పాణిగ్రహణం

[SivaSai]

Part - 80

అవని ఎవరితోను మాట్లాడకుండా గదిలోనికి వెళ్ళిపోతుంది.  అక్కడ బాల్కనీలో నిలబడి బయటికి చూస్తూ ఉంటుంది.

విక్రమ్ నేను చూసుకుంటాను అని చెప్పి  గదిలోకి వచ్చి అవనినీ వెతుకుతూ ఉంటాడు.  బాల్కనీలో నిలబడిన భార్య దగ్గరకి వెళ్లి వెనక నుండి నడుము చుట్టూ చేతులు వేసి దగ్గరికి లాక్కుని ఎంటి భార్యమణి ఆలోచిస్తున్నావు.

ఆలోచనలేవో నాకు చెబితే నేను షేర్ చేసుకుంటాను కదా అంటాడు. అయినా మౌనంగానే ఉంటుంది. తన వైపుకు తిప్పుకొని నీ పర్మిషన్ లేకుండా  నీ సమాధానం  కూడ నేనే చెప్పాను అని అలక.

వెంటనే అవని విక్రమ్ నోటి మీద చేయి వేసి ఏం మాట్లాడుతున్నారు మీరు. మీరు చెబితే ఒకటి. నేను చెబితే ఒకటా అని అడుగుతుంది.

మరి ఎందుకు ఈ మౌనం. విక్రమ్ గుండెల పైన తలవాల్చి అదే తెలియడం లేదు. నాకెందుకో ఇది నచ్చడం లేదు. ఆ సార్ ఎందుకు నా జీవితంలోకి రావాలని ప్రయత్నం చేస్తున్నారు నాకు అర్థం కావడం లేదు.

నేను సంతోషంగా  ఉన్నాను అని ఆ జంటకి అర్థం అయినట్టు ఉంది. దాన్ని ఎలా చెడగొడదామా అని ప్లాన్లు వేస్తున్నట్టు ఉన్నారు.

అవని పడిన బాధలకి ధనుంజయ్ ఏమి చేసినా తప్పుగానే ఆలోచిస్తుందని అర్థమయ్యి ఇలా రా అని అక్కడ ఉన్న ఉయ్యాలో కూర్చోబెట్టి...

పక్కన కూర్చుని  అతను నీ జీవితంలోకి రావడం నీకు ఇష్టమేనా... అని అడుగుతాడు. అసలు ఇష్టం లేదు అని చెబుతుంది.

నీకు ఒక ముఖ్యమైన విషయం చెప్పాలి అవని అంటాడు. చెప్పండి అన్నట్టుగా చూస్తే...  ధనుంజయ్ వాళ్ళ ఆవిడకి విడాకులు ఇచ్చేసాడు.

తనతో గాని తనకు సంబంధించిన ఎటువంటి వ్యవహారంతో గాని సంబంధం లేదు అని పక్క డాక్యుమెంట్స్ ప్రిపేర్ చేపించి ఆ తల్లి కూతురు ఇద్దరు దగ్గర సంతకాలు తీసుకున్నాడు.

ఆ మాటలు నిజమని మీరు నమ్ముతున్నారా అని అడుగుతుంది. నువ్వెందుకు నమ్మడం లేదు.  అవని మనసులో ఏముందో తెలుసుకోవడానికి ప్రయత్నిస్తూ ఉంటాడు.

ఎందుకంటే నేను చిన్నప్పటి నుంచి వాళ్ళు ముగ్గురిని పూర్తిగా చదివాను కాబట్టి. వాళ్లకి ఏదో అవసరం ఉంది ఈ డ్రామా ఆడుతున్నారు అంతే అంటుంది.

ఇంకా ఈ విషయం పొడుగించడం మంచిది కాదు అని విక్రమ్ టాపిక్ కట్ చేస్తూ.... ఇంతకి మీ షాపింగ్ అయిపోయిందా అని అడుగుతాడు.

హ..  అని కొంచెం ముభావంగానే చెబుతుంది. ఓయ్ నేనేమి అడుగుతున్నాను నువ్వేం సమాధానం చెబుతున్నావు.

