పాణిగ్రహణం

[SivaSai]

 Part - 14

నేహా  అవిని పక్కన కూర్చుని ఎందుకు అవని అంత బాధ పడుతున్నావో అని అడుగుతుంది.  ఏమీ లేదు సీనియర్ అమ్మ లేకపోతే ఒక ఆడపిల్ల లైఫ్ చాలా కష్టం కదా అని అంటుంది.

  ప్రతి దానికి ఎక్కువ ఆలోచించొద్దు. అవని కొత్తగా లైఫ్ స్టార్ట్ చేశావు.  నీకు అన్నీ మంచి రోజులు వస్తాయి. చీకటి పడుతుంది పద  ఫ్లాట్ కి వెళదామని తీసుకొస్తుంది.

    పడుకున్నా అవని చేతి కి ఉన్న ఉంగరాన్ని చూస్తూ మీరు కొత్త లైఫ్ స్టార్ట్ చేసి ఉంటారు కదా!  నేనెవరో మీకు తెలియకపోవచ్చు బట్ నా లైఫ్ లోకి మాత్రం ఇంకా ఎవరిని రానివ్వను.

  మీతో ఉన్న ఒక్కరోజు నాకు చాలు.  మీ చేతి స్పర్శ మాటలు నాకు చాలా భరోసాని ఇచ్చాయి.  శిల్ప చాలా అదృష్టవంతురాలు. మీలాంటి వ్యక్తితో ఉంటున్నందుకు అని భారంగా కళ్ళు మూసుకుంటుంది. 
సండే ఉదయం ఫ్లాట్ కాలింగ్ బెల్ మోగుతూ ఉంటుంది. ఎవరా అని నేహా తలుపు తెరిస్తే అక్కడ ఒక అమ్మాయి నిలబడి ఉంటుంది.

   ఎవరు నువ్వు అని అడిగితే నా పేరు కరుణ అండి. ఏమైనా పని ఉంటదేమో అని వచ్చాను అని చెబుతోంది. ఉన్నది మేమిద్దరమే మాకు పనిమనిషి అవసరం లేదు అని నేహా తలుపు వేస్తుంటే ...

  అమ్మగారు మీరు జీతం ఎంత ఇచ్చిన పర్వాలేదండి. ఇంటి పని,  వంట పని అన్ని చేస్తాను. నా భర్తకి ట్రీట్మెంట్ చేయించాలి అని దీనంగా చెబుతుంది.

   ఆ మాటలు విన్న అవని పోనీలే  సీనియర్ తన భర్తకి ట్రీట్మెంట్ అంటుంది కదా మనం అడ్జస్ట్ అవుదాం అని అంటుంది.

ఈ అతి మంచితనమే నీకు వద్దు ఆవని. ఆ అమ్మాయి చెప్పింది అంతే నిజమే అని ఎలా అనుకుంటావు అంటుంది.

   వెంటనే కరుణ ప్లీజ్ అమ్మ నా పని చూడండి మీకు నమ్మకం కలిగితే కంటిన్యూ చేయండి.  లేకపోతే తీసివేద్దురు అని బ్రతిమాలుతుంది..

  అవిని కూడా నేహా వంక ప్లీజ్ అని చూస్తుంది.  సరే నీ ఇష్టం అవిని అని చెప్పి లోపలికి రమ్మని అమ్మాయికి పని అంతా చెబుతుంది.

జై సింహా మాన్షన్

విక్రమ్ ఇందిరా గారి దగ్గరికి వచ్చి గ్రానీ నేనొకసారి అవని వాళ్ళ తాతగారు వాళ్ళని కలిసి వస్తాను అని చెప్పి బయలుదేరుతాడు.

..మూడు గంటల ప్రయాణం తర్వాత విక్రమ్ భువనగిరి చేరుకుంటాడు. శేషగిరి గారు ఉన్న ఇంటికి వెళ్లి తలుపు కొడతాడు. ఎవరు అని చూసిన సత్యవతి గారికి ఎదురుగా ఉన్న విక్రమ్ కనిపిస్తాడు.

   నువ్వేంటి బాబు ఇక్కడ అని లోపలికి పిలుస్తారు. లోపలికి వచ్చిన విక్రమ్ కి ఎదురుగుండా రజిత గారి ఫోటో కనిపిస్తుంది.

