పాణిగ్రహణం

[SivaSai]

Part - 111

విక్రమ్ గుర్తుకు రాగానే శిల్ప కి కూడా భయం మొదలవుతుంది.  అది ముఖంలో స్పష్టంగా కనపడుతుంటే.. ఉదయ్ నవ్వుతూ అర్థమయింది కదా..  ఇదే భయాన్ని మెయింటైన్ చేస్తే నీకే మంచిది.

వెళ్లి పడుకో అని ఉదయ్ పడుకుని కళ్ళు మూసుకుంటాడు. శిల్ప కొంచెం దూరంగా పడుకొని ఆలోచిస్తూ ఉంటుంది.

విక్రమ్ గుండెల పై పడుకున్నా అవని డిస్టర్బ్ అవుతూ ఉంటుంది. ఏమైందిరా అని జో కొడుతూ ఉంటాడు.  అయినా ఏదో కలవరపాటు.  ఉలిక్కిపడి లెగుస్తుంది.

భయంగా కంగారుగా చూస్తూ ఉంటే విక్రమ్ లైట్ వేసి వాటర్ చేతికిస్తాడు. అవని ఆ వాటర్ తీసుకోకుండా కంగారుగా చూస్తూ ఉంటే పక్కన కూర్చుని వాటర్ మెల్లిగా తాగిస్తాడు.

కొంచెం వాటర్ తాగిన తర్వాత మెల్లిగా సర్దుకుంటుంది. స్తిమిత పడింది అనుకున్నాక ఏమైందిరా అని అడుగుతాడు.

ఆ గొంతు అని వణుకుతూ అడుగుతుంది. విక్రమ్ అనుమానంగా ఏ గొంతు అని అడిగితే..  యాన్యువల్ డే రోజున నేను ఆ గొంతు విన్నాను అంటుంది.  ఏ గొంతు రా అని తన వైపుకు తిప్పుకొని అడుగుతాడు.

శిల్ప...

వాట్ శిల్పనా...  హా అవును.   నువ్వెక్కడ విన్నావు. అదే గుర్తుకు రావడం లేదు అని కణతల మీద   చేతితో రుద్దుకుంటూ కళ్ళు మూసుకుంటుంది.

ఎక్స్క్యూజ్మీ మామ్ తీసుకోండి అన్నమాట గుర్తొచ్చి.. హ వెరైటీ డ్రెస్ వేసుకొని మనకి సర్వ్ చేయడానికి వచ్చింది కదా తనే శిల్ప అంటుంది.

శిల్ప అని నువ్వు ఎందుకు అనుకుంటున్నావు.  ఎవరో మనకేం తెలుసు అని ఏ మార్చడానికి చూస్తాడు.  లేదండీ నేను ఆ గొంతు ఎక్కడ ఉన్న గుర్తుపట్టగలను.

ఆ తల్లి కూతుర్లు ఎలాంటి వాళ్ళో నాకన్న బాగా ఎవరికీ తెలియదు. శిల్ప అక్కడే ఉంది అంటే ఆ భార్గవి కూడా బయటే ఉండి ఉంటుంది.

ఆ మనిషి మనకి అబద్ధం చెప్పాడా..  ఇప్పటికీ నన్ను మోసం చేయడానికి చూస్తున్నాడా ఎమోషనల్ అయిపోతూఉంటుంది.

అవని కూల్..  వాళ్లు జైల్లోనే ఉన్నారు. లేదు....
  లేదు..  నేను ఆ గొంతు గుర్తుపట్టాను.  మీకు తెలియదు కాబట్టి ఇలా మాట్లాడుతున్నారు.

20 సంవత్సరాలుగా వాళ్లతోనే ఉన్నాను కదా... వాళ్ళ కృయాలిటీ కూడా నాకే బాగా తెలుసు. వాళ్లు స్వార్థం కోసం ఎంతకైనా దిగజారుతారు.

పక్కనే భర్త ఉన్నా సరే అవని భయపడుతూ ఉంటే విక్రమ్ కి అనుమానం వచ్చి నిన్ను ఇంకా ఏమైనా చేశారా అని అడుగుతాడు.

