Adultery SHIMLA KI YAADEIN

[Sahil Spider]

                                                                          SHIMLA KI YAADEIN

EPISODE - 13

Fir main uss hawaldar ke sath security officer station ke bahar nikla aur uske picche picche main chupchap chalne laga.

Jaise hi hum security officer station ke main gate se bahar aaye, thandi hawa ka ek jhonka seedha mere chehre se takraya. June ka mahina tha lekin Shimla ki raat phir bhi thandi hoti hai. Upar aasman bilkul saaf tha aur door pahaadon ke peeche halki si safedi dikhne lagi thi, jaise subah dheere dheere aane wali ho.

Sadak lagbhag khaali thi. Kabhi kabhi koi door se gaadi nikal jaati aur phir fir se wapas wahi sannata chha jaata.

Main hawaldar Kamal ke peeche peeche chal raha tha. Uske boots ki awaaz sadak par saaf sunai de rahi thi.

thak… thak… thak…

Aur har kadam ke saath mere dimag mein bas Khushi ka hi khyal ghoom raha tha…

Pata nahi vo haiwan Bhairav Singh meri Khushi par aur kitni haiwaniyat kar raha hoga, Khushi kis haal mein hogi…uss room ke andar Khushi ke sath aur kya ho raha hoga…kahi Bhairav Singh ke alawa bhi baaki security officers Khushi ke sath.....

Ye sab soch kar mera dil aur tez dhadakne lagta.

Hawaldar :- kya hua be… itna chup kyun hai???

Main :- nahi… kuch nahi.

Hawaldar :- chal jaldi chal… madam ko wait karwana accha nahi lagta.

Main bas haan mein sir hila kar uske peeche chalne laga. Kuch kadam chalne ke baad usne cigarette nikali aur jalate hue bola

Hawaldar :- tum log bhi ajeeb ho yaar…

Main :- kya matlab???

Hawaldar :- matlab hotel mein randi le kar jaate ho aur phir security officer pakad leti hai to drama karte ho.

Main :- sir, humne kuch galat nahi kiya…vo sach mein meri biwi hai

Hawaldar thoda hasa.

Hawaldar :- sab yahi bolte hain.

Main chup ho gaya. Sach kahu to us waqt mere paas behas karne ki himmat bhi nahi thi. Mujhe bas kisi bhi tarah Khushi ko wahan se nikalna tha.

Hum dheere dheere sadak par aage badhte rahe. Shimla ki raat ka mahaul bilkul alag hota hai. Door pahaadon par kuch gharon ki lights jal rahi thi. Kabhi kabhi kisi kutte ke bhaukne ki awaaz aa jaati. Aur beech beech mein thandi hawa chal jaati jo seedha haddiyon tak mehsoos hoti thi. Maine apni jacket thodi aur tight kar li.

Thodi der baad hawaldar achanak ruk gaya. Main bhi ruk gaya.

Hawaldar :- pata hai madam ka naam kyun sunte hi sab seedhe ho jaate hain???

Main :- kyun???

Hawaldar :- kyunki vo jo bolti hai na… vo karti bhi hai.

Main :- matlab???

Hawaldar :- matlab agar unhone bol diya ki kisi ko andar band kar do to phir usko bahar aane mein time lagta hai.

Uski baat sunn kar mera gala sukh gaya aur mere mann mein dar aur zyada gehra ho gaya

Main :- madam… meri biwi ko kuch nahi karengi na???

Hawaldar ne mujhe dekha… aur kuch seconds tak chup raha. Fir bola

Hawaldar :- agar paise de diye na to shayad nahi.

Uska “shayad” word mere dimag mein atak gaya. Maine turant pucha

Main :- matlab???

Hawaldar :- arre tension mat le… paise dega to sab theek ho jayega.

Main bas chup ho gaya. Thodi der baad hum ek chhoti si gali ke paas pahunch gaye. Gali ke kone par ek ATM booth tha. Upar board laga tha — ATM – 24 HOURS.

ATM ke bahar ek security guard kursi par baitha hua tha aur apne mobile par kuch dekh raha tha. Jaise hi usne hume aate dekha vo seedha ho kar baith gaya.

Hawaldar :- chal… aa gaye.

Main :- ji…

Mera dil ab aur tez dhadakne laga. Mujhe pata tha ki ab sab kuch iss machine par depend karta hai. Agar paise nikal gaye to lady officer Khushi ko jaldi chhod degi…but agar koi problem ho gayi to…

Main uss khayal ko aage soch bhi nahi pa raha tha. Hawaldar ne cigarette ka last puff liya aur usse zameen par phek kar jooton se masal diya. Fir usne ATM ki taraf ishara kiya.

Hawaldar :- chal… ja andar.

Main :- ji…

Main dheere dheere ATM booth ke glass door ki taraf badha. Door kholte hi andar ki thandi hawa seedha chehre par lagi. Andar ek hi machine thi. Machine ke upar chhoti si screen chamak rahi thi. Aur poore room mein ek ajeeb si khamoshi thi.

Main machine ke saamne khada ho gaya. Peeche glass ke bahar hawaldar Kamal khada tha.

Uski nazar seedhi mere upar thi. Maine dheere se apni pocket se ATM card nikala. Uss moment par mujhe pata nahi kyun laga jaise meri ungliyan thodi si kaanp rahi ho. Maine card ko machine ke slot ke paas le jaakar ek second ke liye ruk gaya.

Dimag mein ek hi sawaal ghoom raha tha…

Agar ATM machine mein utne paise hue hi nahi to!!!!

Maine ek gehri saans li. Aur card machine mein daal diya. Machine ki screen jal uthi.

“Please enter your PIN.”

Maine keypad ki taraf dekha. Meri ungliyan thodi si heavy lag rahi thi. Jaise har button dabana mushkil ho raha ho. Maine dheere dheere apna PIN enter kiya. Screen par options aa gaye.

Withdrawal…

Balance inquiry…

Fast cash…

Maine withdrawal select kiya. Aur uss moment par meri nazar ek baar fir glass ke bahar  gayi. Hawaldar Kamal zyada door nahi khada tha. Vo glass ke ekdum nazdik khada tha. Aur uski nazar seedhi machine par thi.

Jaise vo dekhne ki koshish kar raha ho ki main kitna paisa nikalne wala hu. Mere dimag mein turant madam ki baat ghoom gayi.

“Yaad rahe…ske sath ATM tak ja aur yaad rahe ki tu isse koi paise nahi lega varna mujhse bura koi nahi hoga.”

Maine screen ki taraf wapas dekha. Amount enter karne ka option aa chuka tha. Maine 60,000 amount type kiya jo madam ne bola tha. Enter dabate hi machine se awaaz aane lagi.

trrrrrrrrrrr…

Mera dil aur tez dhadakne laga. Har second bahut lamba lag raha tha. Machine ke andar gears ki awaaz aa rahi thi. Jaise vo decide kar rahi ho ki paise degi… ya nahi. Main bas screen ko ghoorta raha.

Aur uss moment par mujhe laga jaise meri poori zindagi iss machine ke decision par depend kar rahi ho.

To be continued…