19-10-2025, 01:28 AM
(This post was last modified: 21-10-2025, 07:41 AM by Sriya2. Edited 4 times in total. Edited 4 times in total.)
Update 90
Pichle ek ded mahine se woh din Atul ke jehan mein ghoome jaa raha tha. Jo uske liye bas ek normal sa din hona chahiye tha, jahan woh office ka kaam karta, aur apne ghar chala jaata, us din uski jindagi poori ulat pulat ho gayi thi.
Woh baitha hua kaam hi kar raha tha ki achanak ek bhaari sa haath aakar uske kandhe par laga - Atul Sharma!!!
Atul ne peeche palat kar dekha, chaar paanch hatte katte log office mein ghus aaye they aur security guard sehma hua sa unke thoda peeche tha.
Atul ne unhe hairaani se dekhte hue poocha - Yes, kahiye?
Aadmi - Is waqt tumhari biwi kahan hai?
Atul ko unki baatein bahut hi atpati si lag rahi thi, woh uski biwi ke baare mein kyu pooch rahe they. Woh they kaun? Office ke baaki log bhi khade ho kar Atul ki taraf aane lage they.
Atul ne pareshaan hote hue idhar udhar dekha - Sorry... aap kaun ho...
Aadmi - Teri biwi ke yaar hai hum...
Atul ye sunkar thoda bhadak sa gaya - Ye kya bakwaas kar rahe ho... kya gunda gardi hai ye...
Aadmi - Gunda gurdi toh tune abhi dekhi nahi hai... teri biwi kahan hai ye poocha hai abhi toh bas...
Atul ne jhunjhulate hue kaha - Ghar par hogi aur kahan...
Aadmi ne sir hilate hue kaha - Wahan toh nahi hai... chal apni biwi ko call laga aur pooch woh kahan hai...
Disha apna desk chhod kar Atul ke thoda paas pahuch gayi thi. Pichle 4-5 saalo se Vikram ke saath kaam karke woh inhe 2-3 baar toh dekh hi chuki thi. Par use bhi in logo se kafi darr sa lagta tha.
Atul Supriya ko call karne ki koshish kar raha tha par uska phone band aa raha tha. Usne fir se try kiya, uske mann mein ek ghabrahat si shuru ho gayi thi. Supriya theek toh thi na?
Atul ne pareshaan hote hue us aadmi ko dekha - Uska phone nahi lag raha hai...
Aadmi - Theek hai... chal tu fir hamare saath...
Us aadmi ne Atul ka collar pakadte hue apne saath ghaseetna shuru kiya. Kuch log Atul ki madad ke liye aage bhi bade par un gundo ne unhe side kar diya. Disha aur baaki kuch log unke peeche peeche neeche ki aur aa gaye.
Atul ko toh us samay andaaza bhi nahi tha ki is samay uski poori jindagi badal rahi thi.
Do log Atul ko pakde hue building se bahar lekar aaye aur ek gaadi ki taraf le jaane lage. Atul buri tarah ghabra chuka tha, use nahi pata tha ye log uske saath kya karne wale they.
Achanak se kuch shor sa hua aur un logo ne kuch door khadi ek gaadi ki taraf ishaara kiya aur kuch logo ne uski taraf bhaagna shuru kiya. Par Atul ko abhi bhi do logo ne pakad rakha tha aur woh use ek gaadi mein daalte hue apne saath le chale.
Ek aadmi Atul ke saath gaadi ki pichli seat par tha aur doosra gaadi chala raha tha. Is samay Atul ki sochne samajhne ki shamta khatam si ho gayi thi. Woh kuch poochne ki himmat bhi nahi kar paa raha tha.
Thodi der baad gaadi ek jagah aakar ruki aur un logo ne Atul ko neeche utara. Atul ne aas paas dekha. Ye thodi jaani pehchani si jagah lag rahi thi. Ye koi farmhouse sa tha jahan woh pehle aaya tha. Haan, ye toh wohi farmhouse that jahan… jahan us raat… uski bank ki naukri chali gayi thi. Ye toh Vikram sir ka hi farmhouse tha shayad.
Woh log Atul ko dhakka dete hue andar ek kamre mein le aaye.
Atul ne himmat karke poocha - Mujhe yahan kyu laaye ho… maine kuch nahi kiya hai…
Us aadmi ne uski baat ko ansuna karte hue use ek kagaz pen thamaya - Is par woh saare address aur naam likh jahan teri biwi jaa sakti hai…
Atul ko samajh aane laga tha ki woh log Supriya ko dhoond rahe they, par woh use yahan kyu lekar aaye they. Ye toh Vikram sir ka hi farmhouse tha. Aisa kya ho gaya tha?
Atul - Kya hua hai? Tum kyu dhoond rahe ho meri biwi ko… kiske kehne par mujhe yahan laaye ho…
Aadmi ne Atul ko kagaz ki taraf ishaara kiya - Jaldi se address likh… time nahi hai jyada… jaldi se shuru ho jaa nahi toh hame shuru hona padega…
Woh dono log uske aas paas hi mandra rahe they. Ab tak un logo ne use maara peeta toh nahi tha, par Atul ne unki shakal dekh kar unhe aur jyada intezaar karwana theek nahi samjha. Usne apne Gwalior ke ghar ka aur Supriya ke ghar ka address likhna shuru kiya.
Is beech use saath wale kamre se ek aadmi aur aurat ki ladai ki aawaz aane lagi. Woh dono ek doosre par buri tarah cheekh rahe they. Aadmi ki aawaz kuch jaani pehchaani si thi.
Use saare shabd saaf toh sunayi nahi de rahe they par woh aurat kafi bhadki hui thi aur baar baar angrezi mein gaaliyan de rahi thi. Aadmi ki aawaz kabhi gayab ho jaati aur kabhi woh us aurat par chillane lagta.
Atul ne address likh kar apne saath khade aadmi ki aur dekha.
Aadmi - Aur koi dost yaar teri biwi ka? Sabke naam pata likh yahan…
Atul - Nahi… aur toh koi nahi…
Aadmi - Soch soch… kiske saath bhaag sakti hai teri biwi?
Atul bhadakte hue bola - Supriya kyu bhagegi kisi ke saath…
Aadmi haste hue bola - Shayad tu khush nahi rakh paata hoga na apni chinaar biwi ko.. isliye bhaag gayi woh… chal ab har woh naam aur phone number likh jisse teri biwi ya tu baat karte ho…
Atul ko uski baaton par bohot tez gussa aa raha tha par woh is samay in logo ke aage bebas tha. Un logo ne use lagbhag ek ghanta bithaye rakha aur use Supriya ke office ke jin logo ke naam pata they woh likhta gaya.
Saath wale kamre abhi bhi cheekhne chillane ki aawaz aa rahi thi par ab thodi mandi ho gayi thi. Atul apne dimaag par zor daalte daalte thak gaya tha. Un logo ne uske phone ke saare contacts usse kagaz par likhwa liye they.
Lagbhag ek ghante baad ek aadmi kamre mein ghusa jise dekh baaki dono log bhi tan ka khade ho gaye, jaise woh unka leader ho.
Aadmi - Aslam bhai… mili kya woh…
Aslam - Abhi toh nahi… par mil jayegi… gaadi bus adde ke paas chhodi hai toh kisi bus mein hi chadhe honge. Isne diya jo isse maanga tha?
Aadmi - Haan… ye hai sab…
Aslam kagaz ko dekhte hue bola - Hmmm… isko jaane do…
Aadmi - Jaane de? Abhi toh iski kutai bhi nahi ki hai…
Aslam ne use ghoor kar dekha - Memsaab ne bola hai…
Aadmi - Oh acha… chal bhai khada ho… ja tu…
Atul ko yakin nahi ho raha tha woh use jaane de rahe they. Woh dheere dheere khada hua aur bahar ki aur jaane de.
Par peeche se Aslam ne use aawaz lagayi - Sun… mera number le le… agar teri biwi ka phone aaye toh sabse pehle mujhe call karke bataiyo… samjha…
Atul ne mudte hue haan mein sir hilaya aur Aslam ke aadmi ne uske haath mein Aslam ka number thama diya. Atul ab jaldi se kamre se bahar nikla. Isse pehle ye log apna mann badal le woh yahan se nikalna chahta tha.
Woh bahar aaya hi tha ki use hallway mein Vikram sir khade dikhayi diye. Woh kafi jyada serious nazar aa rahe they. Shayad wohi toh they barabar wale kamre mein.
Atul unki taraf bada - Sir… ye sab kya… ye log Supriya ko kyu dhoond rahe hai… kya hua hai sir?
Vikram - Atul… I don’t know how to say this but… Supriya ne meri company se kaafi bada fraud kiya hai…
Atul ko apne kaano par yakin nahi hua - KYA???
Vikram - I didn’t want to believe it either… but yehi sach hai… usne meri company se laakho rupay ki chori ki hai aur ab woh absconding hai…
Atul buri tarah shock mein tha - Sir par use toh woh naukri chhode hue kayi hafte ho chuke hai…
Vikram ke maathe ki tyoriyaan chaddh gayi thi - Yeah I know… we are still investigating but usne shayad ye company chhodne se pehle kiya tha… I can’t share all the details with you right now…
Atul - Sir…
Vikram - Look I am sorry you had to go through this today… ye log Supriya ko dhoond rahe they… Supriya ke against abhi ek FIR bhi darz ho rahi hai…
Atul - Sir… main maan hi nahi sakta ki Supriya kuch aisa kar sakti hai… jaroor koi galat fehmi hui hai…
Vikram - Look I can’t… I also have to inform you ki tumhe immediately terminate kiya jaa raha hai… so kal se kaam par mat aana…
Vikram ye bolkar mud kar doosri aur chala gaya. Atul wahan nishabd khada use jaate dekh raha tha. Aaj hi aaj mein pata nahi kya kya hota jaa raha tha.
Kuch second baad usne apne aap ko sambhala aur bahar ki aur nikla. Uske mann mein kayi sawal aur khayal chal rahe they. Ye sab koi bura sapna toh nahi tha? Supriya kya sach mein fraud karke gayab thi? Ya ye sab koi mazak tha aur use ghar jakar woh wahin milegi. Woh abhi sabse pehle kisse baat kare is sab ke baare mein?
Woh building se bahar aaya hi tha ki kisi ladki ne uska naam pukara - Atul!!!
Atul ne apni nazre utha kar dekha toh saamne Disha thi - Disha… tum yahan…
Disha - Haan… maine Vikram ko call kiya tha office mein jo hua woh batane ke liye toh pata chala ki woh tumhe yahan lekar gaye hai…
Atul ko kam se kam se wahan koi toh mil gaya tha apne mann ki baat share karne ke kiye - Disha… Vikram sir keh rahe they ki… Supriya fraud karke… mujhe toh kuch samajh nahi aa raha…
Disha - Atul hame yahan se jaldi se nikalna chahiye… ghar chal kar baat karte hai…
Atul buri tarah khoya hua sa tha aur Disha uska haath pakadte hue usne apne saath le chali. Usne ek auto wale ko roka hua tha aur woh dono us auto mein baith kar wahan se nikal gaye.