హ.. అని భయంగా తలూపుతుంది. నాకు చెప్పురా అంటే ఇంకా సంఘటన గుర్తు వచ్చి వణుకుపోతూనే ఉంటుంది. అవని టెన్షన్ తగ్గించడానికి పెదవులు అందుకుంటాడు.

ఆ ముద్దు పెరుగుతున్న కొలది అవనిలో భయం తగ్గి మెల్లిగా కుదుటపడుతూ ఉంటుంది. పూర్తిగా కుదుటపడింది అన్నాక మెల్లిగా ఒళ్ళు కూర్చోబెట్టుకొని ఇప్పుడు చెప్పరా ఏమైంది.

అవిని చెప్పడం మొదలుపెడుతుంది.

గదిలో చదువుకుంటున్న అవిని దగ్గరకి భార్గవి వస్తుంది. ఏం చేస్తున్నావ్ అని అడిగితే.. చదువుకుంటున్నాను మేడం అంటుంది.

అవునా...  ఈరోజు శిల్ప బర్త్డే అంటుంది. ఓ అని సైలెంట్ గా నిలబడుతుంది. ఏంటి అలా నిలబడ్డావు. రెడీ అవ్వు గెస్ట్ లందరూ వస్తున్నారు.

భార్గవి మాటకి అవని ఆశ్చర్యంగా చూస్తుంది.   ఊహ తెలిసినప్పటి నుంచి ఏ రోజు ఏ పార్టీ లోను కలవనివ్వలేదు.

బంధువులు ముందుకి తీసుకువెళ్లలేదు.  అలాంటిది ఇప్పుడు పనిగట్టుకుని మరి పార్టీకి తీసుకు వెళుతుంటే ఆశ్చర్యంగా అనిపిస్తుంది.

సోరి మేడం..  నాకు వర్క్ ఉంది. నీ వర్క్ ఎప్పుడు ఉండేదే... ఇది సార్ ఆర్డర్ అంటుంది. ఆ మాటకి విరక్తిగా నవ్వుతూ పదండి మేడం అంటుంది.

ఏంటి ఈ డ్రెస్ తోనే వస్తావా? మన ఇంట్లో సర్వెంట్స్ కూడా ఇంతకన్నా మంచిదే వేసుకుంటున్నారు. వెళ్లి ఇంకో డ్రెస్ వేసుకో... నా దగ్గర ఇవే ఉన్నాయి మేడం.

ఒక్క నిమిషం ఉండు అని బయటికి వెళ్లి లోపలికి వస్తుంది.   శిల్పది  ఈ డ్రెస్సు. ఈ ఫ్రాక్ వేసుకుని రా అంటుంది.

వద్దు మేడం నావి నాకు చాలు.  వేరే వాళ్ళు వాడినవి వేసుకోవడం నాకు ఇష్టం లేదు అంటుంది.  ఈ పొగరుకేమీ తక్కువ లేదు.

వేసుకోమన్నప్పుడు వేసుకో లేకపోతే తర్వాత నేను ఇచ్చే పనిష్మెంట్స్ నువ్వు తట్టుకోలేవు. ఆ మాటకి అవని మీరు ఎలాంటి పనిష్మెంట్స్ ఇచ్చానా నాకు పరవాలేదు కానీ..  ఒకరు వాడినవి నేను వాడను. నాకున్న నాలుగు జతలే నాకు చాలు అని కరాకండిగా చెప్పేస్తుంది.

నాకు ఎలా ఉన్నా నేనేమీ ఇబ్బంది పడను మేడం. పదండి.  నువ్వు ఇబ్బంది పడకపోవచ్చు కానీ నలుగురిలో మా పరువు ఏమి కావాలి.

పరువు అని నవ్వుతూ.. ఇప్పుడు మాత్రం మీరు నన్ను ఇంటి మనిషిగా పరిచయం చేస్తారు అని నేను అనుకోవడం లేదు అంటుంది.

గుడ్ బానే తెలుసుకున్నావే మీ నాన్న గురించి.  అవును.. నాకు గాని, మీ నాన్నకు గాని ఇష్టం లేదు. మరి ఇంకెందుకు మేడం కాస్ట్లీ బట్టలు వేసుకోవడం.

