Misc. Erotica అనుమానం పెనుభూతం

[iHellBoy69]

అరవింద్ మెల్లగా ముందుకు వొంగి టేబుల్ మీద చేతులు పెట్టి ప్రేమ్ ని చూస్తూ ఉన్నాడు. అతని పెదాల మీద అదో రకమైన నవ్వు.

"ప్రపంచం చాలా చిన్నది కదా ప్రేమ్?" అన్నాడు అరవింద్ 

ప్రేమ్ చూపులు తాను అతని మొహం మీద చేసిన గాయం మీదకి వెళ్లాయి. 

"చూస్తుంటే బాగా అలిసిపోయినట్టు ఉన్నావ్? ఎలా ఉంది లైఫ్?" అన్నాడు అరవింద్ మళ్ళీ 

అతని మాటలు వింటుంటే ప్రేమ్ తెలియకుండానే గుటకలు మింగుతూ ఉన్నాడు. కాసేపటికి మెల్లగా ధైర్యం తెచ్చుకుని 

"డీల్ గురించి...... అదే మనం మాట్లాడుకున్నాం కదా ఇంతకముందు" అన్నాడు మెల్లగా 

దానికి అరవింద్ మళ్ళీ అదోలా నవ్వుతూ, తలని నిదానంగా ఆడిస్తూ 

"హా అవును, మంచి ప్రొపోజల్ అది. ఎక్కువ మార్జిన్స్ కూడా మిగులుతాయి" అంటూ అరవింద్ మాట్లాడటం ఆపి ప్రేమ్ ని సూటిగా చూస్తూ "ఇంతకీ నివి ఎలా ఉంది? నాకు తెలిసి అప్పుడు ఎంత అందంగా, కసిగా ఉండేదో ఇప్పుడు కూడా అలానే ఉంటుంది" అన్నాడు నవ్వుతూ 

తన భార్య పేరు తీసుకొని రాగానే ప్రేమ్ కి ఒళ్ళంతా సూదులతో గుచ్చినట్టు అనిపించింది. మళ్ళీ ఆ రోజు జరిగింది ఒక ఫ్లాష్ లా కళ్ళ ముందు మెదిలింది. అరవింద్ తన చేతులతో నివి సన్నని పట్టుకోవటం, ఆ మరుక్షణం అతని రక్తం ఇలా జరిగినవి గుర్తు రాగానే ప్రేమ్ చిరాకుగా మొహం పెట్టి వెనక్కి నడిచాడు.

"ఏంటి ప్రేమ్ అలా వెళ్ళిపోతున్నావ్?" అన్నాడు అరవింద్ 

"నాకు ఈ డీల్ అక్కర్లేదు" అన్నాడు ప్రేమ్ 

"హాహా ఇందాకటి వరకు ఎంతో ఆశగా వచ్చావ్. ఇప్పుడేమో వద్దు అంటున్నావు?" అన్నాడు అరవింద్ నవ్వుతూ 

"అక్కర్లేదు అంతే, వేరే వాళ్ళని చూసుకుంటాను" అంటూ క్షణం కూడా ఆలస్యం చేయకుండా అక్కడ నుండి బయటకు వచ్చాడు.

తిరిగి కార్ స్టార్ట్ చేసి ముందుకు కదిలాడు. వచ్చేటప్పుడు అతని మొహం లో ఉన్న ఆసక్తి, సంతోషం ఇప్పుడు మచ్చుకకి కూడా కనపడట్లేదు. వాటి స్థానంలో చిరాకు, కోపం నిండిపోయాయి. అతని మనసులో అరవింద్ మాట్లాడిన మాటలే వినపడుతూ ఉన్నాయి.

"వాడు నివి గురించి అడిగాడు, అంటే ఇంకా తనని మర్చిపోలేదు. ఇప్పటికీ తనని సొంతం చేసుకోవాలని చూస్తున్నాడా?" అంటూ అనేక ప్రశ్నలు తన మనసుని ఉక్కిరి బిక్కిరి చేస్తున్నాయి.

