పాణిగ్రహణం

[SivaSai]

Part - 133

విక్రమ్ ఇందిర దగ్గరికి వస్తాడు.  పడుకుని ఉన్న అవనినీ చూసి నిద్రపోయిందా. ఆహా మగతగా ఉన్నట్టుంది. నువ్వు జో కొడుతున్నావా గ్రానీ.

తప్పేముందిరా.. ఈ టైం లో కడుపుతో ఉన్న ఆడవాళ్లు అంటే గర్భగుడిలోని అమ్మ వారితో సమానం. కడుపుతో ఉన్నవాళ్ళకి సేవ చేస్తే సాక్షాత్తు అమ్మవారికి సేవ చేసినట్టే. మరి ఆ భాగ్యాన్ని నేనెందుకు వదులుకుంటాను.

ఆ మాటకు విక్రమ్ ఇందిరాగారిని హగ్ చేసుకుని థాంక్స్ గ్రాని అంటాడు.  ఎందుకురా. అవనినీ  ఇంత బాగా అర్థం చేసుకుని సపోర్ట్ గా నిలబడ్డావు చూడు.  అందుకు.

ఒరేయ్..  పెళ్లికి ముందు ఎవరు ఏమిటి అన్నది మనకి అనవసరం. పెళ్లిళ్లు స్వర్గాన్ని నిర్ణయించబడతాయి అంటారు.

మీ ఇద్దరికీ ఎప్పుడో భగవంతుడు రాసి పెట్టాడు.  అందుకే భార్యాభర్తలు అయ్యారు.  మరి నీ భార్య మన కుటుంబంలో మనిషే కదా..

మన కుటుంబానికి సంబంధించిన వాళ్లని నేను ప్రేమగా చూసుకోకపోతే  ఎవరు చూసుకుంటారు. నేను ప్రవర్తించే విధానాన్ని బట్టి కదా నా తర్వాత తరం ఫాలో అవుతుంది.

ప్రతిదీ నోటితో చెప్పాల్సిన అవసరం లేదు విక్రమ్. మన చేతులతో కూడా కొన్ని కొన్ని నేర్పించవచ్చు. అవును గ్రానీ నువ్వు చెప్పింది అక్షర సత్యం.

మాధవి అవనినీ వెతుక్కుంటూ ఇందిరా గదిలోకి వచ్చి ఇక్కడ పడుకుందా అమ్మ. ఏమైంది తల్లి. ఎప్పుడో తింది. కాస్త ఫ్రూట్స్ తింటుంది కదా అని తీసుకువచ్చాను.

ఇందిర అమ్మ అవని లేగుమ్మా అని మెల్లిగా లేపుతారు. మెల్లిగా కళ్ళు తెరిచి చూస్తూ ఉంటే ఇది నా గది కాదే అనుకుంటూ ఇందిరాగారి వైపు చూస్తుంది.

చట్టుక్కున  లేస్తూఉంటే... మెల్లిగా అంటారు.  సోరి అమ్మమ్మగారు..  మీరు రామాయణం చదువుతూ ఉంటే తెలియకుండానే నిద్ర పట్టేసింది.

నువ్వు నిద్రపోతే ఏమైంది కడుపులో ఉన్న బిడ్డ వింటుంది కదా..  అది చాలు.  మేము చదువుతూ ఉంటాము.  నువ్వు నిద్ర పోయినా మాకు ఇబ్బంది లేదు. నువ్వు ప్రశాంతంగా ఉండు.

మాధవి ఇదిగో అని చేతికి ఇస్తుంది.  ఆకలిగా లేదు అమ్మ. ఆకలి ఉన్న లేకపోయినా కొంచెం కొంచెం తింటూ ఉండు అని మెల్లిగా తినిపిస్తూ ఉంటారు. 

నివి, లలిత కూడా అక్కడికి వస్తారు.  వదిన నువ్వు బాగానే ఉన్నావు కదా. హా బానే ఉన్నాను ఏమైంది నివి.. మనం షాపింగ్ కి వెళ్దాము.

లేటెస్ట్ డిజైన్స్ వచ్చాయి అంట. కాల్ చేశారు.  ఆఫ్టర్నూన్ నుంచి వెళదామా అనగానే.. అందరూ ఒకేసారి వద్దు అంటారు.