ఫోటోనే చూస్తున్న  వి క్రమ్ తో ఏమైంది బాబు అలా చూస్తున్నావు అంటే  ..  ఫోటోలో ఉన్నది ఎవరు అమ్మమ్మ గారు అని అడుగుతారు.

ఏమి చెప్పాలో తెలీక సత్యవతి గారు ఇబ్బంది పడుతుంటే..  పర్లేదు చెప్పండి నాకు కొన్ని విషయాలు తెలిసాయి అంటాడు.

  ఇంకా దాయడం వల్ల లాభం లేదు అనుకుని ధనుంజయ్ మొదటి భార్య రజిత అని చెబుతారు. మీ నుంచి నాకు కొన్ని విషయాలు తెలియాలి అమ్మమ్మ గారు అంటే దేని గురించి అని అడుగుతారు.

మీరు ఇంటి నుంచి ఎందుకు బయటకు వచ్చేసారు అని సూటిగా అడుగుతాడు. దానికి సత్యవతి గారు విరక్తిగా నవ్వుతూ కొన్ని బంధాలు దూరంగా ఉంటేనే మంచిది బాబు అంటారు.

నేను అవిని గురించి తెలుసుకోవాలనుకుంటున్నాను అని డైరెక్ట్ గా చెప్తాడు. శేషగిరి గారు ఆశ్చర్యంగా నీకు అవని ఎలా తెలుసు అని అడిగితే...

   అవి నేను తర్వాత చెబుతాను. ముందు మీరు చెప్పండి అవని గురించి అంటాడు. ఒక నిర్ణయానికి వచ్చిన శేషగిరి గారు అవిని  చిన్నప్పుడు నుండి జరిగిన అన్ని చెబుతారు.

  పార్ట్ టైం జాబ్ చేస్తూ చదువుకున్న విషయం తెలిసి విక్రమ్ కి చాలా బాధ అనిపిస్తుంది.  ఎట్ దట్ సేమ్ టైం చాలా ప్రౌడ్ గా కూడా అనిపిస్తుంది.
ఇప్పుడు చెప్పు బాబు,  నీకు అవని గురించి ఏం తెలుసు అంటే..  నేను పెళ్లి చేసుకుంది అవని నే  అని ఒక బాంబు వేస్తాడు.  ఏమంటున్నావ్ నువ్వు అని  ఆశ్చర్యంగా అడుగుతారు.

  మీ పెద్ద వాళ్ళు పెళ్లి చూపుల్లో చూస్తుంది శిల్పని.  పెళ్లికూతురని చేసింది కూడా శిల్పనే కదా అంటే...

  పెళ్లి పీటలపై కూర్చుంది మాత్రం అవని నే తాతగారు అని నమ్మకంగా చెబుతాడు . అది ఎలా సాధ్యం పెళ్లికూతురుని చేశాక ముసుగు వేసింది నేనే కదా అని సత్యవతి గారు అంటారు.

   అవి నాకు తెలియదు. నేను తాళి కట్టింది మాత్రం అవనీకే అని చెబుతాడు.  అంత కాన్ఫిడెంట్ గా ఎలా చెబుతున్నాను అని అనుమానంగా అడుగుతారు.

విక్రమ్ నేను ఇప్పుడు వరకు అవని నీ చూడలేదు కానీ నాకు  అర్థమయింది అవని కే నేను తాళి కట్టాను అని. మీకు అన్ని విషయాలు నేను క్లారిటీగా ఇప్పుడు చెప్పలేను. సమయం వచ్చినప్పుడు అవే తెలుస్తాయి నన్ను నమ్మండి అంటాడు.

  మీ ఫ్యామిలీ ఎందుకు ఒక్కతే  కూతురు అని చెప్పింది అన్నది కూడా  నాకు ఇప్పుడు అనవసరం.

  మీరు కోపరేట్ చేస్తే అవని నీ వెనక్కి తీసుకొస్తాను. మీ అబ్బాయి కి కూడా తన చేసిన తప్పును తెలియజేస్తాను అంటారు.

వెంటనే శేషగిరి గారు తన పర్సు లో నుంచి అవని రాసిన ఉత్తరం తీసి విక్రమ్ చేతికి ఇస్తారు. అవని ఏ బాయ్ ఫ్రెండ్ తోనే వెళ్లలేదు బాబు. ఈ ఉత్తరం రాసి మా రూమ్ లో పెట్టి వెళ్ళిపోయింది అని చెబుతారు.

