HARAM KHWAISHIEN (pakeeza bani mohra)

[MRWOLF]

UPDATE 5



Agla din dopahar mein...
Bharat Naaka mein Disouza ki death ke baad black petrol ka pura dhanda khaali ho gaya tha. Disouza ka accident hua tha do din pehle, uske saare godown aur supply chain ab khali the. 

Jisne bhi is black petrol ke dhande ko pakad liya, woh by default No.1 ban jayega – mahine ka 12 se 15 lakh ka asani se profit, highway se tanker divert karna, mix karna aur local supply.


Arjun Shukla ko yeh khabar mili toh usne turant apni gang ko bulaaya. “Bharat Naaka ka black petrol ab khaali hai. Hum wahan claim karenge. Chunna Bhatti ke saath yeh bhi humara hoga.” Usne 20-25 aadmiyon ko leke Bharat Naaka ke main chowk pe pahunch gaya. Sabke haath mein lathi aur chhuri thi, lekin koi goli nahi.


Dusri taraf Faiz Nagar se Aslam Qureshi bhi apni gang leke wahi pahunch gaya. Usne bhi 20-25 ladke saath liye the. Dono groups ek dusre ke saamne khade ho gaye. Bharat Naaka ke log door se dekh rahe the, koi bhi beech mein nahi aa raha tha. Arjun ne chillaya, “Yeh area ab humara hai Aslam! Tu apne Faiz Nagar mein reh!” Aslam ne bhi jawab diya, “Arjun, yeh black petrol ka dhanda mera hoga. Tu apna metal supply sambhaal!”


Dono ko ye jagah chahiye thi is wajh se agae thae dono... aur dono ko yehi lag raha tha ki samne wale ko pata chalne se pehle hum lele ye dhanda...


Thoda issues hone lage. Dono taraf se gaaliyan aur dhakke-mukki shuru ho gayi. Ek-do ladke aage badhe, lathi chal gayi. Log chillane lage. Tabhi MLA ka PA ki gaadi wahan aa gayi. PA ne gaadi se utarte hi chillaya, “Ruk jaao sab! Koi harkat mat karo!”

PA ne dono groups ko side mein bulaaya. PA ne kaha, ye lo Mla sahab line par hai aur speaker pr rakh diya call ko

 “Agle election bohot nazdeek hai. Koi jhagda nahi hona chahiye yahan. Agar is baar kisi ne bhi pehle haath uthaya ya attack kiya, toh woh seedha jail. Main bacha nahi paunga.”


Phir MLA ne dono se kaha, “Yeh area mixed hai, isliye direct kisi ko nahi de sakte. Decide yeh hota hai – jo bhi party ko zyada funds dega, 

Bharat Naaka ka black petrol dhanda uska. Cash mein, direct party fund mein. Jitna zyada dega, woh No.1. Lekin election tak koi ladai nahi, koi attack nahi. Samjhe?”party ki chabbi bigadti hai isse, Aur CM sahab ne bhi khaas nigah rakhne kaha hai tum dono par


Arjun shant hokar sochne laga. Aslam bhi chup raha. Dono ne sir hilaya. MLA ne kaha, “Theek hai, ab yahan se nikal jao. Funds ke arrangement main lag jao aur jald he paise pocha dena.”

Dono groups wahan se wapas chale gaye. Lekin dono ke dimag mein ab sirf ek hi baat thi – kaise zyada funds dekar Bharat Naaka ka black petrol apna kiya jaaye.