షాపింగ్ ఎంతవరకు అయింది.  మేడంగారి సారీస్ డిజైన్స్, బోటిక్ పనులు ఉంటాయి కదా... అవి అన్ని అయిపోయినాయా ఇంకా ఏమైనా పెండింగ్ ఉన్నాయా అని అడుగుతాడు.

దానికి అవని నవ్వుతూ అమ్మ,  అత్తయ్య గారు అసలు ఊరుకోవడం లేదు.  నా దగ్గర చాలా చీరలు ఉన్నాయి అని చెప్పినా సరే... పెళ్లి కదా ఉండాలి అని చెప్పి మళ్ళీ మొత్తం డిజైన్ చేపిస్తున్నారు.

ఏం చేసుకుంటాను అన్ని చీరలుని. అక్కడ పెళ్లి జరుగుతుంది బయట వాళ్ళకి కాదు.  మీ అన్నయ్య కం నా బెస్ట్ ఫ్రెండ్ అని చెబుతాడు.

అలాగే నీ బెస్ట్ సీనియర్ అయినా నేహా కి. అవును అనుకో కానీ ఒక్కసారి ఇన్ని చీరలు అంటే..  నాకే కన్ఫ్యూషన్ గా ఉంది.

ఎప్పుడు ఏం కట్టుకోవాలా అని. నువ్వు ఆ విషయంలో టెన్షన్ పడాల్సిన అవసరమే లేదు.  గైడ్ చేయడానికి నేనున్నాను కదా అంటాడు.

మీకు ఇవి కూడా తెలుసా అంటే.. నా భార్య కోసం నేను అన్ని తెలుసుకున్నాను.  నీ సారి మీదకి మ్యాచింగ్ జువెలరీ దగ్గర నుంచి అన్ని సెట్ చేసే బాధ్యత నాది సరేనా అంటాడు.

ఆ మాటలకి నవ్వుతూ సరే అని విక్రమ్ ని హగ్ చేసుకుంటుంది.  అవని పూర్తిగా డైవర్ట్ అయిందని అర్థం అయ్యాక కాసేపు పిచ్చపాటి మాట్లాడి కిందకి తీసుకు వస్తాడు.

అవనినీ చూసి అందరూ హమ్మయ్య అనుకుంటారు. విక్రమ్ నివిని చూసి నీ షాపింగ్ ఎంతవరకు అయ్యింది. ఆల్మోస్ట్ అయిపోయిందన్నయ్య.

చిన్న చిన్న పనులు ఉన్నాయి. చిన్న అన్నయిని  తీసుకెళ్లమంటే బెట్టు చేస్తున్నాడు అని కంప్లైంట్ ఇస్తుంది.

దానికి వినయ్ అమ్మో నా వల్ల కాదు. ఆడవాళ్లు షాపింగ్ అంటే ఎంత కష్టమో తెలుసా అన్నయ్య.  చున్ని మ్యాచింగ్ కోసం కూడా ఎన్ని షాపులు తిప్పుతారో.

కలర్ కూడా కొంచెం తేడా రాకూడదు.  డిజైన్ లో చిన్న మార్పు రాకూడదు.   మనం ఎంత కాంప్రమైజ్ అయిపోతాము.

వీళ్ళు చిన్న దాంట్లో కూడా కాంప్రమైజ్ అవ్వరు. ఈ లేడీస్ ని దృష్టిలో పెట్టుకొని ఆ డిజైనర్స్ ఎన్ని డిజైన్స్ అని చేయగలుగుతారు.  నాకైతే తలపోటు వచ్చేస్తుంది.

నాకైతే ఒక డౌట్ అన్నయ్య అంటాడు. ఏంట్రా అంటే.. ఈ లేడీస్ అందరూ ఉన్న బట్టలతో అడ్జస్ట్ అయ్యి షాపింగ్ మానేస్తే...

మొత్తం షాపింగ్ మాల్స్ అన్ని క్లోజ్ అయిపోతాయేమో. డిజైనర్స్ కి అందరికీ వర్క్ లేకుండా అయిపోతుందేమో కదా అనగానే...

