Adultery SHIMLA KI YAADEIN

[Sahil Spider]

                                                                               SHIMLA KI YAADEIN

EPISODE - 19

Bus se utarne ke baad hum dono chupchaap bus stand se bahar aa gaye. Delhi ka shor, garmi aur bheed sab kuch normal tha… lekin hum dono ke andar sab kuch bilkul khamosh tha. Maine ek cab roki aur driver ko ghar ka address de diya.

Poore raste Khushi ne ek bhi shabd nahi bola. Na usne mujhse kuch pucha… na kisi cheez par reaction diya. Vo bas khidki ke bahar dekh rahi thi… bilkul waise hi jaise Shimla se nikalte waqt dekh rahi thi.

Kuch der baad cab hamare ghar ke saamne ruk gayi. Main aur Khushi dheere se cab se utar gaye. Jaise hi hum ghar ke andar gaye, maa aur papa hume dekh kar ekdum shock ho gaye.

Maa :- arre tum log aa gaye???

Papa :- itni jaldi??? tum log to 5 din ke liye Shimla gaye the na???

Main kuch seconds tak chup khada raha. Fir maine bas itna kaha

Main :- Khushi ki tabiyat thodi kharab ho gayi thi… isliye wapas aa gaye.

Maa turant Khushi ke paas aayi.

Maa :- kya hua beta? tabiyat theek nahi hai?

Khushi ne bas halki si gardan hila di. Na haan… na na. Bas ek mechanical sa reaction.

Uske baad vo seedha apne room ki taraf chali gayi. maa aur papa ek dusre ki taraf dekhne lage. Unhein samajh nahi aa raha tha ki Khushi itni chup kyun hai.

Agle kuch din bilkul ajeeb guzre. Khushi zyada tar apne room mein hi rehti. Na vo kisi se zyada baat karti… na ghar se bahar jaati. Kabhi kabhi maa usse khana khane ke liye bulati to vo chupchaap aa kar table par baith jaati. Aur fir bina kuch bole wapas apne room mein chali jaati.

Papa bhi ek do baar usse baat karne ki koshish kar chuke the. Lekin Khushi bas chhote chhote jawab de kar chup ho jaati. Ghar mein sabko lag raha tha ki shayad safar ki thakan ki wajah se vo aisa behave kar rahi hai. Aur main bhi bas yahi bol deta

Main :- Thoda rest karegi to theek ho jayegi.

Lekin mujhe pata tha ki baat sirf thakan ki nahi hai. 4 din aise hi nikal gaye. Ek din maine maa papa se kaha

Main :- aap log itne time se kahin ghoomne nahi gaye… agar aap chaho to Char Dham ya kisi teerth yatra par chale jao.

Pehle to vo log mana karne lage.

Lekin maine jaise taise kar ke convince kar liya aur unhein keh diya ki ghar ki tension mat lijiye aur thoda time khud ke liye bhi nikaliye. Finally maa papa maan gaye aur kuch hi din baad maa papa teerth yatra ke liye nikal gaye. Ab ghar mein sirf main aur Khushi the. Lekin ghar ab bilkul khamosh ho gaya tha kyoki ab mere maa papa bhi nahi the.

Ek raat main paani lene ke liye room se bahar nikla. Tabhi meri nazar balcony par padi. Khushi wahan akeli khadi thi. Vo railing ke paas khadi bahar dekh rahi thi.

Raat ka waqt tha. Sadak par halki si light pad rahi thi. Main kuch seconds tak door khada usse dekhta raha. Usne shayad mujhe notice bhi nahi kiya.

Vo bas wahi khadi thi…

Bilkul chup.

Bilkul bejaan.

Uss samay mere dimag mein ek hi baat aayi.

“Uss raat Shimla mein sirf Khushi nahi tooti thi…

uske saath meri zindagi bhi kahin ruk gayi thi.”

Main kuch seconds tak wahan khada raha. Fir dhire dhire Khushi ke pass ja kar khada ho gaya.

Uss raat mujhe laga tha… shayad kahani yahin khatam ho gayi hai. Lekin mujhe nahi pata tha… ki 

ye to sirf shuruaat thi.

                                                                                                                           

                                                                                                                 THE END