Atul abhi bhi sab kuch apne dimaag mein process karne ki koshish kar raha tha. Jaroor koi galatfehmi hi hui hogi. Uske aur Disha ke beech raaste bhar koi baat nahi hui aur thodi der baad auto Atul ke ghar ki building ke aage ruka.
Disha ne auto wale ko paise diye aur woh dono auto se utar gaye. Woh log building ki taraf bade they ki security guard Atul ko dekhte hue uski aur aaya.
Guard - Saab ji… kuch log aaye they… jabardasti andar ghus gaye aur aapke ghar ka taala tod diya… main aapko phone bhi laga raha tha…
Atul - Haan.. main dekhta hoon…
Atul aur Disha upar uske flat tak pahuche. Uske ghar ka darwaza khula hua tha aur and andar ghuste hi unhone dekha ki ghar ka furniture aur samaan idhar udhar ho rakha tha.
Atul saare kamro mein jakar dekhne laga, shayad ek dabi hui umeed se ki kahin use Supriya mil jaye. Par woh kahin nahi thi. Uske bedroom ki table par Supriya ka mangalsutra rakha hua tha. Ye wahan kyu tha?
Atul kamre se bahar nikla, Disha drawing room mein khadi thi. Atul ne socha ki shayad use baithne ke liye bolna chahiye par uska dimaag hi kaam nahi kar raha tha.
Atul - Disha… Supriya ghar par nahi hai.. uska phone bhi band pada hai… kal raat hamari kafi behas hui thi…
Disha - Atul tum baitho.. main paani laati hu…
Atul sofe par sahara leta hua us par baith gaya. Disha kuch hi pal baad uske liye paani ka ek glass le aayi.
Atul - Kuch samajh nahi aa raha kya karu… Vikram sir bol rahe they woh FIR darz karwa rahe hai… Supriya aisa kaise kar sakti hai…
Disha - Aur kuch bataya Vikram ne?
Atul - Bas yehi ki Supriya paise chura ke gayab hai… aur mujhe naukri se nikaal diya…
Disha - Hmmm… naukri se jyada pehle Supriya ka milna jaroori hai…
Atul - Haan… tum sahi keh rahi ho… par kuch samajh nahi aa raha kya karu?
Disha - Supriya wahan office ke bahar ek gaadi mein aayi thi…
Atul chaunkte hue bola - Kya? Kab?
Disha - Jab woh log tumhe pakde hue neeche laaye they…
Atul - Kya keh rahi thi Supriya? Kiske saath thi woh?
Disha - Woh log ek dam se Supriya ke peeche bhaagne lage toh meri usse baat nahi ho paayi… par haan us gaadi ko koi aadmi chala raha tha…
Atul - Kaun tha woh aadmi? Kaisi gaadi thi woh?
Disha - Aadmi ko toh main sahi se dekh nahi paayi par gaadi ek purani si safed Maruti 800 thi… jo kafi common si gaadi hai…
Atul sochne laga, waise toh ye car kafi common thi, par usne ek safed Maruti 800 yahan is building mein kayi baar neeche khadi dekhi thi. Kya yahan building mein hi kisi ke saath Supriya ka chakkar chal raha tha?
Disha - Atul… tumhe Supriya ke ghar inform karna chahiye.. aur apne ghar bhi…
Disha jaise Atul - Haan… par main unse kya kahunga? Mujhe khud nahi pata abhi tak kya hua hai?
Disha - Bar batana toh padega na… jitni jaldi tum unhe batayoge utna behtar hoga…
Disha Atul ko uski khoyi hui awastha mein guide sa kar rahi thi. Ye do call karna Atul ke liye aasan nahi tha. Supriya ke ghar par call karte hue hazaro sawal us par baras pade they, jinka jawaab use bhi nahi pata tha. Woh log pehli gaadi se Lucknow aa rahe they.
Apne ghar phone karke bhi yehi haal tha, par thoda sa alag. Uske ghar walo ne phone par hi Supriya ko kosna shuru kar diya tha. Woh log subah ki gaadi se aane wale they.
Dono call karke Atul sofe par thaka haara baith gaya aur usne apna sir pakad liya. Uske phone par kayi saare message aur logo ke call aane shuru ho gaye they, par woh kisi se baat nahi karna chahta tha. Disha ne paas aakar uske sir par halke se haath rakha.
Atul ki aawaz fat si rahi thi - Sab log… itna pareshaan they… aur main kuch sahi se samjha bhi nahi paaya… kahin Supriya ke gharwale ya na soche ki maine kuch…
Disha - Tum aisa kyu soch rahe ho… tum jitna bata sakte they tumne bata diya… mere khayal se hame thane chalna chahiye aur ek missing person ki report likhwa deni chahiye…
Atul - Hmmm… par Vikram sir… woh bhi toh…
Disha - Unke baare mein mat socho tum ab… tum bas Supriya ko dhoondne ke baare mein socho…
Is musibat ki ghadi mein Disha ka clear mind use hausla sa de raha tha. Atul thane jaane ke liye apne kapde theek karne laga aur apna muh dho kar aaya.
Jaise hi woh dono darwaze ki aur bade, unke ghar par zor se khatkhatane ki aawaz aayi. Atul darwaze ki aur jaldi se bada, uske dil mein zara si aasha jagi ki kya pata bahar Supriya hi ho.
Par bahar vardi pehne hue do officer they. Atul unhe dekhte hi hairaan sa ho gaya - Atul Sharma?
Atul - Jee…
Officer - Hum yahan Supriya Sharma ke case ke silsilay main aaye hai…
Atul - Haanji… hum log aapke paas hi aa rahe they… Supriya ka kuch pata chala?
Officer ne Atul ke sawal ka jawab nahi diya - Hmmm… hame abhi ghar ki talashi leni hai…
Do constable ghar mein ghus gaye aur unhone ghar ki talashi shuru kar di.
Atul - Aap yahan kya dhoond rahe hai… yahan kuch nahi hai… aap bahar Supriya ko dhoondiye na…
Officer - Aap hame na bataye ki hame kya karna hai… aap Iqbal Qureshi ko toh jaante honge… aapki building ka watchman…
Atul - Haan… matlab mujhe pata woh kaun hai.. par is sab ka usse kya lene dena…
Officer - Hame shak hai ki aapki biwi uske saath farar hai…
Atul buri tarah chaunkte hue bola - Kya?!!
Officer - Aapko pata tha un dono ke baare mein?
Atul - Un dono ke baare mein kya?
Officer - Hamne doosre watchman aur building ke kuch logo se poochtach ki hai toh pata chala hai ki aapki biwi Iqbal ke kafi nazdeek thi. Dono saath mein kayi baar bahar ghoomne jaate they… aur woh aapke ghar bhi aata tha…
Atul - Ye kya bakwaas hai… aisa kuch nahi…
Officer - Mr Atul.. ya toh aap is natak mein mile hue hai ya aap duniye ke sabse bewakoof pati hai… jo apni jawan biwi ko kaabu mein nahi rakh sake…
Officer ke teekhe shabd sun kar Disha apne aap ko rok nahi saki - Aap kaise bol sakte hai… aap apna kaam kijiye… aur Supriya ko dhoondiye…
Officer - Woh toh hum dhoond hi lenge… aap dono apna bayan darz karaiye…
Constable kafi der tak ghar mein dhoondta raha par use kuch nahi mila. Is beech officer ne Disha aur Atul ka bayan le liya tha.
Officer - Mr Atul… aap abhi ye shehar chhod kar na jaa sakte… aapko har hafte thane mein aakar haazri lagani hogi…
Kuch der baad officer aur constable wahan se chale gaye they. Aur Atul ka dimaag pehle se bhi jyada ghoom gaya tha. Supriya ke kisso ki list badti jaa rahi thi. Sach mein woh itna bewakoof kaise ho sakta tha ki use ye sab nahi dikha.
Disha wahin uske saath baithi thi. Woh use akele chhod kar jaana nahi chahti thi. Shaam ho chali thi aur logo ki call aani band hi nahi ho rahi thi. Atul sirf Supriya ya apne ghar ke phone uthata baaki kisi ke nahi.
Gharwalo se pata chala ki kuch log unke har rishtedaar ko phone karke Supriya ke baare mein pooch rahe they. Un logo ko bhi woh call aaya tha. Phone par woh log kafi gande se bol rahe they aur unko dhamka rahe they. Atul samajh gaya ki ye log zaroor Vikram sir ke log honge, jo shayad khud bhi Supriya ko dhoondne mein lage they.
Disha ne is beech kuch khane ko bana liya tha par Atul ko zara bhi bhook nahi thi. Har baat jaise Supriya ko lekar hi hoti. Atul sochne laga tha ki kaise Supriya aaj kal itne mehnge mehnge kapde pehenne lagi thi, aur jewellery aur watches bhi. Kayi baar usne socha bhi tha ki woh Supriya se is kharche ke baare mein baat kare, par un dono ke beech tanav use is cheez ka mauka hi nahi deta.
Tabhi Atul ke phone par Rahul ka call aane laga. Atul ye call bhi uthana nahi chahta tha, kyunki use pata tha Rahul kis baare mein call kar raha hai, par Rahul Lucknow mein uske kuch hi dosto mein se tha jo Supriya ko bhi ache se jaanta tha. Kya pata use is sab ke baare mein kuch pata ho.
Phone uthate hi Rahul ki aawaz aayi - Atul! Kuch gadbad hui hai kya?
Atul - Tere paas kuch logo ka call aaya tha Supriya ke baare mein poochne ke liye?
Rahul - Haan... hua kya hai?
Atul use thodi der sab samjhata raha - Rahul, kal shaam ko Supriya Kriti ke ghar gayi thi, tu wahan tha kya? Wahan kuch hua tha kya?
Rahul - Haan... main thodi der ke liye wahan tha... Kriti ki birthday party... par main jaldi nikal gaya tha... bas Kriti aur Supriya hi ghar mein reh gaye they...
Atul - Yaar... pata nahi ye sab kya ho gaya hai... mujhe toh kuch samajh nahi aa raha...
Rahul - Tu fikr mat kar... main udhar aata hoon...
Atul jaanta tha Disha use akela chhod kar nahi jayegi, toh Rahul ke aane se kam se kam woh ek baar apne ghar toh chali jayegi - Haan... tu aaja...
Atul ke phone rakhte hi Disha ko samjhaya ki uska dost Rahul yahan aa raha tha aur woh ab aaram karne ke liye ghar jaa sakti thi. Disha sach mein jaana toh nahi chahti thi par aakhir woh Atul ki request maante hue wahan se nikal gayi.
Uske thodi der baad Rahul bhi wahan pahuch gaya tha aur Atul apni negative thoughts uske saath share karne laga.
Rahul ko bhi nahi lagta tha ki Supriya ne aisa kuch kiya hoga, par use saaf saaf samajh nahi aa raha tha ki hua kya hoga. Kya Vikram ne Supriya ko guthli ki tarah choos kar side kar diya tha? Jo bhi ho woh Vikram ke khilaaf kuch nahi bolna chahta tha kyunki woh apne aap ko is sabse door hi rakhna chahta tha. Kahin Vikram ne uska haal Atul jaisa kar diya toh?
