Adultery Supriya: Ek Jawan Biwi ki Kahani

[Sriya2]

Update 106

Agli subah Supriya ki halat kafi kharab thi. Shayad pichhli baar se bhi jyada par doosre karano se. Supriya se na toh utha jaa raha tha aur na hi uski aankhen khul rahi thi. Bas shukr is baar ka tha ki aaj usne apne kapde toh pehne hue they. Iqbal uske theek peeche baitha hua tha, jaise aaj use kahin jaana hi nahi ho.

Aakhir subah se Supriya ki halat jo kharab lag rahi thi.



Supriya ne aakhen munde hue dheere se kaha - Aap kyu baithte ho aaj yahan... aap jayo na... main uth jaati hoon abhi...

Iqbal - Nahi... tumhara maatha kafi garam lag raha hai... main kahin nahi jaane wala. Chalo tumhe yahan paas ke doctor ke paas le jaata hoon.

Supriya ki aawaz mein dard saaf tha - Mmmm.... nahi mujhse nahi utha jayega... poora badan toota hua sa ho raha hai...

Unke kamre ka darwaza khula tha toh koi bhi andar aa sakta tha, aur kuch der baad Rubina ne andar jhaka.

Rubina ne dekha ki woh dono wahin they aur Supriya ne kapde pehne hue they toh woh thoda andar aa gayi - Tum logo ko zara bhi sharam nahi hai kya? 8 bajne ko aaye aur abhi bhi kamre mein baithe ho... Ghar mein jo mahaul chal raha hai uska nahi toh apne bhaiya ki sharam toh kar lete. Abhi abhi gussa karte hue gaye hain.

Iqbal - Bhabhi woh... iski tabiyat kaafi kharab lag rahi hai...

Rubina ne gusse mein apna sar hilaya - Aise raat bhar jallado ki tarah ise chodoge toh aur kya hoga. Ye bhi nahi sochte ki ek jawan ladki hai ghar mein. Kal raat toh iski cheekhne ki bohot aawaz aa rahi thi... aisa lag raha tha jaise ye bhi gaaliyan de rahi ho. 

Supriya ne sharam se apni aakhen moond li. Usne shayad apni jindagi mein itni gaaliyan nahi di thi, jitni kal raat di thi.

Iqbal - Nahi Bhabhi... iska maatha chhuu kar toh dekho... buri tarah tap raha hai... 

Rubina ne halke se uska maatha chhuaa, woh wakaiye mein buri tarah tap raha tha - Uiiiiiii... itni garam... raat bhar thand mein nanga rakha kya tumne ise?

Iqbal ne apni aankhen doosri aur kar li, aur Supriya ye sab sunte hue sharam se palang mein gadi jaa rahi thi.

Rubina gussa hote hue boli - Hadd karte ho tum bhi... pichhli baar chal nahi paayi thi aur aaj itna bukhaar kar diya is. Itni nazuk si toh hai ye... aur tumhara bhaisa jaisa lund. Chalo ab jayo neeche se bukhaar naapne wala le aayo...

Iqbal turant bhaaga hua neeche ki aur gaya aur Rubina Supriya ke sar par haath ferti hui uske saath baith gayi.

Rubina dheere se boli - Aise gande se kyu karne deti ho ise apne saath... mana kar diya karo... ufff.. halat dekhi hai apni... aankhen andar dhasi jaa rahi hai...

Iqbal jaldi se neeche se thermometer le aaya. Rubina ne use jhidakte hue Supriya ke muh mein rakha. Supriya se apna sar bhi nahi hilaya jaa raha tha. Ek minute baad jab Rubina ne temperature check kiya toh woh bhi hil gayi.

Rubina - Haiii re.... 105.... mere paas dawai hai... main lekar aati hoon...

Iqbal aur Rubina dono bhaage bhaage Supriya ke liye dawai lekar aaye. Iqbal ne sahara dete hue Supriya ko bithaya aur use bukhaar ki dawai di. Dawai lene ke kuch ghanto tak bhi Supriya ka bukhaar kam hone ka naam hi nahi le raha tha.

Rubina ne uske maathe to fir se chhute hue kaha - Iski halat theek nahi lag rahi hai... tum aisa karo... ise Dispensary le jaayo... wahan woh compounder hoga na... use dikha dena...

Supriya ki halki si aawaz nikli - Nahi... main... kahin nahi jaa payungi... mujhe lete rehne do na...