ఆ మాటకి ఏమైంది అంటే..  అవని బయట తిరగకూడదు. అందులోనే ముఖ్యంగా నీతో అని లలిత అంటుంది.

అమ్మ అంటే... అవును తల్లి తమ షాపింగ్ ఎలా ఉంటుందో మా అందరికీ ఎక్స్పీరియన్స్ ఏ కదా.. అసలే అవని కడుపుతో ఉంది.

నీతో పాటు తిరిగింది అంటే అలసిపోతుంది.  కావాలి అంటే ఆ షాప్ కి ఫోన్ చేసి ఆ డిజైన్స్ అన్ని ఇంటికి తేప్పించుకో లేదు అంటే ఎవరినైనా తోడు తీసుకువెళ్ళు.

రాజ్ లేరమ్మ. వర్క్ ఉంది అని చెప్పి కలవడం కష్టమన్నారు. ఆల్రెడీ రాజ్ కి కాల్ చేసావా.. ఉమ్..
  తల ఊపుతుంది.

అయితే మీ అన్నయ్యలనో,  బావనో తీసుకువెళ్ళు. వాళ్ళు రారమ్మా. ఎవరు వచ్చినా రాకపోయినా అవని మాత్రం రాదు.

సరే నేను నాన్నని, మావయ్యని తీసుకువెళ్తాను. హమ్మయ్య అని మాధవి అంటే..  ఏమైంది అత్తయ్య.. మమ్మల్ని ఎక్కడ రమ్మంటావా అని భయపడ్డాను.

థాంక్స్...  వాళ్ళిద్దర్నీ తీసుకువెళ్ళు.  అసలే ఈ మధ్యన మీ మావయ్యకి ఎక్సర్సైజ్ లేక ఒళ్ళు పెంచుతున్నారు. నాతో తిరిగితే ఎక్సర్సైజ్ఆ..  అత్తయ్య.

డౌటా...  ఎంత వాకింగ్ చేపిస్తావు నువ్వు? అట్లీస్ట్ ఒక కేజీ తగ్గిన తగ్గినట్టే కదా తీసుకువెళ్ళు.  థాంక్యూ అత్తయ్య. నీకోసం మావయ్యను తీసుకు వెళుతున్నాను అంటుంది.

అందరూ రమేష్,  కళ్యాణ్ ని ఊహించుకుని జాలి పడతారు. సాయంత్రం తొందరగా రండి అని నివి మెసేజ్ చేస్తుంది.

ఏమైంది అని కాల్ చేస్తే.. తొందరగా రండి ఒక ఇంపార్టెంట్ విషయం మాట్లాడాలి అని చెప్పి ఫోన్ పెట్టేస్తుంది.  బావమరుదులిద్దరూ ఊపుకుంటూ సాయంత్రం తొందరగా వచ్చేస్తారు.

నివి రెడీ అయ్యి ఉంటుంది. వాళ్ళు లోపలికి వస్తూ ఏమైంది నివి తొందరగా రమ్మన్నావు. పదండి...  పదండి మళ్ళీ లేట్ అవుతే కష్టం.  ట్రాఫిక్ లో ఇరుకుంటాము.

  ఎక్కడికి వెళ్ళేది..  దేనికి అని ఇద్దరు అయోమయంగా చూస్తూ ఉంటే షాపింగ్ కి నాన్న అంటుంది. అంతే ఇద్దరూ మొఖాలు  వేలాడేసుకుని ఇప్పుడు షాపింగ్ ఏంట్రా  లేటెస్ట్ డిజైన్స్ వచ్చాయంట.

అత్తయ్యతో అంటే మావయ్యని, నాన్నని తీసుకువెళ్ళు.  ఈ మధ్య ఎక్సర్సైజు లేక వెయిట్ పెరుగుతున్నారు.  హెల్త్ ఇబ్బంది అవుతుంది.

నీతో వస్తే కొంచెం ఎక్సర్సైజ్ అయినా చేసినట్టు ఉంటుంది అని చెప్పింది నాన్న. మీకోసం.. మీ ఆరోగ్యం కోసం అని నేను ఆగాను లేకపోతే ఒక్కదాన్నే వెళ్ళేదాన్ని అంటుంది.

కళ్యాణ్ కూతురు తల మీద చెయ్యి వేసి..  నా ఆరోగ్యం పైన నీకు ఎంత శ్రద్ధ తల్లి. మా ఆరోగ్యాల కోసం నువ్వు షాపింగ్ కి వెళ్లకుండా త్యాగం చేసావా.