మా ఇంటి పనిమనిషి అని చెప్పుకోవడానికి అయినా రేంజ్ కావాలి కదా అంటుంది.  పనిమనిషి అని నవ్వుకొని..  అనాధ అని చెప్పండి. అప్పుడు ఏమి ఇబ్బంది ఉండదు కదా...

ఏమి చెప్పాలో నాకు తెలుసు గానీ ఇప్పుడే వస్తాను అని వెళ్లి ఒక చీర తీసుకుని వస్తుంది.  ఇది కొత్త చీరే.. ఇది కట్టుకో అని ఇస్తుంది.

ఆ చీర వైపు,భార్గవి వైపు చూస్తూ ఉంటుంది. ఏమిటా చూపు. మీ ప్రవర్తన ఎందుకో చాలా తేడాగా ఉంది. నిన్ను నలుగురిలోకి తీసుకు వెళుతున్న నీకు అనుమానమేనా...

వెళ్లి రెడీ అవ్వు. పది నిమిషాల్లో వస్తాను. ఈలోపు ఆ చీర కట్టుకొని ఇదిగో ఈ పువ్వులు కూడా పెట్టుకొ... కవర్ అక్కడ పెడుతుంది.

చేసేదేమీ లేక అవని చీరకట్టుకుని పువ్వులు పెట్టకూని రెడీ అవుతుంది.  భార్గవి వచ్చి బానే ఉన్నావు.  నిన్ను ఎవరైనా చూస్తే ఎగరేసుకుపోతారు.

ఎవరితో పడితే వాళ్లతో వెళ్లి మా పరువు తీయకు పదా అని తీసుకు వెళుతుంది. ఏమిటో అన్ని వీళ్ళే అనేసుకొని..  మళ్లీ ఆ తప్పేదో నేను చేసేస్తున్నాను అన్నట్టుగా నన్ను తిడతారు.

ఫంక్షన్ జరిగే చోటకి వెళుతుంటే అటుక్కడికి అని భార్గవి ఆపేస్తుంది ఫంక్షన్ అక్కడే కదా.. నువ్వు వెళ్లాల్సింది  అటు కాదు.

నవ్వుతూ అనుకున్నాను. మీరు ఏంటా..  నన్ను ఫంక్షన్ దగ్గరికి తీసుకెళ్లడం ఏమిటా.. భార్గవి కోపంగానే.. ఏమిటే నోరు ఎక్కువ లెగుస్తుంది.

మా వారితో చెప్పి ఇంకా గట్టిగా పనిష్మెంట్ ఇప్పించాలా.. ఇంతకన్నా పనిష్మెంట్స్ ఏముంటాయిలేండి. సరే నేను ఇక్కడే వెయిట్ చేస్తాను వెళ్ళండి.

ఇక్కడ కాదు అని పక్కనే ఉన్న గెస్ట్ హౌస్ చూపించి మీ నాన్న, శిల్ప అక్కడే ఉన్నారు.  నిన్ను అక్కడికే రమ్మన్నారు వెళ్ళు అంటుంది.

అక్కడకా అని అనుమానంగా చూస్తుంది.  ఎందుకు అలా చూస్తున్నావు.  గెస్ట్ లందరు ఇక్కడే ఉన్నారు కదా..  అక్కడ చూస్తే లైటింగ్ కూడా ఉన్నట్టు లేదు అని అనుమానంగా అడుగుతుంది.

భార్గవి మాట్లాడేలోపు ఫోన్ రింగ్ అవుతుంది. ఫోన్ కాల్ చూసి నవ్వుతూ ఇదిగో ఫోన్ చేసింది మీ నాన్నగారే అని చూపించి లిఫ్ట్ చేసి  పంపిస్తున్నాను అని చెబుతోంది.

ఇంకా వెళ్ళు అని చెబితే చేసేదేమీ లేక గెస్ట్ హౌస్ కి వెళుతుంది. అవని గెస్ట్ హౌస్ లోపలికి వెళ్లేటప్పుడు అక్కడ నలుగురు అబ్బాయిలు డ్రింక్ చేస్తూఉంటారు.

