పాణిగ్రహణం

[SivaSai]

Part - 60

ఆ కవర్ ఓపెన్ చేసి  చూడగానే అవని ఆశ్చర్యపోతుంది. వెంటనే కంగారుగా విక్రమ్ వైపు చూస్తోంది. విక్రమ్ కళ్ళు ఆర్పుతాడు. 

ఇంకా అవని ఏం మాట్లాడకుండా సైలెంట్ అయిపోయి థాంక్యూ అన్నయ్య అని చెబుతోంది.  ఏంటవి ఏమి ఇచ్చాడు భరత్ అని చెప్పి అందరూ ఆత్రంగా చూస్తూ ఉంటారు.

అవినీ చెప్పడానికి ఇబ్బంది పెడుతూ ఉంటే అవి హనీమూన్ టికెట్స్. స్విస్ కి అని భరత్ చెబుతాడు.

ఎన్ని రోజులకి తీసావురా అని అడిగితే... 2 వీక్స్ అని చెబుతాడు.  ఆ మాటలకి  విక్రమ్ ఏం మాట్లాడకుండా సైలెంట్ బ్రేక్ఫాస్ట్ చేస్తూ ఉంటే అది అంతా విక్రమ్ ప్లాన్ అని అందరికీ అర్థం అవుతుంది.

అందరూ నార్మల్గా ఎవరి పనులు వాళ్ళు చేసుకుంటూ ఉన్న అవని కి మాత్రం ఇబ్బందిగా అనిపిస్తూ ఉంటుంది.

అందరూ నా గురించి ఏమనుకుంటారు. పెళ్లి అయిన వెంటనే భర్తని తీసుకుని షికార్లకు వెళ్లిందనుకుంటారా.. ఏంటి అని టెన్షన్ పడుతూ విక్రమ్ కోసం చూస్తూ ఉంటుంది.

విక్రమ్ ఆఫీస్ వర్క్ ఉండి ఇంట్లోనే ఆఫీస్ రూమ్ లోనే సీరియస్గా వర్క్ చూసుకుంటూ ఉంటాడు.    అవని చూపులు విక్రమ్ కోసం వెతుకుతూఉంటే లలితగారు కోడల్ని అబ్జర్వ్ చేస్తూ ఉంటారు.

అవిని అని పిలుస్తారు. చెప్పండి అత్తయ్య గారు అంటే... విక్రమ్ కి ఈ జ్యూస్ ఇచ్చేసిరామ్మా.. ఆఫీసు రూమ్ లో ఉన్నాడు అని చెప్పి పంపిస్తారు.

సరే అని చెప్పి ఆ జ్యూస్ గ్లాస్ తీసుకుని ఆఫీస్ రూమ్ దగ్గరికి వెళుతుంది. పర్మిషన్ లేకుండా లోపలికి వెళితే ఏమంటారో అని టెన్షన్ పడుతూ ఉంటుంది.

గట్టిగా ఊపిరి తీసుకునే డోర్ నాక్ చేస్తుంది.  కమింగ్ అని గంభీరంగా వాయిస్ వినపడుతుంది. వాయిస్ లో వచ్చిన గంభీరత్వానికి అవినికి చిన్నగా వణుకు వస్తుంది.

ఏమిటి విక్రమ్ గారి వాయిస్ ఇంత స్ట్రాంగ్ గా ఉంది అనుకుని మెల్లిగా తలుపు తీసుకొని లోపలికి వెళుతుంది.

లోపలికి వెళ్ళేటప్పటికి విక్రమ్ సీరియస్గా వర్క్ చేస్తూ ఉంటాడు.  కానీ భార్య అందెల శబ్దానికి చిన్నగా నవ్వుకుంటూ... ఏం చేస్తుందో చూడాలి అని... తలతిప్పకుండా సిస్టం లో వర్క్ చూసుకుంటూ ఉంటాడు.

దగ్గర కంట వెళ్లి విక్రమ్ గారు అని పిలుస్తుంది. పిలిచాను అని అనుకుంది కానీ... ఆ మాట గొంతు దాటి బయటికి రావడం లేదు.

ఏమిటి నేను పిలిచిన పలకడం లేదు అని..మళ్ళీ విక్రమ్ గారు అని కొంచెం వాయిస్ పెంచి పిలుస్తుంది.

