పాణిగ్రహణం

[SivaSai]

Part - 59

అవని గట్టిగా విక్రమ్ ని హత్తుకుంటుంది. విక్రమ్ బాడీలో ఏవేవో కెమికల్ రియాక్షన్స్ జరగుతూ ఉంటాయి. భార్య చుట్టూ చేతులు వేసి దగ్గరికి లాక్కుంటూ...

భార్యామణి గారు తెల్లారిపోయింది.  ఇప్పుడు నువ్వు ఇలా పట్టుకుంటే నాలో బొజ్జున్న మరొ విక్రమ్ బయటికి వస్తాడు. అప్పుడు నువ్వు బయటకు వెళ్లడం కష్టం అని చెవిలో గుసగుసగా చెబుతాడు..

ఆ మాటలకి అవని సిగ్గుపడుతూ నేను వాష్ రూమ్ లోకి వెళ్ళాలి అని చెబుతుంది.  వెళ్ళు ఇప్పుడు నిన్ను ఎవరు వద్దన్నారు అని అడుగుతాడు. ఎలా వెళ్లాలి అని బిడియంగా అడుగుతుంది.

అదిగో అక్కడే ఉంది వాష్ రూమ్ అని చూపిస్తాడు. అబ్బా మీకు అన్నీ తెలిసే అడుగుతున్నారు. నా వంటి పైన చెప్పలేక ఆగిపోతుంది.

హ.. నీ వంటి పైన అని రెట్టిస్తూ చెంప పైన వేలుతో రాస్తూ ఉంటాడు. ప్లీజ్ విక్రమ్ గారు మీకు అంతా అర్థమైందని నాకు తెలుసు.

నా చీర ఇలా ఇవ్వరా..అని అడుగుతుంది.  ఓ... మై డియర్ వైఫ్ నేను కూడా అలాగే ఉన్నాను.ఇప్పుడు నేను మాత్రం ఎలా దిగి నీకు ఇస్తాను అని అమాయకంగా ముఖం పెట్టి అడుగుతాడు.

ఏవండీ అని ఏడుపు గొంతుతో పిలుస్తుంది. విక్రమ్ నవ్వుకుంటూ ఓకే...ఓకే.. ఇంక నువ్వు ఇప్పుడు టాప్ ఇప్పకు అని చెప్పి పక్కనే ఉన్న తన షర్టు ఇచ్చి వేసుకుని వెళ్ళు అని చెబుతాడు.

ఆ షర్టు వైపు చూసి మళ్లీ భర్త వైపు చూస్తుంది. సరే నేను కళ్ళు మూసుకుంటాను. నువ్వు వెళ్ళు అని చెప్పి షర్టు ఇచ్చి కళ్ళు మూసుకుంటాడు.

నమ్మొచ్చా అని అనుమానంగా అడుగుతుంది. ఓయ్ నీ భర్తని ఏమనుకుంటున్నావు. మాటంటే మాటే వెళ్ళు అని చెప్పి కళ్ళు మూసుకుంటాడు.

అవని ఆ షర్ట్ వేసుకుని నవ్వుకుంటూ మంచం దిగి వాష్ రూమ్ లోనికి వెళ్ళిపోతుంది.  కాలిఅందెల శబ్దం దూరం అయిన తర్వాత విక్రమ్ కళ్ళు తెరిచి నవ్వుకుంటూ ఇంత సిగ్గు ఎంటే బాబు నీకు అని...అక్కడున్న తన ట్రాక్ ప్యాంట్ వేసుకొని బాల్కనీలోకి వెళ్లి ఒళ్ళు విరుచుకుంటాడు.

ఆ నీరెండకి ఒళ్ళు చురుక్కుమంటూ ఉంటే భుజాలపైన చూసుకుంటాడు.  అక్కడ అవని గోటి గుర్తులు కనబడతాయి.

అది చూసుకుంటూ రాత్రి జరిగిందంతా గుర్తు చేసుకుంటూ తనలో తానే నవ్వుకుంటూ ఉంటాడు. అవని వాష్ రూమ్ లోకి వెళ్లి స్నానం చేస్తూ ఆ వేడినీళ్లకి ఒంటిపైన ఉన్న గుర్తులు సురుక్కుమంటూ ఉంటే...