Atul - Supriya sach mein ek watchman ke saath bhaag gayi? Poori duniya mujh par has rahi hogi is time...
Rahul ne bhi use bhadkane mein koi kami nahi chhodi - Yaar... main kuch bolna toh nahi chahta... par uska character thoda ajeeb toh tha...
Atul ne chaunkte hue poocha - Kaise?
Rahul ka Supriya se badla lene ka samay aa gaya tha - Yaar, main batana nahi chahta tha... par us watchman ke saath toh maine bhi Supriya ko ek-do baar dekha tha... kuch toh ajeeb tha unke beech. Aur yaad hai jab hum log office ke kaam ke liye hum log Thailand gaye they, tab woh wahan aaye ek kaale se kuch jyada hi chipak rahi thi...
Atul ne sharam se sir jhuka liya - Tune mujhe pehla kyu nahi bataya ye sab...
Rahul - Tu mera dost hai... aur mujhe laga ho sakta hai meri galat fehmi ho... main tum logo ki life disturb nahi karna chahta tha...
Atul - Par bata deta toh shayad aaj ye din nahi aata...
Rahul - Koi nahi yaar... mujhe lagta hai woh log use dhoond hi lenge... par milne ke baad kya hoga... ye nahi pata...
Atul ka muh latak gaya, sach mein agar Supriya mil bhi gayi toh is sabse ubarna toh bohot hi mushkil hoga.
Der raat tak woh aur Rahul is sab ke baare mein baat karte rahe aur dono sofe par hi so gaye. Subah ghar ki ghanti bajne se Atul ki aankh khuli. Atul ne jaldi se jakar darwaza khola. Bahar Supriya ke pariwar wale pahuche they, uske maa baap aur bhai bhabhi...
Ghar ke andar ghuste hi un logo ne Atul par sawalo ki baarish kar di - Kuch pata chala Supriya ka? Pulis kya bol rahi hai? Ye sab kaise kya ho gaya tha?
Atul ke paas in sawalo ka koi jawab nahi tha. Uske bhi toh wohi sawal they. Aawazein sunkar Rahul bhi uth gaya tha, aur sab log baar baar ek doosre se wohi sawaal kar rahe they.
Aarti Bhabhi ki shakal toh buri tarah utri hui thi. Unke pariwaar mein wohi toh jo aakhri baar Supriya se mili thi, aur us samay un dono ke beech itni kaha suni ho gayi thi. Par shayad Aarti ne bhi ab tak kisi ko khul kar kuch nahi bataya, khaskaar Vikram ke baare mein. Aakhir is sab mein uske bhi toh raaz they.
Din hote hote Supriya ke bhaiya aur Atul thane ka ek chakkar kaat aaye they, aur wahan unhe kuch nahi pata chala tha. Supriya ke bhaiya toh khud hi building ke neeche logo se poochtaach kar rahe they, aur jo kuch woh sun rahe they, unhe apne kaano par yakin nahi ho raha tha. Kuch logo ne unhe Supriya aur Iqbal ki nazdeeki ke baare mein bataya, kaise woh dono aksar saath ghooma karte they.
Barabar wale flat ki Megha ko bhi Supriya se baat kiye hue kafi samay ho gaya tha, aur use bhi kuch nahi pata tha. Bas ye ki Supriya pehle se kafi badal gayi thi. Jo seedhi saadhi si ladki Lucknow aayi thi, Supriya woh ab waisi nahi reh gayi thi.
Jab Atul wapas ghar pahucha, toh usne dekha ki uske ghar se uske mummy papa aur jiju bhi wahan pahuch gaye they. Aur Disha bhi wapas wahan aa gayi thi. Sabke muh latke hue they par shayad alag alag karan se. Woh log besabri se Atul aur Supriya ke bhai Sudheer ka intezaar kar rahe they.
Unke ghar mein ghuste hi Aarti jaldi se unki taraf aayi - Kuch pata chala...
Sudheer ki aankhein bilkul khoyi hui si thi - Nahi... kuch nahi...
Poore kamre mein fir se sannata sa ho gaya.
Kuch der baad Atul ke mummy Sarita boli - Pata nahi kab se chal raha tha ye tamasha... pareshaan kar rakha tha aapki beti ne hume aur hamare bete ko...
Aarti ke muh se ekdam se nikal gaya - Mausi ji aap kya bol rahe ho...
Atul bhi beech mein bola - Mummy... ye time nahi hai ye sab bolne ka...
Sarita aur bhi bhadak gayi - Kyu? Itne time se chal raha tha ye sab drama... aur tu chup chaap seh raha tha... bhaag gayi na aakhir... aur woh bhi ek watchman ke saath... aur us par gaban karke bhaagi hai... kisi cheez ki kami nahi chhodi usne...
Aarti - Hame abhi sab sach nahi pata... kya pata uske saath kuch aur hua ho?
Sarita - Kya aur hua ho? Woh toh shuru se hi badchalan si thi... ab saari baatein khul ke aa rahi hai...
Aarti - Shuru se matlab?
Sarita - Kyu suhaagraat ke agle din tumhe phone nahi kiya tha usne ki use maza nahi aaya Atul ke saath? Aur fir usne apne devar Dhruv ko bhi nahi chhoda tha, uske bhi peeche pad gayi thi, woh toh bhagwaan ka bhala ho woh bach gaya...
Aarti - Aap log kuch bhi bol rahe ho... Atul tum bolo na apne mummy ko kuch...
Atul pareshaan hota hua chhup baith gaya. Uski saansein bhaari thi. Sach mein aisa lag raha tha ki Supriya ka ek ek raaz bahar aa raha tha. Use bhi ab tak ye Dhruv wali baat nahi pata thi. Aur kal raat jo kuch Rahul ne bola, uske baad use is baat par koi ashcharya nahi hua.
Par Disha jaroor beech mein bol padi - Aunty mere khayal se... jo yahan apna bachaav karne ke liye nahi hai... uske baare mein hame baat nahi karni chahiye... hame apna saara focus Supriya ko dhoondne mein lagana chahiye...
Sarita - Tum kaun ho? Supriya ki dost? Tabhi uski pairvi kar rahi ho?
Disha - Nahi main Supriya ki dost nahi hu... balki Atul aur main dost hai...
Atul ko thodi hairaani hui par acha bhi laga ki is Disha aaj use apna dost bula rahi thi. Par saath hi aisa lag raha tha ki woh Supriya ki side bhi le rahi hai.
Sarita - Agar tum Atul ki dost ho toh ye batayo... kaise dhoonde use? Us ladki ke chakkar mein Atul ab thane aur kacheri ke chakkar kaatta rahe? Usne toh kahin ka nahi chhoda ise... iski naukri bhi gayi aur poori rishtedaari mein izzat bhi... woh log kal se sabko phone kar chuke hai... hum log logo ko samjhate samjhate thak chuke hai...
Apni mummy ko is tarah bolte dekh Atul se raha nahi gaya - Aap thak gaye ho toh main kahunga ki aap log wapas chale jayo...
Sarita - Atul par...
Atul - Nahi... aap logo ko meri ya Supriya ki fikr nahi hai... bas fikr hai toh apni izzat ki... aur rishtedaaro ki...
Sarita kuch pal ke liye chup ho gayi. Par kuch der baad fir se wohi sab behas shuru ho gayi thi. Atul wahan se hatt kar doosre kamre mein chala gaya. Kal din se usne shayad ek pal bhi chain ka nahi liya tha.
Supriya ka pariwaar bhi akele mein jakar baat karne laga. Sudheer ne jo use pata chala woh sab bataya jisse unke pairo tale bhi zameen nikal gayi thi. Aisa hi lag raha tha ki Supriya ne kuch galat kaam kiya tha. Kuch der baad woh log Atul ko bol kar wahan se nikal gaye, woh shayad abhi apne ghar toh nahi jaa rahe they, par filhaal us ghar ke mahaul mein khade rehna mushkil tha.
Disha aur Rahul bhi thodi der baad wahan se nikal gaye they. Atul apne hi ghar mein apne gharwalo ke saath tha, par ye woh log they jinhone use kabhi kisi layak nahi samjha tha, aur woh apne hi ghar mein ek ajeeb si ghutan mehsoos kar raha tha. Shayad inhi logo ki wajah se toh usne ab tak Supriya ne naata jode rakha tha, kyunki woh samaj mein apni aur apne pariwaar walo ki bezzati nahi karwana chahta tha.
_______________________
Agla ek hafta kuch aise hi beete, har din ek hi jaisa. Atul aur Sudheer aur logo se baatein karke jaankari lene ki koshish karte aur jo kuch unhe pata chal raha tha woh sab Supriya ke khilaaf hi tha. Supriya ki kaamwali Karuna toh bohot hi bhadki thi Supriya par. Kaise woh Iqbal se milne ke bahane dhoonda karti thi, aur kaise aur bhi mard uske flat par aate they usse milne, aur kaise woh uske saamne Atul bhaiya ko napunsak bataya karti thi.
Atul toh ab Sudheer bhaiya se bhi nazre milane layak nahi raha tha. Uski bezzati par bezzati hoti jaa rahi thi.
Atul us hotel pahucha jahan Supriya ka pariwaar ruka hua tha. Sudheer hi sab kuch bata raha tha aur Atul chup chaap baitha tha.
Supriya ki mummy - Aarti... tu toh yahan aayi thi na in logo ke paas... tujhe kaise nahi pata chala ye sab...
Aarti - Mummy ji... aisa kuch laga hi nahi... bas yehi lag raha tha ki Atul aur Supriya ki aapas mein ban nahi rahi hai...
Mummy - Woh itni seedhi si ladki thi... kabhi aisa kuch nahi kiya usne...
Aarti - Mummy ji... thodi toh badal gayi thi woh yahan bade shehar mein reh kar...
Sudheer bhadakte hue bola - Thodi!? Mujhe uska bhai hote hue itni ghatiya baatein sunne ko mili hai na... mann kar raha tha us har insaan ka muh tod du... par fir kis kis ka muh todunga...
Aarti - Aap aise mat pareshaan mat ho... woh mil jayegi...
Sudheer ne gehri saans lete hue kaha - Main toh shayad chahunga ki ab woh kabhi mile hi na... ya mile toh uski...
Mummy - Sudheer... kya bol raha hai...
Supriya ke papa ekdam se bol pade - Sahi toh keh raha hai... hum yahan aa rahe they... socha tha ki Atul ne kuch galat kiya hoga... par yahan aakar sab saaf ho raha hai... hamari beti paise chori karke ek neech insaan ke saath bhaag gayi hai... ab woh wapas bhi aa gayi toh kya Atul ko use sweekarna chahiye?
Supriya ke papa ke muh se ye baat sun kar poora kamra chhup ho gaya tha. Kisi ko bhi yakin nahi ho raha tha ki itna kam bolne wale papa aaj ye keh gaye they.
Papa - Mere khayal se hum logo ko wapas ghar chalna chahiye... sab log apne kaam mein wapas lage... Anya beta ko bhi toh rishtedaaro ke paas chhod kar aaye hai...
