పాణిగ్రహణం

[SivaSai]

Part - 132

వినయ్ చెప్పిన విధానానికి భరత్ ఆలోచిస్తూ ఉంటాడు. ఏంటి బావ తెగ చించుతున్నావు. నువ్వు చెప్పినదే ఆలోచిస్తున్నాను.

ఫస్ట్ నా ట్రైల్ నేను వేస్తాను. వర్కౌట్ అవ్వకపోతే అప్పుడు ఆలోచిద్దాంలే. నీ ఇష్టం.  చెప్పాల్సింది చెప్పాను. నువ్వేం చేస్తున్నావు ప్రొసీడ్ అవుతున్నావా.

నా రౌడీ పిల్లని కొన్ని రోజులు ఆడుకోవాలి బావ. ఎలాగైనా లైన్ లోకి వచ్చేస్తది. అది దేశముదురు కాబట్టి నాకు ఎటువంటి ఇబ్బంది లేదు.

మనం పరవాలేదు. రాజ్ బావ గురించి ఆలోచిస్తే బాధేస్తుంది. నిజమే మరి ఇంత అమాయకుడు అనుకోలేదు.

యూఎస్ లో ఉన్నాడు. ఫాస్ట్ గా ఉంటాడు లేడీస్ ని ఒక రేంజ్ లో హ్యాండిల్ చేస్తాడు అనుకున్న.  కానీ మన నివి దగ్గర మాత్రం బొక్కబోర్లా పడుతున్నాడు.

అవును బావ బిజినెస్ లో అన్నయ్యతో సమానంగా వెళుతున్నాడు కానీ లేడీస్ ని హ్యాండిల్ చేయడం అస్సలు రావడం లేదు.

మనం చాలా బెటర్. ఏమో నా పరిస్థితి అయితే నాకు ఏమీ అర్థం కావడం లేదు వినయ్ . నీ పిల్ల ఏదో ఒకటి మాట్లాడుతుంది. నా పిల్ల ఏమీ మాట్లాడదు.

ఏం చేయాలో అని ఆలోచిస్తూ ఐడియా..  నీ పిల్ల నెంబర్ ఇవ్వు బావ అంటాడు.  ఎందుకు. నాకు చాలా పని ఉంది అని నెంబర్ తీసుకుని వెళ్ళిపోతాడు.

ఒకసారి మనం శిల్ప,  ఉదయ్ దగ్గరికి వెళదాం రండి..

పనులు చేయడం మొదలుపెట్టి అప్పటికే 15 రోజులు దాటుతుంది. శిల్పకి ఆలోచించుకోనే టైం లేకుండా మెదడు శరీరం రెండు అలసిపోతూ ఉంటాయి.

పొద్దున్నే ఎప్పుడో లేచి రాత్రి చీకటి పడ్డాక పడుకోవడం. సోషల్ యాక్టివిటీస్ లో లేకపోవడం. బయట ప్రపంచంలో ఏం జరుగుతుందో తెలియకపోవడంతో ఒక రకమైన ప్రశాంతమైన జీవితంలో ఉంది.

మెల్లి మెల్లిగా ఆ పనులకి అలవాటు పడుతూ వచ్చిన రోజు చూపించిన పొగరు కూడా తగ్గి మనుషుల విలువ మెల్లిగా తెలుసుకుంటూ ఉంది.

పొలంలో  జల్లిన విత్తనాలు చిన్నగా మొలక వచ్చేటప్పటికి అవి చూసి ఆనందంతో ఉదయ్ అని పిలుస్తుంది. చెప్పు శిల్ప అంటే...

మనం వేసిన విత్తనాలు చూడు చిన్నగా మొలక వచ్చింది అని సంతోషంగా చెబుతుంది.  ఉదయ్ శిల్ప వైపు చూస్తాడు.  ఆ ముఖంలో ఎప్పుడూ కనపడిని సంతోషం కనబడుతూఉంటుంది.

అవును అంటాడు. అవును అని అంత సింపుల్ గా అంటావేమిటి. ఇది మన హార్డ్ వర్క్ అంటుంది. ఆ మాటకి నవ్వుతూ హార్డ్ వర్క్ విలువ నీకు తెలుస్తుందా...