ప్రేమ్ కార్ అలా ముందుకు దూసుకుని వెళ్తూనే ఉంది. అతని చేతులు స్టీరింగ్ ని ఇంటికి వెళ్లే దారి వైపు కాకుండా, తను ఇంతకముందు పనిచేసిన ఆఫీస్ వైపు తిప్పాయి. ఇప్పుడు జరిగింది మొత్తం ఒకరితో చెప్పాలని ప్రేమ్ మనసు కలవరపడుతూ ఉంది. అది కూడా తన గురించి పూర్తిగా తెలిసిన వ్యక్తి, అది మరెవరో కాదు తన పాత బాస్ ప్రతాప్.

ఇంట్లో నుండి వచ్చేసిన తర్వాత అతనే తనకి జాబ్ ఇచ్చి లైఫ్ ఇచ్చాడు. తమకంటూ ఎవరూ లేనప్పుడు సొంత ఫ్యామిలీ మెంబెర్ లా తోడు నిలబడ్డాడు. ఇప్పుడు జరిగింది అతనితో తప్ప ఇంకెవరితో చెప్పుకోలేడు ప్రేమ్. కాసేపటికి కార్ ని తన పాత ఆఫీస్ దగ్గర ఆపాడు. క్షణం ఆలస్యం చేయకుండా కార్ దిగి లోపలకి నడిచాడు.

ప్రతాప్ క్యాబిన్ ఇంకా అలానే ఉంది. అదే పాత డిజైన్. రూమ్ అంతా కాఫీ స్మెల్. లోపలికి వస్తున్న ప్రేమ్ ని చూసిన ప్రతాప్ 

"ప్రేమ్....." అంటూ పైకి లేచి, మనస్ఫూర్తిగా నవ్వుతూ అతన్ని హగ్ చేసుకుని "ఏంటి సడెన్ సర్ప్రైజ్, రా కూర్చో.. కాఫీ ఎమన్నా తాగుతావా?" అన్నాడు 

ప్రేమ్ నుండి మాత్రం ఎలాంటి రియాక్షన్ లేదు. అక్కడే ఉన్న కుర్చీలో ఉసూరుమంటూ కూలబడ్డాడు. అది గమనించిన ప్రతాప్ 

"ఏంటి అలా ఉన్నావ్ ఏమైంది?" అన్నాడు.

ప్రేమ్ కనీసం అతని వైపు కూడా చూడకుండా దిగాలుగా మొహం పెట్టి 

"అరవింద్, కలవటానికి వెళ్లిన CEO, అతనే నా కాలేజీ లో చదువుకునేటప్పుడు..." అంటూ ఆపాడు ప్రేమ్ 

ప్రతాప్ కి ఏం అర్ధం కాలేదు.

"కాలేజీ లో అంటున్నావు అంటే కచ్చితంగా ఫ్రెండ్ ఏ అయి ఉంటాడు కదా, ఇంకేంటి ప్రాబ్లెమ్. హెల్ప్ చేస్తా అని చెప్పాడా?" అన్నాడు ప్రతాప్ 

"లేదు" అన్నాడు ప్రేమ్ చిరాకు నిండిన గొంతుతో 

"అంటే ఫ్రెండ్ కాదన్నమాట?" అన్నాడు ప్రతాప్ 

ప్రేమ్ ఏం మాట్లాడకుండా సైలెంట్ గా ఉన్నాడు.

ప్రతాప్ తన ఆఫీస్ బాయ్ ని పిలిచి ఇద్దరికి కాఫీ చెప్పాడు. కాసేపటికి అతను కాఫీ తీసుకొని వచ్చాడు. ప్రతాప్ తన కప్ అందుకుని సిప్ చేస్తూ 

"అసలు ఏమైంది?" అన్నాడు 

అయినా ప్రేమ్ సైలెంట్ గానే ఉన్నాడు.