హ... చెప్పు అవని అనగానే.. జ్యూస్ అంటుంది.  ఇది ఇవ్వడానికి ఎంత టైం తీసుకున్నావా అని అడుగుతాడు. అంటే...పిలిచాను మీకు వినపడలేదు అంటుంది.

ఎప్పుడు పిలిచావు ఇప్పుడే కదా అంటే... అదేంటి ముందు పిలిచింది ఈయనకి వినపడలేదా అని ఇన్నర్ వాయిస్ వేసుకుని మీతో కొంచెం మాట్లాడాలి.

నాతో మాట్లాడడానికి కూడా పర్మిషన్ తీసుకోవాలా...ఏమిటో చెప్పు అని లాగి ఒళ్ళో కూర్చోపెట్టుకుంటాడు.

విక్రమ్ గారు అని కంగారుగా పిలుస్తుంది.  చెప్పండి భార్యామణి గారు అనగానే... ఎవరైనా చూస్తారు అని దిక్కులు చూస్తుంది.

హ్మ్... నా పర్మిషన్ లేకుండా ఎవరు ఈ గదిలోకి రారు కానీ ఏదో చెప్పాలనుకున్నావుగా చెప్పు అని మంగురులు సవరుతీస్తూ ఉంటాడు.

అది.. అది..అని నాన్చుతూ ఉంటే.... అబ్బా అవని నువ్వు నా దగ్గర కూడా ఇంత ఇబ్బంది పడితే ఎలా..  ఏదైనా నా దగ్గర నువ్వు చొరవగా, ధైర్యంగా చెప్పొచ్చు. అది ఏదైనా సరే అని ఇప్పుడు చెప్పు ఏంటి నీ ఇబ్బంది అని అడుగుతాడు.

మార్నింగ్ బ్రేక్ఫాస్ట్ చేసేటప్పుడు భరత్ అన్నయ్య టికెట్స్ ఇచ్చారు కదా అని తలదించుకుని చెబుతోంది. ఇచ్చాడు అయితే అని అడుగుతాడు.

ఇప్పుడు వెళ్లడం అవసరమా అని అంటుంది. ఇప్పుడు కాకపోతే షష్టిపూర్తి అయ్యాక వెళతావా  ఏంటి అంటే... అబ్బా విక్రమ్ గారు నేను చెప్పేది అర్థం చేసుకోండి  .

సరే చెప్పు అర్థం చేసుకుంటాను అని తన ఎదురుగుండా తిప్పుకొని అడుగుతాడు. పెళ్లయిన వెంటనే మనిద్దరమూ ఇలా వెళితే... అందరూ నన్ను తప్పుగా అనుకుంటారు కదా...

అప్పుడే భర్తతో  బయట షికార్లకు వెళుతుంది అనుకుంటారు కదా అని తలదించుకునే అడుగుతుంది.
విక్రమ్ అవినినే సూటిగా చూస్తూ ఉంటాడు.

ఎంతసేపైనా విక్రమ్ ఏమీ మాట్లాడడం లేదు అని కళ్ళు మాత్రమే పైకెత్తి చూస్తూ... నేనేమైనా తప్పుగా మాట్లాడానా అని అడుగుతుంది.

విక్రమ్ మాత్రం అవని మనస్థితిని అంచనా వేస్తూ ఉంటాడు. చిన్నప్పటినుండి తనలో పేరుకుపోయిన భయాలు... ఒక్కసారిగా వదిలిపొమ్మన్నా వెళ్ళవు కదా...

అవని నుదుటన ముద్దు పెట్టుకుని నువ్వేమీ తప్పుగా మాట్లాడలేదు కానీ...ఆలోచించే విధానాన్ని మార్చు.

ఇది మన ఇల్లు అంటే నీ ఇల్లు కూడా.. నీ వాళ్ళు నీ గురించి ఎందుకు తప్పుగా అనుకుంటారు. పెళ్లయిన కొత్తలో ఎవరైనా హనీమూన్ కి వెళ్లడం సహజమే.

ఆ ఇంటి గురించి, ఆ మనుషుల గురించి పూర్తిగా మర్చిపో.  నీ మనసులో గాని ఆలోచనలో గాని వాళ్ల గురించి రానివ్వకు.

