పాణిగ్రహణం

[SivaSai]

Part - 112

అవని బయటకు పరుగుపెడుతూ ఉంటే మిగిలిన ముగ్గురిలో ఒకడు పక్కనే పడిఉన్న ఫ్లవర్ వాస్ తో కొడతాడు.

అది తలకి తగిలి అమ్మ అని గట్టిగా అరుస్తుంది. ఒక్క నిమిషం తలంతా దిమ్మ తిరిగిపోయినట్టు ఉండి ఎటు కదలులేక పోతుంది.

వాళ్లు దగ్గరికి వస్తూ ఉంటే ఓపిక లేకపోయినా ముందుకు అడుగులు వేస్తూ ఉంటుంది.  దొరికిపోతానేమో అని భయపడుతూ ఉన్నప్పుడు ఒక చెయ్యి గట్టిగా పట్టుకుని పక్కకి లాగేస్తుంది.

అరవపోతుంటే నోరు మూసి అమ్మాయిగారు నేనే అని ఒక సర్వెంట్ చెబుతుంది. ఆ సర్వెంట్ ని  పట్టుకుని నాకు చాలా భయంగా ఉంది.

మీరు కంగారు పడకండి అని చెప్పి సర్వెంట్ క్వార్టర్స్ లో తన రూమ్ కి తీసుకువెళ్లి మీరు ఈ గదిలోనే ఉండండి బయటికి రావద్దు అని గదిలో పెట్టి బయట లాక్ చేసేసి వెళ్ళిపోతుంది.

లైట్ వేస్తే వాళ్ళకి ఎక్కడ తెలుస్తుందో అని ఏడుపు పైకి రానివ్వకుండా నోటికి చేతులు రెండు అడ్డుపెట్టుకొని ఒక మూలకి కూర్చుని బిక్కు బిక్కుమంటూ చూస్తూ ఉంటుంది.

వాళ్ల నలుగురు వెతికి మిస్ అయింది అని శిల్ప కి కాల్ చేసి చెబుతారు. పార్టీ అయ్యి అందరూ వెళ్లిపోయిన సరే అవని ఆ రూమ్ నుంచి బయటకు రాదు.

అందరూ పడుకున్నా తర్వాత సర్వెంట్ మెల్లిగా తలుపు తీసి అమ్మాయి గారు అని పిలుస్తుంది. వెంటనే ఆ సర్వెంట్ దగ్గరకు వెళ్లి వాళ్లు వెళ్లిపోయారా..

తెలియదమ్మా కానీ ఈ రాత్రికి మీరు ఇక్కడే సర్దుకోండి. పొద్దున్నే వెలుగు వస్తుంది కదా.. అప్పుడు భయం ఉండదు.

అలాగే అని ఒక పక్కకి కూర్చునిఉంటుంది. ఎంతసేపని అలా కూర్చుంటారు అమ్మాయిగారు.. ఇలా పడుకోండి. పరవాలేదు. పొద్దుటనుంచి నువ్వు అలిసిపోయినట్టు ఉన్నావు కదా..

నువ్వు పడుకో.  నాకు నిద్ర రావడం లేదు. నిద్ర రాకపోయినా సరే.. నడుము వాల్చండి. మనిద్దరం అడ్జస్ట్ అవుదాము అని ఇద్దరూ పడుకుంటారు.

పడుకుంటే ఎక్కడ వాళ్ళకి దొరికిపోతానేమో అన్న భయంతో అవని ఆ రాత్రి జాగారమే చేస్తుంది.  వెలుగు రేఖలు వచ్చిన తరువాత మెల్లిగా లేచి బయటకు వచ్చి చుట్టూ చూస్తూ ఉంటుంది.

పార్టీ అయిపోయిన ఆనవాళ్లు కూడా లేకుండా రాత్రి మొత్తం అంతా క్లీన్ చేసేస్తారు.  సో అంత ఫ్రెష్ గానే కనిపిస్తుంది.  అయితే వీళ్ళు వెళ్ళిపోయిఉంటారు అన్న ధైర్యంతో ఇంట్లోకి వెళుతుంది.