"నన్నోక బ్రదర్ అనుకుని చెప్పు" అన్నాడు ప్రతాప్ 

ఆ మాటకి ప్రేమ్ తల పైకి లేపి ప్రతాప్ వైపు చూసాడు. తన బాధని ఇతనితో తప్ప ఇంకెవరితో చెప్పుకోలేను అనుకుని జరిగింది మొత్తం పూర్తిగా చెప్పాడు. ప్రతాప్ కూడా అతను చెప్పింది శ్రద్దగా విన్నాడు. కాసేపటికి మెల్లగా నోరు తెరిచి 

"నువ్వు అలా రావటం మంచి పనే అయింది. కాకపోతే కొంచెం జాగ్రత్తగా ఉండు. వాడి లాంటి వాళ్ళు జరిగింది మొత్తం అంత తేలికగా మర్చిపోరు" అన్నాడు 

ప్రేమ్ ఏం మాట్లాడకుండా సైలెంట్ గా ఉండిపోయాడు. అతని మనసులో మళ్ళీ ఎన్నో ఆలోచనలు పుట్టుకొచ్చాయి. అంతలో ప్రతాప్ మళ్ళీ కాఫీ సిప్ చేస్తూ 

"నువ్వు ఓపెన్ అయ్యి జరిగింది చెప్పావ్ కాబట్టి, నేను కూడా నీకొక విషయం చెప్పాలి అనుకుంటున్నాను, నేను నీ ఒక్కడితోనే ఎందుకు ఇంత జోవియల్ గా ఉంటున్నానో తెలుసా?" అన్నాడు 

ఆ మాటకి ప్రేమ్ తన ఆలోచనల్లో నుండి బయటకు వచ్చి ఎందుకు అన్నట్టుగా ప్రతాప్ వైపు చూసాడు.

"దానికి కారణం నీ భార్య నివి" అన్నాడు ప్రతాప్ 

ఆ మాటకి ప్రేమ్ షాక్ అయ్యాడు. ప్రతాప్ మళ్ళీ మాట్లాడుతూ 

"తనని చూస్తుంటే నా ఎక్స్ వైఫ్ ని చూసినట్టు అనిపిస్తుంది" అన్నాడు 

అది విని ప్రేమ్ గొంతులో తడారిపోయింది. అసలు మొదటి నుండే ప్రేమ్ కి నివి విషయం లో ఒక చిన్న ఇన్సెక్యూరిటీ ఉండేది. ఎప్పుడైతే అరవింద్, నివి ని టచ్ చేసాడో అప్పటి నుండి అది ఇంకా ఎక్కువ అయింది. పరాయి మగాడు తనని తాకుతున్నాడు అని తెలిస్తేనే తట్టుకునేవాడు కాదు. కనీసం ఆ ఊహ వచ్చిన సహించేవాడు కాదు. పెళ్లి తర్వాత కూడా నివి విషయం లో చాలా స్ట్రిక్ట్ గా ఉండేవాడు. ఎవరిని ఇంటికి తీసుకొని వచ్చేవాడు కాదు. ఒక్క ప్రతాప్ విషయంలో మాత్రం కొంచెం తగ్గాడు. ప్రతాప్ అందరిలాంటి వాడు కాదు అనే అభిప్రాయం ఉంది. కానీ అది కూడా ఆధ్య పుట్టినప్పుడు పోయింది. హాస్పిటల్ రూమ్ లో నివి తల మీద చేయి వేసి ప్రేమగా నిమిరాడు. అతను అలా చేయటం ప్రేమ్ కి అసలు నచ్చలేదు. అలా అని ప్రతాప్ తప్పుగా ఏం ప్రవర్తించలేదు కానీ ఎందుకో ప్రేమ్ కి మాత్రం నచ్చలేదు. ఆ రోజు నుండి ప్రతాప్ ని కూడా ఇంటికి తీసుకుని రాలేదు. ప్రేమ్ లో వచ్చిన చేంజ్ ప్రతాప్ కి అర్ధం అయింది కానీ అతన్ని మాత్రం ఎప్పుడు అడగలేదు. 

ఇంతలో ప్రతాప్ మళ్ళీ మాట్లాడటంతో ప్రేమ్ తన ఆలోచనల నుండి బయటకు వచ్చాడు.