Aarti - Papa ji par aisa kaise uski khoj chhod kar wapas chale jaye?
Papa - Mere liye toh woh ab nahi milne wali... yahan samay ki barbadi karne ka koi fayda nahi hai... Atul beta, mera kehna toh tumhe bhi yehi hoga ki tum apni jindagi mein aage bado... hame maaf karna...
Papa kamre se bahar chale gaye they, aur mummy foot foot kar ro rahi thi. Atul ko yakin nahi ho raha tha ki Supriya ke khud ke pariwaar ko us par bharosa nahi raha tha. Shayad sirf ek Aarti bhabhi uske liye abhi bhi bol rahi thi. Par use kahan pata tha ki Aarti kuch aisa jaanti thi jo woh nahi jaanta tha, par use apni shaadi bhi toh bachani thi.
_____________________________________
Do hafte beet gaye they, ab sab log Atul ko uske haal par chhod kar wapis chale gaye they. Koi nahi tha uske liye, bas ek khaali ghar... jahan woh zameen par baitha par deewaron ko dekhte rehta. Kisi ko ab tak Supriya ki koi khabar nahi thi. Aur woh ye shehar bhi toh chhod kar nahi jaa sakta tha.
Haan ek aur insaan tha jo roz shaam apne office ke baad seedhe uske ghar pahuch jaata tha - Disha. Woh roz shaam ek tiffin liye Atul ke liye khaana le aati. Aur fir ghar aakar uske liye agle din ka khana bana jaati. Atul use kayi baar mana kar chuka tha, par woh uski ek nahi sun rahi thi. Kahin na kahin Atul ko bhi uska aana acha lagta.
Aaj bhi shaam ki ghanti bajte hi Atul ko pata tha ki Disha aayi hogi. Woh dheere se khada ho kar darwaza kholne gaya.
Atul ne darwaza kholte hue kaha - Disha... maine kaha hai na ki main khana bana lunga.
Disha ne ek smile ke saath kaha - Good evening... koi nahi... is bahane kisi ke saath dinner ho jaata hai...
Atul ne ek saans chhodi - Hmmmm... tum mere saath kyu dinner karna chahti ho... main toh itna boring insaan hu...
Disha - Kyunki mujhe pata hai ki tumhare saath mujhe jyada bolne ki koshish nahi karni padegi...
Disha ghar ke andar ghus gayi thi aur woh kuch der baad plate mein khana laga kar le aayi. Usne Atul ko dekhte hue kaha - Tum shave kar karoge? 3 din se tok rahi hu...
Atul - Shave karke kahan jayunga... thane toh Monday jaana hai ab...
Disha - Hmmm... shave karke acha lagega... thoda light...
Disha aur Atul ne khana shuru kar diya tha. Kabhi kabhi Atul ke mann mein aata toh woh uske saath Supriya ko lekar apne mann ki baat share kar leta. Koi purani baat jo ab yaad aayi ho... ya kuch ankaha jo reh gaya ho unke beech... Disha sab kuch aaram se sun leti...
Atul - Aaj neeche watchman se pata chala ki Iqbal jis gaanv ko apna gaanv batata tha... wahan toh kisi se kabhi uska naam bhi nahi suna... batayo itne saal woh logo ko apna galat pata bata raha tha... na usne kabhi koi chitthi bheji na woh koi phone call karta tha... bas ek din hawa mein gayab ho gaya...
Disha - Hmmm.... par kahan Supriya aur kahan woh... Supriya uske saath kyun bhagegi... mujhe toh ye samajh hi nahi aa raha...
Atul - Uski bhi theory hai logo ke paas...
Disha - Kya theory?
Atul hichkichate hue bola - Suna hai uska woh neeche ka part... kafi bada tha... aur ladkiyon ko kafi maza deta tha... pata nahi baaki sach kya hai..
Disha - Oh god... log bhi na...
Atul - Par ab yaad karu toh Supriya kayi baar uska jikr karti thi... thoda ajeeb tha tab bhi...
Disha - Tum ye baat pachaas baar bol chuke ho...
Atul - Kya karu... aur kuch bolne ke liye hi nahi hai... ab toh mujhe lagta hai koi use dhoond bhi nahi raha sahi se...
Disha - Vikram ke woh log toh abhi bhi dhoond rahe hai use...
Atul ki aankhon mein is nayi jaankari se ek jaan si aa gayi - Tumhe kaise pata? Kuch kaha Vikram ne?
Disha - Nahi... Vikram ne toh kabhi mujhe kuch nahi kaha hai... bas observe kar leti hu...
Atul - Tum Vikram se baat karke dekho na... try karo agar kuch pata chale toh?
Disha - Hmmm... itna easy nahi hai... ab toh waise bhi ek nayi secretary aa gayi hai uski... mujhe lagta hai woh uske upar jasoosi kar rahi hai...
Atul - Vikram ke upar?
Disha - Haan... Vikram ke jaate hi woh uske cabin mein ghus jaati hai... main use nahi rokti kyunki Vikram ne kaha ki usko koi rok tok nahi karna hai...
Atul - Kafi ajeeb hai...
Disha - Hmmm... tum newspaper office gaye? Maine kaha tha na ki woh Supriya ke lapata hone ka ishtehaar daal do newspaper mein... ya tv mein?
Atul - Itne paise nahi hai ki TV mein ad daalu... aur waise bhi newspaper kaun padta hai aajkal...
Disha - Padte hai log... kisi local akhbaar mein daalna jiski achi readership ho... log woh wale akhbaar kafi padte hai abhi bhi...
Atul - Hmmm... dekhta hoon...
Dono khana khate hue baatein karte rahe.
______________________________________
2-3 hafte aur beet gaye they. Supriya ka ab bhi koi ata pata nahi tha, aur ab toh Atul ne bhi saari umeed chhod si di thi. Par thanedaar use abhi bhi har hafte wahan hazri lagane ke liye bolta tha.
Naukri ke bina Atul ke bank account mein paise kam ho rahe they aur shayad ab is 2 bedroom flat ki jaroorat bhi nahi thi. Ghar se bhi call aane kam ho gaye they, shayad sabne use uske haal par chhod diya tha.
Bas use har shaam ab Disha ka intezaar hota. Pehle lagta tha ki woh kyu aati hai, ab agar woh ek din nahi aati toh aisa lagta ki woh bhi use chhod gayi hai. Par woh use kuch keh nahi paata.
Darwaze ki ghanti bajte hi usne turant hi darwaza khola - Hello...
Saamne Disha hi thi, woh Supriya jitni sundar toh bilkul nahi thi, par jitna sahaj woh uske saath mehsoos karta tha usne kabhi ded do saal mein Supriya ke saath nahi kiya. Woh makeup ke bina uske ghar aati thi, uska thoda saawla rang, patle se honth. Uske nain naksh theek they, par Supriya jaise teekhe nahi. Shayad umar mein woh Supriya se thodi badi hogi, shayad uski hi umar ki, ya usse zara si badi?
Par woh use itni gaur se kyu dekh raha tha. Woh bas uski dost thi. Supriya ko bhi toh yehi dhoka hua tha.
Disha - Hi... sorry kal nahi aa saki... thoda late ho gaya tha office mein...
Atul ko office ke naam se thodi chhidd si hui - Hmmm... Vikram ka koi zaroori kaam tha kya?
Disha - Nahi... woh toh yahan hai bhi nahi... bas kuch prints nikaal kar booklets banani thi...
Atul ke mann mein ajeeb se khayal aane lage, ye bhi toh wahin Vikram ke saath hi kaam karti thi. Aajkal Vikram par uska gussa bad gaya tha, aisa lagta tha ki Vikram ki wajah se uske saath ye sab hua tha.
Disha - Kya hua? Kya soch rahe ho...
Atul ne serious aawaz mein kaha - Tum ab yahan aana band kar do... itna door padta hai tumhare liye... waise bhi main shayad kahin aur shift ho raha hoon... kisi chhote flat mein...
Disha - Theek hai wahan aa jayungi...
Atul - Nahi... tumne kafi help kar di hai... par kab tak karogi na...
Disha - Tumhare dimaag mein kya chal raha hai... mere saath seedhe seedhe bol sakte ho na... ya bas mann mein rakh kar use ghutti bana lena hai...
Atul - Kuch bhi toh nahi aisa... main toh bas ye keh raha hoon ki tum bhi toh busy ho...
Disha - You know... yehi tumhari problem hai... Mujhe pata hai tumhare mann mein kya chal raha hai...
Atul - Kya chal raha hai...
Disha - Yehi ki main bhi tumhe chhod kar chali jayungi na...
Atul ne apni nazre doosri aur kar li - Nahi... aisa kuch nahi... aur chali bhi jayogi toh kya farak padta hai...
Disha ne ek gehri saans li - Mujhe pata hai tum kitna uncomfortable feel karte ho mera Vikram ke yahan job karne se...
Atul - Main kyu uncomfortable feel karunga? Tumhari job hai..
Disha - Har baat ka sawal se jawab mat do... woh tum apne aap se pucho...
Atul ne gehri saans li - Haan theek hai... maine socha hai is baare mein... par sirf isliye kyunki maine aur bhi logo se baat kari toh mujhe Vikram ke baare mein kuch cheez pata chali jo woh duniya ko nahi dikhata... tum 4-5 saalo se uski assistant ho... tumhe toh pata hi hoga woh sab shayad...
Disha ne kandhe ucha kar kaha - Haan... shayad... toh?
Atul - Toh... tum meri dost ho... aur main nahi chahta ki tum uske jhamelo mein faso... bas yehi concern hai mera...
Disha ne muskurate hue kaha - Bas yehi concern hai?
Atul - Haan bas yehi...
Disha kuch second ruki aur fir boli - Maine aaj hi resign kar diya hai... main doosri naukri dhoond lungi...
Atul chaunkte hue bola - Kya! Par kyu? Tum toh wahan ache se settled ho...
Disha - Agar tumhe iska jawaab nahi pata toh main nahi bata sakti...
Atul chup ho gaya tha.
Disha ne dheere se kaha - Tum chaho toh mere saath move in kar sakte ho... hum rent aur baaki sab kharcha aadha aadha baat lenge...
Atul ne Disha ki aankhon mein aankh daal kar kaha - Disha... main kuch dino se... ye kehna chahta tha ki...
Disha ne muskurate hue kaha - Hey... ruko ruko... abhi bas rent share ki baat hui... aur kuch nahi...
Atul ab nahi rukne wala tha - Mujhe bolne do please... I really like you... kaash mujhe tum pehle mili hoti... kaash...
Disha chhup ho gayi thi, shayad woh bhi yehi chahti thi - Atul, I like you too... par agar kal ko Supriya tumhari life mein wapis aa gayi toh?
Atul ne apna sir uske sir par tika diya - Supriya kabhi meri life mein aayi hi nahi thi...
Dono ki aankhon se thode se aansu behne shuru ho gaye they. Living room ke ek kone mein Atul ka phone silent par tha aur us par kisi unknown number se call aa rahi thi, jiska shayad use abhi pata bhi nahi tha.
