పాణిగ్రహణం

[SivaSai]

Part - 134

ఇలాంటి ఫుడ్ తింటే నేను ఇప్పుడే చచ్చిపోతాను. అదేంటి భార్గవి అలా అంటావు. గత కొన్ని సంవత్సరాలగా అవనికి ఇలాంటి ఫుడ్డేగా పెట్టేదానివి.

మరి నా కూతురు ప్రాణాలుతో ఉంది కదా.. ఓ..నా కూతురంటే దేవత కాబట్టి ప్రాణాలతో ఉంది. నువ్వు రాక్షసి కన్నా హీన జాతి కాబట్టి ప్రాణాలు పోతాయిఅంటున్నావ్ అంతే కదా...

నేను పెట్టిన అవని ఎప్పుడూ తినలేదు. మరి ఎలాగా తిండి తినకుండా ఉండేది అని పిడికిలి బిగించి కోపంగా అంటాడు.

ధనుంజయ్ కోపాన్ని చూసి భయపడుతూ ఎక్కువ మంచినీళ్లు తాగేది అని భయంగా చెబుతుంది. ఇంకా అంటాడు.

పార్ట్ టైం జాబ్ చేసుకునేది. వచ్చిన డబ్బులతోనే తన బుక్స్, బట్టలు, ఫుడ్డు అన్ని చూసుకునేది. మరి నువ్వేం చేసేదానివి..

నా కూతురు అంత కష్టపడుతుంటే ఎంజాయ్ చేసేదానివా..  నా కూతురు సొమ్ముతో నువ్వు సుఖపడుతూ నా కూతుర్ని కష్టాలు పాలుచేసావా...

ఛి ఛి నేను అవని డబ్బులు ముట్టుకోవడమేమిటి.. దానికి వచ్చే డబ్బులు నేను ఒక సర్వెంట్ కి ఇచ్చే అంత జీవితం ఉండదు.

ఆ మాటకి నవ్వుతూ అసలు ఇవ్వడానికి నువ్వెవరు..  ఈ ఆస్తి మొత్తం నా కూతురుది. అంటే నా కూతురి విసిరేసే ఎంగిలి మీద బతికినదానివి నువ్వు.

ఇన్ని కోట్ల ఆస్తికి వారసురాలు అయినా సరే తన ఆత్మ అభిమానం వదులుకోకుండా కష్టపడింది. అందుకే భగవంతుడు అంతమంచి జీవితాన్ని నా కూతురికి ఇచ్చాడు.

మరి నువ్వు,  నీ కూతురు పరిస్థితి ఏమిటి అంటాడు
  కోపంగా చూస్తూ ఆస్తి మొత్తం అవనిదే అయితే నేను, శిల్ప ఎవరు...

ఏమో ఎవరికీ తెలీసు.. ఆ మాటకి నవ్వుతూ ప్రపంచం మొత్తానికి తెలుసు నేను మాత్రమే మీ భార్యను అని. ఇంకా నువ్వు ఆ పిచ్చి భ్రమలోనే ఉన్నావా..

ఓ నీకు అసలు విషయం తెలియదు కదా.... చెబుతాను.. ఓ కాదు కాదు చూపిస్తాను. అని పిఏ కి కాల్ చేసి ఏమి చేయాలో చెబుతాడు.

ఏమి చేస్తున్నారు మీరు అంటే.. నీకు చూపించాలి కదా వెయిట్ అంటాడు.  ఈ లోపు పి ఎ పెన్ డ్రైవ్, లాప్టాప్ తీసుకునివస్తాడు.

ధనుంజయ్ వాటిని తీసుకుని కనెక్ట్ చేసి భార్గవి ముందు పెడతాడు. యాన్యువల్ డే రోజున జరిగిన ప్రోగ్రాం. పొద్దుటి నుంచి శిల్ప పనిచేస్తున్నది మొత్తం కనపడుతుంది.

అది చూడగానే భార్గవి నా కూతురు ఇలా ఉండడానికి వీలులేదు అని అరుస్తుంది. జస్ట్ వెయిట్... తర్వాత జోకర్ డ్రెస్ వేసుకుని అందరికీ వెల్కమ్ చెప్పడం అవని ఫ్యామిలీని రిసీవ్ చేసుకోవడం.