"నువ్వు వేరే కంపెనీ చూసుకోవటమే బెటర్ అనిపిస్తుంది ప్రేమ్. అది కాక నివి కూడా చాలా అందంగా ఉంటుంది. తను బయటకు వస్తేనే తన వైపు ఎంతోమంది మగవాళ్లు ఆశగా చూస్తారు. అలాంటిది నీ గతం విన్నాక ఆ అరవింద్ ఎందుకు ఆగుతాడు అనిపిస్తుంది" అన్నాడు ప్రతాప్ 

ఆ మాటలు ప్రేమ్ ని ఇంకా కుదిపేసాయి. ప్రతాప్ కూడా నివి గురించి మాట్లాడుతున్నాడు, ముఖ్యంగా తన అందం గురించి, అది కూడా నా ముందు. అంటే ఇతను కూడా అందరిలాంటి వాడే అనుకున్నాడు ప్రేమ్ 

ఇంతకముందు నివి మంచిది, కుకింగ్ బాగా చేస్తుందంటూ ఇలా మాట్లాడుతూ ఉంటే ప్రతాప్ ఒక్కడే మంచిగా ఉంటున్నాడు అనుకున్నాను, కానీ ఈ రోజు అర్ధం అయింది అనుకున్నాడు ప్రేమ్. ఇక అక్కడ ఉండాలి అనిపించలేదు. బలవంతంగా ఒక నవ్వు నవ్వి అక్కడ నుండి లేచి బయటకు వచ్చేసాడు. మెల్లగా కార్ స్టార్ట్ చేసి ముందుకు కదిలాడు. ప్రతాప్ కూడా అందరిలాంటి వాడే అన్నది ప్రేమ్ కి ఇంకా మింగుడు పడటం లేదు. అలా ఆలోచిస్తూనే ఇంటికి చేరుకున్నాడు. డోర్ క్లోస్ చేసి ఉండటంతో నివి ఇంకా రాలేదు అని అర్ధం అయింది. దాంతో తన దగ్గర ఉన్న కీ తో డోర్ ఓపెన్ చేసి లోపలికి వెళ్ళాడు. ఆధ్య కూడా కాలేజ్ లోనే ఉంది. ఎదురుగా ఉన్న సోఫాలో కూర్చున్నాడు ప్రేమ్. అతని మైండ్ మొత్తం ప్రతాప్ అన్న మాటలే తిరుగుతూ ఉన్నాయి. ఇంతలో అతని ఫోన్ మోగింది, ఎదో మెసేజ్ వచ్చింది. ప్రేమ్ తన పాకెట్ లో నుండి ఫోన్ తీసి చూసాడు. ఆ మెసేజ్ ప్రతాప్ దగ్గర నుండి.

"నువ్వు అలా ఇబ్బందిగా వెళ్ళటం బాలేదు ప్రేమ్. నేను చెప్పిన మాటలని తప్పుగా అర్ధం చేసుకున్నావ్ అనిపిస్తుంది. ఫ్రీ గా ఉన్నప్పుడు కలవు ఒకసారి, నా ఉద్దేశం ఏంటో వివరంగా చెప్తాను. నేను చెప్పాలి అనుకున్నదెంటో సింపుల్ గా చెప్పాలి అంటే బయట ప్రకాష్ లాంటి వాళ్ళు చాలా మంది ఉన్నారు జాగ్రత్త అని మాత్రమే" అని ఉంది.

ఆ మెసేజ్ మరోసారి చదివాడు ప్రేమ్. ప్రతాప్ గురించి ఎక్కువగా ఆలోచిస్తున్నానా ఏంటి అనుకున్నాడు. అతని చూపులు ప్రకాష్ అనే పేరు దగ్గర ఆగాయి. తన జీవితం లో, నివి జీవితంలో ఆ పేరు మరొక మర్చిపోలేని గాయం లాంటిది.

ప్రతాప్ అలా ప్రకాష్ పేరు తీసుకుని రావటంతో చెవులలో కూడా ఆ పేరే వినపడుతూ ఉంది. మెల్లగా తన గతం మొత్తం ఒక్కసారిగా కళ్ళ ముందు మెదిలింది.