విక్రమ్ ఇచ్చిన పంటి గుర్తులను చూసుకుంటూ మురిసిపోతూ ఉంటుంది. స్నానం చేసిన తర్వాత గాని చూసుకోదు. తను ఏమి బట్టలు తెచ్చుకోలేదు అని...

ఇప్పుడు ఎలా అని ఆలోచిస్తూ టవల్ చుట్టుకుని బాత్రూం డోర్ కొద్దిగా తీసి తల బయటికి పెట్టి చూస్తోంది. విక్రమ్ ఎక్కడా కనపడడు. హమ్మయ్య ఈయన లేరు అనుకుంటా అని మెల్లిగా అడుగులో అడుగు వేసుకుంటూ బయటికి  వస్తుంది.

అవని కాలి అందెల శబ్దం విని విక్రమ్ లోపలికి వస్తాడు. విక్రమ్ ని అక్కడ చూడగానే అవని తలదించేసుకుని టవల్ని నలిపేస్తూ ఉంటుంది. 

విక్రమ్ దగ్గరికి వచ్చి అవినీ నడుం చుట్టూ చేతులు వేసి దగ్గరికి లాక్కుంటూ స్నానం చేసి వస్తానని చెప్పి మళ్ళీ నన్ను ఇలా టెంప్ట్ చేస్తున్నావేంటి అని అడుగుతాడు.

ప్లీజ్ విక్రమ్ గారు.. కంగారులో నా బట్టలు తీసుకువెళ్లడం మర్చిపోయాను. అయ్యో ఇప్పుడు ఎలా అని తల మీద చేయి వేసుకుంటుంది.

ఏమైంది అంటూ భుజం మీద ఉన్న నీటి తుంపరులను పెదవులతో అద్దుతూ ఉంటాడు. అవిని కంగారులో ఉండి విక్రమ్ చేసే పనులను పట్టించుకోదు.

నా బట్టలన్నీ కింద రూమ్ లో ఉండిపోయాయి. కొంచెం నేహా కి కాల్ చేసి తెమ్మని చెబుతారా అని అంటూ ఏం చేస్తున్నారు మీరు అని కంగారుగా దూరం జరగపోతుంది.

ష్... సైలెంట్ గా ఉండు అని అలా నడిపించుకుంటూ డ్రెస్సింగ్ రూమ్ లోకి తీసుకువెళ్లి అక్కడున్న క్లోసెట్స్ ఓపెన్ చేసి చూపిస్తాడు.

డైలీ వేర్ నుంచి పార్టీవేర్ సారీస్ నుంచి,పూజలకి, ఫంక్షన్స్ కి కట్టుకునే పట్టు చీరలు వరకు, డైలీ వేసుకునే చుడిదార్స్, అకేషన్ కి వెళ్లే విధంగా ఉండే మోడ్రన్ డ్రెస్సెస్ వాటికి మ్యాచ్ అయ్యే ఆక్సరీస్, మేకప్ సెట్స్ అన్ని ఉంటాయి.   

ఏమిటండీ ఇన్ని ఉన్నాయి. ఏదైనా షాప్ ఓపెనింగ్ తీసుకు వెళుతున్నారా అని అమాయకంగా అడుగుతుంది.  తల మీద మొట్టి, మొద్దు.. షాపు ఓపెనింగ్ అయితే ఇంట్లో ఎందుకు పెట్టుకుంటానే...

నా భార్యమణి కోసం నా కలెక్షన్ ఇదంతా.. నీకు ఏది కావాలో అది కట్టుకో అని చెప్పి, బుగ్గన ముద్దు పెట్టి నేను ఫ్రెష్ అయి వస్తాను అని వాష్ రూమ్ లోకి వెళ్లిపోతాడు. 

అవన్నీ చూస్తూ అమ్మో ఇన్ని బట్టలా.. నాకు సంవత్సరం పైనేంటి... దగ్గర ఒక పది సంవత్సరాలు ఈజీగా వచ్చేస్తాయి అనుకుంటూ ఏం కట్టుకోవాలా అని వాటిని అలా చూస్తూ ఉంటుంది.