పోనీలే అమ్మ.  ఇంత త్యాగం చేసినందుకు నీకు ఒక గిఫ్ట్ ఇస్తాను అని కార్డు ఇస్తారు.  దేనికి నాన్న... నీకు నచ్చనివి ఎంత కాస్ట్ అయినా సరే కొనుక్కో. సరేనా..

మేము ఇంటి దగ్గరే వాకింగ్ చేస్తాం కదా బావ. రమేష్ వెంటనే  అవును బావ అంటాడు. లేదు లేదు మీరిద్దరూ నాతో రావాల్సిందే లేకపోతే అత్తయ్య అమ్మ ఫీలవుతారు అని చెప్పి లాక్కెళ్ళిపోతుంది.

వెళ్తున్న వాళ్ళని చూసి చూసావా వదిన..  నీ కూతురు ఎంత ముదురో.. మనిద్దరం ఫీల్ అవుతాం అని తీసుకువెళ్లిందంట.. అంతేగాని దానికి అవసరమై కాదు.

బ్రతక నేర్చిన తెలివి ఉంటే చాలు...  ఎక్కడైనా కొట్టుకు వచ్చేస్తారు. మనకు అది లేకే కదా మన మొగుళ్ళతో ఇన్ని తంటాలు పడుతున్నాము అంటుంది.

సరిగ్గా చెప్పావు వదిన. ఎలాగైనా మనం నివి దగ్గర ట్రైనింగ్ తీసుకోవాలి. అది ట్రైనింగ్ తీసుకుంటే రాదు వదిన జన్మతా వచ్చేయాలి. మన తర్వాత అవని.  ముగ్గురికి ముగ్గురం సరిపోయాము.

ఇదంతా చూసిన విక్రమ్ నవ్వుకుంటూ దగ్గరకు వచ్చి మీరిద్దరూ ఎక్కడికి వెళ్లాలో చెప్పండి.  నేను తీసుకువెళ్తాను. ప్రస్తుతం అవసరం లేదు రా..

  కరుణ ఆంటీ,పార్ధు అంకుల్ వస్తే అందరం కలిసి ఒకేసారి షాపింగ్ కి వెళ్దాము.  ఒక్కొక్కళ్ళు ఒక్కొక్కసారి అంటే కష్టం కదా అంటే గుడ్ డెసిషన్ అయితే అందరికీ కలిపి ప్లాన్ చేస్తాను.

ఆఫీస్ నుంచి వచ్చిన భరత్, వినయ్ దగ్గరికి వచ్చి ఏంటి ముగ్గురు గూడుబుఠాణి  చేస్తున్నారు.  ఎనీ సీరియస్ అంటే...  మాధవి అవున్రా ఇప్పుడు దాకా సీరియస్ డిస్కషన్ అయింది.

మీరు రావడమే ఆలస్యమైంది అని నీరసంగా చెబుతుంది. ఏమైంది అత్తయ్య అంత సీరియస్ డిస్కషన్ ఏం జరిగింది. మీ చెల్లి షాపింగ్ అంటుంది.

వెంటనే ఎక్కడ నివి అని కంగారుగా వెతుకుతాడు. ఆల్రెడీ మీ నాన్నని, మావయ్యని తీసుకుని వెళ్ళిపోయింది ఈసారి వాళ్ళిద్దరూ బుక్కయ్యారా.

లేకపోతే మేము బుక్ అయ్యేవాళ్ళం అంటుంది. ఎందుకు అత్తయ్య మావయ్య మీద పగపట్టేసావు. ఊరుకోరా నేనెందుకు పగ పడతాను.

కాస్త చేంజ్ ఉంటుందని వెళ్ళమన్నాను అంతే కదా వదినా...  అంతే. ఇంటికి వచ్చి ఏం చేస్తున్నారు. హాయిగా కూర్చుని కాలు మీద కాలేసుకుని.. ఉప్పరి మీటింగ్లే కదా..

అందుకనే షాపింగ్ కి వెళ్తే కాస్త లోకజ్ఞానం తెలుస్తుంది అని.. రా వదిన అని లలిత వెళ్ళిపోతుంది.  వెళుతున్న లలిత, మాధవిని చూసి నాన్నకి మావయ్యకి లోకజ్ఞానం కావాలంట.. మరి వీళ్ళకేం కావాలో అని వినయ్ భరత్ ఒకరినొకరు చూసుకుని పెదవి విరుస్తారు.