ఆగు అన్నమాట గట్టిగా వినిపిస్తుంది ఆ మాట వినిపించిన వైపు కోపంగా చూస్తుంది. రాత్రంతా ఎక్కడికి వెళ్లావు అవని అని ధనుంజయ్ అడిగితే..

మీకు తెలియదా అని మొదటిసారి ఎదురు తిరిగి ప్రశ్నిస్తుంది. కూతురులో ఎప్పుడూ కనపడేనని తెగింపు చూస్తూ ఉంటే ధనుంజయ్ కి చాలా ఆశ్చర్యం వేస్తుంది.

అవని దగ్గరకి వచ్చి నువ్వెక్కడికెళ్లావో నాకెలా తెలుస్తుంది.  పార్టీకి అటెండ్ అవ్వమంటే అవ్వవు. ఇంట్లో ఉండకుండా అర్థరాత్రి బయటికి వెళ్లావు.

ఆడపిల్లలు అలా వెళితే ప్రస్తుత రోజుల్లో సేఫ్టీ ఉందా అని అడుగుతాడు.. ఆ మాటకి విరక్తిగా నవ్వుతూ మీరు నా సేఫ్టీ గురించి కూడా ఆలోచిస్తున్నారా..  ఇది ఎప్పటి నుంచి.

అవని అని గట్టిగా అరుస్తారు ఎందుకు మీరు అరుస్తున్నారు. మీరు చేసిన చండాలం ఎక్కడ బయట పడుతుందో అని నామీద అరుస్తున్నారా..

మీకు నేను ఏం అన్యాయం చేసానని నా జీవితంతో ఇలా ఆడుకుంటున్నారు. నేను ఆడుకోవడమేమిటి అని మొదటిసారి కూతురి చెయ్యి పట్టుకుని అడుగుతాడు.

అవని చెప్పేలోపు అమ్మ అన్న గట్టిగా సౌండ్ వినపడుతుంది. వెంటనే ధనుంజయ్ అవని చేతిని వదిలేసి ఆ సౌండ్ వచ్చిన దగ్గరికి పరుగు పెడతాడు.

సత్యవతి గారు పడిపోయిఉంటారు.  ఏమైందమ్మా... తెలియదు రా కాలు జారింది.  తల్లిని మెల్లిగా లేపి చూసుకోకుండా ఎలా  నడిచావు.

జాగ్రత్తగానే వచ్చాను. అక్కడే కొబ్బరినూనె ఎలాగ పడి ఉందో తెలియదు. ఇక్కడ కొబ్బరినూనె వలకడమేమిటి..  సర్వెంట్స్ ని పిలిచి కోప్పడి అదంతా క్లీన్ చేపిస్తాడు.  తల్లి గొడవలో పడి ఇంక అవిని సంగతి వదిలేస్తాడు.

శిల్ప అవని దగ్గరకు వచ్చి ఏంటి నువ్వు మా డాడీని ఎదురించి మాట్లాడే అంత గొప్ప దానివి అనుకుంటున్నావా..

మా డాడీకి తెలియదా నైట్ ఏం జరిగిందో... ఏమిటో.. ఇంకొకసారి నువ్వు ఇలా క్యూస్షన్ చేసినట్టు తెలిసిందనుకో ఫుల్లుగా డ్రగ్స్ ఇచ్చి నాకు తెలిసిన పబ్లో వదిలేస్తాను. తర్వాత నీ సంగతి మొత్తం అన్ని వెబ్సైట్లో వైరల్ అవుతుంది జాగ్రత్త.

నీకు నేను ఏమన్యాయం చేశాను శిల్ప. నా జీవితాన్ని నాశనం చేయాలనుకున్నారు. నువ్వు నాకన్నా అందంగా ఉంటానన్న పొగరు ఉంది కదా...  అది నాకు నచ్చలేదు.

వాళ్ళు నా ఫ్రెండ్స్.  వాళ్లకి నువ్వు నచ్చావు.  నిన్ను వాళ్లకి ఇస్తే నాకు కావాల్సింది చేస్తాను అన్నారు.  సో నా బెనిఫిట్స్ నాకు ఇంపార్టెంట్ కదా అని పొగరుగా చెబుతుంది.