విక్రమ్ స్నానం చేసి వచ్చేటప్పటికి కూడా అవని అలాగే ఉంటుంది. బయటకు వచ్చి ఏంటి అమ్మాయి గారు రెడీ అవ్వరా... మళ్ళీ మంచం ఎక్కుదామా ఏంటి అని వెనకనుండి హత్తుకుంటు నడుమును మీటుతూ ఉంటాడు.
అబ్బా నీకు ఎప్పుడూ అవే ఆలోచనలా... కొత్తగా పెళ్లయిన వాడికి ఆ ఆలోచన కాక ఇంకేముంటాయి. ఇప్పుడు నీ ప్రాబ్లం ఏంటి అని తన వైపుకు తిప్పుకొని అడుగుతాడు.

నా దగ్గర నాలుగు జతలే ఉండేవి. అందుకే ఎప్పుడూ కన్ఫ్యూషన్ ఉండేది కాదు.ఇప్పుడు ఇన్ని బట్టలు అంటే ఏమి వేసుకోవాలి అర్థం కావడం లేదు అని బిక్కమొహం వేసుకుని విక్రమ్ వైపు చూస్తుంది.

ఒక్క నిమిషం విక్రమ్ మనసు చివుక్కుమంటుంది. పుట్టడం ఐశ్వర్యం లో పుట్టింది కానీ...తల్లి లేకపోవడంతో ఎలాంటి లైఫ్ లీడ్ చేసింది అని బాధపడి..

నుదుటన ముద్దు పెట్టుకుని రా..నేను సెలెక్ట్ చేస్తాను అని తన ఒంటికి మ్యాచ్ అయ్యే విధంగా నిమ్మపచ్చలో ఉన్న ఒక జార్జెట్ సారీ సెలెక్ట్ చేసి ఇస్తాడు.

ఆ సారీ చూడగానే అవని కళ్ళల్లో ఒక మెరుపు వస్తుంది. ఈ కలర్ అంటే నాకు చాలా ఇష్టం అండి. ఇప్పుడే రెడీఅయ్యి వస్తాను అని గబగబా చీర తీసుకొని వెళ్లి కట్టుకుని వస్తుంది.

విక్రమ్ కూడా సింపుల్ గా ఇంట్లో ఉండే డ్రెస్ వేస్కుని రెడీ అవుతాడు. అదేంటి మీరు ఇలా రెడీ అయ్యారు. ఆఫీస్ కి వెళ్ళారా అని అడిగితే...

రాత్రి హెవీ డ్యూటీ అయిపోయింది బంగారం. ఒళ్ళంతా అదొక లాగా ఉంది. మళ్ళీ ఎక్సర్సైజ్ చేస్తే గాని లైన్లోకి రాదు అని చెబుతూ కన్ను కొడతాడు.

అబ్బా మీకు అసలు సిగ్గు లేకుండా పోతుంది అని...విక్రమ్ ని విడిపించుకుని గదిలో నుంచి బయటికి వస్తుంది. వెనకాలే విక్రమ్ కూడా నవ్వుకుంటూ వస్తాడు.

గది బయటికి వచ్చిన తర్వాత అవిని బిడియంగా అక్కడే ఆగిపోతుంది. ఏమైంది ఇక్కడే ఆగిపోయావు అని అడిగితే.. అది అని సిగ్గుపడుతూ తలదించుకుంటుంది.

సిగ్గుపడడం ఆపి విషయం ఏంటో చెప్పు అని అడుగుతాడు.  ఇప్పుడు అందరూ మనల్ని చూస్తారు కదా అని అంటుంది. అయితే ఏమిటి అంటే..

అబ్బా మీకు ఎలా చెప్పాలో అర్థం కావడం లేదు. అందరూ మనల్ని గుచ్చి గుచ్చి చూస్తారండి అంటుంది.  చుస్తే చూడని అందులో ఏముంది అంటే...

రాత్రి ఏమి జరిగిందా అని క్యూరియాసిటీతో ఉంటారు. ఎక్కడైనా మార్క్స్ కనిపిస్తున్నాయా అని వీపు మీద, ముఖం మీద చూపిస్తూ అడుగుతుంది.

అవని కంగారు చూసి, వస్తున్నా నవ్వుని పెదవి కింద దాచేసి..  కనిపిస్తే తప్పేంటి.. కొత్తజంట బాగా ఎంజాయ్ చేశారు అనుకుంటారు కానీ... నిన్ను ఎవరు ఏమీ అడగరు పదా అని చెయ్యి పట్టుకుని తీసుకు వెళ్తాడు.