ఏమి చేస్తే ఇక్కడ ఏమనుకుంటారో... ఏం మాట్లాడితే తప్పు అవుతుందో అని ఆలోచన మానేసి స్వతంత్రంగా తిరుగు.

అందరూ నీ వాళ్లే.  అత్తయ్య వాళ్ళు నిన్ను దత్తత తీసుకున్నారు అంటే...  అది ఫార్మాలిటీ  కోసం కాదు. నిన్ను కూతురు అనుకున్నారు.

భరత్ తర్వాత అత్తయ్యకి ఇంకా పిల్లలు పుట్టలేదు. ఆడపిల్ల కావాలని మావయ్య కూడా చాలా కోరుకున్నారు. భరత్ కూడా చెల్లి ఉంటే బాగుంటుందని మమ్మల్ని, నివిని చూసినప్పుడల్లా అనుకునేవాడు.

నేను సరదాగా అంటూ ఉండేవాడిని... నా పెళ్లయిన తర్వాత నా భార్యని దత్తత తీసుకోరా నీ చెల్లి కింద అని. కానీ అదే నిజమవుతుందని నేను అనుకోలేదు.

వాడు  నిన్ను సొంత చెల్లి  అనుకుంటున్నాడు కాబట్టి సర్ప్రైజ్ గిఫ్ట్ ఇచ్చాడు.  ఆఫ్ కోర్స్ నాకు ముందే ఇన్ఫామ్ చేశాడు అనుకో కానీ... ఈ ఆలోచన పూర్తిగా వాడిదే.

అర్థమైందా అని అడుగుతాడు. హ.. అని చెబుతుంది.
అవినీ మూడ్ డైవర్ట్ చేయాలి అనుకుని..నువ్వు నన్ను ఇంకా పూర్తిగా సొంతం అనుకోలేదు కదా అని బుగ్గలు లాగుతూ అడుగుతాడు.

అదేంటి అంత పెద్ద మాట అనేసారు అని విక్రమ్ వైపు చూస్తూ అడుగుతుంది. మరి లేకపోతే ఏంటి...ఆఫీసు రూమ్ ముందుకు వచ్చి అంతసేపు నిలబడిఉన్నావు గాని...

చొరవగా డోర్ తీసుకున్న లోపలికెందుకు రాలేదు అని అడుగుతాడు. అంటే మీరు వర్క్ బిజీ లో ఉంటారు కదా... సడన్గా లోపలికి వస్తే మీరు ఏమైనా కోప్పడతారేమో అని భయం వేసింది.

భయం ఎందుకు నీ మొగుడు దగ్గరికి రావడానికి కూడా అంటే... ఏమో చిన్నప్పటినుంచి పేరుకుపోయిన భయాలు అలాంటివి.

ఒకసారి  వాళ్ల ముగ్గురు గదిలో ఉండగా చొరవగా వెళితే పట్టుకుని తిట్టారు.  పర్మిషన్ తీసుకుని రావడం తెలియదా అని ఆ సార్ కోప్పడ్డారు. అందుకే ఒకలాంటి భయం మనసులో ఉండిపోయింది.

కుంచెం టైమ్ పడుతుంది. కానీ తొందరగానే సెట్ అవుతాను. పక్కనే మీరు ఉంటారు కదా.. నాకు దేనికి భయం లేదు అని హగ్ చేసుకుంటుంది.

బార్య చుట్టు చేతులు వేసి దగ్గరికి లాక్కుంటూ  భయమెందుకే బంగారం. ఎప్పుడూ నేను నీ పక్కనే ఉంటాను.

నేను పక్కన లేనప్పుడు కూడా నువ్వు ధైర్యంగానే ఉండాలి.  ఫిసికల్ గా నేను నీ పక్కన లేకపోవచ్చు కానీ... మెంటల్ గా, ఎమోషనల్ గా ఎప్పుడు నీతో కనెక్ట్ అయి ఉంటాను.

అర్థమైందా అనగానే... హ్మ్... అర్థమయింది. మీలాగా భరోసా ఇచ్చే భర్త ప్రతి ఆడదానికే ఉంటే ... నిజంగా ఆ అమ్మాయి చాలా అదృష్టవంతురాలు అవుతుంది కదా...