Rubina - Supriya... baat ko samajh... teri tabiyat jyada kharab hai... Iqbal, acha tu jaa zara compounder ko yahin bula la...

Iqbal fir se bahar ki aur bhaaga aur Rubina Supriya ke sar par haath ferti hui baithi rahi. Jab Iqbal wapas aaya toh kamre mein Hina, Amma ji aur pados ki aur ek boodi aurat bhi maujood thi.

Rubina ne use dekhte hi kaha - Compounder kahan hai?

Iqbal - Woh aaj nahi hai... kya hua?

Rubina - Iski tabiyat jyada kharaab hai... ulti ho rahi hai... neeche buri tarah jal raha hai... 

Aurat - Pet mein bohot dard ho raha hai iske... Sooja hua iske neeche buri tarah... kya kiya tune aisa?

Rubina - Dawai se bhi bukhaar kam hone ka naam nahi le raha...

Supriya dard mein karaha rahi thi. 

Aurat - Aisa kar ise toh paas ke shehar ke aspatal le jaa... wahi sahi rahega... 

Iqbal ki aawaz mein bhi ghabrahat saaf sunai de rahi thi - Par wahan jaane mein toh 40-50 minute lagenge, ye peeche kaise pakad kar baithegi... raaste mein gir jayegi...

Aurat - Rubina ya Hina ko le jaa saath saath mein... woh peeche baith jayegi ise pakad kar...

Hina turant boli - Main chali jayungi...

Rubina - Par tere Abbu...

Aurat - Aree... jaa toh rahi hai apne... khair tum logo ka maamla... main kyu bolu...

Hina gusse mein boli - Abbu jo marzi kar le... main jaa rahi hoon...

Rubina - Theek hai... ise sweater pehnayo zara...

Rubina aur Hina ne Supriya ka sweater uske haathon mein kisi tarah pehnaya aur fir uske button band karne laga.

Rubina - Hina... tu tayyar hai na... Iqbal le aaya ise neeche...

Iqbal fusfusate hue bola - Supriyaaaa... tum theek ho jayogi... pareshaan mat ho...

Woh halke se Supriya ke maathe par haath fer raha tha. Supriya dard mein halke halke karaha rahi thi. Iqbal ne Supriya ko apni haathon mein lete hue uthaya aur neeche ki aur aane laga. 

Rubina Hina se boli - Tum ache se pakadne apni chachi ko... theek hai... aur kuch bhi ho mujhe phone kar dena...

Iqbal ne Sahara dete hue Supriya ko kisi tarah motorcycle par bithaya. Hina uske bilkul peeche baith gayi, dono haathon se Supriya ko thaame hue. Iqbal ne dheere dheere bike aage badhayi, har gadde aur jhatke se bachne ki puri koshish karta hua. Supriya thakaan aur dard se jhool rahi thi, uska sar Iqbal ke kandhe par tika hua tha, jabki Hina peeche se use sambhale hue thi.

Supriya ke liye yeh safar khatam hone ka naam hi nahi le raha tha. Har minute use ghanton jaisa lag raha tha. Phir bhi woh Iqbal ko kas kar pakde rahi, jaise uska sahara sirf wahi ho. Aakhir kaar, paas ke shehar ke government hospital ke gate par woh pahunch hi gaye.

Bike rok kar Iqbal turant utara. Usne bina ek pal gavaye Supriya ko baahon mein uthaya aur tezi se hospital ke andar le gaya. Emergency ward ke bahar patients ki lambi line lagi hui thi. Iqbal ne Supriya ko ek bench par baithaya, uska chehra paseene se bheega hua tha. Iqbal ki aankhon mein ghabrahat saaf dikh rahi thi.

Iqbal - Hina... tu sambhal ise... main baat karta hoon...

Iqbal ne Supriya ko Hina ke hawaale kiya aur seedha counter ki taraf badh gaya. Pehle toh nurse ne bina nazar uthaye register ki taraf ishara kiya, lekin jaise jaise Iqbal ki awaaz mein bechaini badhti gayi, baat behas tak pahunch gayi.

Iqbal - Aap samajhiye... uski tabiyat bohot kharaab hai...

Nurse - Yahan jo bhi aaya hai sabki tabiyat kharaab hi hai... jab number aayega tab bula lenge...

Iqbal - Use ek baar dekh toh lijiye... usse baitha bhi nahi jaa raha...