లేడీస్ అందరూ ఒక్కసారి హేయ్.. అంటారు.  చూసావా అన్నయ్య నేను ఒక్క మాటంటేనే ఎలా పడిపోతున్నారో.. ఒక్కసారి వీళ్ళ షెల్ఫ్ లన్ని ఓపెన్ చేసి చూడాలి.

నాకు తెలిసి కట్టనివే చాలా ఉంటాయి అంతేనా నివి. ఇప్పుడు నీకు అవన్నీ అవసరమా అని లలితగారు కోప్పడతారు.

ఇప్పుడు నేను ఏమన్నాను అమ్మ... నేనైతే తీసుకువెళ్లను. నావల్ల కాదు అని చేతులు ఎత్తేస్తాడు.  బావా నువ్వు తీసుకువెళ్లవా అని అడిగితే..

నాకు ఆఫీసులో అర్జెంట్ మీటింగ్ ఉంది నివి అని ఎస్కేప్ అవ్వడానికి చూస్తాడు.  మరి ఇప్పుడు ఎలా అని విక్రమ్ వైపు చూస్తుంది.

నివి చూపులు అర్థం అయ్యి నేను ఎవరో ఒకరిని సెట్ చేస్తాను అని చెబుతాడు. ఎవరన్నయ్య బకరా అనగానే..  ఎవరో ఒక్కడిలే అని మెసేజ్ చేస్తూ ఉంటాడు.

ఆ మెసేజ్ వెళ్లిన  పది నిమిషాలకి హాయ్ అన్న వాయిస్ వినపడుతుంది.  ఎవరా అని చూస్తే అక్కడ రాజ్ ఉంటాడు.

భరత్, వినయ్ ఒకరి ముఖాల్లు ఒకరు చూసుకుని బకరా వీడేనా ఇప్పుడు అనుకుంటారు. రాజ్ విక్రమ్ దగ్గరకు వచ్చి ఏంట్రా అర్జెంటు పని ఉంది రమ్మని మెసేజ్ చేసావు అని అడుగుతాడు.  కానీ చూపులు మొత్తం నివి పైన పెడతాడు.

నువ్వు ఫ్రీ గానే ఉన్నావా అంటే.. అబ్బో లేదు బావ.  చాలా హెవీ వర్క్ ఉంది అని చెబుతాడు.  అవునా...  నువ్వు ఖాళీగా ఉంటే నివికి షాపింగ్ పని ఉందంట.

నిన్ను తోడిచ్చి పంపిద్దామని మెసేజ్ చేశాను.  సరేలే ఇంకో అరేంజ్మెంట్ ఏదైనా చేస్తాను అని అంటాడు.  విక్రమ్ కౌంట్ చేస్తూ ఉంటాడు. 

వన్, టూ, అని ఈ లోపు రాజ్... బావ ఏం మాట్లాడుతున్నావ్ నువ్వు? నివి కన్నా ఏది ఎక్కువ కాదు. మన ఇంటి అమ్మాయిని ఎవరితో పడితేవాళ్లతో ఎలా పంపిస్తాము.

నివి కోసం పనులన్నీ పక్కన పెట్టుకొని నేను తీసుకువెళ్తాను కదా అని ఆవేశంగా అంటాడు.  విక్రమ్ వస్తున్న నవ్విన ఆపుకుంటూ ఉంటాడు.


లలిత మాధవి కొడుకులు వైపు తిరిగి చూడండి అన్నట్టుగా చూస్తారు.  వినయ్ కి, భరత్ కి ఎక్కడో కొడుతూ ఉంటుంది.

వీడేంటి ఇంత ఆవేశపడుతున్నాడు. ఏదో తేడాగా ఉంది అనుకుంటూ... నివి మాత్రం చాలా థాంక్స్ రాజ్ అంటుంది..

అయ్యో నివి మనలో మనకు థాంక్స్ ఎందుకు.  ఎప్పుడు బయలుదేరుదాము. ఫైవ్ మినిట్స్...  ఫ్రెష్ అయ్యి వస్తాను అని గబగబా రూంలోనికి వెళుతుంది.

రాజ్ మాత్రం తెగ మెలికలు తిరుగుతూ ఉంటాడు. ఎవరు చూపులో తనకి తగులుతున్నట్టుగా అనిపించి తల పైకి ఎత్తి చూస్తాడు..