ఇప్పుడిప్పుడే... చూస్తూ ఉంటే మనసుకి ఎంత హాయిగా ఉందో తెలుసా.. డాడీ దగ్గర ఎంత మనీ తీసుకుని పార్టీస్ చేసుకున్న సరే ఈ ఆనందం ముందు అవన్నీ నథింగ్ అనిపిస్తున్నాయి.

అందుకేనేమో అవని ఎప్పుడూ చాలా సెల్ఫ్ రెస్పెక్ట్ తో ఉండేది. కష్టపడేది కదా అందుకే ఆ విలువ బాగా తెలిసేది. నువ్వు అవని గురించి ఆలోచిస్తున్నావా...

చెప్పాను కదా హార్డ్ వర్క్ చేస్తూ ఉంటే ఆ సంతోషం ముందు ఏది కనిపించడం లేదు.  అవని ఊహ తెలిసే వయసు నుంచి కష్టపడుతూనే ఉంది.

తన కష్టాన్ని చూసి మనం వెకిలిగా నవ్వుకునేవాళ్ళం.  ఎగతాళి చేసేవాళ్ళం.  ఆఖరికి మమ్మీ కడుపు నిండా ఫుడ్ కూడా పెట్టేది కాదు.

మనం ఎంత ఫుడ్ వేస్ట్ చేసేవాళ్ళం. ఆ వేస్ట్ చేసింది దాంట్లో సగం అవనికి పెట్టిన సరిపోయేది కానీ..  మమ్మీ అలాంటి మంచి పనులు చేయలేదు.

ఆవిడని చూస్తూ పెరిగిన మనకి ఎక్కడి నుండి వస్తాయి. నువ్వు అన్నది కూడా నిజమే శిల్ప. మన పేరెంట్స్ సరిగ్గా ఉండి ఉంటే ఈరోజు మన పరిస్థితి ఇలా ఉండేది కాదు.

మీ మమ్మీకి తోడు మా డాడీ, మా మమ్మీ. ముగ్గురికి ముగ్గురు తోడు దొంగలు లాగ మావయ్య ఆస్తినంతా కొట్టేసి...

అవనినీ రోడ్డు మీద నిలబెట్టి నిన్ను ప్రిన్స్ చేయాలి అనుకున్నారు. కానీ భగవంతుడు అనే వాడు చూస్తూ ఉంటాడు కదా...

అవని కష్టపడే తత్వానికి విక్రమ్ లాంటి వ్యక్తి భర్తగా వచ్చాడు. మన పరిస్థితి ఇలా ఉంది అంటాడు. అవును నువ్వు అన్నది కూడా నిజమే.

మమ్మీ ఫస్ట్ నుంచి మంచిగా ఉండి ఉంటే నేను కూడా అలాగే ఉండేదాన్నేమో. అట్లీస్ట్ అక్కచెల్లెలు లాగా అయినా పెరిగే వాళ్ళము కదా..

మంచి చెడు తెలుసుకునేదాన్ని. ఈరోజు నా జీవితం నేను కోరుకున్నట్టుగా మలుచుకునేదాన్ని ఉదయ్  అలా చూస్తూ ఉంటే తప్పుడు దారిలో కాదు సరైన దారిలో వెళ్లి అంటుంది.

ఇంకా మోడలింగ్ మీద ఇంట్రెస్ట్ ఉందా అంటే ఒక నవ్వు నవ్వి పద పనిచేసుకుందాం అంటుంది. ముందుకు వెళుతున్న శిల్ప ని చూస్తూ ఉంటాడు.

మా బంధం ఏమిటి..  ఈ పెళ్లిని ఒప్పుకోవాలా.
ఒకరి మీద ఒకరికి ప్రేమ లేదు అలా అని ద్వేషము లేదు. శిల్పా తప్పుడు దారిలోకి వెళ్ళింది అని తప్పుపట్టడానికి నేనేమీ శ్రీ రామచంద్రుడిని కాదు కదా..

నేను తిరగాల్సిన తిరుగళ్లన్నీ తిరిగాను. అలాంటప్పుడు శిల్ప పర్ఫెక్ట్ గా ఉండాలి అనుకోవడం కూడా నా మూర్ఖత్వమే.