నీ బెనిఫిట్స్ కోసం నా జీవితాన్ని బలి చేయాలనుకున్నావా.. ఇందులో బలి చేయడమేముంది. వాళ్ళు ఎంజాయ్ చేస్తారు.  నువ్వు ఎంజాయ్ చేస్తావు.

అందం ఉన్నది అనుభవించడానికి కానీ మడికట్టుకుని కూర్చోవడానికి కాదు కదా.. ఇంకా ఆపు శిల్ప. నువ్వు ఎలా తిరిగినా ఏం చేసుకున్నది పూర్తిగా నీ కుటుంబానికి సంబంధించిన విషయం.

ఇంకొకసారి నా విషయంలో కానీ..  నా జీవితానీకి సంబంధించిన గాని మీరు ఏమైనా ఇలాంటి తప్పుడు నిర్ణయం తీసుకున్నారు అంటే మాత్రం ఖచ్చితంగా సెక్యూరిటీ అధికారి కంప్లైంట్ ఇస్తాను.

తర్వాత పరువు పోయింది ఇంకొకటి ఇంకొకటి అన్న నాకు ఎటువంటి సంబంధం లేదు జాగ్రత్త అని వెళ్ళిపోతుంది.  ఎప్పుడు ఎదురు మాట్లాడని అవని నీ ఆశ్చర్యంగాచూస్తూ....

తల్లి దగ్గరికి వెళ్లి ఏంటమ్మా ఇంత పొగరుగా మాట్లాడుతుంది. మాట్లాడక ఏం చేస్తుంది. రాత్రి వాళ్ళకి పూర్తిగా సరెండర్ అయిపోయి ఉండి ఉంటే.. ఈపాటికి తప్పుడు తిరుగుడు తిరిగింది అని బయటికి గెంటేసేదాన్ని.

అ ఆవకాశం లేకుండా తప్పించుకుంది కదా అందుకనే మాట్లాడుతుంది.  ప్రస్తుతానికి ఈ విషయాలు ఏమీ నువ్వు మాట్లాడకు. రెట్టించకు.

మీ నాన్నగారు మళ్ళీ అవనితో మాట్లాడకుండా హ్యాండిల్ చేయి.  ప్రస్తుతానికి ఏదో మీ నానమ్మని పాడేసి మీ నాన్నగారిని డైవర్ట్ చేశాను.  అన్నిసార్లు అలా జరగదు కదా అంటుంది. ఓకే మామ్ అని చెప్పి రూమ్ కి వెళ్ళిపోతుంది.

( అవినికి తెలిసిన దానితోపాటు మన స్టోరీకి అవసరమైనది కూడా ఇక్కడ పొందపరచబడినది)

జరిగింది చెప్పి విక్రమ్ భుజం పైన తలవాల్చుతుంది. అది విన్న విక్రమ్  కోపం స్పీడోమీటర్ దాటేస్తుంది.  ప్రళయకాల రుద్రుడు వలె ఊగిపోతూ ఉంటాడు.

తన కోపం భార్య చూసింది అంటే తట్టుకోలేదు అని కంట్రోల్ చేసుకుంటూ తలపైన చేతితో సవరదీస్తూ..  ఏమి అవలేదు కదా నేను ఉన్నాను అంటాడు. 

వాళ్ల గురించి మీకు తెలియదండి.  వాళ్లు చాలా క్రూరులు. వాళ్ల స్వార్థం కోసం ఎంతకైనా దిగజారిపోతారు.  తన గొంతు విన్న దగ్గరి నుంచి నాలో ఏదో తెలియని భయం మొదలయ్యింది అని భర్త చేతిని ఇంకా గట్టిగా పట్టుకుంటుంది.

శిల్ప గురించి నిజం తెలిస్తే కానీ అవనిలో భయం తగ్గదు అని నీకు ఒక విషయం చెప్పాలి బంగారం అంటాడు. ఏమిటండి .. శిల్ప కి పెళ్లి అయిపోయింది అంటాడు.

ఏమంటున్నారు మీరు అని  తల పైకెత్తి  అడుగుతుంది. అవును ఈరోజు పొద్దుటే ఉదయ్ తో పెళ్లి జరిగింది.  మీరేం చెబుతున్నారో నాకు ఏమీ అర్థం కావడం లేదు.