లెటర్ చదివిన విక్రమ్ కి పూర్తిగా అర్థం అవుతుంది. ఉత్తరం మీద ఉన్న కన్నీళ్లు మరకలను చూస్తేనే అవని ఎంత బాధ పడుతూ రాసిందో అన్నది అర్థమైన విక్రమ్ కి భార్గవ్ని ఎదురుగుండా నుంచో పెట్టి షూట్ చేయాలని అంత కోపం వస్తుంది.

వెంటనే అవిని దగ్గరికి వెళ్లి నేనున్నాను నీకు అని గట్టిగా కౌగిలించుకుని చెప్పాలని అనిపిస్తుంది. తన కోపం పెద్దవాళ్లు చూస్తే బాగుండదని గట్టిగా కళ్ళు మూసుకుని ఒక ఐదు నిమిషాలు కూర్చుంటాడు.

తాతగారు మీరు నాకు ఒక చిన్న హెల్ప్ చేస్తారా అంటే చెప్పు బాబు అని అడుగుతారు.  మీరు ఇంటికి తిరిగి వెళ్ళండి అంటే..  లేదు నాయనా అక్కడికి ఇప్పుడు మేము వెళితే భార్గవి  కి ఇంకా లోకువైపోతాము.

మీరు కంగారు పడకండి తాతగారు భార్గవి నోటితోనే మిమ్మల్ని వెనక్కి రమ్మనేటట్టు చేస్తాను. మీరు అక్కడికి వెళ్లాక ప్రతి నిమిషం   మీ అబ్బాయికి తను చేసిన తప్పేంటో ఎత్తు చూపుతూ ఉండండి.

నేను ఆవని ఈలోపు వెనక్కి తీసుకు వస్తాను అని చెబుతాడు.  అవిని ఎక్కడుందో నీకు తెలుసా అంటే తెలుసు.  వస్తాను తాతగారు అని చెప్పి బయటకు వస్తాడు.

  అవిని గురించి తెలుసుకున్న కొలది అవిని మీద ప్రేమ పెరుగుతూ ఉంటుంది. నువ్వు చాలా సెన్సిటివ్ గా ఉన్నావు. నీ చుట్టూ కంచిగా నేను మారతాను.

నీలో ఉన్న అతి మంచితనాన్ని తీసి ఫైట్ చేసే విధంగా నిన్ను తీర్చుదిద్దుతాను కదా అనుకుంటూ ఇంటికి చేరుతాడు.
డైరెక్ట్ గా వాళ్ళ గ్రానీ దగ్గరికి వెళ్లి చేయాల్సిన పని చెప్పి సాయంత్రం నేను బెంగళూరు వెళుతున్నాను అని చెప్తాడు.

శిల్ప కి  ఇంటి పని,  వంట పనితో విక్రమ్ గురించి ఆలోచించే అంత టైం కూడా ఉండదు.  రాత్రి అయ్యేటప్పటికి బాగా అలసిపోయి దుప్పటి ముసుగేసుకుని పడుకుంటుంది.
ఇక విక్రమ్ ఎక్కడికి వెళుతున్నాడు ఎలా తెలుస్తుంది.

ఆరోజు రాత్రికి విక్రమ్ బెంగుళూరు చేరుకుంటాడు. విక్రమ్ ఫ్రెండ్స్ శ్రీ వచ్చి రిసీవ్ చేసుకుని గెస్ట్ హౌస్ కి తీసుకువెళ్తాడు.

ఇప్పుడు చెప్పు బావా చాలా ఇంపార్టెంట్ విషయం మాట్లాడాలి అని చెప్పావు ఏమిటది అని అడుగుతే... తన పెళ్లిలో జరిగినది చెబుతాడు దానికి షాక్ తో నీలుక్కుపోతాడు. 

రేయ్ శ్రీ అని గట్టిగా పిలుస్తాడు.  శ్రీ వెంటనే వాటర్ నెత్తిపై నుంచి పోసుకుని  ఏంటి బావ ఇంత షాక్ ఇచ్చావు అంటే....  విన్న నీకే ఇలా ఉంటే మరి నా పరిస్థితి ఏంటి అంటాడు.