Pichle ek ded mahine se woh din Atul ke jehan mein ghoome jaa raha tha. Jo uske liye bas ek normal sa din hona chahiye tha, jahan woh office ka kaam karta, aur apne ghar chala jaata, us din uski jindagi poori ulat pulat ho gayi thi.
Woh baitha hua kaam hi kar raha tha ki achanak ek bhaari sa haath aakar uske kandhe par laga - Atul Sharma!!!
Atul ne peeche palat kar dekha, chaar paanch hatte katte log office mein ghus aaye they aur security guard sehma hua sa unke thoda peeche tha.
Atul ne unhe hairaani se dekhte hue poocha - Yes, kahiye?
Aadmi - Is waqt tumhari biwi kahan hai?
Atul ko unki baatein bahut hi atpati si lag rahi thi, woh uski biwi ke baare mein kyu pooch rahe they. Woh they kaun? Office ke baaki log bhi khade ho kar Atul ki taraf aane lage they.
Atul ne pareshaan hote hue idhar udhar dekha - Sorry... aap kaun ho...
Aadmi - Teri biwi ke yaar hai hum...
Atul ye sunkar thoda bhadak sa gaya - Ye kya bakwaas kar rahe ho... kya gunda gardi hai ye...
Aadmi - Gunda gurdi toh tune abhi dekhi nahi hai... teri biwi kahan hai ye poocha hai abhi toh bas...
Atul ne jhunjhulate hue kaha - Ghar par hogi aur kahan...
Aadmi ne sir hilate hue kaha - Wahan toh nahi hai... chal apni biwi ko call laga aur pooch woh kahan hai...
Disha apna desk chhod kar Atul ke thoda paas pahuch gayi thi. Pichle 4-5 saalo se Vikram ke saath kaam karke woh inhe 2-3 baar toh dekh hi chuki thi. Par use bhi in logo se kafi darr sa lagta tha.
Atul Supriya ko call karne ki koshish kar raha tha par uska phone band aa raha tha. Usne fir se try kiya, uske mann mein ek ghabrahat si shuru ho gayi thi. Supriya theek toh thi na?
Atul ne pareshaan hote hue us aadmi ko dekha - Uska phone nahi lag raha hai...
Aadmi - Theek hai... chal tu fir hamare saath...
Us aadmi ne Atul ka collar pakadte hue apne saath ghaseetna shuru kiya. Kuch log Atul ki madad ke liye aage bhi bade par un gundo ne unhe side kar diya. Disha aur baaki kuch log unke peeche peeche neeche ki aur aa gaye.
Atul ko toh us samay andaaza bhi nahi tha ki is samay uski poori jindagi badal rahi thi.
Do log Atul ko pakde hue building se bahar lekar aaye aur ek gaadi ki taraf le jaane lage. Atul buri tarah ghabra chuka tha, use nahi pata tha ye log uske saath kya karne wale they.
Achanak se kuch shor sa hua aur un logo ne kuch door khadi ek gaadi ki taraf ishaara kiya aur kuch logo ne uski taraf bhaagna shuru kiya. Par Atul ko abhi bhi do logo ne pakad rakha tha aur woh use ek gaadi mein daalte hue apne saath le chale.
Ek aadmi Atul ke saath gaadi ki pichli seat par tha aur doosra gaadi chala raha tha. Is samay Atul ki sochne samajhne ki shamta khatam si ho gayi thi. Woh kuch poochne ki himmat bhi nahi kar paa raha tha.
Thodi der baad gaadi ek jagah aakar ruki aur un logo ne Atul ko neeche utara. Atul ne aas paas dekha. Ye thodi jaani pehchani si jagah lag rahi thi. Ye koi farmhouse sa tha jahan woh pehle aaya tha. Haan, ye toh wohi farmhouse that jahan… jahan us raat… uski bank ki naukri chali gayi thi. Ye toh Vikram sir ka hi farmhouse tha shayad.
Woh log Atul ko dhakka dete hue andar ek kamre mein le aaye.
Atul ne himmat karke poocha - Mujhe yahan kyu laaye ho… maine kuch nahi kiya hai…
Us aadmi ne uski baat ko ansuna karte hue use ek kagaz pen thamaya - Is par woh saare address aur naam likh jahan teri biwi jaa sakti hai…
Atul ko samajh aane laga tha ki woh log Supriya ko dhoond rahe they, par woh use yahan kyu lekar aaye they. Ye toh Vikram sir ka hi farmhouse tha. Aisa kya ho gaya tha?
Atul - Kya hua hai? Tum kyu dhoond rahe ho meri biwi ko… kiske kehne par mujhe yahan laaye ho…
Aadmi ne Atul ko kagaz ki taraf ishaara kiya - Jaldi se address likh… time nahi hai jyada… jaldi se shuru ho jaa nahi toh hame shuru hona padega…
Woh dono log uske aas paas hi mandra rahe they. Ab tak un logo ne use maara peeta toh nahi tha, par Atul ne unki shakal dekh kar unhe aur jyada intezaar karwana theek nahi samjha. Usne apne Gwalior ke ghar ka aur Supriya ke ghar ka address likhna shuru kiya.
Is beech use saath wale kamre se ek aadmi aur aurat ki ladai ki aawaz aane lagi. Woh dono ek doosre par buri tarah cheekh rahe they. Aadmi ki aawaz kuch jaani pehchaani si thi.
Use saare shabd saaf toh sunayi nahi de rahe they par woh aurat kafi bhadki hui thi aur baar baar angrezi mein gaaliyan de rahi thi. Aadmi ki aawaz kabhi gayab ho jaati aur kabhi woh us aurat par chillane lagta.
Atul ne address likh kar apne saath khade aadmi ki aur dekha.
Aadmi - Aur koi dost yaar teri biwi ka? Sabke naam pata likh yahan…
Atul - Nahi… aur toh koi nahi…
Aadmi - Soch soch… kiske saath bhaag sakti hai teri biwi?
Atul bhadakte hue bola - Supriya kyu bhagegi kisi ke saath…
Aadmi haste hue bola - Shayad tu khush nahi rakh paata hoga na apni chinaar biwi ko.. isliye bhaag gayi woh… chal ab har woh naam aur phone number likh jisse teri biwi ya tu baat karte ho…
Atul ko uski baaton par bohot tez gussa aa raha tha par woh is samay in logo ke aage bebas tha. Un logo ne use lagbhag ek ghanta bithaye rakha aur use Supriya ke office ke jin logo ke naam pata they woh likhta gaya.
Saath wale kamre abhi bhi cheekhne chillane ki aawaz aa rahi thi par ab thodi mandi ho gayi thi. Atul apne dimaag par zor daalte daalte thak gaya tha. Un logo ne uske phone ke saare contacts usse kagaz par likhwa liye they.
Lagbhag ek ghante baad ek aadmi kamre mein ghusa jise dekh baaki dono log bhi tan ka khade ho gaye, jaise woh unka leader ho.
Aadmi - Aslam bhai… mili kya woh…
Aslam - Abhi toh nahi… par mil jayegi… gaadi bus adde ke paas chhodi hai toh kisi bus mein hi chadhe honge. Isne diya jo isse maanga tha?
Aadmi - Haan… ye hai sab…
Aslam kagaz ko dekhte hue bola - Hmmm… isko jaane do…
Aadmi - Jaane de? Abhi toh iski kutai bhi nahi ki hai…
Aslam ne use ghoor kar dekha - Memsaab ne bola hai…
Aadmi - Oh acha… chal bhai khada ho… ja tu…
Atul ko yakin nahi ho raha tha woh use jaane de rahe they. Woh dheere dheere khada hua aur bahar ki aur jaane de.
Par peeche se Aslam ne use aawaz lagayi - Sun… mera number le le… agar teri biwi ka phone aaye toh sabse pehle mujhe call karke bataiyo… samjha…
Atul ne mudte hue haan mein sir hilaya aur Aslam ke aadmi ne uske haath mein Aslam ka number thama diya. Atul ab jaldi se kamre se bahar nikla. Isse pehle ye log apna mann badal le woh yahan se nikalna chahta tha.
Woh bahar aaya hi tha ki use hallway mein Vikram sir khade dikhayi diye. Woh kafi jyada serious nazar aa rahe they. Shayad wohi toh they barabar wale kamre mein.
Atul unki taraf bada - Sir… ye sab kya… ye log Supriya ko kyu dhoond rahe hai… kya hua hai sir?
Vikram - Atul… I don’t know how to say this but… Supriya ne meri company se kaafi bada fraud kiya hai…
Atul ko apne kaano par yakin nahi hua - KYA???
Vikram - I didn’t want to believe it either… but yehi sach hai… usne meri company se laakho rupay ki chori ki hai aur ab woh absconding hai…
Atul buri tarah shock mein tha - Sir par use toh woh naukri chhode hue kayi hafte ho chuke hai…
Vikram ke maathe ki tyoriyaan chaddh gayi thi - Yeah I know… we are still investigating but usne shayad ye company chhodne se pehle kiya tha… I can’t share all the details with you right now…
Atul - Sir…
Vikram - Look I am sorry you had to go through this today… ye log Supriya ko dhoond rahe they… Supriya ke against abhi ek FIR bhi darz ho rahi hai…
Atul - Sir… main maan hi nahi sakta ki Supriya kuch aisa kar sakti hai… jaroor koi galat fehmi hui hai…
Vikram - Look I can’t… I also have to inform you ki tumhe immediately terminate kiya jaa raha hai… so kal se kaam par mat aana…
Vikram ye bolkar mud kar doosri aur chala gaya. Atul wahan nishabd khada use jaate dekh raha tha. Aaj hi aaj mein pata nahi kya kya hota jaa raha tha.
Kuch second baad usne apne aap ko sambhala aur bahar ki aur nikla. Uske mann mein kayi sawal aur khayal chal rahe they. Ye sab koi bura sapna toh nahi tha? Supriya kya sach mein fraud karke gayab thi? Ya ye sab koi mazak tha aur use ghar jakar woh wahin milegi. Woh abhi sabse pehle kisse baat kare is sab ke baare mein?
Woh building se bahar aaya hi tha ki kisi ladki ne uska naam pukara - Atul!!!
Atul ne apni nazre utha kar dekha toh saamne Disha thi - Disha… tum yahan…
Disha - Haan… maine Vikram ko call kiya tha office mein jo hua woh batane ke liye toh pata chala ki woh tumhe yahan lekar gaye hai…
Atul ko kam se kam se wahan koi toh mil gaya tha apne mann ki baat share karne ke kiye - Disha… Vikram sir keh rahe they ki… Supriya fraud karke… mujhe toh kuch samajh nahi aa raha…
Disha - Atul hame yahan se jaldi se nikalna chahiye… ghar chal kar baat karte hai…
Atul buri tarah khoya hua sa tha aur Disha uska haath pakadte hue usne apne saath le chali. Usne ek auto wale ko roka hua tha aur woh dono us auto mein baith kar wahan se nikal gaye.