ధనుంజయ్ అందరూ ముందు రజిత ఒక్కతే భార్య,  అవని మాత్రమే వారసురాలు అని అనౌన్స్ చేయడం అన్నీ వస్తూఉంటాయి.  శిల్ప అందరికీ సర్వీస్ చేయడం చూసి నీరుగారిపోతుంది .

వీడియో మొత్తం అయిపోయిన తర్వాత ఇప్పుడు చెప్పు నువ్వు ఎవరివి అంటాడు. ఎందుకు చేశారు ఇలాగా.. నువ్వు చేసిన దానికి పనిష్మెంట్.

నువ్వు చేసిన తప్పులకి నీ ముద్దుల కూతురు అనుభవిస్తుంది. శిల్ప మీకు కూడా కూతురే ఆ విషయం మర్చిపోతున్నారు.

ఏ రోజో మర్చిపోయాను.  ఉంచుకున్నదానికి పుట్టిన దానిని వారసురాలు అని చెప్పుకోవడానికి నేనేమన్నా రోడ్డుమీద పోయేవాడిని అనుకుంటున్నావా... 

నాకంటూ సొసైటీలో ఒక పరువు ప్రెస్టేజ్ ఉన్నాయి. మీరు ఏం మాట్లాడుతున్నారో మీకు అర్థమవుతుందా..  కట్టుకున్న భార్యని అలాంటి నీచపు మాటలు మాట్లాడడానికి మీకు మనసు ఎలా వచ్చింది..

సహవాసదోషం భార్గవి. నా కూతుర్ని కూతురు కాదు అని నువ్వు క్రియేట్ చేయలేదా.. ఇది కూడా అంతే. దీన్ని బట్టి ఏం అర్థమైంది నీకు.

ఏమి మాట్లాడలేక చూస్తే.. మనం ఏదైతే ఇస్తామో దానికి 100 రెట్లు వెనక్కి తిరిగి వస్తుంది అంటారు. అంటే నువ్వు మంచి చేశావు అనుకో ఆ మంచే నీకు శ్రీరామరక్షలాగా కాపు కాస్తుంది.

అదే ఎదుటివారిని నాశనం చేయాలి అనుకున్నావు అనుకో ఇదిగో నువ్వు ఉన్న పొజిషన్లో ఉంటారు. నీ కూతురు చేసిన దానికి  అక్కడ ఏ పూటకా ఆ పూట కష్టపడితేనే భోజనం దొరికే పరిస్థితుల్లో ఉంది అంటాడు.

కాపలాగా పెట్టిన లేడీస్ ఇద్దరినీ పిలిచి ఈరోజు నుంచి భార్గవి తో మొత్తం పనులన్నీ చేయించండి. ఇదే భోజనం పెట్టండి.

తింటే తింటుంది లేకపోతే చస్తే చస్తుంది. ఒకవేళ చచ్చిపోతే జస్ట్ నాకు మెసేజ్ చేసి డొనేషన్ కి ఇచ్చేయండి. మరి నేను వెళ్ళనా భార్గవి.

ఉండమంటే మాత్రం ఉంటారా .. నీలో నచ్చింది ఇదే.. ఎలాంటి పరిస్థితుల్లో ఉన్న సరే సెన్సాఫ్ హ్యూమన్ వదలవు కదా..

సరే సాయంత్రం అయిపోయింది కదా చల్లటి గాలి వస్తూ ఉంటుంది. కిటికీలు తెరిచి పెట్టండి అని చెబుతాడు.  కిటికీలు తెరవకపోయినా పరవాలేదు.

ఉక్కగా ఉన్న ఇబ్బందే లేదు.  ప్లీజ్ కిటికీలు తేరవద్దు అని రిక్వెస్ట్ చేస్తుంది.  అదేమిటి భార్గవి గాలి లేకపోతే ఎలా ఉంటావు.

మీరు కిటికీలు తెరిస్తే దోమలు వచ్చి బాగా కుడుతున్నాయి నేను ఆ బాధ భరించలేకపోతున్నాను. ఊరుకో భార్గవి. ఏమిటా మాటలు ఆ ప్రాణి ఎంత ఉంటుంది.