మెల్లిగా శిల్ప మనసు మార్చి ఇద్దరం భార్యాభర్తలుగా ప్రయాణం మొదలుపెట్టాలి. ఇప్పటినుంచి మాత్రం ఒకరినొకరి మోసం చేసుకోకుండా నిజాయితీగా ఉంటే చాలు అనుకుని శిల్ప వెనకాలే వెళతాడు.

రోజులు ముందుకు సాగుతూ ఉన్నాయి. కొంతమందికి సంతోషంతో.. కొంతమందిలో మార్పురావడంతో...రెండు జంటలు ప్రేమాయణంతో.  ఒక జంట పెళ్లి టైం దగ్గర పడడంతో ఎవరు బిజీలో వాళ్ళు ఉన్నారు.

అవనికి మూడో నెల వస్తుంది. డాక్టర్ చెక్ చేసి అంతా బానే ఉంది పరవాలేదు ఇలాగే డైట్ మెయింటైన్ చేయాలి అని సజెస్ట్ చేస్తారు.

ఓకే థాంక్యూ చెప్పి ఇంటికి తీసుకువస్తాడు. నేను బాగానే ఉన్నాను. బానే ఫుడ్ తీసుకుంటున్నాను. మీరు ఆఫీస్ కి వెళ్ళండి. లేదు నా బేబీని చూసిన తర్వాత అంటాడు.

అప్పుడు మాత్రం ఎందుకు.. మీ బేబీని ఎవరు ఆడిస్తారు డైపర్ ఎవరు మార్చుతారు.  అప్పుడు కూడా ఉండిపోండి.  గుడ్ ఐడియా.

నాకు ఇప్పుడు దాకా రాలేదు.  చూసావా ఎలాగైనా నా బేబీ చాలా గ్రేట్ అంటాడు. ఏదైనా సరే బేబీ అకౌంటు ఏనా... నాకు బుర్ర లేదా..

బుర్ర ఉంది కానీ వాడటం అన్నది నా బేబీ వచ్చిన తర్వాతే స్టార్ట్ అయింది. అందుకే నా బేబీ గ్రేట్. అబ్బో ఇప్పుడు నుంచే పుట్టబోయే బేబీ ని నెత్తిన పెట్టుకుంటే  వచ్చే బేబీ ఇంకా ఆడించేస్తుంది.

అప్పుడు గ్రేడ్ లయన్ విక్రమ్ జై సింహా గారు వాళ్ళ పిల్లలు చేతుల్లో డాల్ అంటారు.  ఆ మాటకి నవ్వుతూ అయ్యేది నా పిల్లలకే కదా...

అందులో ఉండే ఆనందమే వేరు. చిన్నప్పుడు నేను  చాలా అల్లరి చేసేవాడిని. ఆఫీస్ కి వెళ్ళిన  డాడీని, తాతయ్యని ఇంటికి వచ్చేదాకా బాగా పేజీ పెట్టేవాడిని.

ఒక్కోసారి ఇంపార్టెంట్ మీటింగ్లోనే వెనక్కి వచ్చేసేవాళ్ళు అంట. ఎప్పుడు నాన్న అంటారు నీకు ఇంతకుమించి ఏడిపించేవాడు పుట్టాలిరా..

అప్పుడే నా రివెంజ్ తీరుతుంది అని. నేను మాత్రం ఎంజాయ్ చేస్తాను పిల్లల్లో పిల్లలుగా కలిసిపోవాలి.
పెద్దవాళ్ళో పెద్దవాళ్లగా కలిసిపోవాలి.

అప్పుడే మన స్ట్రెస్ రిలీఫ్ అవుతుంది ఎప్పటికీ యంగ్ గా కనిపిస్తాము. ఓహో తమరు అందం సీక్రెట్ ఇదా అంటుంది. నీకు కావాలా..

ఎందుకులే ఆ అందం మందం మాదిరిగా మీరే పెంచుకోండి అని మూతి తిప్పుతుంది. అరె.. నా భార్యామణికి కూడా జలస్ వస్తుందా...