వాళ్ళని చూడగానే చాలా భయం వేస్తుంది. వెనక్కి వచ్చేయపోతే అవని ఆగు అంటారు.  మీకు నా పేరు ఎలా తెలుసు అని భయంగా అడుగుతుంది.

నీ గురించి మాకు అన్నీ తెలుసు వచ్చి డ్రింక్ సర్వ్ చెయ్ అని కమాండింగా చెబుతారు. ఏమిటి నేనా అని ఆశ్చర్యంగా అడిగితే...

నువ్వు వాళ్ళింట్లో పనిమనిషివే కదా.. సర్వే చేయడానికి ఏమిటి నీ బాధ అంటే...  మాటలు మర్యాదగా రానివ్వండి. ఈ విషయం సార్ కి తెలిస్తే... ఎవరు ధనుంజయ్ కా.. ఆయనే కదా నిన్ను ఇక్కడికి పంపించింది.

ఏం మాట్లాడుతున్నారు..  మాట్లాడడానికి  ఏముంది.  ఇప్పుడు మాకు డ్రింక్ సర్వ్ చేసిన తర్వాత... నువ్వే మమ్మల్ని ఖుషి చేస్తావు కదా అని వెకిలిగా నవ్వుతారు.

వాళ్ల ప్రవర్తనకి వణికిపోతూ నాన్న దిగజారి పోయారా అనుకుని నేను అలాంటి అమ్మాయిని కాదు అంటుంది. నువ్వు ఎలాంటి అమ్మాయివి అన్నది మాకు అనవసరం.

శిల్పకీ బెనిఫిట్ అయింది. నిన్ను మాకు గిఫ్ట్ కింద ఇచ్చారు కాబట్టి మూసుకొని చెప్పింది చెయ్యి అని ఒకడు చెయ్యి పట్టుకోవడానికి ట్రై చేస్తాడు.

వాడి నుండి పక్కకి తప్పుకుని నన్ను టచ్ చేస్తే మీకు మర్యాదగా ఉండదు జాగ్రత్త అని వార్నింగ్ ఇస్తుంది. ఏంటే కోడి పిల్ల నువ్వే మాకు వార్నింగ్ ఇస్తున్నావా...

ఇక్కడ అరిచి గీ పెట్టిన కాపాడే వాళ్ళు ఎవరూ లేరు. మర్యాదగా మాకు కోపరేట్ చెయ్. నువ్వు ఎంజాయ్ చెయ్. మమ్మల్ని సుఖపెట్టు.

చావనైనా చస్తాను గాని అలాంటి నీచపు  పనులు మాత్రంచేయను.  అవునా చచ్చేముందు అయినా సరే నీలాంటి ఫిగర్ ని ఒక్కసారి అయినా సొంతం చేసుకోవాలి.

అప్పుడే మా వయసుకి.. నీ అందానికి న్యాయం చేసిన వాళ్లమవుతాము...  నలుగురు నవ్వుతూ ముందుకు వస్తూ ఉంటారు.

తప్పించుకోవాలని చుట్టూ చూస్తుంది. అక్కడ ఒక ఫ్లవర్ వాస్ కనపడితే అది తీసుకొని దగ్గరికి వచ్చారంటే మాత్రం దీనితో మీ తలబద్దలు కొట్టేస్తాను అని భయపెడుతోంది.

ఏమిటే కోడిపిల్ల.. నువ్వు భయపెడితే మేము భయపడిపోతామా... ఇలాంటివి మేము ఎన్ని చూసి ఉంటాము అని ముందుకు వస్తుఉంటారు.

అవని బలమంతా ఉపయోగించి ఒకడిని గట్టిగా ఫ్లవర్ వాస్ తో కొడుతుంది.  వాడు తల మీద చెయ్యి వేసుకుని అబ్బా అని గట్టిగా అరుస్తాడు.

మిగిలిన ముగ్గురు వాడి దగ్గరికి వెళ్లి ఒరేయ్ ఏమైంది రా..  అది చంపేసింది రా.. వెళ్లి పట్టుకోండి ఈ రోజు దానికి నరకం చూపించాలి.

అవని ఒక్క నిమిషం కూడా ఆలస్యం చేయకుండా బయటికి పరుగుపడుతుంది..

అవని పరుగు...