ఖైదీ నెంబర్ 402 - నా మాటే శాసనం

[SivaSai]

ఎపిసోడ్ 61

ఫ్యామిలీ మెంబర్స్ చెప్పిన మాటలు విని ఆ ప్రాబ్లంలో మనం తల దూర్చడం  తాత గారికి ఇష్టం లేదు అందుకనే మనం వెళ్లకుండా అక్కడ మనకి హెల్ప్ చేసే మనిషి కావాలని వరదరాజులకి ప్రాపర్టీ తక్కువ రేట్ కి ఇచ్చాను అని చెప్పింది అర్ణ.

*********************

అర్ణ చెప్పిన మాట విని "మనకు హెల్ప్ చేసినందుకు వరదరాజులకి గిఫ్ట్ గా 2500 కోట్ల? ఒక్కడిని మన దారిలోంచి తప్పించడానికి అంత ఖర్చు పెట్టాలా?" అని వెటకారంగా అడిగాడు రఘూరామ్.

ఆ మాటకి కోపంగా చూస్తూ "మన చేతికి మట్టి అంటకుండా ఉండాలి అంటే కొన్నిసార్లు ఖర్చు పెట్టాకా తప్పదు." అని చెప్పింది అర్ణ.

"తాతగారు చెప్పిందానికి నువ్వు భయపడితే చేతులు ముడుసుకుని ఇక్కడే ఉండు, ఇండియా విషయం క్లియర్ చేసి నీ వాట షేర్ నీకు పంపిస్తాను." అని చెప్పాడు విష్ణు.

"సరే అయితే! వరదరాజులు గారికి మాట ఇచ్చాను కాబట్టి ఆ ప్రాపర్టీ ఇవ్వక తప్పదు, వచ్చే నష్టాన్ని నా షేర్ లో నుంచి తీసేయండి. ఇప్పుడు ఇండియా వెళ్లి ఆ ప్రాబ్లం ని అక్కడ ఉన్న ప్రాపర్టీస్ మొత్తం ఎవరు డీల్ చేయగలరో చెప్పండి?" అని అడిగింది అర్ణ.

అంతలో హడావిడిగా అక్కడికి వస్తూ "డిస్టర్బ్ చేసినందుకు క్షమించండి. మా సుజిత్, వరదరాజులు గారి దగ్గర ఉన్నాడంట! అర్జెంటుగా అర్ణ తో మాట్లాడాలని కాల్ చేశాడు." అనిఫోన్ స్పీకర్ ఆన్ చేసి టేబుల్ మీద పెట్టాడు ప్రతాప్ మిశ్ర.

"హలో సుజీత్ నేను ముకుల్ ని మాట్లాడుతున్నాను ఏంటి విషయం?" అని అడిగాడు.

"నమస్తే సార్! మినిస్టర్ వరదరాజుల అంకుల్ కి మార్నింగ్ ఒక లెటర్ వచ్చింది దాంట్లో ప్రాణాలతో ఉండాలి అంటే నంద ఫ్యామిలీ ఆస్తులు కొనడానికి వెళ్ళకు ఇది అభీర్ సేన నాయకుడు ఆజ్ఞ, అని ఉంది. " అని చెప్పాడు సుజిత్.

"హ...! ఉంటే ఇప్పుడు దానికి భయపడి ఆ మినిష్టర్ ప్రాపర్టీ తీసుకోను అంటున్నాడా?" అని అడిగాడు ముకుల్.

"కాదు సర్! అతనితో లీగల్ గా ప్రాబ్లమా, లేక వేరే ఏదైనా ప్రాబ్లమా అని అడుగుతున్నారు. లీగల్ అయితే ప్రాపర్టీ తీసుకోను అని చెప్పారు, వేరే ప్రాబ్లం అయితే వాడి సంగతి వీళ్ళు చూసుకుంటారంట!" అని చెప్పాడు సుజిత్.