Nurse - 100 case aate hain aise roz ke...

Iqbal us par cheekh raha tha - Agar use kuch ho gaya toh tum log zimmedaar honge!!

Dono ke beech behas aur cheekh chillahat bad gayi thi, aur counter par logo ki bheed ikhatta hone lagi thi. 

Tabhi corridor mein kisi aurat ki zor ki awaaz goonji - Ye sab kya ho raha hai yahan!

Safed coat pehne shayad wo on duty doctor thi. Nurse aur Iqbal dono hi doctor ko apni baat samjhaane ke liye aage badhe hi the ki peeche se Hina ki ghabraayi hui awaaz gunji - Chachu... inki saans... dheemi ho rahi hai... dekhiya na...

Iqbal jaldi se Supriya ke paas bhaaga aur doctor bhi uske peeche peeche aayi. Doctor ne uski naak ke paas ungli karke dekhi aur uska haath utha kar uski nabj check ki.

Doctor ne nurse ko ishaara kiya - Isko ward mein le jayo... main dekhti hoon...

Baaki log shayad isse khush nahi they aur fusfusane lage they.

Doctor ne Iqbal ko dekhte hue kaha - Tum... iske...

Iqbal - Ji... main iska shauhar...

Doctor ne Iqbal ko ghoora - Yahin rukna tum. Woh akeli jaayegi andar. Auraton ka ward hai.

Doctor andar chali gayi aur kuch pal baad nurse bhi ek wheelchair lakar Supriya ko andar ki aur le gayi thi. Iqbal wahi khada reh gaya, uski aankhon ke saamne Supriya ka jhoolta hua badan hi ghoom raha tha.

Iqbal pareshaan hote hue corridor mein idhar udhar chalne laga, har guzarta second use aur zyada bechain kar raha tha. Hina chup chaap bench par baithi hui thi. Ek-do ghante beet gaye they.

Andar ward mein, doctor ne Supriya ko saline chadwana shuru karwa diya tha, aur use ek-do injection bhi lagwa diye gaye they. Supriya ki aankhen ab aadhi khuli aadhi band thi, bas ye pata tha ki woh kisi hospital mein hai, par aur kisi bhi cheez ka dhyaan nahi.

Bahar corridor mein, Iqbal ruk kar ward ke darwaaze ko ghoor raha tha. Tabhi usne mehsoos kiya ke bench par baithi Hina wahan nahi hai. Usne socha ki shayad woh yahin kahin gayi hogi, abhi aa jayegi. Par kuch der ke baad bhi woh nahi lauti toh Iqbal ki bechaini badne si lagi.

Iqbal ne apna phone nikaal kar uska number lagaya, kuch ghanti baad phone utha, par doosri taraf Rubina thi - Haan Iqbal... kaisi hai Supriya...

Iqbal - Pata nahi abhi... andar le gaye hain... Hina apna phone wahin chhod aayi thi kya?

Rubina - Haan... shayad jaldi mein bhool gayi hogi... Kyun? Kya hua?

Iqbal - Kuch nahi... main abhi karta hoon thodi der mein...

Iqbal hospital mein idhar udhar Hina ko dhoondne laga, toilet ke bahar, neeche darwaze par, har jagah... woh kahin nahi dikh rahi thi. Usne watchman se poocha toh use pata chala ki ek ladki kuch der pehle rote hue hospital se bahar nikli thi.

Iqbal ke dil mein ghabrahat badti jaa rahi thi.

_______________________________

Andar Supriya ko thoda sa hosh aana shuru hua. Uske theek saamne doctor khadi thi. Usne zara sa hilne ki koshish ki toh pata chala ki uske poore shareer mein bohot jyada dard ho raha tha.

Doctor ek clipboard par ek kagaz aur pen lekar khadi thi. Supriya ko hosh mein aate dekh usne bina kisi emotion ke pucha - Sun rahi ho. Apna naam batayo...

Supriya ne dheere se kaha - Su... Supriya...

Doctor ne uska naam likha - Kya hua tha? Kahin gir gayi thi?

Supriya - Pata... nahi... bas bohot dard ho raha hai poore shareer mein... ultiyaan... aur neeche kafi jalan...

Doctor - Bahar woh aadmi tumhara pati hai?

Supriya - Ji...

Doctor uski baat sunkar thodi hairaan hui - Ghar se bhaagi hui ho kya?

Supriya - Nahi... aisa kuch nahi...

