Adultery Siyali Rajput: Ek Phool, Kaante Hazaar

[SIYALI_RAJPOOT]

Bullet ki "Dug-Dug-Dug" ki awaaz sunsan raste par goonj rahi thi. Raghuvir bike chala rahe the aur Siyali piche baithi thi, bilkul khamosh.

Raste bhar Siyali ke muh se ek shabd nahi nikla. Wo abhi bhi sadme (shock) mein thi. Uske dimag mein baar-baar wahi manjar ghoom raha tha—Jimmy ka wo ganda tarika, uski badbudar saansein, aur wo sunsan sadak. Agar Masterji waqt par na aate, toh aaj na jane uske sath kya anhoni ho jati. Ye soch kar hi Siyali ki rooh kaanp gayi aur usne anjane mein bike ki seat ko aur kas ke pakad liya.

Lekin musibat sirf Jimmy nahi tha, rasta bhi tha.

Bhayapura ki sadak sadak kam aur gaddho ka maidan jyada thi. Masterji bhale hi sambhal kar chala rahe the, lekin Bullet ke shockers bhi itne gehre gaddho ko jhel nahi pa rahe the.

Har thodi doori par bike ek zor ka jhatka (jerk) leti.

"Ahh..." Siyali ke muh se dheemi si siski nikal gayi jab bike ek bade gaddhe mein gir kar ubhri.

In jhatkon ki wajah se Siyali ka komal sharir buri tarah hil raha tha. Usne sharam ke maare apna suitcase aur handbag apne aur Masterji ki peeth ke beech mein adjust kar rakha tha.

Jhatka lagte hi Siyali ka shareer aage ki taraf fekata, lekin wo suitcase ek diwar bankar use Masterji ki peeth se chipakne se rok leta.

Siyali ka chehra sharam se laal ho gaya. Usne mann hi mann socha, "Hey Bhagwan, shukr hai ye suitcase beech mein hai... agar ye na hota, toh in dhakkon ki wajah se main sidha Masterji ki peeth se..."

Ye khayal aate hi uske kaan garam ho gaye. Wo ek sanskari ladki thi, kisi paraye mard ke itne kareeb hona, bhale hi majboori mein ho, uske liye bahut badi baat thi. Har jhatke ke sath uski chhati suitcase se dabti, aur use apni saansein bhari lagne lagti.

Tabhi mahaul badla. Gaon shuru ho gaya.

Jaise hi bike ne gaon ki basti mein entry li, nazara badal gaya. Kacchi sadkein, gobar se lipe ghar, aur jagah-jagah baithe huye aadmi.

Chaupal par, chai ki tapri par, aur khet ki medo par baithe mardon ne jab Bullet ki awaaz suni, toh sabki gardan ghum gayi.

Lekin unki nazrein Masterji par nahi, piche baithi Siyali par thi.

Is banjar, dhool se bhare gaon mein, Siyali kisi khile huye gulab ki tarah lag rahi thi. Uski udti hui chunni, hawa se bikhre baal, aur dhoop se chamakta gora rang.

Gaon ke mardon ke liye ye koi aam nazara nahi tha. Unhone aaj tak aisi khubsurat ladki sirf filmon mein dekhi thi.

Ek buddha aadmi hukka peete huye ruk gaya. Kuch jawan ladke jo taash khel rahe the, unke hath se patte gir gaye. Sabki aankhon mein ek hi sawal tha—"Ye apsara kaun hai? Aur Masterji ke sath kahan ja rahi hai?"

Siyali ko unki nigahein apne shareer par chubhne lagi. Wo ghoorti aankhein, wo gande ishare... Siyali ne apna sar neeche jhuka liya aur khud ko aur sikud liya (shrank). Use aisa lag raha tha jaise wo kisi chidiya-ghar (zoo) mein aa gayi ho jahan wo koi numalish ki cheez hai.

Aakhirkar, bike ek purani lekin pakki imarat ke samne ruki.

"Panchayat Bhawan."

Masterji ne bike roki aur piche mudkar kaha, "Lijiye Madam, hum pahunch gaye."

Siyali ne rahat ki saans li aur jaldi se bike se utari. Usne apne kapde thik kiye aur apna suitcase hath mein liya.

Lekin jaise hi usne samne dekha, uske pair wahi jam gaye.

Panchayat Office ke baramde mein, khhatiya (cot) par do log baithe the.

Ek taraf Bhiku, jo muh phade Siyali ko aise dekh raha tha jaise koi bhoot dekh liya ho. Aur dusri taraf, kaale rang ka, bhari shareer wala Bhairavnath (Up-Pradhan).

Bhairavnath ne jaise hi Siyali ko bike se utarte dekha, wo dhire se apni khatiya se khada ho gaya. Uski aankhein Siyali ke chehre se hat hi nahi rahi thi. Photo mein jo dekha tha, samne wo usse hazar guna jyada sundar thi.

Siyali ne Bhairavnath ki aankhon mein wahi bhookh dekhi jo usne conductor aur Jimmy ki aankhon mein dekhi thi... lekin isme kuch aur bhi tha—taqat aur krrurta (cruelty).

Master Raghuvir bhi bike se utar gaye aur unhone Siyali ke bagal mein khade hokar Bhairavnath ko ek sakht nazar se dekha.

Tension hawa mein saaf mehsoos ho rahi thi.