"అవునా? రేపు 1000 కోట్లు ఇచ్చి అగ్రిమెంట్ చేసుకోమను తర్వాత ఆ అభీర్ సేన నాయుకుడిని చంపి ఫోన్ చేయమను మిగిలిన అమౌంట్ కూడా అవసరం లేదు  నేను వచ్చి రిజిస్ట్రేషన్ చేస్తాను." అని చెప్పాడు ముకుల్.

"ఓకే సార్! నేను మాట్లాడుతాను." అని  చెప్పి ఫోన్ పెట్టేసాడు సుజిత్.

ఫోన్లో చెప్పిన మాట విని "తాతగారు అది కాదు!" అని మాట్లాడబోతున్న విష్ణు వైపు చూసి

"ఒక్క క్షణం ఉండు." అని చెప్పి అర్ణ వైపు చూసి "లాయర్ హిరణ్యకి కాల్ చెయ్!" అని చెప్పాడు ముకుల్.

"సరే తాతయ్య!"అని ఫోన్ తీసుకుని హిరణ్య కి కాల్ చేసి స్పీకర్ ఆన్ చేసి టేబుల్ మీద పెట్టింది అర్ణ.

ఫోన్ లిఫ్ట్ చేసి "లాయర్ హిరణ్య స్పీకింగ్!" అని చెప్పాడు.

"నేను లండన్ నుంచి ముకుల్ నందని మాట్లాడుతున్నాను నిన్ను కోర్టుకి వెళ్ళొద్దని అభీర్ వార్నింగ్ ఇచ్చాడు కదా ఏమి డిసైడ్ అయ్యావు?" అని అడిగాడు ముకుల్.

"సార్! ఇటువంటి బెదిరింపులకు భయపడితే నేను ఈ లాయర్ వృత్తి చేయలేను రేపు ఉదయం కోర్టుకి వెళతాను వాడు ఏం చేస్తాడో చూస్తాను." అని చెప్పాడు హిరణ్య.

"గుడ్ డెసిషన్! రేపు నా మనిషి సూజిత్ అని కోర్టు దగ్గరికి వస్తాడు వాడు తీసుకొచ్చిన అగ్రిమెంట్ రిజిస్ట్రేషన్ చేయించు." అని చెప్పి ఫోన్ పెట్టేసి అక్కడ ఉన్న వారి వైపు చూసి

"రేపు ఉదయం 10:30 అభీర్ మాట కాదని రెండు విషయాలు జరుగుతున్నాయి, హిరణ్య కోర్టులో కాలు పెట్టిన, సుజిత్ చేతికి వెయ్యి కోట్ల వచ్చిన స్పెషల్ ఫ్లైట్లో అందరూ ఇండియా బయలుదేరి వెళ్ళండి మీరు అనుకున్నది చేయండి." అని చెప్పాడు ముకుల్.

ఆ మాట విని నవ్వుతూ "రెండు జరిగే పనులే రేపు ఇండియా ఎవరెవరు వస్తారో రెడీ అవ్వండి." అని చెప్పి అక్కడి నుంచి వెళ్ళిపోయాడు రఘురామ్.

అక్కడినుంచి అందరూ వెళ్లిపోవడంతో ముకుల్ దగ్గరికి వచ్చి "తాతయ్య! మామయ్య చెప్పినట్టు రెండు జరుగుతాయి అందరూ ఇండియా వెళ్లడం జరుగుతుంది." అని చెప్పింది అర్ణ.

"ఆవును! అభీర్ చెప్పిన మాట కచ్చితంగా జరుగుతుంది." అని తన రూమ్ లోకి వెళ్లిపోయాడు ముకుల్.

పక్కనే ఉన్న ప్రతాప్ మిశ్ర వైపు చూసి "అంకుల్! జరిగిందంతా విన్నారు కదా! మీకేమి అనిపిస్తుంది?" అని అడిగింది అర్ణ.

"బేబీ! 12 సంవత్సరాలుగా ఏమి చేయలేని వాడు ఇప్పుడు మాత్రం ఏం చేస్తాడు, ఒకవేళ వాడు ఏదైనా చేయాలి అనుకున్న అక్కడుంది వరదరాజులు!" అని చెప్పాడు ప్రతాప్ మిశ్ర.