Atul abhi bhi sab kuch apne dimaag mein process karne ki koshish kar raha tha. Jaroor koi galatfehmi hi hui hogi. Uske aur Disha ke beech raaste bhar koi baat nahi hui aur thodi der baad auto Atul ke ghar ki building ke aage ruka.
Disha ne auto wale ko paise diye aur woh dono auto se utar gaye. Woh log building ki taraf bade they ki security guard Atul ko dekhte hue uski aur aaya.
Guard - Saab ji… kuch log aaye they… jabardasti andar ghus gaye aur aapke ghar ka taala tod diya… main aapko phone bhi laga raha tha…
Atul - Haan.. main dekhta hoon…
Atul aur Disha upar uske flat tak pahuche. Uske ghar ka darwaza khula hua tha aur and andar ghuste hi unhone dekha ki ghar ka furniture aur samaan idhar udhar ho rakha tha.
Atul saare kamro mein jakar dekhne laga, shayad ek dabi hui umeed se ki kahin use Supriya mil jaye. Par woh kahin nahi thi. Uske bedroom ki table par Supriya ka mangalsutra rakha hua tha. Ye wahan kyu tha?
Atul kamre se bahar nikla, Disha drawing room mein khadi thi. Atul ne socha ki shayad use baithne ke liye bolna chahiye par uska dimaag hi kaam nahi kar raha tha.
Atul - Disha… Supriya ghar par nahi hai.. uska phone bhi band pada hai… kal raat hamari kafi behas hui thi…
Disha - Atul tum baitho.. main paani laati hu…
Atul sofe par sahara leta hua us par baith gaya. Disha kuch hi pal baad uske liye paani ka ek glass le aayi.
Atul - Kuch samajh nahi aa raha kya karu… Vikram sir bol rahe they woh FIR darz karwa rahe hai… Supriya aisa kaise kar sakti hai…
Disha - Aur kuch bataya Vikram ne?
Atul - Bas yehi ki Supriya paise chura ke gayab hai… aur mujhe naukri se nikaal diya…
Disha - Hmmm… naukri se jyada pehle Supriya ka milna jaroori hai…
Atul - Haan… tum sahi keh rahi ho… par kuch samajh nahi aa raha kya karu?
Disha - Supriya wahan office ke bahar ek gaadi mein aayi thi…
Atul chaunkte hue bola - Kya? Kab?
Disha - Jab woh log tumhe pakde hue neeche laaye they…
Atul - Kya keh rahi thi Supriya? Kiske saath thi woh?
Disha - Woh log ek dam se Supriya ke peeche bhaagne lage toh meri usse baat nahi ho paayi… par haan us gaadi ko koi aadmi chala raha tha…
Atul - Kaun tha woh aadmi? Kaisi gaadi thi woh?
Disha - Aadmi ko toh main sahi se dekh nahi paayi par gaadi ek purani si safed Maruti 800 thi… jo kafi common si gaadi hai…
Atul sochne laga, waise toh ye car kafi common thi, par usne ek safed Maruti 800 yahan is building mein kayi baar neeche khadi dekhi thi. Kya yahan building mein hi kisi ke saath Supriya ka chakkar chal raha tha?
Disha - Atul… tumhe Supriya ke ghar inform karna chahiye.. aur apne ghar bhi…
Disha jaise Atul - Haan… par main unse kya kahunga? Mujhe khud nahi pata abhi tak kya hua hai?
Disha - Bar batana toh padega na… jitni jaldi tum unhe batayoge utna behtar hoga…
Disha Atul ko uski khoyi hui awastha mein guide sa kar rahi thi. Ye do call karna Atul ke liye aasan nahi tha. Supriya ke ghar par call karte hue hazaro sawal us par baras pade they, jinka jawaab use bhi nahi pata tha. Woh log pehli gaadi se Lucknow aa rahe they.
Apne ghar phone karke bhi yehi haal tha, par thoda sa alag. Uske ghar walo ne phone par hi Supriya ko kosna shuru kar diya tha. Woh log subah ki gaadi se aane wale they.
Dono call karke Atul sofe par thaka haara baith gaya aur usne apna sir pakad liya. Uske phone par kayi saare message aur logo ke call aane shuru ho gaye they, par woh kisi se baat nahi karna chahta tha. Disha ne paas aakar uske sir par halke se haath rakha.
Atul ki aawaz fat si rahi thi - Sab log… itna pareshaan they… aur main kuch sahi se samjha bhi nahi paaya… kahin Supriya ke gharwale ya na soche ki maine kuch…
Disha - Tum aisa kyu soch rahe ho… tum jitna bata sakte they tumne bata diya… mere khayal se hame thane chalna chahiye aur ek missing person ki report likhwa deni chahiye…
Atul - Hmmm… par Vikram sir… woh bhi toh…
Disha - Unke baare mein mat socho tum ab… tum bas Supriya ko dhoondne ke baare mein socho…
Is musibat ki ghadi mein Disha ka clear mind use hausla sa de raha tha. Atul thane jaane ke liye apne kapde theek karne laga aur apna muh dho kar aaya.
Jaise hi woh dono darwaze ki aur bade, unke ghar par zor se khatkhatane ki aawaz aayi. Atul darwaze ki aur jaldi se bada, uske dil mein zara si aasha jagi ki kya pata bahar Supriya hi ho.
Par bahar vardi pehne hue do officer they. Atul unhe dekhte hi hairaan sa ho gaya - Atul Sharma?
Atul - Jee…
Officer - Hum yahan Supriya Sharma ke case ke silsilay main aaye hai…
Atul - Haanji… hum log aapke paas hi aa rahe they… Supriya ka kuch pata chala?
Officer ne Atul ke sawal ka jawab nahi diya - Hmmm… hame abhi ghar ki talashi leni hai…
Do constable ghar mein ghus gaye aur unhone ghar ki talashi shuru kar di.
Atul - Aap yahan kya dhoond rahe hai… yahan kuch nahi hai… aap bahar Supriya ko dhoondiye na…
Officer - Aap hame na bataye ki hame kya karna hai… aap Iqbal Qureshi ko toh jaante honge… aapki building ka watchman…
Atul - Haan… matlab mujhe pata woh kaun hai.. par is sab ka usse kya lene dena…
Officer - Hame shak hai ki aapki biwi uske saath farar hai…
Atul buri tarah chaunkte hue bola - Kya?!!
Officer - Aapko pata tha un dono ke baare mein?
Atul - Un dono ke baare mein kya?
Officer - Hamne doosre watchman aur building ke kuch logo se poochtach ki hai toh pata chala hai ki aapki biwi Iqbal ke kafi nazdeek thi. Dono saath mein kayi baar bahar ghoomne jaate they… aur woh aapke ghar bhi aata tha…
Atul - Ye kya bakwaas hai… aisa kuch nahi…
Officer - Mr Atul.. ya toh aap is natak mein mile hue hai ya aap duniye ke sabse bewakoof pati hai… jo apni jawan biwi ko kaabu mein nahi rakh sake…
Officer ke teekhe shabd sun kar Disha apne aap ko rok nahi saki - Aap kaise bol sakte hai… aap apna kaam kijiye… aur Supriya ko dhoondiye…
Officer - Woh toh hum dhoond hi lenge… aap dono apna bayan darz karaiye…
Constable kafi der tak ghar mein dhoondta raha par use kuch nahi mila. Is beech officer ne Disha aur Atul ka bayan le liya tha.
Officer - Mr Atul… aap abhi ye shehar chhod kar na jaa sakte… aapko har hafte thane mein aakar haazri lagani hogi…
Kuch der baad officer aur constable wahan se chale gaye they. Aur Atul ka dimaag pehle se bhi jyada ghoom gaya tha. Supriya ke kisso ki list badti jaa rahi thi. Sach mein woh itna bewakoof kaise ho sakta tha ki use ye sab nahi dikha.
Disha wahin uske saath baithi thi. Woh use akele chhod kar jaana nahi chahti thi. Shaam ho chali thi aur logo ki call aani band hi nahi ho rahi thi. Atul sirf Supriya ya apne ghar ke phone uthata baaki kisi ke nahi.
Gharwalo se pata chala ki kuch log unke har rishtedaar ko phone karke Supriya ke baare mein pooch rahe they. Un logo ko bhi woh call aaya tha. Phone par woh log kafi gande se bol rahe they aur unko dhamka rahe they. Atul samajh gaya ki ye log zaroor Vikram sir ke log honge, jo shayad khud bhi Supriya ko dhoondne mein lage they.
Disha ne is beech kuch khane ko bana liya tha par Atul ko zara bhi bhook nahi thi. Har baat jaise Supriya ko lekar hi hoti. Atul sochne laga tha ki kaise Supriya aaj kal itne mehnge mehnge kapde pehenne lagi thi, aur jewellery aur watches bhi. Kayi baar usne socha bhi tha ki woh Supriya se is kharche ke baare mein baat kare, par un dono ke beech tanav use is cheez ka mauka hi nahi deta.
Tabhi Atul ke phone par Rahul ka call aane laga. Atul ye call bhi uthana nahi chahta tha, kyunki use pata tha Rahul kis baare mein call kar raha hai, par Rahul Lucknow mein uske kuch hi dosto mein se tha jo Supriya ko bhi ache se jaanta tha. Kya pata use is sab ke baare mein kuch pata ho.
Phone uthate hi Rahul ki aawaz aayi - Atul! Kuch gadbad hui hai kya?
Atul - Tere paas kuch logo ka call aaya tha Supriya ke baare mein poochne ke liye?
Rahul - Haan... hua kya hai?
Atul use thodi der sab samjhata raha - Rahul, kal shaam ko Supriya Kriti ke ghar gayi thi, tu wahan tha kya? Wahan kuch hua tha kya?
Rahul - Haan... main thodi der ke liye wahan tha... Kriti ki birthday party... par main jaldi nikal gaya tha... bas Kriti aur Supriya hi ghar mein reh gaye they...
Atul - Yaar... pata nahi ye sab kya ho gaya hai... mujhe toh kuch samajh nahi aa raha...
Rahul - Tu fikr mat kar... main udhar aata hoon...
Atul jaanta tha Disha use akela chhod kar nahi jayegi, toh Rahul ke aane se kam se kam woh ek baar apne ghar toh chali jayegi - Haan... tu aaja...
Atul ke phone rakhte hi Disha ko samjhaya ki uska dost Rahul yahan aa raha tha aur woh ab aaram karne ke liye ghar jaa sakti thi. Disha sach mein jaana toh nahi chahti thi par aakhir woh Atul ki request maante hue wahan se nikal gayi.
Uske thodi der baad Rahul bhi wahan pahuch gaya tha aur Atul apni negative thoughts uske saath share karne laga.
Rahul ko bhi nahi lagta tha ki Supriya ne aisa kuch kiya hoga, par use saaf saaf samajh nahi aa raha tha ki hua kya hoga. Kya Vikram ne Supriya ko guthli ki tarah choos kar side kar diya tha? Jo bhi ho woh Vikram ke khilaaf kuch nahi bolna chahta tha kyunki woh apne aap ko is sabse door hi rakhna chahta tha. Kahin Vikram ne uska haal Atul jaisa kar diya toh?