జంటగా వస్తున్నా ఇద్దరినీ చూసి పెద్దవాళ్లందరికీ చాలా తృప్తిగా అనిపిస్తుంది.  లలిత,  మాధవి ఇద్దరూ అవిని దగ్గరికి వచ్చి పై నుండి కింద వరకు చూసి సంతోషపడతారు.

రామ్మా అని అవిని నీ పూజ మందిరం దగ్గరికి తీసుకువెళ్లి దీపం వెలిగించమని చెబుతారు.   అవని దీపం వెలిగించి భక్తిశ్రద్ధలతో భగవంతుడికి దండం పెట్టుకుంటుంది.

కిచెన్లోకి తీసుకువెళ్లి కోడలితో మొదటిసారిగా ఏదైనా స్వీట్ చేపించాలి. నీకు వచ్చింది ఏదైనా సరే.. సింపుల్ గా ఉండే ఒక స్వీట్ చెయ్ తల్లి అని చెప్పి అక్కడే ఉంటారు.

అవినికి వంట రావడం వల్ల నవ్వుతూ అలాగే అత్తయ్య గారు అని చక్కెర పొంగలి చేస్తోంది.

మిగిలిన టిఫిన్స్ అన్నీ లలిత, మాధవి ప్రిపేర్ చేసి అన్ని డైనింగ్ టేబుల్ మీద సర్దేస్తారు.  అవని చేసిన చక్కెర పొంగలి ఒక వెండి గిన్నెలో పెట్టి దేవుడి దగ్గర నైవేద్యంగా పెట్టిస్తారు.

పిల్ల బ్యాచ్ అంతా కూడా రెడీ అయ్యే కిందకి వస్తారు. గుడ్ మార్నింగ్ వదిన... నీవి, వినయ్ విష్ చేస్తారు. గుడ్ మార్నింగ్ అని చెబుతోంది.

గుడ్ మార్నింగ్ బంగారం అని భరత్ సైడ్ హగ్ ఇస్తాడు. గుడ్ మార్నింగ్ అన్నయ్య అని చెప్పి... ఇంతకీ శ్రీ గారు, రాజ్ గారు ఏరి అంటే..వాళ్ళు వస్తున్నారు.

ఏమిటి ఈ రోజు స్పెషల్స్ అని అడుగుతూ డైనింగ్ టేబుల్ దగ్గర కూర్చుంటారు. అందరికీ ముందుగా చక్కెర పొంగలి బౌల్స్  లో పెట్టి ఇచ్చి అవనికి మొదటి రోజు కదా..

స్వీట్ చేసింది అందరూ తిని ఎలా ఉందో చెప్పాలి. అంతేకాదు కచ్చితంగా అవినికి గిఫ్ట్ కూడా ఇవ్వాలి అని చెబుతారు. 

అందరూ స్వీట్ టేస్ట్ చూసి చాలా బాగా చేశావు. అందుకేనా మా విక్రమ్ బెంగళూరు నుంచి అప్పుడు రాను అనేవాడు అని విక్రమ్ టీస్ చేస్తూ ఉంటారు..

నన్ను టీజ్ చేసింది చాలుగానే మూసుకుని తినండి అని చెప్పి సైలెంట్ గా తింటూ ఉంటాడు. భరత్ మాత్రం నువ్వు ఇలా చేస్తూ ఉంటే. మేము ఎక్స్ట్రా ఇంకొక గంట జిమ్ లో ఉండాల్సిందే అంటూ టెస్ట్ ని ఆస్వాదిస్తూ ఉంటాడు.

మాధవి గారు తినటమే కాదు.. అవినికి ఏం గిఫ్ట్ ఇస్తున్నారు అది కూడా చెప్పండి అని అడుగుతారు.

ఇదిగో నా గిఫ్ట్ అని ఒక కవర్ అక్కడ పెడతాడు. ఏమిటి ఇది అని చూస్తూ ఓపెన్ చెయ్ అవని అంటారు.

అవని ఇబ్బందిగా కవర్ ఓపెన్ చేసి కళ్ళు పెద్దవి చేసి ఆశ్చర్యంగా విక్రమ్ వైపు చూస్తుంది.