Doctor - Maar peet karta hai woh tumhare saath?

Supriya - Nahi...

Doctor - Sexually active ho uske saath... mera matlab yon sambhandh banati ho uske saath...

Supriya - Ji...

Doctor ne do bed ke beech jo parda tha woh halka sa dhaka - Main zara tumhari pyajami neeche karke dekhungi... theek hai...

Supriya ko bohot sharam aa rahi thi par usne haan mein sar hilaya.

Doctor ne uski pyjami aur underwear neeche kheeche aur uske pairo ko thoda alag karke wahan haath se chhoone lagi.

Doctor - Hmmm... main abhi kuch blood test likh rahi hoon... baad mein aakar dekhti hoon...

Doctor Supriya ko wahin chhod kar doosre patient ke paas chali gayi thi. Aur kuch der baad nurse aakar Supriya ka blood sample lene lagi.
__________________

Bahar Iqbal hospital se nikal kar sadak par aa gaya tha aur Hina ko idhar udhar dhoond raha tha. Use Hina kahin nahi dikh rahi thi. Par saath hi use Supriya ke liye bhi bechaini ho rahi thi. Samajh nahi aa raha tha woh kya kare.

Woh ek baar fir jaldi se hospital mein wapis aaya aur counter par nurse se Supriya ke baare mein poochne laga. Use bas itna pata chala ki woh ab hosh mein aa gayi thi, par abhi bhi uski tabiyat kafi kharaab hi thi.

Itne mein fir se Rubina ka phone aane laga - Iqbal... sab theek hai na wahan...

Iqbal - Haan... theek hi hai...

Rubina - Jhooth mat bolo mujhse... tum Hina ke baare mein kyu pooch rahe they... mujhe bohot bechaini ho rahi hai... tumhe pata hai na kitni bhadki hui thi woh.

Iqbal - Haan... woh bas... pata nahi kahan chali gayi yahan se...

Rubina - Hain??!! Matlab!?? Kahan gayi woh...

Iqbal - Pata nahi... main yahin tha... aur woh... ekdam se gayab ho gayi...

Rubina phone par chillayi - Gayab ho gayi! Kahan gayi.

Iqbal - Shayad astapal se bahar gayi hai.

Rubina - Toh jaakar use dhoondo na jaldi se! Wahan khade kya kar rahe ho. 

Iqbal - Main dhoondta hoon...

Rubina - Kuch bhi galat ho gaya na... toh bas tum... pagal ladki... bilkul apni maa ki tarah...

Iqbal - Kuch nahi hoga... main dhoond lunga use... bas Supriya ko akele yahan...

Rubina - Hina tumhari kuch nahi hai kya?!! Jo tum use bhool kar Supriya mein lage hue ho!

Iqbal ki aawaz dheemi ho gayi - Nahi... aisa nahi hai...

Rubina - Ya tum ab sab kuch bhool chuke ho Iqbal!

Iqbal - Main... main dhoondta hoon use...

Iqbal ne phone kaat diya aur tez kadmo se hospital se bahar nikla. Usne motorcycle start ki aur shehar ki galiyon mein Hina ko dhoondne laga. Use samajh nahi aa raha tha woh use kahan dhoonde. Har ladki ka jhuka hua chehra Hina jaisa hi lag raha tha.

Kafi der ho gayi thi dhoondte dhoondte, aisa lag raha tha woh ek hi jagah ke kayi baar chakkar kaat chuka tha. Shayad kuch palo ke liye woh Supriya ko bhool gaya tha aur uske mann mein unnees saal pehle jo hua woh chal raha tha. Usne ghabrahat mein idhar udhar dekha.

Usne ek dam se hosh mein aate hue apni motorcycle bus adde ki taraf li. Wahan woh apni motorcycle laga kar, Hina ko dhoondne laga. Shaam hone lagi thi, aur uski ghabrahat badti jaa rahi thi. Bheed mein Hina kahin nahi dikhayi de rahi thi.

Woh hataash ho kar bus adde se bahar hi nikla tha ki use sadak ke kina, ek ped se sahara liye Hina baithi dikhi. Uski aankhon se aansu uske gaalo se hote hue beh rahe they.




Iqbal daudte hue uske paas gaya aur zor se bola - Hina!!! Kahan chali gayi thi tum!

Hina ne uska koi jawaab nahi diya, woh wahin baithi rahi.