Atul - Supriya sach mein ek watchman ke saath bhaag gayi? Poori duniya mujh par has rahi hogi is time...
Rahul ne bhi use bhadkane mein koi kami nahi chhodi - Yaar... main kuch bolna toh nahi chahta... par uska character thoda ajeeb toh tha...
Atul ne chaunkte hue poocha - Kaise?
Rahul ka Supriya se badla lene ka samay aa gaya tha - Yaar, main batana nahi chahta tha... par us watchman ke saath toh maine bhi Supriya ko ek-do baar dekha tha... kuch toh ajeeb tha unke beech. Aur yaad hai jab hum log office ke kaam ke liye hum log Thailand gaye they, tab woh wahan aaye ek kaale se kuch jyada hi chipak rahi thi...
Atul ne sharam se sir jhuka liya - Tune mujhe pehla kyu nahi bataya ye sab...
Rahul - Tu mera dost hai... aur mujhe laga ho sakta hai meri galat fehmi ho... main tum logo ki life disturb nahi karna chahta tha...
Atul - Par bata deta toh shayad aaj ye din nahi aata...
Rahul - Koi nahi yaar... mujhe lagta hai woh log use dhoond hi lenge... par milne ke baad kya hoga... ye nahi pata...
Atul ka muh latak gaya, sach mein agar Supriya mil bhi gayi toh is sabse ubarna toh bohot hi mushkil hoga.
Der raat tak woh aur Rahul is sab ke baare mein baat karte rahe aur dono sofe par hi so gaye. Subah ghar ki ghanti bajne se Atul ki aankh khuli. Atul ne jaldi se jakar darwaza khola. Bahar Supriya ke pariwar wale pahuche they, uske maa baap aur bhai bhabhi...
Ghar ke andar ghuste hi un logo ne Atul par sawalo ki baarish kar di - Kuch pata chala Supriya ka? Pulis kya bol rahi hai? Ye sab kaise kya ho gaya tha?
Atul ke paas in sawalo ka koi jawab nahi tha. Uske bhi toh wohi sawal they. Aawazein sunkar Rahul bhi uth gaya tha, aur sab log baar baar ek doosre se wohi sawaal kar rahe they.
Aarti Bhabhi ki shakal toh buri tarah utri hui thi. Unke pariwaar mein wohi toh jo aakhri baar Supriya se mili thi, aur us samay un dono ke beech itni kaha suni ho gayi thi. Par shayad Aarti ne bhi ab tak kisi ko khul kar kuch nahi bataya, khaskaar Vikram ke baare mein. Aakhir is sab mein uske bhi toh raaz they.
Din hote hote Supriya ke bhaiya aur Atul thane ka ek chakkar kaat aaye they, aur wahan unhe kuch nahi pata chala tha. Supriya ke bhaiya toh khud hi building ke neeche logo se poochtaach kar rahe they, aur jo kuch woh sun rahe they, unhe apne kaano par yakin nahi ho raha tha. Kuch logo ne unhe Supriya aur Iqbal ki nazdeeki ke baare mein bataya, kaise woh dono aksar saath ghooma karte they.
Barabar wale flat ki Megha ko bhi Supriya se baat kiye hue kafi samay ho gaya tha, aur use bhi kuch nahi pata tha. Bas ye ki Supriya pehle se kafi badal gayi thi. Jo seedhi saadhi si ladki Lucknow aayi thi, Supriya woh ab waisi nahi reh gayi thi.
Jab Atul wapas ghar pahucha, toh usne dekha ki uske ghar se uske mummy papa aur jiju bhi wahan pahuch gaye they. Aur Disha bhi wapas wahan aa gayi thi. Sabke muh latke hue they par shayad alag alag karan se. Woh log besabri se Atul aur Supriya ke bhai Sudheer ka intezaar kar rahe they.
Unke ghar mein ghuste hi Aarti jaldi se unki taraf aayi - Kuch pata chala...
Sudheer ki aankhein bilkul khoyi hui si thi - Nahi... kuch nahi...
Poore kamre mein fir se sannata sa ho gaya.
Kuch der baad Atul ke mummy Sarita boli - Pata nahi kab se chal raha tha ye tamasha... pareshaan kar rakha tha aapki beti ne hume aur hamare bete ko...
Aarti ke muh se ekdam se nikal gaya - Mausi ji aap kya bol rahe ho...
Atul bhi beech mein bola - Mummy... ye time nahi hai ye sab bolne ka...
Sarita aur bhi bhadak gayi - Kyu? Itne time se chal raha tha ye sab drama... aur tu chup chaap seh raha tha... bhaag gayi na aakhir... aur woh bhi ek watchman ke saath... aur us par gaban karke bhaagi hai... kisi cheez ki kami nahi chhodi usne...
Aarti - Hame abhi sab sach nahi pata... kya pata uske saath kuch aur hua ho?
Sarita - Kya aur hua ho? Woh toh shuru se hi badchalan si thi... ab saari baatein khul ke aa rahi hai...
Aarti - Shuru se matlab?
Sarita - Kyu suhaagraat ke agle din tumhe phone nahi kiya tha usne ki use maza nahi aaya Atul ke saath? Aur fir usne apne devar Dhruv ko bhi nahi chhoda tha, uske bhi peeche pad gayi thi, woh toh bhagwaan ka bhala ho woh bach gaya...
Aarti - Aap log kuch bhi bol rahe ho... Atul tum bolo na apne mummy ko kuch...
Atul pareshaan hota hua chhup baith gaya. Uski saansein bhaari thi. Sach mein aisa lag raha tha ki Supriya ka ek ek raaz bahar aa raha tha. Use bhi ab tak ye Dhruv wali baat nahi pata thi. Aur kal raat jo kuch Rahul ne bola, uske baad use is baat par koi ashcharya nahi hua.
Par Disha jaroor beech mein bol padi - Aunty mere khayal se... jo yahan apna bachaav karne ke liye nahi hai... uske baare mein hame baat nahi karni chahiye... hame apna saara focus Supriya ko dhoondne mein lagana chahiye...
Sarita - Tum kaun ho? Supriya ki dost? Tabhi uski pairvi kar rahi ho?
Disha - Nahi main Supriya ki dost nahi hu... balki Atul aur main dost hai...
Atul ko thodi hairaani hui par acha bhi laga ki is Disha aaj use apna dost bula rahi thi. Par saath hi aisa lag raha tha ki woh Supriya ki side bhi le rahi hai.
Sarita - Agar tum Atul ki dost ho toh ye batayo... kaise dhoonde use? Us ladki ke chakkar mein Atul ab thane aur kacheri ke chakkar kaatta rahe? Usne toh kahin ka nahi chhoda ise... iski naukri bhi gayi aur poori rishtedaari mein izzat bhi... woh log kal se sabko phone kar chuke hai... hum log logo ko samjhate samjhate thak chuke hai...
Apni mummy ko is tarah bolte dekh Atul se raha nahi gaya - Aap thak gaye ho toh main kahunga ki aap log wapas chale jayo...
Sarita - Atul par...
Atul - Nahi... aap logo ko meri ya Supriya ki fikr nahi hai... bas fikr hai toh apni izzat ki... aur rishtedaaro ki...
Sarita kuch pal ke liye chup ho gayi. Par kuch der baad fir se wohi sab behas shuru ho gayi thi. Atul wahan se hatt kar doosre kamre mein chala gaya. Kal din se usne shayad ek pal bhi chain ka nahi liya tha.
Supriya ka pariwaar bhi akele mein jakar baat karne laga. Sudheer ne jo use pata chala woh sab bataya jisse unke pairo tale bhi zameen nikal gayi thi. Aisa hi lag raha tha ki Supriya ne kuch galat kaam kiya tha. Kuch der baad woh log Atul ko bol kar wahan se nikal gaye, woh shayad abhi apne ghar toh nahi jaa rahe they, par filhaal us ghar ke mahaul mein khade rehna mushkil tha.
Disha aur Rahul bhi thodi der baad wahan se nikal gaye they. Atul apne hi ghar mein apne gharwalo ke saath tha, par ye woh log they jinhone use kabhi kisi layak nahi samjha tha, aur woh apne hi ghar mein ek ajeeb si ghutan mehsoos kar raha tha. Shayad inhi logo ki wajah se toh usne ab tak Supriya ne naata jode rakha tha, kyunki woh samaj mein apni aur apne pariwaar walo ki bezzati nahi karwana chahta tha.
_______________________
Agla ek hafta kuch aise hi beete, har din ek hi jaisa. Atul aur Sudheer aur logo se baatein karke jaankari lene ki koshish karte aur jo kuch unhe pata chal raha tha woh sab Supriya ke khilaaf hi tha. Supriya ki kaamwali Karuna toh bohot hi bhadki thi Supriya par. Kaise woh Iqbal se milne ke bahane dhoonda karti thi, aur kaise aur bhi mard uske flat par aate they usse milne, aur kaise woh uske saamne Atul bhaiya ko napunsak bataya karti thi.
Atul toh ab Sudheer bhaiya se bhi nazre milane layak nahi raha tha. Uski bezzati par bezzati hoti jaa rahi thi.
Atul us hotel pahucha jahan Supriya ka pariwaar ruka hua tha. Sudheer hi sab kuch bata raha tha aur Atul chup chaap baitha tha.
Supriya ki mummy - Aarti... tu toh yahan aayi thi na in logo ke paas... tujhe kaise nahi pata chala ye sab...
Aarti - Mummy ji... aisa kuch laga hi nahi... bas yehi lag raha tha ki Atul aur Supriya ki aapas mein ban nahi rahi hai...
Mummy - Woh itni seedhi si ladki thi... kabhi aisa kuch nahi kiya usne...
Aarti - Mummy ji... thodi toh badal gayi thi woh yahan bade shehar mein reh kar...
Sudheer bhadakte hue bola - Thodi!? Mujhe uska bhai hote hue itni ghatiya baatein sunne ko mili hai na... mann kar raha tha us har insaan ka muh tod du... par fir kis kis ka muh todunga...
Aarti - Aap aise mat pareshaan mat ho... woh mil jayegi...
Sudheer ne gehri saans lete hue kaha - Main toh shayad chahunga ki ab woh kabhi mile hi na... ya mile toh uski...
Mummy - Sudheer... kya bol raha hai...
Supriya ke papa ekdam se bol pade - Sahi toh keh raha hai... hum yahan aa rahe they... socha tha ki Atul ne kuch galat kiya hoga... par yahan aakar sab saaf ho raha hai... hamari beti paise chori karke ek neech insaan ke saath bhaag gayi hai... ab woh wapas bhi aa gayi toh kya Atul ko use sweekarna chahiye?
Supriya ke papa ke muh se ye baat sun kar poora kamra chhup ho gaya tha. Kisi ko bhi yakin nahi ho raha tha ki itna kam bolne wale papa aaj ye keh gaye they.
Papa - Mere khayal se hum logo ko wapas ghar chalna chahiye... sab log apne kaam mein wapas lage... Anya beta ko bhi toh rishtedaaro ke paas chhod kar aaye hai...