అక్కడ భరత్, వినయ్ తననే సీరియస్గా చూస్తూ ఉంటే...  ఏంట్రా మీరిద్దరూ అలా చూస్తున్నారు.  చూపులతోనే నన్ను భస్మం చేస్తారా ఏంటి.

నిన్ను చూస్తుంటే మాకు ఏదో డౌట్ కొడుతుంది. అది ఏమిటా అని చూస్తున్నాము అంతే అంటారు. ఏ డౌటు...  డౌటు లేదు.  ఏమీ లేదు.

మీ ఆలోచనలన్నీ అలాగే ఉంటాయి.  ఆఫీస్ కి వెళ్ళారా...  వర్క్ ఏదో ఉంది అన్నారుగా పొండి.ఇంట్లో ఆడపిల్లల్ని వదిలేసి ఆఫీస్ అని కంగారు పడుతున్నారు గా వెళ్ళండి..  వెళ్ళండి అని కసురుకున్నట్టుగా బిల్డప్ ఇస్తాడు.

రాజ్ మాటలకే లలిత గారు పొంగిపోయి.. మా బాబే... ఆడపిల్ల విషయంలో ఎంత కేర్ తీసుకుంటున్నావు. నువ్వు అమెరికాలో ఉంటున్న సరే...  విక్రమ్ లాగానే ఆలోచిస్తున్నావు.

ఎంతైనా మీరందరూ మంచి ఫ్రెండ్స్ కదా అంటే... మన అనుకున్న వాళ్లు విషయంలో ఆ మాత్రం జాగ్రత్త ఉండాలి కదా అని లలిత గారికి కూడా సోప్ వేస్తూ  ఉంటాడు.

విక్రమ్ మాత్రం అబ్బో వీడి దగ్గర చాలా కళలే ఉన్నాయే...
భరత్, వినయ్ మెల్లిగా విక్రమ్ పక్కకు చేరి...  బావ వీడేంటి తెగ బిల్డప్ ఇస్తున్నాడు.

అత్తయ్య దగ్గర కూడా మార్కులు కొట్టేయాలని తెగ ప్రయత్నిస్తున్నాడు. ఏంటి కథ అని భరత్ అడుగుతాడు.

ఆ మాటకి నవ్వుతూ ఏమీ లేదు వాడు నివికి లైన్ వేస్తున్నాడు అని కూల్ గా చెబుతాడు.  నీకు ఈ విషయం ముందే తెలుసా...

మన శ్రీ ఎంగేజ్మెంట్ అప్పటినుంచి ట్రైల్స్ లో ఉన్నాడు.  కానీ మన నివికి అది అర్థం కాలేదు అంతే అంటాడు.

అమ్మ ని ఎంత పని చేస్తున్నాడో...  వీడు నివిని లైన్లో పెట్టడానికి అని.. అమ్మతో మనల్ని తిట్టిస్తున్నాడా అని వినయ్ కోపంగా చూస్తాడు.

వీళ్ళ ముగ్గురు గుసగుసలు అర్థం కాక ఏంటి అన్నట్టు కళ్లు ఎగరేస్తాడు.  అబ్బే ఏమీ లేదు. నిన్ను ఏమని పిలవాలా అని ఆలోచిస్తున్నానని వినయ్ అంటాడు.

కొత్తగా పిలవడానికి ఏముంది..  ఎప్పుడు పిలిచినట్టే రాజ్ అను.  రాజ్ అంటే చాలా...  ఇంకేమైనా తోకలు ఆడ్ చేయాలా అంటే.. ప్రస్తుతానికైతే చాల్లే.

వీళ్ళు పిలుపులు మాటలు ఏంటి చాలా తేడాగా ఉన్నాయి అనుకొని నివి కోసం చూస్తూ ఉంటాడు. నివి రెడీ అయి వచ్చి వెళదామా అని అడుగుతుంది..  అలా చూస్తూ ఉండిపోతాడు.

రాజ్ బాబు అక్కడ మీ బావలు నిన్నే చూస్తున్నారు జాగ్రత్త ...???

కథ కొనసాగుతుంది....