmi se Pyaar Kar Baithe

[JAWANI007]

Saurabh aur Shatakshi apne bedroom mein documents arrange karne mein lage hue the. Shatakshi badi hoshiyari se apni purani marksheet aur passport-size photos ek file mein laga rahi thi, wahin Saurabh uski madad kar raha tha. Dono ke beech ek sukoon bhari khamoshi thi, jo kal raat ki hulchul ke baad ab thodi shaanti mein badal gayi thi.


Tabhi Saurabh ke phone par ek notification ki awaaz aayi. Saurabh ka dhyan file mein tha, par Shatakshi ne turant kaha, "Dekhiye Saurabh ji, shayad aapke phone par koi zaroori message aaya hai."

Saurabh ne phone uthaya toh dekha ki uski mummy ke doctor ka appointment confirm hone ka message tha. Darasal, Mummy ji ko kaafi dino se kuch takleef thi aur unka checkup ek bahut hi mashhoor doctor se karwana tha, jinka appointment milna namumkin jaisa tha. Wo doctor shehar mein sirf kuch dino ke liye aaye hue the aur ab jaakar unka waqt mila tha.

Saurabh ne ghadi dekhi toh thoda pareshan ho gaya. "Shatakshi, ye toh gadbad ho gayi. Doctor se milne ka samay aur tumhare college jane ka waqt lagbhag ek hi hai," usne fikar se kaha.

Shatakshi ne bina soche turant kaha, "Arre isme pareshan hone wali kya baat hai? Aap Mummy ji ko dikha dijiye, unki sehat sabse pehle hai. Main khud chali jaungi, its fine."

Lekin Saurabh ka dil nahi maan raha tha. Wo apni patni ki safalta ke har ek kadam par uske sath rehna chahta tha, uska hath thame rakhna chahta tha. Usne ek pal ke liye socha ki Krutika ko Mummy ke sath bhej de, par phir use laga ki Krutika akeli shayad doctor se thik se baat na kar paye ya Mummy ko sambhal na sake.

Shatakshi ne uski duvidha (confusion) dekhi toh muskurakar Saurabh ka hath thama. "Accha chaliye ek kaam karte hain... main Krutika ke saath chali jaungi. Aap aaram se Mummy ko doctor ke paas le jaiye, thik hai?"

Saurabh ko thak-haar kar halat se samjhauta karna hi pada. Use dukh tha ki wo Shatakshi ke itne bade din par uske sath nahi hoga, par uske paas koi aur chara bhi nahi tha. Shatakshi ne use hausla diya, par uski apni aankhon mein ek ajeeb si chamak aur ghabrahat thi.

Uss raat Shatakshi ko bilkul neend nahi aa rahi thi. Wo bistar par karwatein badalti rahi, bas subah hone ka intezar karti rahi. Uske dimaag mein naya college, naye log aur nayi shuruat ke sapne ghoom rahe the.

Lekin Shatakshi ko kya pata tha... ki ye subah sirf uske career ki nahi, balki uske aur parivaar ke bahut se logo ki zindagi badalne wali thi. Wo 'prestigious college' uske liye kya naya toofan ya nayi khushi lekar aane wala tha, ye toh waqt hi batane wala tha.

Subah ki sunheri dhoop ghar mein nayi umeedon ki tarah phail rahi thi. Dining table par sabhi nashta kar rahe the, par Shatakshi ke dimaag mein sirf uska naya college aur documents verification ka khayal tha.


Saurabh ne apni chai ka aakhri ghoot bhara aur Shatakshi ko tokte huye kaha, "Late mat ho jana, time ka dhyan rakhna. Aur Krutika, tu bhabhi ki poori help karna. Shatakshi, saare zaroori documents check kar liye na?"

Shatakshi ne muskurate huye kaha, "Arre aap fikar mat kijiye, maine sab rakh liya hai. Aap bas aaram se nashta kijiye aur Mummy ji ko doctor ke paas le jaiye." Saurabh ne "haan baba" keh kar nashta khatam kiya aur Mummy ji ko lekar nikal gaya.

Idhar Shatakshi ne ghar ka kaam nipatane mein thodi jaldi dikhayi. Usne ghadi dekhi toh thodi hadbada gayi. "Ohho Krutika, kahin der na ho jaye!" Wo turant apne kamre mein gayi aur ek simple magar suthra salwar-kameez pehen kar bahar nikli. Uska nahaaya hua chehra aur saadgi mein bhi wo kisi apsara se kam nahi lag rahi thi. Krutika bhi apni jeans aur t-shirt mein taiyar thi.

Dono nanad-bhabhi jaise hi nikalne wali thin, tabhi Sasur ji apne kamre se poori tarah taiyar hokar bahar nikle. Unhe dekh kar aisa lag raha tha 
jaise wo bhi kahin bahar jane wale hain.

Krutika ne chiddhate huye pucha, "Arre Papa! Aap itna ban-than ke kahan ki sawari taiyar kar rahe ho?"

Sasur ji ne thoda sambhalte huye kaha, "Kahin nahi beti, bas soch raha tha ki tum dono bacchiyan itni dhoop mein akele kahan bhatkogi? Main bhi saath chalta hoon, ghar pe baithe rehne se accha hai tum dono ki madad ho jayegi."

Shatakshi ne lihaz se mana karte huye kaha, "Arre Papa ji, aap kyun takleef kar rahe hain? Bahar bahut dhoop hai, aap ghar pe hi rahiye na. Main aur Krutika manage kar lenge."

Sasur ji ne mann hi mann socha, 'Arre beta, madad karne de na... acche karm karunga tabhi toh tere jaisa... mera matlab hai, tabhi toh accha meetha phal milega.'

Baahar se unhone bade pyar se kaha, "Shatakshi beta, isme takleef kya? Tu kya parayi hai? Tu bhi toh meri apni beti jaisi hai na. Ab tu mana karegi toh main gussa ho jaunga. Chal jaldi, der ho rahi hai na?"

Shatakshi ne phir se ghadi dekhi. Waqayi der ho rahi thi aur wo nahi chahti thi ki itni badi opportunity hath se nikal jaye. Usne socha ki chalo, Papa ji saath honge toh shayad kaam jaldi ho jaye. "Accha thik hai Papa ji, chaliye."

Sasur ji ke chehre par ek ajeeb si khushi aa gayi. Unki nigahein ek baar phir Shatakshi ke nikhre huye chehre par padi. Teeno ghar se bahar nikle, Krutika ne ghar lock kiya aur teeno us naye safar ki taraf nikal pade.