Aarti - Papa ji par aisa kaise uski khoj chhod kar wapas chale jaye?
Papa - Mere liye toh woh ab nahi milne wali... yahan samay ki barbadi karne ka koi fayda nahi hai... Atul beta, mera kehna toh tumhe bhi yehi hoga ki tum apni jindagi mein aage bado... hame maaf karna...
Papa kamre se bahar chale gaye they, aur mummy foot foot kar ro rahi thi. Atul ko yakin nahi ho raha tha ki Supriya ke khud ke pariwaar ko us par bharosa nahi raha tha. Shayad sirf ek Aarti bhabhi uske liye abhi bhi bol rahi thi. Par use kahan pata tha ki Aarti kuch aisa jaanti thi jo woh nahi jaanta tha, par use apni shaadi bhi toh bachani thi.
_____________________________________
Do hafte beet gaye they, ab sab log Atul ko uske haal par chhod kar wapis chale gaye they. Koi nahi tha uske liye, bas ek khaali ghar... jahan woh zameen par baitha par deewaron ko dekhte rehta. Kisi ko ab tak Supriya ki koi khabar nahi thi. Aur woh ye shehar bhi toh chhod kar nahi jaa sakta tha.
Haan ek aur insaan tha jo roz shaam apne office ke baad seedhe uske ghar pahuch jaata tha - Disha. Woh roz shaam ek tiffin liye Atul ke liye khaana le aati. Aur fir ghar aakar uske liye agle din ka khana bana jaati. Atul use kayi baar mana kar chuka tha, par woh uski ek nahi sun rahi thi. Kahin na kahin Atul ko bhi uska aana acha lagta.
Aaj bhi shaam ki ghanti bajte hi Atul ko pata tha ki Disha aayi hogi. Woh dheere se khada ho kar darwaza kholne gaya.
Atul ne darwaza kholte hue kaha - Disha... maine kaha hai na ki main khana bana lunga.
Disha ne ek smile ke saath kaha - Good evening... koi nahi... is bahane kisi ke saath dinner ho jaata hai...
Atul ne ek saans chhodi - Hmmmm... tum mere saath kyu dinner karna chahti ho... main toh itna boring insaan hu...
Disha - Kyunki mujhe pata hai ki tumhare saath mujhe jyada bolne ki koshish nahi karni padegi...
Disha ghar ke andar ghus gayi thi aur woh kuch der baad plate mein khana laga kar le aayi. Usne Atul ko dekhte hue kaha - Tum shave kar karoge? 3 din se tok rahi hu...
Atul - Shave karke kahan jayunga... thane toh Monday jaana hai ab...
Disha - Hmmm... shave karke acha lagega... thoda light...
Disha aur Atul ne khana shuru kar diya tha. Kabhi kabhi Atul ke mann mein aata toh woh uske saath Supriya ko lekar apne mann ki baat share kar leta. Koi purani baat jo ab yaad aayi ho... ya kuch ankaha jo reh gaya ho unke beech... Disha sab kuch aaram se sun leti...
Atul - Aaj neeche watchman se pata chala ki Iqbal jis gaanv ko apna gaanv batata tha... wahan toh kisi se kabhi uska naam bhi nahi suna... batayo itne saal woh logo ko apna galat pata bata raha tha... na usne kabhi koi chitthi bheji na woh koi phone call karta tha... bas ek din hawa mein gayab ho gaya...
Disha - Hmmm.... par kahan Supriya aur kahan woh... Supriya uske saath kyun bhagegi... mujhe toh ye samajh hi nahi aa raha...
Atul - Uski bhi theory hai logo ke paas...
Disha - Kya theory?
Atul hichkichate hue bola - Suna hai uska woh neeche ka part... kafi bada tha... aur ladkiyon ko kafi maza deta tha... pata nahi baaki sach kya hai..
Disha - Oh god... log bhi na...
Atul - Par ab yaad karu toh Supriya kayi baar uska jikr karti thi... thoda ajeeb tha tab bhi...
Disha - Tum ye baat pachaas baar bol chuke ho...
Atul - Kya karu... aur kuch bolne ke liye hi nahi hai... ab toh mujhe lagta hai koi use dhoond bhi nahi raha sahi se...
Disha - Vikram ke woh log toh abhi bhi dhoond rahe hai use...
Atul ki aankhon mein is nayi jaankari se ek jaan si aa gayi - Tumhe kaise pata? Kuch kaha Vikram ne?
Disha - Nahi... Vikram ne toh kabhi mujhe kuch nahi kaha hai... bas observe kar leti hu...
Atul - Tum Vikram se baat karke dekho na... try karo agar kuch pata chale toh?
Disha - Hmmm... itna easy nahi hai... ab toh waise bhi ek nayi secretary aa gayi hai uski... mujhe lagta hai woh uske upar jasoosi kar rahi hai...
Atul - Vikram ke upar?
Disha - Haan... Vikram ke jaate hi woh uske cabin mein ghus jaati hai... main use nahi rokti kyunki Vikram ne kaha ki usko koi rok tok nahi karna hai...
Atul - Kafi ajeeb hai...
Disha - Hmmm... tum newspaper office gaye? Maine kaha tha na ki woh Supriya ke lapata hone ka ishtehaar daal do newspaper mein... ya tv mein?
Atul - Itne paise nahi hai ki TV mein ad daalu... aur waise bhi newspaper kaun padta hai aajkal...
Disha - Padte hai log... kisi local akhbaar mein daalna jiski achi readership ho... log woh wale akhbaar kafi padte hai abhi bhi...
Atul - Hmmm... dekhta hoon...
Dono khana khate hue baatein karte rahe.
______________________________________
2-3 hafte aur beet gaye they. Supriya ka ab bhi koi ata pata nahi tha, aur ab toh Atul ne bhi saari umeed chhod si di thi. Par thanedaar use abhi bhi har hafte wahan hazri lagane ke liye bolta tha.
Naukri ke bina Atul ke bank account mein paise kam ho rahe they aur shayad ab is 2 bedroom flat ki jaroorat bhi nahi thi. Ghar se bhi call aane kam ho gaye they, shayad sabne use uske haal par chhod diya tha.
Bas use har shaam ab Disha ka intezaar hota. Pehle lagta tha ki woh kyu aati hai, ab agar woh ek din nahi aati toh aisa lagta ki woh bhi use chhod gayi hai. Par woh use kuch keh nahi paata.
Darwaze ki ghanti bajte hi usne turant hi darwaza khola - Hello...
Saamne Disha hi thi, woh Supriya jitni sundar toh bilkul nahi thi, par jitna sahaj woh uske saath mehsoos karta tha usne kabhi ded do saal mein Supriya ke saath nahi kiya. Woh makeup ke bina uske ghar aati thi, uska thoda saawla rang, patle se honth. Uske nain naksh theek they, par Supriya jaise teekhe nahi. Shayad umar mein woh Supriya se thodi badi hogi, shayad uski hi umar ki, ya usse zara si badi?
Par woh use itni gaur se kyu dekh raha tha. Woh bas uski dost thi. Supriya ko bhi toh yehi dhoka hua tha.
Disha - Hi... sorry kal nahi aa saki... thoda late ho gaya tha office mein...
Atul ko office ke naam se thodi chhidd si hui - Hmmm... Vikram ka koi zaroori kaam tha kya?
Disha - Nahi... woh toh yahan hai bhi nahi... bas kuch prints nikaal kar booklets banani thi...
Atul ke mann mein ajeeb se khayal aane lage, ye bhi toh wahin Vikram ke saath hi kaam karti thi. Aajkal Vikram par uska gussa bad gaya tha, aisa lagta tha ki Vikram ki wajah se uske saath ye sab hua tha.
Disha - Kya hua? Kya soch rahe ho...
Atul ne serious aawaz mein kaha - Tum ab yahan aana band kar do... itna door padta hai tumhare liye... waise bhi main shayad kahin aur shift ho raha hoon... kisi chhote flat mein...
Disha - Theek hai wahan aa jayungi...
Atul - Nahi... tumne kafi help kar di hai... par kab tak karogi na...
Disha - Tumhare dimaag mein kya chal raha hai... mere saath seedhe seedhe bol sakte ho na... ya bas mann mein rakh kar use ghutti bana lena hai...
Atul - Kuch bhi toh nahi aisa... main toh bas ye keh raha hoon ki tum bhi toh busy ho...
Disha - You know... yehi tumhari problem hai... Mujhe pata hai tumhare mann mein kya chal raha hai...
Atul - Kya chal raha hai...
Disha - Yehi ki main bhi tumhe chhod kar chali jayungi na...
Atul ne apni nazre doosri aur kar li - Nahi... aisa kuch nahi... aur chali bhi jayogi toh kya farak padta hai...
Disha ne ek gehri saans li - Mujhe pata hai tum kitna uncomfortable feel karte ho mera Vikram ke yahan job karne se...
Atul - Main kyu uncomfortable feel karunga? Tumhari job hai..
Disha - Har baat ka sawal se jawab mat do... woh tum apne aap se pucho...
Atul ne gehri saans li - Haan theek hai... maine socha hai is baare mein... par sirf isliye kyunki maine aur bhi logo se baat kari toh mujhe Vikram ke baare mein kuch cheez pata chali jo woh duniya ko nahi dikhata... tum 4-5 saalo se uski assistant ho... tumhe toh pata hi hoga woh sab shayad...
Disha ne kandhe ucha kar kaha - Haan... shayad... toh?
Atul - Toh... tum meri dost ho... aur main nahi chahta ki tum uske jhamelo mein faso... bas yehi concern hai mera...
Disha ne muskurate hue kaha - Bas yehi concern hai?
Atul - Haan bas yehi...
Disha kuch second ruki aur fir boli - Maine aaj hi resign kar diya hai... main doosri naukri dhoond lungi...
Atul chaunkte hue bola - Kya! Par kyu? Tum toh wahan ache se settled ho...
Disha - Agar tumhe iska jawaab nahi pata toh main nahi bata sakti...
Atul chup ho gaya tha.
Disha ne dheere se kaha - Tum chaho toh mere saath move in kar sakte ho... hum rent aur baaki sab kharcha aadha aadha baat lenge...
Atul ne Disha ki aankhon mein aankh daal kar kaha - Disha... main kuch dino se... ye kehna chahta tha ki...
Disha ne muskurate hue kaha - Hey... ruko ruko... abhi bas rent share ki baat hui... aur kuch nahi...
Atul ab nahi rukne wala tha - Mujhe bolne do please... I really like you... kaash mujhe tum pehle mili hoti... kaash...
Disha chhup ho gayi thi, shayad woh bhi yehi chahti thi - Atul, I like you too... par agar kal ko Supriya tumhari life mein wapis aa gayi toh?
Atul ne apna sir uske sir par tika diya - Supriya kabhi meri life mein aayi hi nahi thi...
Dono ki aankhon se thode se aansu behne shuru ho gaye they. Living room ke ek kone mein Atul ka phone silent par tha aur us par kisi unknown number se call aa rahi thi, jiska shayad use abhi pata bhi nahi tha.
![[+]](https://xossipy.com/themes/sharepoint/collapse_collapsed.png)