నీకు కొన్ని విషయాలు చెప్పాలి అని...  ఉదయ్ ని తను ఎలా హ్యాండిల్ చేశాడో... తర్వాత  శిల్ప ని జైలు నుంచి తీసుకువచ్చిన తరువాత యాన్యువల్ డే రోజున ఎలాంటి వర్క్ చేపించారో మొత్తం చెబుతాడు.

ఈరోజు ఉదయమే వాళ్ళిద్దరికీ పెళ్లి చేసి ఎలాంటి ట్రీట్మెంట్ స్టార్ట్ చేశారో కూడా చెబుతాడు. అవి వింటు ఆశ్చర్యపోతుంది. ఆ మనిషి నిజంగా ఇవన్నీ చేశాడా అని అడుగుతుంది.

హ్మ్... నీ విషయంలో జరిగిన దానికి ఆ ధనుంజయ్ చాలా కృంగిపోతున్నాడు. తనకి తెలియకుండా జరిగిన తప్పులను సరి చేసుకోవడానికి ప్రయత్నిస్తున్నాడు.

నువ్వు అన్నా...  మీ అమ్మగారు అన్న ధనుంజయ్ కి చాలా ఇష్టం. కానీ... పరిస్థితుల మాయలో పడి ఇద్దరు దూరమయ్యారు అని చెబుతాడు.

ప్లీజ్ అండి ఆ మనిషి గురించి మాత్రం నా దగ్గర మాట్లాడవద్దు. మీరు ఎన్నైనా చెప్పండి కానీ నా మనసు అంగీకరించడం లేదు.

నిన్ను బలవంతం చెయ్యను అవని. ఎందుకంటే ఆ కష్టాలు పడింది నువ్వు..  బాధలు అనుభవించింది నువ్వు..

విన్నవాళ్ళకి, పడినవాళ్ళకి చాలా తేడా ఉంటుంది. విన్నవాళ్లు సింపుల్గా అంటారు...  జరిగిందేదో జరిగింది క్షమించేయ్..  క్షమాగుణం చాలా గొప్పది అని చెబుతారు.

కానీ పడినవాళ్లు ఎంత నరకాన్ని చూసి ఉంటారు.  ఆ నరకంలో నుంచి బయటికి రావడం అంటే మాటలు కాదు . ఆ బాధలో నుంచి బయటికి వచ్చి క్షమించాలి అంటే చాలా కష్టం.

అందుకే నిన్ను ఎప్పుడూ ఇబ్బందిపెట్టను. నువ్వు ఎప్పుడైతే ఆ మనిషిని క్షమించి తండ్రిగా ఒప్పుకుంటావో అప్పుడే నేను కూడా మావయ్య అని పిలుస్తాను.

నువ్వు ఈ జీవితంలో ఆ మనిషిని క్షమించలేకపోతే నాకు కూడా ఎటువంటి అవసరం లేదు. విక్రమ్ ఇచ్చే విలువకి అవని పొంగిపోతూ ఉంటుంది.

మీలాంటి బంగారం నా జీవితంలోకి రావడం నిజంగా నా అదృష్టం అండి అని భర్తని గట్టిగా కౌగిలించుకుంటుంది. హలో భార్యామణి గారు.. మీరు ఇప్పుడు ఇలా పట్టుకుని నా హార్మోన్స్ ని డిస్టర్బ్ చేస్తే చాలా కష్టం.

ఇప్పటికే అర్ధరాత్రి దాటి చాలా టైం అయింది అని కింద పెదవిని రెండువేళ్ళ మధ్యలో పట్టుకుని లాగుతూ అంటాడు .

స్.. అనే సౌండ్ చేసి అబ్బా వదలండి పొద్దుటే చాలా పని ఉంది అంటుంది.  అవునా ఏం పని అని పడుకుని భార్యని గుండెల పైకి చేర్చుకుని జో కొడుతూ అడుగుతాడు.

రేపు నివి, రాజ్ అన్నయ్యకి ఎంగేజ్మెంట్ ఎప్పుడు చేయాలి అన్నది డేట్ ఫిక్స్ చేస్తున్నారు.  మీకు తెలిసి కూడా నన్ను అడుగుతున్నారా...

విక్రమ్ సమాధానం...

కథ కొనసాగుతుంది...