ఆ రోజు క్రికెట్ మ్యాచ్ తర్వాత మొదలైన ప్రేమ రోజు రోజు కి పెరుగుతూ వచ్చింది. ఇద్దరు కాలేజ్ బంక్ కొట్టి మరి తిరగటం మొదలుపెట్టారు. థియేటర్స్, పార్క్స్, రెస్టారెంట్స్ ఇలా ఊరిలో ఉన్నవి మొత్తం కవర్ చేసారు. తమకి ఉన్న కలల గురించి, ఫ్యూచర్ గురించి మాట్లాడుకునేవారు. నివి ని మొదటిసారి థియేటర్ లోనే ముద్దు పెట్టుకున్నాడు ప్రేమ్. అది తన జీవితంలో ఇప్పటికి మర్చిపోలేని రోజు. అలా చిన్న చిన్న ముద్దులతో, కొన్ని కొన్ని టచ్ లతో వాళ్ళ ప్రేమ ఇంకా ఘాడంగా మారింది. 

అంతలో ఒకరోజు ఇద్దరు కలిసి పార్క్ నుండి బయటకు రావటం నివి వాళ్ళ నాన్న చూసేసాడు. ఆ టైమ్ లో ప్రేమ్ చేయి నివి నడుము మీద ఉంది. ఆ తర్వాత రోజు తన మనుషులని పంపించి ప్రేమ్ ని దారుణంగా కొట్టించాడు. 

"ఇంకొకసారి నా కూతురి జోలికి వస్తే చంపేస్తాను" అంటూ వార్నింగ్ కూడా ఇచ్చాడు.

ఆ విషయం ప్రేమ్ వాళ్ళ నాన్నకి కూడా తెలిసి చాలా సీరియస్ అయ్యాడు కానీ డైరెక్ట్ గా ఇన్వొల్వ్ అవ్వలేదు. ప్రేమ్ కి సర్ది చెప్పి ఇలాంటి గొడవల్లోకి వెళ్లకు ముందు చదువు మీద దృష్టి పెట్టు అని మాత్రం చెప్పాడు.

అప్పటికే ప్రేమ్, నివి ఫైనల్ ఇయర్ లో ఉన్నారు. ఇద్దరి చదువులు అయ్యాక తనే వెళ్లి నివి వాళ్ళ ఫాదర్ తో మాట్లాడి అనుకున్నాడు ప్రేమ్ వాళ్ళ నాన్న. కానీ ఇప్పుడు ఈ విషయం ప్రేమ్ కి చెప్తే మళ్ళీ ఆశలు పెట్టుకుని చదువుని దూరం పెడతాడేమో అన్న భయంతో చెప్పలేదు.

మెల్లగా వాళ్ళ ఎగ్జామ్స్ అయ్యాయి. ఆ మరుసటి రోజే నివి కి ఒక డబ్బున్న సంబంధం చూసాడు ఆమె తండ్రి. ఆ విషయం తెలిసిన నివి ఏడుస్తూ, తన ఫ్రెండ్ ద్వారా ప్రేమ్ కి తెలిసేలా చేసింది. వచ్చే వారమే ఎంగేజ్మెంట్. టైం కూడా ఎక్కువ లేదు. ఇప్పుడు తనకి ఉన్న దారి లేచిపోయి పెళ్లి చేసుకోవటం.

"తను నాతో వస్తుందేమో అడుగు" అని నివి ఫ్రెండ్ కి చెప్పాడు ప్రేమ్.

ఆ మాటలు చాటుగా విన్న ప్రేమ్ నాన్నలో చిన్న కలవరం మొదలైంది. మెల్లగా ప్రేమ్ దగ్గరికి వచ్చి

"ఏం జరిగిందో నాకు అర్ధం అయింది. ఇలాంటి తొందరపాటు నిర్ణయాలు తీసుకొని జీవితం నాశనం చేసుకోవద్దు. నేను వెళ్లి వాళ్ళ నాన్నతో మాట్లాడతాను కాస్త ఓపిక పట్టండి" అన్నాడు 

ఆ మాటలకి ప్రేమ్ లో చిన్న ఆశ పుట్టింది కానీ ఒకవేళ వాళ్ళ నాన్న ఒప్పుకోకపోతే అన్న డౌట్ కూడా మొదలయింది.