చిన్నగా... మనం చూస్తేనే బెదిరిపోయి పారిపోయే అంత చిన్నగా ఉంటుంది. అంత చిన్నజీవి ఏదో తన ఆకలి కోసం నీ ఒంటిలో నుంచి ఒక చుక్క రక్తం తీసుకుంటే ఎందుకు అంత బాధ పడుతున్నావు.

ఇలా నువ్వు రక్తం దానం చేస్తూ ఉంటే కొన్ని కొన్ని పాపాలు పోతాయి భార్గవి. నేను నీ మంచి కోసం చేస్తూ ఉంటే నీకు అది అస్సలు అర్థం కావడం లేదు.

ఎప్పటికి నన్ను అర్థం చేసుకుంటావో ఏమిటో అంటూ వెళ్ళిపోతాడు. వెళుతున్న ధనుంజయ్ ని చూస్తూ.. ఈ నరకం కన్నా ఒక్కసారిగా చచ్చిపోవడమే మేలు అనుకుంటుంది.

ఆ చావడానికి కూడా తనకి అవకాశం ఉండదు. చావు కూడా ధనుంజయ్ కంట్రోల్లోనే ఉంటుంది. 

మాధవి, లలిత కంగారుగా చూస్తూ ఉంటారు. వినయ్ భరత్ వచ్చి ఏమైంది. మీరిద్దరూ కాలుకాలిన పిల్లిలాగా తిరుగుతున్నారు.

ఒరేయ్ మీ నాన్న, మావయ్యని తీసుకుని నివి వెళ్లి చాలాసేపయింది.  ఇంకా రాలేదు. సెక్యూరిటీని కూడా తీసుకుని వెళ్ళలేదు.

ఎక్కడ తిరుగుతున్నారో ఏమిటో... అయ్యో పిచ్చమ్మ మన నివి పాప షాపింగ్ అంటే అంత తొందరగా అవుతుందా.. షాప్ కట్టేసిన సరే మన ఇన్ఫ్లుయెన్స్ ఉపయోగించి ఓపెన్ చేపిస్తుంది.

మరి ఇప్పుడు ఎలా రా.. వాళ్ళని పంపించక ముందు ఆలోచించాల్సింది..  ఏదో  అనేసాములే..
హ.. హ... షాపింగ్ విషయంలో మనం నివి  సీరియస్ గానే తీసుకుంటుంది.

ఆ విషయం ఎలా మర్చిపోయారు మీరు ఇద్దరు...ఆ నిమిషం మమ్మల్ని మేము సేవ్ చేసుకోవడం ఒక్కటే ఆలోచించాము రా..

అందుకని మమ్మల్ని బుక్ చేశారా అని నీరసంగా వచ్చి కూలబడతారు.  వచ్చేసారా అని గబగబా మంచినీళ్లు చేతికి ఇస్తారు.

ఆకలేస్తుంది అని ఇద్దరు పొట్ట పట్టుకుంటారు. నివి మాత్రం మంచి ఉత్సాహంగా వస్తుంది . డ్రైవర్ లగేజ్ మొత్తం లోపల పెట్టి వెళ్ళిపోతాడు.

అదేంటి  ఏమీ తినలేదా..  అయ్యో మమ్మీ అసలు టైం ఎక్కడుందని. నాన్న మావయ్య అలసిపోయారని వచ్చేసాను కానీ లేకపోతే ఇంకా నాలుగు షాపులు ఉన్నాయి.

వినయ్ భరత్ అమ్మలవైపు మేము చెప్పామా అన్నట్టుగా చూస్తారు. ఏం కొన్నావు నివి ఇంత లేట్ అయింది
రండమ్మా చూపిస్తాను అనగానే.. లలిత మాధవి అటు అడుగులు వేస్తూ ఉంటారు.

ముందు మాకు ఏదైనా పెట్టి అప్పుడు మీరు ఎంతసేపైనా చూసుకోండి. మీరు చూస్తూ ఉండండి అత్తయ్య నేను వడ్డిస్తాను అని వస్తుంది.