   ఇప్పుడు ఏం చేద్దాం బావ అని శ్రీ అడుగుతాడు. రేపు మార్నింగ్ అవని ఫ్లాట్ దగ్గరికి వెళ్ళాలి. తనని చూడాలి, ఫాలో అవ్వాలి ఫస్ట్ స్టెప్ అయితే ఇదే అంటాడు.

బావా నాకు ఒక డౌటు అడగనా అంటే...  అడుగు అని విక్రమ్ అంటాడు. నువ్వు అవని ని చూశాక అవినీ కన్న శిల్పే అందంగా ఉంది అనుకుంటే...  నువ్వు ఎవరిని చూస్ చేసుకుంటావు అంటే....  డెఫినిట్గా అవిని నే అని సమాధానం చెబుతాడు.

ఎందుకు అవనినే సెలెక్ట్ చేసుకుంటావు. నిన్ను చీట్ చేసి వెళ్ళిపోయింది కదా అంటే.... చీట్ చేయలేదు. నిస్సహాయ స్థితిలో వెళ్ళిపోయింది.

తన పరిస్థితి ఏంటో నాకు అర్థమైంది గనుకనే నేను వచ్చాను. లేకపోతే  నాలో ఉన్న మరో విక్రమ్ ని చూపించే వాడిని అంటాడు.

అది నిజమేలే బావ  రెస్ట్ తీసుకో రేపు మార్నింగ్ ఏ లేగాలి కదా అని చెప్పి ఇంకా రూమ్ లోకి వెళ్లి పడుకుంటాడు.
 
మంచం మీద పడుకున్న విక్రమ్ అవిని నీ తలుచుకుంటూ గుడ్ నైట్ అవని. ఈరోజుకి డీప్ స్లీప్ వెయ్ రేపటి నుంచి ఎలాగ నీకు నిద్ర కష్టమే కదా!

అవని తలుపులతోనే విక్రమ్ నిద్రపోతాడు. అవని పడుకోగానే ఎందుకో చాలా అలజడిగా అనిపిస్తుంది. ఏంటి ఇలా అనిపిస్తుంది ఎప్పుడూ లేని విధంగా ఉంది.

    విక్రమ్ గారు నా పక్కన ఉన్న ఆ ఒక్క రోజు  ఈ ఫీల్ అనిపించింది. మళ్లీ ఈరోజు అలానే అనిపిస్తుంది. అంటే దాని అర్థం విక్రమ్ గారు నా చుట్టుపక్కలే ఉన్నారా అనుకుంటూ ఉలుక్కబడి లెగుస్తుంది.

విక్రమ్ గారి ఎదురుపడితే నేను ఎలా ఫేస్ చేయాలి. నన్ను చీట్ చేసావు అంటే నేను ఏం సమాధానం చెప్పగలను అని ఆలోచిస్తుంది.

బుద్ధి మాత్రం అయ్యో అవినీ నువ్వు ఎలా ఉంటావో తెలియదు కదా! ఎందుకు అంత టెన్షన్ పడుతున్నావు అనగానే మనసు ఒసే పిచ్చి మొద్దు చేతికి ఉన్న ఉంగరం సరిపోతుంది కదా గుర్తుపట్టడానికి అంటుంది.

వెంటనే బుద్ధి చేతి కి ఉన్న ఉంగరం తీసేయ్ అంటుంది. మనసు వద్దు, తియ్యొద్దు.  ఆరోజు విక్రమ్ గారు చాలా ఎమోషనల్ గా చెప్పారు నీకు అని ఆపుతోంది.
ఉంగరం చూస్తే ఎలా అని బుద్ధి అడిగితే, కవర్ చేయడమే అని మనసు చెబుతుంది  .  వెంటనే బుద్ధి మాయమైపోతుంది.  మనసు లోపలికి వెళ్ళిపోతుంది.

అవును చేతికున్న ఉంగరం కనపడకుండా, మెడలో ఉన్న నల్లపూసలు కనపడకుండా కవర్ చేసుకుంటే సరిపోతుంది అనుకుంటు హ్యాపీగా పడుకుంటుంది.

విక్రమ్ తనని గుర్తుపట్టడు అని ధీమాతో ఉన్న అవిని కి విక్రమ్ ఎదురుపడితే పరిస్థితి ఏమిటి??
కథ కొనసాగుతుంది...