చిన్నప్పటినుండి నేను పడిన కష్టాలు చూసి ఆ భగవంతుడు కూడా జాలి వేసి ఉంటుంది. అందుకే మీలాంటి వజ్రాన్ని నా జీవితంలో నికి పంపించాడు.

మీ ఆడవాళ్ళతో వచ్చిన చిక్కే ఇది.  కష్టపడి మేమంతా చేస్తే....క్రెడిట్ మాత్రం ఆ భగవంతుడికి ఇచ్చేస్తారు అని అలకగా అంటాడు.

విక్రమ్ ఫేస్ చూసి అవని గట్టిగ నవ్వేసి... మా వారి అలక కూడ చాలా బాగుంది. ముద్దు వస్తున్నారు అంటూ బుగ్గలు లాగుతుంది.

ముద్దు వస్తే ముద్దు పెట్టుకోవాలి గాని ఇలా బుగ్గలు లాగకూడదు. ఆమ్మో ముద్దా అంటే.. హ ముద్దె. ఒక్కటీ ఇవ్వు బంగారం... అని గారంగా అడుగుతాడు.

ఆమ్మో నాకు సిగ్గు. నా వల్ల కాదు. నేను వెళతాను అని పైకి లేగబోతుంది. ఎక్కడికి వెళ్ళతావు. నాది నాకు ఇచ్చి అప్పుడు వెళ్ళు.

ప్లీజ్ అండి. నాకు చాలా సిగ్గుగా ఉంది. నైట్ లైట్స్ తీసిన తరువాత అప్పుడు ఇస్తాను. ఇప్పుడు వదిలేయరా.. నా బంగారం కదు.. అని బుజ్జగిస్తూ అడుగుతుంది.

లైట్స్ తీసాక నువ్వు ఇద్దువు గాని... ఇప్పుడు నేను తీసుకుంటాను అని అవని పెదవులు అందుకుంటాడు.

ఊపిరి కష్టం అవుతున్నప్పుడు వదిలి జ్యూస్ గ్లాస్ పెదవుల దగ్గర పెడతాడు. అది మీకు అనగానే... నాకు తెలుసు.

తాగు అని అందిస్తాడు. భర్త ప్రేమకు మురిసిపోతు... కుంచెం తాగి... విక్రమ్ వైపు గ్లాస్ పెడుతుంది.

అది చూసి చిన్నగా నవ్వుకుంటూ... జ్యూస్ కంప్లీట్ చేసి వెళ్లి రెస్ట్ తీసుకో... అసలే నైట్ కి ఏదో ఇస్తాను అన్నావు. అలిసిపోకుండా ఉంటావు. వెళ్ళు అనగానే...

విక్రమ్ మాటలకి సిగ్గుపడుతూ.. గ్లాస్ తీసుకుని వెళ్ళిపోతుంది. వెళుతున్నా అవిని నీ చూసి నవ్వుకుంటూ మళ్ళీ వర్క్ చేసుకుంటూ ఉంటాడు.

కిచెన్ దగ్గర కి వెళ్లి ఇంత లేట్ అయింది ఏమైనా అంటారు ఏమో అని టెన్షన్ పడుతూ లలితాగారి దగ్గర కి వెళ్లి అత్తయగారు అని మెల్లిగా పిలుస్తుంది.

ఆ పిలుపుకి అవని వంక చూసి వచ్చావా.. ఈ పాలు తాగు అని ఒక పెద్ద గ్లాస్ ఇస్తారు. అది చూసి అవనికి కళ్ళు తిరిగినంత పని అవుతుంది.

పిడికెడు తిండి తిని రోజు అంత ఉండే తనకి ఈ ఫుడ్ చాలా కష్టంగా ఉంటుంది.

గ్లాస్ వంక, వాళ్ళ అత్తయ్య గారు వంక చూస్తూ అత్తయ్య గారు అంటుంది. ఏమిటి అవిని అనగానే... గ్లాస్ వైపు చూపిస్తూ కష్టం అత్తయ్య గారు అంటుంది.అయినా పరవాలేదు తాగేయ్ అని చెబుతారు.

అవని పరిస్థితి ఏమిటి..

కథ కొనసాగుతుంది...