ధనుంజయ్ అవని దగ్గరికి రాకపోయినా ఎప్పటి విషయాలు అప్పుడు కళ్యాణ్ చెబుతూ ఉంటాడు.  అది విని కూతురు సంతోషంగానే ఉంది అని తృప్తిపడతాడు.

ఒకసారి భార్గవిని కలిసి వద్దాము అని భార్గవిని ఉంచిన  ప్లేస్ కి వెళతాడు. గదిలోకి వెళ్లి భార్గవి భార్గవి అని పిలుస్తూ ఉంటాడు.

మెల్లిగా తలెత్తి ఇక్కడ అంటుంది. అరే.. కనిపించలేదు.  ఇక్కడే ఉన్నావా... అదేంటి భార్గవి. ఇలా చిక్కిపోయావు.  నీకు ఇక్కడ సదుపాయాలు సరిగ్గా ఉండడం లేదా జైల్లో ఫుడ్డే బాగా పడినట్టుంది.

సరిగ్గా తినకపోతే ఎలా భార్గవి. ఎంత గ్లామర్ మెయింటైన్ చేసేదానివి. ఇప్పుడు చూడు 40 లో 60 లాగా కనిపిస్తున్నావు.

ఇలా ఉంటే నాకు ఎలా చూడాలనిపిస్తుంది ఎందుకండీ ఇంత టార్చర్ పెడుతున్నారు అని కన్నీళ్ళతో అడుగుతుంది.

టార్చర్ ఎక్కడ పెట్టాను. నేను కొట్టానా.. తిట్టానా.. ఆఖరికి నువ్వు ఉన్న దరిదాపుల్లో కూడా నేను ఉండటం లేదు కదా.
ఎలా టార్చర్ పెట్టగలను.

టైం కి ఫుడ్ పెడుతున్నాను. చల్లటి గాలి వస్తుందని కిటికీలు తెరిచి ఉంచుతున్నాను. నీకు ఇబ్బంది లేకుండా ఉండాలని ఫుల్ గా సెక్యూరిటీ పెట్టాను.

మనుషులని మాయ చేయడం ఈజీ కదా.. అందుకని కుక్కల్ని కాపలాగా పెట్టాను.  ఇంకా ఏమిటి నిన్ను టార్చర్ పెట్టింది.

మనిషిని కొట్టనవసరం లేదు...  తిట్టినవసరం లేదు..
సైలెంట్ గా చేసే పనిలో వల్ల కూడా టార్చర్ చేయవచ్చు అంటుంది.

ఓ...  ఎక్స్పీరియన్సా.... ఒక రకంగా అలాంటిదే.  ఫుడ్ పెడుతున్న పెడుతున్న అంటున్నారు. ఏం పెడుతున్నారు.. 
అలా అంటావ్ ఏంటి భార్గవి.

  స్ట్రిక్ట్ గా వార్నింగ్ ఇచ్చి వెళ్లాను కదా.. నీకు టైం కి ఫుడ్ పెట్టమని.  వెంటనే లేడీస్ ఇద్దరినీ పిలుస్తాడు. ఏంటి మీరు భార్గవి కి టైం కి భోజనం పెట్టడం లేదా...

చూడండి ఎలా చిక్కిపోయిందో.. అసలే భార్గవి అందం లేకపోతే ఉండలేదాయే...   అయ్యో సార్ మేము పెడుతున్నాము. మేడమ్ గారే అసలు తినడం లేదు.

కావాలంటే  మీ ముందే తెచ్చి పెడతాము చూడండి అని ప్లేట్ తీసుకువచ్చి భార్గవి ముందు పెడతారు. వెంటనే ధనుంజయ్,  మిగిలిన ఇద్దరు లేడీస్ మాస్క్ వేసుకుంటారు.

భార్గవి ముక్కుకి చీర కొంగు అడ్డుపెట్టుకొని ఇలాంటి భోజనం ఎవరు తినగలరండి. ఎంత పాచిపోయిన వాసన వస్తుంది. ఇది తింటే లోపల పేగులు మాడిపోతాయి ఇన్ఫెక్షన్స్ వస్తాయి అంటుంది.

ధనుంజయ్ సమాధానం...