మాధవి లలిత నివి దగ్గర కూర్చుంటారు. అవని ఇద్దరికీ వడ్డిస్తూ ఉంటే... ఇద్దరూ భోజనం చేసి ఉత్సాహాన్ని తెచ్చుకుని హమ్మయ్య నీ చేతితో వడ్డిస్తే ఆకలి లేనివాళ్ళైనా సరే భోంచేయాల్సిందేనమ్మా అని కోడలని మెచ్చుకుని ఇద్దరు  ఎవరి గదిలోకి వాళ్ళు వెళ్లి మంచాలు ఎక్కేస్తారు.

అవని అత్తయ్య మీకేమైనా కావాలా.. ఏమీ వద్దు. నువ్వు వెళ్లి రెస్ట్ తీసుకో. సరే అని పాలు పుచ్చుకొని గదిలోకి వెళ్ళిపోతుంది.

అవనినీ చూసిన విక్రమ్..  ఏంటి భార్యామణి పనులు చెక్కబెట్టేసావా మావయ్య వాళ్ళు ఇప్పుడే వచ్చారు వాళ్లకి భోజనం వడ్డించి మీకు పాలు తీసుకొని వచ్చాను.

  అమ్మ వాళ్ళు ఏం చేస్తున్నారు.  నివి షాపింగ్ చేసి వచ్చింది కదా... చూస్తున్నారు.   ఆడవాళ్ళకి ఇంత షాపింగ్ పిచ్చి ఏమిటి..

ఎన్ని ఉన్నా ఇంకా అంటారు. ఎలా అంటాడు. ఏమో నాకేం తెలుసు.  అదే నాకు డౌట్..
  
దేనికి అంటే అసలు నువ్వు కొత్తవి కొనుక్కోవాలి..  అలా అలంకరించుకోవాలి అని ఎప్పుడూ ఆలోచించవేంటి.. సింపుల్ గా ఉంటావు.

నేను ఏది తెస్తే అది బాగుంది అంటావు.  ఎలా అని చెయ్యి పట్టుకుని  దగ్గరికి లాక్కుంటాడు.  విక్రమ్ మెడ చుట్టూ చేతిలో వేసి నాకు ఊహ తెలిసినప్పుడు నుంచి ఉన్నదాంట్లోనే అడ్జస్ట్ అవ్వడం అలవాటైపోయింది.

అందుకే ఏది కొత్తవి చూసిన ఆశ కలగదు.  ఎప్పుడూ నేను కడుపునిండా తిని ఒంటినిండా బట్ట ఉంటే చాలు అనుకునేదాన్ని.

అందుకే మిగిలిన విషయాల మీద అంత ఆసక్తి ఎప్పుడూ లేదు అంటుంది.  అవని నుదుటిన ముద్దు పెట్టి ఎలా భరించావే ఆ  వయస్సులో..
వింటూ ఉంటే నాకు ప్రాణం తరుక్కుపోతుంది. భగవంతుడికి కూడా నా కష్టాలు చూసి జాలి వేసి ఉంటుంది.

మిమ్మల్ని  భర్తగా ఇచ్చాడు.  ఇప్పుడు బంగారం లాంటి వరాన్ని ఇచ్చాడు అని పొట్ట మీద చేయి వేసుకుంటుంది. ఒక మాట చెప్పనా అవని..  నీలాంటి భార్య దొరికితే ఏ మగాడి లైఫ్ అయినా సరే చాలా ప్రశాంతంగా ఉంటుంది.

వాడంత అదృష్టవంతుడు ఈ భూమి మీదే ఉండడు. అబ్బో ఏమిటో మావారు నన్ను పొగిడే ప్రోగ్రాం పెట్టుకున్నారు. నిజాలు చెప్పినప్పుడు ఒప్పుకోవాలి..

పొగిడినప్పుడు ఆ పొగడ్తలని ఎంజాయ్ చేయాలి అని పాలు తాగు అంటాడు. అబ్బా వద్దండి. ఇప్పటికే చాలా అనీజీగా అనిపిస్తుంది.

డాక్టర్ దగ్గరికి వెళదామా అని కంగారుపడతాడు. అంత అవసరం లేదు రెస్ట్ తీసుకుంటే సరిపోతుంది.  సరే రా.. పడుకో..

మధురం మధురం ప్రణయం మధురం ❤️❤️

కథ కొనసాగుతుంది...