"మీ కాన్ఫిడెన్స్  నాకు నచ్చింది." అని అక్కడ ఉన్న వర్కర్ వైపు చూసి "రాము! ఈరోజు తాత గారికి ఇండియా వంటకాలు వండి పెట్టు!" అని చెప్పింది అర్ణ.

"ఓకే మేడం!" అని చెప్పాడు రాము.

అక్కడ నుంచి వెళుతున్న అర్ణ వైపు చూసి 'ఈ ఫ్యామిలీ మనుషులు ఎవరికీ అర్థం కారు, ఇప్పుడు ఆ ముసలోడికి ఇండియా తిండి ఎందుకు!

పాత విషయాలు గుర్తు చేయడానికా? లేక నువ్వు కూడా ఇండియా మాతోపాటు రాక తప్పదు అని సింబాలిక్ గా చెప్పడానికా?' అని మనసులో అనుకున్నాడు ప్రతాప్ మిశ్ర.

***************

మరుసటి రోజు ఉదయం కోర్టు దగ్గరికి వచ్చిన హిరణ్యని చూసి "భయపడి కోర్టుకు రారు అనుకున్నాను, ధైర్యం చేసి బానే వచ్చారు." అని నవ్వుతూ పలకరించింది వసుంధర.

"ఇలాంటి బెదిరింపులు నేను ఎన్ని చూడలేదు, అయినా వైఫై లాగ నా చూస్తూ ఏప్పుడు నా మనుషులు ఉంటారు." అని పక్కన ఉన్న మనిషిని చూపించి "వీడు నా రైట్ హ్యాండ్ జాజి, వీడిని దాటి ఎవరు నా దగ్గరికి రాలేరు.

మరొక విషయం చెప్పడం మర్చిపోయాను ఈ రోజే నంద గ్రూపు సంబంధించిన ప్రాపర్టీ అగ్రిమెంట్ కూడా జరుగుతుంది. వాళ్ళకి వరదరాజులు అని ఒక పెద్ద గోడ అడ్డంగా ఉంటుంది.

ఇంకా మీ అభీర్ బట్టలు సదురుకుని మళ్ళీ అడవికి వెళ్ళిపోవడమే!" అని నవ్వుతూ కోర్టు హాల్లోకి వెళ్ళాడు హిర్వాణి.

సుమతితో కలిసి అక్కడికి వచ్చి "వదిన! ఈ లాయర్ కోర్టుకు వచ్చాడు, ఆ నంద గ్రూప్ వాళ్ళు అగ్రిమెంట్ కి వస్తున్నారు, అభీర్ ఏంటి సైలెంట్ గా ఉన్నాడు?" అని డౌట్ గా అడిగింది నీలమ్.

"ఈరోజు గడవడానికి ఇంకా చాలా టైం ఉంది కదా చూద్దాము." అని కోర్ట్ లోపలికి వెళ్ళింది వసుంధర.

అక్కడికి చాక్లెట్ తో కలిసి వస్తున్న మిత్రని చూసి "ఏంటి? ఏం ప్లాన్ చేశారు?" అని నెమ్మదిగా అడిగింది నీలమ్.

"అక్క! ప్లాన్ ఏమి లేదు వాళ్ళ పని వాళ్ళని చేసుకోనివ్వండి. ఎవరు డిస్టర్బ్ చెయ్యొద్దు అని అభీర్ భయ్యా ఆర్డర్!" అని చెప్పాడు చాక్లెట్.

"అవునా? ఇక్కడ ఏదో పెద్ద ఫైటింగ్ సీన్ ఉంటుంది అనుకుని కెమెరాలు వేసుకుని వచ్చేసాము." అని డల్ గా చెప్పింది నీలమ్.

అంతలో కార్ దిగి అక్కడికి వస్తున్న ఇద్దరినీ చూపించి "లండన్ నుంచి నంద ఫ్యామిలీ ఆస్తులు అమ్మడానికి వచ్చింది అతనే సుజిత్, పక్కన ఉన్నవాడు మినిష్టర్ వరదరాజులు కొడుకు తంబీయర్ పెద్ద వెధవ!