Iqbal uske paas jakar baith gaya aur usse fir se poocha - Hina... tumhe pata hai main tumhe kab se dhoond raha hoon... tumhari Chachi aspatal mein beemar padi hai aur tum wahan se bhaag aayi.

Hina - Toh aap jayo wapas wahan... meri kisko fiqr hai waise bhi... 

Iqbal - Kyu nahi hai fiqr... tumhari Ammi itni pareshaan thi tumhare liye... kuch ho jaata tumhe toh!

Hina - Main unke liye hoon hi kya. Jyada se jyada kya hota... mar hi jaati na... kisko farak pad jaata...

Iqbal - Ye kaisi baat kar rahi hai tu... chal khadi ho... main tujhe ghar chhod kar aata hoon...

Iqbal ne uska haath pakad kar use uthana chaha, lekin Hina ne haath jhatak diya.

Hina - Kaunsa ghar? Jahan main bojh bani hui hoon sab par.

Iqbal - Aisi baatein nahi karti... bacchi hai tu abhi...

Hina ne use ghoora - Bacchi! Kiski bacchi hoon? Jo wahan mere Abba hai... unhone toh kabhi mujhe apni bacchi samjha nahi... aur doosre wale... chhod kar bhaag gaye mujhe...

Iqbal ke chehra safed ho gaya - Ye kaisi behki hui baatein kar rahi hai...

Hina cheeck padi - Bacchi nahi hoon main! Sab pata hai mujhe!

Iqbal ne na chahte hue bhi poocha - Kya pata hai?

Hina ke aansu tez ho gaye they - Wohi jo sach hai... shayad bachpan se hi pata tha... jab log bolte they... par us waqt itni samajh nahi thi. 

Hina rote hue bolti rahi - Aur ab jab aap itne saalon baad aaye, aur hamesha meri taraf aise dekhte rehte ho jaise kuch kehna chahte ho. Par aapne ek baar bhi mere saath baith kar baat ki... pucha ki itne saal main kaise rahi...

Iqbal ka sir jhuk gaya. Kuch bol nahi paaya.

Hina ki aawaz kaanp rahi thi - Pata hai mujhe kya laga? Laga ki shayad main itni buri hoon ki mera baap bhi mujhse door bhaagna chahta hai... bas unhe firq thi toh apni nayi biwi ki... aur ab sab milkar mujhe ek andhe kue mein dhakel rahe hain...

Iqbal ne use fir se pakadne ki koshish ki - Aisa nahi hai...

Hina ne fir se uska haath jhatak diya - Mat chhuo mujhe... aapka koi haq nahi hai...

Iqbal ne idhar udhar dekha log unki aur dekh rahe they - Shayad koi haq nahi... par meri baat toh sun sakti hai na... 

Hina rote hue kuch nahi boli.

Iqbal - Tu chhoti si thi, jab teri Ammi guzar gayi... aur main toot sa gaya tha... mujhe nahi laga tha main tujhe sambhal payunga. Maine bohot badi galti ki... tujhe akele chhod kar bhaag gaya. 

Hina - Aur fir itne saal nahi aaye... kabhi meri yaad bhi nahi aayi?

Iqbal - Yaad toh aati thi... par mujhe darr lagta tha. Socha ki tu mujhe bhool gayi hogi... ya fir nafrat karti hogi mujhse. Dono hi baatein soch kar bohot darr lagta tha.

Hina uski aur dekh kar uski baat sun rahi thi. Aaj pehli baar shayad usne usse apne mann ki koi baat kahi thi.

Iqbal - Tu bilkul apni Ammi ki tarah lagti hai... ab jab wapis aaya tha toh tujhe dekh kar mujhe wohi yaad aati thi... Yahan aakar dekha toh aisa laga jaise tu sab kuch bhool gayi hai... jaise tu kabhi meri thi hi nahi.

Hina dheere se boli - Main kuch nahi bhooli thi... bas nayi chachi ko dekh... meri himmat hi nahi hui kuch kehne ki... aur fir Ammi... meri Ammi... jinhone mujhe paala... woh bhi toh kitna pyaar karti hai mujhse.

Iqbal - Mere liye na sahi... unke liye hi sahi... wapas chal mere saath...

Hina - Aur jahan woh log kahe wahan shaadi kar lu?!

Iqbal - Nahi... ab main wapis aa gaya hoon... aur tere saath kuch galat nahi hone dunga... ye mera waada hai... agar tu mujh par bharosa kar sake toh.