నాకెందుకు.. చూసావా నీలో ఉన్న కొత్త వేరియేషన్ కూడా నా బేబీ వల్లే బయటకు వచ్చింది. మీకో నమస్కారం. మీ బేబీ కో నమస్కారం. నన్ను వదిలేయండి.

మీ బేబీ టార్చర్ నేను తట్టుకోలేకపోతున్నాను. అరే అలా ఎలా వదిలేస్తాను. ఎంజాయ్ చెయ్. ఇప్పుడు నుంచి నా బేబీ టాలెంట్ను గుర్తించావు అనుకో.. 

పుట్టిన తర్వాత ఎలా ఉండాలో..  ఇంకా ఎలా డెవలప్ అవ్వాలో తెలుస్తుంది అంటాడు.  ఇంకా అంటే ఇంకా నా ఆలోచించి చెబుతాను.

మీరు ఆలోచిస్తూ ఉండండి. నాకు పని ఉంది అంటుంది ఏం పని. అబ్బా ఏదో ఒకటి ఉంటుందిలే.  హ.. మర్చిపోయాను బంగారం అంటాడు.  మళ్ళీ ఏం గుర్తొచ్చింది  నీ కోసం జీకే బుక్స్ తెచ్చాను.

సీరియస్గా చూస్తూ ఏం తెచ్చారు అంటుంది. జనరల్ నాలెడ్జ్ బుక్స్. ఇప్పుడు నాకు అది ఏమైనా తక్కువ  ఉందా.

ఇప్పుడున్న దానికన్న ఇంకా పెంచుకొవడానికి.  నీ ఐక్యూ ఎంత బాగుంటే బేబీకి అంత మంచిది. ఇప్పటినుంచి ఆలోచిస్తూ ఉంటుంది. షార్ప్ గా ఉంటుంది.

తల కొట్టుకుంటూ ప్లీజ్ అండి కావాలి అంటే అమ్మమ్మ గారి దగ్గర కూర్చుని భగవద్గీత, రామాయణం వింటాను సరేనా. అవి విను.  ఇది చదువు.

రోజు నిన్ను నేను అడుగుతాను. ఆ కొషన్స్కి సమాధానం చెప్పాలి అంటే బిక్క మొహం వేసుకుని చూస్తుంది. ఏమైందిరా అంటాడు.  ఏం అవ్వాలా....

మన బేబీ పుట్టడంతోనే బిజినెస్ స్టార్ట్ చేసేస్తారు ఏమో అని భయంగా ఉందండి.  అది ఇంకా మంచిది కదా..
హ్యాపీగా నేను రిలాక్స్ అయిపోయి మనం ట్రిప్స్ మీద ట్రిప్స్ వేస్తూ ఎంజాయ్ చేయొచ్చు అంటాడు.

నా బుర్ర ఇప్పటికే వేడెక్కిపోయింది. నేను అమ్మమ్మ గారి దగ్గరికి వెళుతున్నాను అని అక్కడ నుండి వెళ్ళిపోతుంది. వెళుతున్న అవనినీ చూసి నవ్వుకుంటూ నిన్ను ఎప్పుడూ ఇలాగే బిజీగా ఉంచాలి.

నీ బుర్రకి ఏది ఆలోచించుకునే టైము ఇవ్వకూడదు. అప్పుడే నువ్వు ప్రశాంతంగా ఉంటావు. నువ్వు ప్రశాంతంగా ఉంటే నేను సంతోషంగా ఉంటాను.

అవని ఇందిరాగారి దగ్గరికి వెళ్లి అమ్మమ్మ గారు అని పిలుస్తుంది. రా తల్లి అక్కడే ఆగిపోయావే.. లోపలికి వచ్చి ఏం చేస్తున్నారు.

ఇప్పుడే రామాయణం తీసి చదువుతున్నాను. నాకు వినాలని ఉంది. పైకి చదువుతారా.. అంతకన్నానా..  రా తల్లి అని కూర్చోబెట్టి రామాయణం చదువుతూ ఉంటారు.

అది వింటూనే అవని అక్కడే నిద్రపోతుంది.  పడుకున్నా అవనినీ జో కొడుతూ రామాయణం చదువుతూఉంటారు.

ఆనందనిలయం??

కథ కొనసాగుతుంది...