లాయర్ హిరణ్యతో అగ్రిమెంట్ రాయించడానికి వస్తున్నారు ఇప్పుడు వెయ్యి కోట్లు అడ్వాన్స్ చేతులు మారుతుంది." అని చెప్పింది మిత్ర.

కాసేపటికి కోర్టు లోపలి నుంచి హిరణ్యతో కలిసి బయటకు వచ్చి అర్ణకి కి కాల్ చేశాడు సుజిత్.

లండన్ లో ఇంటిదగ్గర ఫ్యామిలి మెంబర్స్ తో కలిసి ఫోన్ కోసం ఎదురు చూస్తూ ఉండగా మొబైల్ రింగ్ అవ్వడంతో చూసి "సుజిత్ కాల్ చేసాడు." అని ఫోన్ లిఫ్ట్ చేసి స్పీకర్ ఆన్ చేసి "సుజిత్ టెల్ మీ? అగ్రిమెంట్ అయిందా?" అని ఆత్రుతగా అడిగింది అర్ణ.

"ఎస్" ఇప్పుడే అగ్రిమెంట్ అయింది. ఇక్కడకు అభీర్ రాలేదు బుబ్బీర్ రాలేదు వరదరాజుల అంకుల్ పేరు వినేసరికి భయపడి పారిపోయి ఉంటాడు." అని చెప్పాడు సుజిత్.

ఫోన్లో ఆ మాట విని "నేను చెప్పానా! అక్కడికి ఎవడు రాడు ఫ్లైట్ రెడీగా ఉంది ఎవరెవరు వస్తున్నారో బయలుదేరండి." అని చెప్పాడు రఘురామ్.

ఫోన్ దగ్గరికి వచ్చి "అక్కడ అంతా బానే ఉందా?" అని అడిగాడు ముకుల్.

ఆ మాట విని ఫోన్ తీసుకుని "సార్! నేను కూడా కోర్టు దగ్గరే ఉన్నాను ఎవ్వరు రాలేదు." అని చెప్పాడు హిరణ్య.

"సరే!" అని ఫోన్ పెట్టేసాడు మూకుల్.

"తాతగారు మేమందరం ఇండియా బయలుదేరుతున్నాము." అని అర్ణ వైపు చూసి "తాతగారిని జాగ్రత్తగా చూసుకో!" అని  చెప్పాడు విష్ణు.

అక్కడ నుంచి అందరు ఎయిర్ పోర్ట్ కి బయలుదేరడంతో అర్ణ వైపు అసహనంగా చూస్తూ "ఇండియాలో మనకి తెలియకుండా ఏదో జరుగుతుంది." అది టెన్షన్ గా చూస్తూ అన్నాడు ముకుల్.

*************

ఢిల్లీ ఇంటి దగ్గర పక్షులకి ఆహారం వేస్తూ ఉన్న అభీర్ దగ్గరికి వచ్చి "లండన్ నుంచి రాము ఫోన్ చేశాడు ముకుల్ ఫ్యామిలీ ఎక్కిన ఫ్లైట్ ఇండియాకి బయలుదేరింది." అని చెప్పాడు బైరి.

ఆ మాట విని "హిరణ్య కి సెక్యూరిటీగా ఉన్న జాజికి ఫోన్ చేసి వాడి తల తీసుకు రమ్మను." అని చెప్పాడు అభీర్.

"మరి సుజిత్ దగ్గరికి రాబోతున్న వెయ్యి కోట్లు!" అని అడిగాడు బైరి.

"ఆ విషయం సింబా చూసుకుంటాడు, ఈ గడ్డమీద అడుగుపెడుతున్న ముకుల్ ఫ్యామిలీకి ఘనంగా స్వాగతం పలకండి." అని చెప్పాడు అభీర్.

"సరే!" అని ఫోన్ చేసి "జాజి! లాయర్ హిరణ్య తల నాయకుడు చూడాలి అంటున్నాడు." అని చెప్పాడు బైరి.