Hina kuch der Iqbal ko dekhti rahi aur fir uske gale lag gayi, uske aansu abhi bhi behte hue.

Kuch der baad Iqbal ne uska chehra pakadte hue uski aur dekha - Tu apni chachi se bhi pyaar karti hai na...

Hina ne halke se haan mein sar hilaya.


Iqbal - Chal fir... abhi aspatal chalte hai unke paas... unhe apne saath lekar ghar chalenge... aur fir ghar jakar main sab theek kar dunga.

___________________

Kuch der baad Hina aur Iqbal wapas aspatal pahuch gaye they. Nurse ne Hina ko andar ward mein jaane diya.

Hina ghabrayi hui si andar ki aur gayi aur Supriya ko wahan ek bistar par baithe dekha. Woh ab pehle se thodi behtar lag rahi thi.

Hina ne jaise hi Supriya ko dekha uski aankhon se fir se aansu behne lage aur woh jakar Supriya ke gale lag gayi.

Supriya ne halke se muskurate hue uske baalon mein haath fera - Aree... theek hu main... kuch nahi hua... itna kyun ro rahi hai...

Hina use kaise samjhaati ki kya hua tha, bas woh dheere se boli - Abbu aapke liye kafi pareshaan they... bas isliye...

Supriya ne chaunkte hue poocha - Abbu!?

Hina - Mera matlab... Iqbal chachu...

Supriya uski aur dekh kar samajhne ki koshish kar rahi thi ki woh abhi kya bol gayi thi. Lekin Hina ki halat dekh kar usne kuch pucha nahi.

Kuch der baad doctor ne use ghar jaane ki izazat de di thi. Jaane se pehle Doctor ne Iqbal aur Supriya ko apne kamre mein bulaya.

Doctor - Dekho... tum ise ghar le jayo... par abhi kafi kamzori hai... aur infection bhi... kuch din lagenge theek hone mein.

Iqbal - Kaisa infection?

Doctor bhadakte hue boli - Tumhara diya hua infection! Ek hafte se panap raha hai... ainda thodi safai rakho neeche... aur ho sake toh nirodh waigera ka instemaal karo. Samjhe?

Iqbal ne sharam se sar jhuka liya aur dheere se haan mein hilaya.

Doctor ne Supriya aur dekhte hue kaha - Aur tumhe bhi khud apna dhyaan rakhna chahiye... samjhi... kya umar hai tumhari?

Supriya ne dheere se kaha - Chhabbis....

Doctor ne Iqbal ki aur ghoora, use dekh kar pata chal raha tha ki woh us ladki se umar mein kafi bada hai - Dekho... tum logo ka aapas ka personal matter hai... main is sab chakkaro mein nahi padti... par tumhari umar mein pregnancy risk hai... apne shareer par dhyaan nahi dogi toh aage jaakar mushkil ho sakti hai...

Supriya - Kaisi dikkat?

Doctor - Tumhe bacche chahiye ya nahi?!

Iqbal beech mein bola - Haan... hame chahiye... kya usme koi...

Doctor ne uski beech mein uski baat kaati - Dekho... main bas medical advice de rahi hoon... mujhe aur kuch nahi janna tum logo ke baare mein... ye kuch medical test likh rahi hoon... karwa lena... yahan bina paiso ke ho jayenge...

Supriya ne uske haath se kaanpte hue woh parcha liya - Ji...

Doctor - Ye lo dawai ka parcha bhi... teen time acche se lete rehna... aur suno... ghar mein koi dikkat hai toh yahan kisi se baat kar sakti ho...

Doctor ki teekhi nazre Iqbal ki aur dekh rahi thi.

Supriya dheere se boli - Nahi... koi dikkat nahi hai...

Bahar aate hue Iqbal aur Supriya dono khamosh the. Hina corridor mein baithi unka intezaar kar rahi thi. Jaise hi usne unhe dekha, khadi ho gayi. Supriya uski aur dekh kar ek thaki hui muskurahat di. Iqbal ke chehre par halka sa gussa aur sharam thi.

Woh teeno kuch hi der mein wapis ghar ki aur chal diye, par Iqbal ke mann mein yehi khayal chal raha tha ki ek hi din mein sab kuch badal sa gaya tha. Bohot kuch tha ghar par jakar kehne ke liye, aur karne ke liye.

Par kaise, woh khud bhi shayad nahi jaanta tha.