ఒకవేళ నిజంగా వాళ్ళ నాన్న ఒప్పుకపోతే తనకి ఇంట్లో నుండి లేచిపోవటానికి కూడా ఛాన్స్ ఉండదు. నివి బయటకి రాకుండా స్ట్రిక్ట్ గా ఉంచుతారు. ఇక తనని వదులుకోవాల్సి వస్తుంది. వద్దు అలా జరగకూడదు. నేను అనుకున్నదే సరైన ప్లాన్ అనుకుని ఇంట్లో నుండి లేచి పోవటానికే సిద్ద పడ్డాడు ప్రేమ్. నివి కూడా రెడీ గానే ఉందని ఆమె ఫ్రెండ్ ద్వారా తెలిసింది.

ఆ రోజు రాత్రి బీరువా తన తండ్రి దాచిన 2 లక్షలు తీసుకుని ఇంట్లో నుండి బయటకు వచ్చేసాడు ప్రేమ్. ఆ డబ్బులతో ఒక మంచి స్థలం కొనాలని ఆశతో ఉన్నాడు అతని తండ్రి. కానీ అవేం తెలియని ప్రేమ్ వాటిని తీసుకొని వెళ్ళిపోయాడు. ఆ డబ్బుతో దగ్గర లోని రిజిస్టార్ ఆఫీస్ లో, తన ఫ్రెండ్స్ సాక్షి సంతకాలు పెడితే నివి ని పెళ్లి చేసుకున్నాడు.

ఆ తర్వాత తనని తీసుకొని తన ఇంటికి వెళ్ళాడు కానీ అప్పటికే డబ్బులు తీసిన సంగతి తెలిసి ప్రేమ్ వాళ్ళ నాన్న చాలా కోపం గా ఉన్నాడు. ఇంటికి వచ్చిన ప్రేమ్ ని పక్కన ఉన్న నివి ని చూసి అతని కోపం ఇంకా ఎక్కువ అయింది. క్షణం ఆలస్యం చేయకుండా పైకి లేచి ప్రేమ్ రెండు చెంపలు వాయకోట్టాడు. 

"నువ్వు..... నువ్వు..... దొంగతనం కూడా మొదలుపెట్టావా.....? తిని తినకుండా దాచి పెట్టిన డబ్బు రా అది......." అంటూ ఏడుస్తూ కొడుతూనే ఉన్నాడు.

వాళ్ళు వీళ్ళు ఆపితే కాసేపటికి ఆగాడు.

"ఈ రోజు నుండి నువ్వు నా కొడువి కాదు, అసలు నాకు కొడుకే లేడు అనుకుంటాను. ఒక్క క్షణం కూడా నా కళ్ల ముందు ఉండకు వెళ్లిపో" అన్నాడు ప్రేమ్ వాళ్ళ నాన్న కోపం, బాధ నిండిన గొంతుతో 

ప్రేమ్ కి కూడా అక్కడ ఉండాలి అనిపించలేదు. ఇప్పుడు నివి వాళ్ళ నాన్నకు తెలిస్తే తనని చంపినా చంపుతాడు అని అర్ధం అయింది. వెంటనే నివి ని తీసుకొని హైదరాబాద్ ట్రైన్ ఎక్కాడు. 

ఇప్పటి వరకు ఎప్పుడు హైదరాబాద్ రాలేదు. ఏదో కొత్త ప్రపంచంలోకి వచ్చినట్టు అనిపించింది. అంతా వాహనాల చప్పుల్లు. వెతకగా వెతకగా ఒక చిన్న పెంట్ హౌస్ అద్దెకి దొరికింది. అది కూడా చాలా చిన్నది. లోపల మొత్తం రంగులు పోయి, గోడలకి పెచ్చులు ఊడిపోయి ఉంది. నివి కి చాలా ఇబ్బందిగా ఉన్నా తన ప్రేమ్ కోసం అడ్జెస్ట్ అయింది.

(Continued...)